பிரேசில் நாட்டில் குடியிருந்து வரும் உலகின் உயரம் குறுகிய ஜோடி தங்களின் நீண்ட 8 வருட காதலுக்கு பின்னர் திருமண பந்தத்தில் இணைய உள்ளனர்.Katyucia Hoshino மற்றும் Paulo Gabriel da Silva Barros ஆகிய இருவரும் எலும்பு வளர்ச்சி குறைபாடு கொண்டவர்கள்.சமூகவலைதளம் ஒன்றில் எதிர்பாராத வகையில் சந்தித்துக்கொண்ட இருவரும் கடந்த 8 ஆண்டுகளாக தங்கள் காதலை வளர்த்து வந்துள்ளனர்.முதலில் நட்பு பாராட்டவே மறுத்து ஒதுங்கி சென்றதாக கூறும் Katyucia பின்னர் Paaulo வின் குணம் தம்மை ஈர்த்ததாகவும், அதனையடுத்து 18 மாதங்களுக்கு பின்னர் தொடர்ந்து சமூகவலைதளம் வாயிலாக தங்கள் கருத்துகளை பகிர்ந்து வந்துள்ளனர்.

இதனிடையே 2 மாதம் தொடர்ந்து பேசி வந்த இருவருக்கும் நேரில் சந்திக்கும் ஆவல் ஏற்பட்டுள்ளது. இதனையடுத்து Paulo தனது வாகனத்தில் 186 கி.மீ. தூரம் தனியாக பயணம் மேற்கொண்டு Katyucia ஐ சந்தித்துள்ளார்.வாழ்க்கையில் முதன் முறையாக மேற்கொண்ட அந்த நெடுந்தூர பயணமும் முதல் சந்திப்பும் தமது வாழ்நாளில் மறக்க முடியாது என கூறும் Paulo, பார்த்த முதல் நொடியிலேயே Katyucia ஐ தமக்கு பிடித்துவிட்டதாக தெரிவிக்கின்றார்.இதனைத் தொடர்ந்து அவரிடம் தமது காதலை தெரிவிக்க பல மாதங்கள் எடுத்துக் கொண்டதாகவும், அவர் எப்படி இதை எடுத்துக் கொள்வார் என்ற பலவித குழப்பங்கள் தமக்குள் இருந்து வந்தது எனவும் அவர் தெரிவித்துள்ளார்.ஆனால் தமது நண்பர்கள் அளித்த ஊக்கத்தை அடுத்தே துணிச்சலுடன் அவரிடம் தமது காதலை வெளிப்படுத்தியதாக கூறும் Paulo, முதலில் ஏற்க மறுத்துள்ளதாகவும் பின்னர் தமது அன்பை அவர் புரிந்து கொண்டு காதலை ஏற்றதுடன், தம்முடன் உணவகங்கள், பூங்கா என பல இடங்களுக்கும் வரவும் செய்தார் என காதலுடன் தெரிவித்துள்ளார் Paulo. பின்னர் இருவரும் இணைந்து எடுத்துக்கொண்ட முடிவின்படி தற்போது ஒரே வீட்டில் தங்கி வருகின்றனர். இருப்பினும் திருமணம் செய்து கொண்ட பின்னரே குழந்தைகள் குறித்து ஆலோசிப்பதாகவும் தெரிவிக்கின்றனர்.மட்டுமின்றி உயரம் கொண்ட எஞ்சிய மக்களை போலவே தங்களின் வாழ்கையையும் அமைத்துக்கொள்ள வேண்டும் என்பதே இருவரின் எண்ணமாகவும் உள்ளது.

http://www.seithy.com/breifNews.php?newsID=163281&category=WorldNews&language=tamil

வாழ்த்துக்கள்

இப்போதெல்லாம் வளந்தவர்களின் காதலே நீண்டநாட்கள் நீடிப்பதில்லை . எட்டுவருடங்கள் காதலித்த குறுகிய ஜோடிக்கு வாழ்த்துக்கள் .

வாழ்த்துக்கள்.