புதிய அரசியலமைப்பில் இதன் பிரதிபலிப்பை காணலாம்

புதிய அர­சி­ய­ல­மைப்பில் இதன் பிர­தி­ப­லிப்பை காணலாம்
 

இலங்­கையின் இன ஒற்­றுமை சமஷ்டி ஆட்­சி­யி­லேயே தங்­கி­யுள்­ளது என்ற கொள்­கையை அடித்­த­ள­மாகக் கொண்டு இலங்­கையின் பிர­தா­ன­மான தென்­னி­லங்கை அர­சி­யல்­கட்­சி­களும் தமிழ்ப் பகு­தி­களின் பிர­தா­ன­மான கட்­சி­களும் ஒரு காலத்தில் சிந்­தித்­தன. இதன் பிர­தி­ப­ல­னாக நாட்டில் இன ஒற்­றுமை குறைந்­த­துடன், இனங்­க­ளுக்­கி­டையே குரோ­தங்­களும் வளர்ச்சி பெற்று இனப்­ப­டு­கொ­லையும் அரா­ஜக சூழ்­நி­லையும் இடம்­பெற்­றன. இன்று அந்­நிலை இல்லை. இன்று அவற்றின் சுரு­திகள் அடங்­கிப்­போ­யுள்­ளன.

ஆயினும், மேற்­படி கொள்­கை­களை அடி­நா­த­மாகக் கொண்ட கட்­சிகள் தம் நிலையில் நின்று மாறி­விட்­ட­தாகக் கூற­மு­டி­யாது. சூழ­லுக்கு அமைய சில கருத்­துக்­களை அவை முன்­வைத்­துள்­ளன. முன்னாள் ஜனா­தி­ப­தி­யான சந்­தி­ரிகா பண்­டா­ர­நா­யக்க எழு­தி­யுள்ள ஒரு கட்­டு­ரையில் பின்­வ­ரு­மாறு தெரி­வித்­துள்ளார்.

“தற்­போது சிலர் ஓலமிடு­கின்­றார்கள். இலங்­கையின் ஒரு­மைப்­பாட்­டுக்கு (Unitary Constitution) பாதிப்பு ஏற்­படப்போகின்­றது என்றும் அதற்­கா­கவே அர­சி­ய­ல­மைப்பு திருத்­தப்­ப­டு­கி­றது என்றும் கூறு­கி­றார்கள். உண்­மையில் நாங்கள் ஏற்றுக்கொண்­டுள்ள கொள்கை என்­ன­வெனில் எமது நாடு ஒரு தேசம் என்றும் இந்த தேசத்­திற்கு எல்லை நாலு பக்­கமும் உள்ள கடல் என்­பது மட்­டுமே என்­றாகும். இவ்­வெல்­லைக்குள் அரச நிர்­வாகம் எப்­படி அமையவேண்டும் என்­பதே ஆரா­யப்­ப­ட­வேண்டும்” என்றும் தெரி­வித்­துள்ளார்.

தற்­போ­தைய ஜனா­தி­பதி மைத்­தி­ரி­பால சிறி­சேன பல­ த­ட­வைகள் கூறி­யுள்­ளது என்­ன­வெனில், “இனப்­பி­ரச்­சி­னைக்குத் தீர்வு அதி­காரப் பகிர்வில் தங்­கி­யுள்­ளது என்றும் தான் தேர்­தலில் கூறி­யது போல் சில பிரச்­சி­னையைத் தீர்ப்­பதில் ஒரு அடி­யேனும் பின்­னுக்குப் போக­மாட்டேன்” என்­று­மாகும்.

இந்­தி­யாவின் பிர­தமர் மிகச் சமீ­பத்தில் கூறி­யுள்­ள­படி இலங்­கையின் இறை­மையைக் காப்­ப­திலும் ஒற்­று­மையைக் காப்­ப­திலும் இந்­தியா துணை நிற்கும்”.

இதேபோல் தமிழ்த் தலை­வர்கள் பலரும் நாடு பிரிக்­கப்­பட்டு சமஷ்டி ஆட்சி ஏற்­ப­டுத்­தப்­பட வேண்டும் என்ற கொள்­கை­யி­னின்றும் தடம் புரண்­டுள்ளோம் என்று மக்கள் கரு­தக்­கூ­டாது என்றும் தற்­போது இலங்­கையில் ஏற்­பட்­டுள்ள சுமு­க­மான அர­சியல் சூழ்­நிலையை சாத­க­மாகப் பயன்­ப­டுத்தி இனப்­பி­ரச்­சி­னையைத் தீர்க்க உதவ வேண்டும் என்ற நிலை­யி­லேயே நாம் கரு­ம­மாற்­று­கிறோம் என்­றாகும். இக்­கூற்று அர­சியல் அறிவின் முதிர்ச்­சி­யையும் சரி­யான வழி­காட்­டு­த­லையும் காட்­டு­கி­றது என்று பலரும் ஏற்றுக்கொண்­டுள்­ளனர். ஆகவே, புதிய அர­சி­ய­ல­மைப்பில் ஒற்­றை­யாட்சி என்ற பிரிவு மாற்­றப்­ப­டக்­கூ­டிய சூழ்­நி­லை­யுண்டு என்று எண்­ணு­வதை விட உச்­ச­மட்ட அதி­கா­ரப்­ப­கிர்வு ஏற்­ப­டக்­கூ­டிய அர­சி­ய­ல­மைப்பு அமையும் என எதிர்­பார்ப்­பதே ஞானோ­த­ய­மாகும். ஆகவே, இக்­கட்­டு­ரையில் கூறப்­ப­டப்­போ­வது இனப் பிரச்­சி­னையைத் தீர்ப்­பதில் அதி­காரப் பகிர்வு எப்­படி அமை­யலாம் என்­ப­தே­யாகும்.

அதி­காரப் பிரிவில் அடிப்­படை இலட்­ச­ணங்கள்

ஜன­நா­யக நாடு­களில் அரச அதி­காரம் மூன்று துறை­க­ளுக்கு பிரிக்­கப்­பட்டு வழங்­கப்­பட்­டுள்­ளது. இலங்­கை­யிலும் இதனைக் காணலாம். அவை சட்­டத்­துறை, ஆட்­சித்­துறை, நீதித்­து­றை­யாகும். ஆகவே மேற்­படி மூன்று துறை­க­ளுமே அரசை நடத்திக் கொண்டு செல்ல வேண்டும். இதனை ஒரு நாடு ஒற்­றை­யாட்­சி­யிலும் சமஷ்டி ஆட்­சி­யிலும் செய்­யலாம்.

இவ்­வ­ி­டத்தில் ஒற்றை ஆட்சி என்றால் என்ன?, சமஷ்டி ஆட்சி என்றால் என்ன என்­பதை ஓர­ளவு புரிந்துகொள்ள வேண்டும். ஒரு நாட்டு அர­சாங்கம் ஒரு பாரா­ளு­மன்­றத்தின் கீழ் ஆக்­கப்­படும் சட்­டத்தின் கீழும் வேறு ஒரு கட்­டுப்­பாடும் இல்­லா­மலும் ஆட்­சியை செய்துகொண்­டு­ போனால் அங்கு ஒற்றையாட்சி நடை­பெ­று­கி­றது என்­பது பொரு­ளாகும். ஆகவே சமஷ்டி ஆட்சி என்­பது அரச அதி­காரம் பிரிக்­கப்­பட்டு அவற்றின் கீழ் ஆக்­கப்­படும் சட்­டங்­களின் கீழ் பல பகு­திகள் சுய­மாக தமது பரிபால­னத்தை செய்­வ­தைக்­ கு­றிக்கும் எனவும் ஒரு­வாறு கூறலாம்.

முழு நாடும் ஒரு ஆட்­சியின் கீழ் இருப்­பது கஷ்டம்

உலகில் பல நாடுகள் தமது முழு நாட்டையும் ஒரு பாரா­ளு­மன்­றத்தின் கீழ் ஆட்சி செய்து கொண்டு போவது கஷ்டம் என தெரி­வித்­துள்­ளன. அவை தமது அதி­கா­ரத்தை அதி­கா­ரி­க­ளுக்கும் உள்­ளூ­ராட்சி மன்­றங்­க­ளுக்கும் மற்றும் அதி­கார சபை­க­ளுக்கும் பிரித்து தமக்குத் தேவை­யான விதி­களை உண்­டாக்கி அதன் மூலம் அவர்­க­ளது கட­மையைச் செய்ய இட­ம­ளித்­துள்­ளதை நாம் காணலாம். இதி­லி­ருந்து பெறப்­ப­டு­வது என்­ன­வெனில் ஒற்­றை­யாட்சி நாடு­களும் நாட்டின் பரி­பா­ல­னத்தை நடத்த தமது அதி­கா­ரத்தை பகி­ரிந்து கொடுக்­கின்­றன என்­றாகும்.

ஆனால், சமஷ்டி ஆட்­சியின் நிர்­வாக முறை இதற்கு மாறா­னது. இச்­ச­மஷ்டி ஆட்­சியில் அதி­காரம் மத்­திய அர­சாங்­கத்­தி­டமும் மாநில அர­சாங்­கங்­க­ளி­டை­யேயும் இருக்கும். இதனால் இங்கு மத்­திய அரசு என்ன என்ன அதி­கா­ரங்­களைக் கொண்­டுள்­ளது என்றும் மாநில அரசு என்ன என்ன அதி­கா­ரங்­களைக் கொண்­டி­ருக்கும் என்றும் அர­சி­ய­ல­மைப்பில் கூறப்­பட்­டி­ருக்கும்.

உலக நாடு­களின் அபிப்­பி­ரா­யப்­படி ஒற்­றை­யாட்சி நாடு­களின் நிர்­வாகம் கஷ்­ட­மா­னதும் குழப்­ப­க­ர­மான சூழலை உரு­வாக்கக் கூடி­ய­தா­கவும் இருக்­கி­றது என்­ப­தாகும். சுபீட்­ச­மா­னதும் அமை­தி­யா­ன­து­மான ஆட்­சிக்கு அதி­காரம் ஓரி­டத்தில் குவிந்­தி­ருக்­காமல் பரந்­தி­ருப்­பது அல்­லது பகிர்வு செய்­வது அவ­சியம் என ஏற்றுக் கொள்­ளப்­பட்­டுள்­ளது.

அதி­காரப்பகிர்வு பற்றி...

இதனை எவ்­வாறு செய்ய வேண்டும்?அதா­வது அதி­காரப்பகிர்வை எவ்­வாறு செய்ய வேண்டும் என்­பதை அர­சாங்­கமும் மக்­களும் தீர்­மா­னிக்க வேண்டும். அவ்­வாறு அதி­கா­ரத்தைப் பங்­கீடு செய்­வது எப்­படி என்­பதைத் தீர்­மா­னிக்க பல வழிகள் உண்டு.

அவை­யா­வன:

ஒரு ஆட்­சிக்குள் மத்­திய அர­சாங்­கத்­திற்­கு­ரிய அதி­கா­ரங்­களை நிர்வாக ரீதி­யாக பகிர்ந்து அளித்தல் மற்றும் அர­சாங்க அதி­கா­ரங்­களை மாகாண மட்­டத்தில் அல்­லது மாநில மட்­டத்தில் அதி­கா­ரப்­ப­கிர்வு செய்தல் என்­ப­ன­வற்றை கூறலாம்.

அப்­ப­டி­யில்லை எனில் சமஷ்­டி­மு­றையில் மத்­திய அர­சுக்கும் மாநில அல்­லது மாகாண அர­சுக்கும் மக்­க­ளது அர­சியல் உரி­மை­களைப் பகிர்ந்து கொடுக்­கலாம். இதன் கீழ் ஒவ்­வொ­ரு­வ­ருக்கும் அவரவர்க்­கு­ரிய அதி­கா­ரங்­களை பயன்படுத்த இடமளிக்­கப்­படும். இது நாட்­டுக்கு நாடு வேறு­ப­டலாம். உதா­ர­ண­மாக, இந்­தியக் கூட்­டாட்சி அமைப்­புக்கும் அமெ­ரிக்க கூட்­டாட்சி அமைப்­புக்கும் இடையே பல வேறு­பா­டு­களைக் காணலாம்.

(அ) அமெ­ரிக்­காவில் இரட்டைக் குடி­யு­ரிமை (Dual Citizenship) உண்டு. இந்­தி­யாவில் ஒரே ஒரு குடி­யு­ரிமை மட்­டு­மே­யுண்டு.

(ஆ) இந்­திய குடி­மக்கள் எங்கே வாழ்ந்­தாலும் அவர்கள் அனை­வரும் சட்­டத்தின் முன் ஒரே மாதி­ரி­யா­கவே கரு­தப்­ப­டு­வார்கள்.

(இ) அமெ­ரிக்­காவில் ஒவ்­வொரு மாநி­லமும் தமக்­கு­ரிய அர­சி­ய­ல­மைப்புச் சட்­டத்தை இயற்றிக் கொள்­ளலாம். ஆனால் அத்­த­கைய அதி­காரம் இந்­தி­யாவில் உள்ள மாநில அர­சு­க­ளுக்கு இல்லை.

மேலே கூறி­ய­வற்றைப் பார்க்கும் போது சமஷ்டி ஆட்சி என்­பது எல்லா நாட்­டிலும் ஒரே மாதிரி இல்லை. நாட்­டுக்கு நாடு தேவை­யான படி தேர்ந்­தெ­டுத்துக் கொள்­ளலாம். இலங்கை விரும்பின் அப்­படிச் செய்து கொள்­ளலாம்.

இலங்கை மக்கள் வடக்கு, கிழக்கில் மொழி­யாலும் கலை, கலா­சா­ரத்­தாலும் பண்­பாட்­டாலும் மற்றும் பூகோ­ள­ரீ­தி­யாலும் தென்­னி­லங்­கையில் இருக்கும் மக்­க­ளி­லி­ருந்து வேறு­ப­டு­கின்­றனர். ஆகவே அவர்­களும் தென்­னி­லங்கை மக்­களும் வெவ்­வேறு குணாம்­சங்­களைக் கொண்­டுள்­ளதால் இரு பகு­தியும் நாட்டைப் பிரிக்­கா­மலே சமஷ்டி முறையை தேவை­யானால் ஏற்றுக்கொள்­ளலாம். அல்­லது ஒற்­றை­யாட்­சிக்குள் உச்ச அதி­காரப் பகிர்வைச் செய்து கொள்­ளலாம்.

இவ்­வி­டத்தில் முக்­கி­ய­மான ஒரு விட­யத்தைக் கவ­னிக்க வேண்டும். ஒற்றை ஆட்­சிக்குள் அதி­காரப்பகிர்வை அடிப்­ப­டை­யாகக் கொண்டு மாகாண மட்­டத்தில் ஆட்சி செய்யும் போது கீழ்­நி­லையில் உள்­ள­வர்­க­ளான அதி­கா­ரி­க­ளுக்கு கொள்­கை­களை வகுக்கும் அதி­காரம் வழங்­கப்­ப­டு­வ­தில்லை. இத­னா­லேயே பல பிரச்­சி­னைகள் ஏற்­ப­டு­கின்­றன. இதனைத் தீர்க்­கலாம்.

உதா­ர­ண­மாக, 1987 ஆம் ஆண்டு ஆரம்­பிக்­கப்­பட்ட மாகாண சபை­க­ளுக்கு சில அதி­கா­ரங்கள் மத்­திய அர­சுக்கு கட்­டுப்­ப­டாமல் செய்­வ­தற்கு வழங்­கப்­பட்­டுள்­ளன. உதா­ர­ண­மாக, மாகாண சபை நிரல்கள் என அழைக்­கப்­படும் நிரல்­க­ளுக்குள் வரும் விட­யங்கள் சம்­பந்­த­மாக மாகாண சபைகள் இயற்றும் நியதிச்சட்­டங்­களில் தலை­யிட மத்­திய அர­சுக்கு அதி­கா­ர­மில்லை.

அதேபோல் ஒரு மாகாண சபை எல்­லைக்குள் உள்ள உள்­ளூ­ராட்சி சபை­களின் நிர்வா­கத்தைக் கலைக்க மாகாண சபை­க­ளுக்கு மட்­டுமே அதி­காரம் உண்டு. உள்­ளூ­ராட்சி சபைகள் தமது கொள்­கையை வகுத்து நடை­மு­றைப்­ப­டுத்­தலாம். மாகாண சபைக்கே அவை பொ­றுப்புக்கூற வேண்டும். ஆகவே அதி­கா­ரி­க­ளுக்கு கொள்கை வகுக்கும் அதி­கா­ரத்தை கொடுப்­பதை விட மக்கள் பிர­தி­நி­தி­க­ளுக்கு அதனைக் கொடுப்­பதே சிறப்பு. இதனை அதி­காரப்பகிர்வின் மூலமும் செய்­யலாம்.

13 ஆவது அர­சி­ய­ல­மைப்பு சீர்­தி­ருத்­தத்தின் கீழ் அதி­காரப் பகிர்வு

இலங்கை – இந்­திய உடன்­ப­டிக்­கையின் கீழ் இலங்கை அர­சி­ய­ல­மைப்­புக்கு 13 ஆவது அர­சி­ய­ல­மைப்பு சீர்­தி­ருத்தம் கொண்டுவரப்­பட்­டது. இதன்கீழ் இலங்­கையின் மாகா­ணங்­க­ளுக்கும் ஒவ்­வொரு மாகா­ண­சபை ஏற்­ப­டுத்­தப்­பட்­டது. வடக்கு, கிழக்கு மாகாணங்கள் இரண்­டையும் இணைத்து ஒரு மாகாண சபை ஏற்­ப­டுத்­தப்­பட்­டது. பின்னர் நீதி­மன்­றத்தின் தீர்ப்புப் படி இம்­மா­காண சபையின் இணைப்பு ரத்துச் செய்­யப்­பட்டு வடக்­குக்கு ஒன்றும் கிழக்­குக்கு ஒன்­று­மாக தனித்­தனி மாகாண சபைகள் ஏற்­ப­டுத்­தப்­பட்­டுள்­ளன.

இம்­மா­காண சபை­க­ளுக்கு அந்­தந்த மாகாண சபை­களின் நியா­யா­திக்­கத்தின் கீழ் உள்ள பகு­தி­களின் சட்­ட­மாக்கல் தத்­துவம், ஆட்­சித்­துறைத் தத்­துவம் வழங்­கப்­பட்­டுள்­ளது. பின்னர் அவை ஆக்­கிய சட்­டங்­களின் நீதி­மன்ற தத்­து­வமும் வழங்­கப்­பட்­டது. மாகாண நீதி­மன்­றங்கள் மேற்­படி 13 ஆவது அர­சியல் யாப்பின் 9 ஆம் பிரிவின் கீழ் உள்­ள­படி மேற்­படி மாகாண சபை­க­ளுக்கு மத்­திய அரசின் அதி­கா­ரத்­திலும் ஆட்­சி­யிலும் உள்ள அதி­கா­ரங்கள் பகிர்ந்­த­ளிக்­கப்­பட்­டுள்­ளன. எனினும், சில அதி­கா­ரங்கள் பகி­ரப்­ப­டாமல் மத்­திய அர­சி­டமே விடப்­பட்­டன. மாகாண சபை நிரல் என அழைக்­கப்­படும் நிர­லுக்­குள்­ளவை மட்­டுமே மாகா­ண­ச­பைக்கு பகிர்ந்தளிக்கப்பட்டன.

ஒருங்­கிணை நிர­லுக்குள் உள்ள (அதி­கா­ரங்கள்) விட­யங்­களைப் பொறுத்­த­வ­ரையில் மாகாண சபையும் மத்­திய அரசும் சட்­டங்­களை இயற்­றலாம். ஒரு விட­யத்தில் இரண்டு சபைகளும் சட்­டத்தை ஆக்­கினால் மாகாண சபை ஆக்­கிய சட்­டத்­துக்கே கூடிய அதி­காரம் உண்டு. தற்­கா­லி­க­மாக அவ்­வி­டயம் சம்­பந்­த­மாக மத்­திய அரசு ஆக்­கிய சட்டம் தற்­கா­லி­க­மாக இடைநிறுத்­தப்­ப­டலாம். ஆயினும் நீதி­மன்றத் தீர்ப்­புக்கள் இவ்­வ­தி­கா­ரத்தைக் குறைத்துக் காட்­டி­யுள்­ளன. ஆகவே இந்­நி­ரலில் உள்ள விட­யங்­களை இரத்துச்செய்து ஒருங்­கிணை நிரல் என ஒன்று தேவை­யில்லை என சிலர் வாதா­டு­கின்­றனர். இந்­தி­ய­நிலை இதற்­கு ­வேறா­னது. இன்­னு­மொரு நிரல் ஒதுக்­கிய நிர­லாகும். இதன் கீழ் உள்ள விட­யங்­களை மத்­திய அரசு மட்­டுமே இயற்­றலாம்.

13 ஆவது அர­சி­ய­ல­மைப்பு சீர்­தி­ருத்­தத்தின் கீழ் அமைக்­கப்­பட்ட மாகாண சபை­களின் செயற்­பா­டு­க­ளுக்கும் ஒருங்­கிணை நிரலில் உள்ள விட­யங்கள் சம்­பந்­த­மாக மாகாண சபை இயற்­றிய சில சட்­டங்கள் சம்­பந்­த­மா­கவும் மத்­திய அர­சுக்கும் மாகாண சபைக்கும் கருத்து வேறு­பாடு ஏற்­படத் தொடங்­கி­யது. நீதி­மன்­றத்­தீர்ப்­புக்கள் மாகாண சபை­களின் அதி­கா­ரத்தை விட மத்­திய அரசின் சட்­டங்கள் மேல் உயர்ந்­தவை என்று எண்­ணக்­கூ­டிய தீர்ப்பை வழங்­கின. இதனால் மாகாண சபை­க­ளுக்கு வழங்­கிய அதி­காரப்பகிர்வு ஒரு போலி­யா­னது என்ற எண்ணம் அர­சியல் கட்­சி­க­ளிடம் வளரத் தொடங்­கி­யது.

13 ஆவது அர­சி­ய­ல­மைப்பின் கீழ் அதி­காரப் பகிர்வு சில முக்­கிய விட­யங்­களை அடக்­கி­யுள்­ளது. விசே­ட­மாக பொலிஸ் அதி­காரம், காணி அதி­காரம் என்­பன. ஆனால் அவை உரிய முறையில் மாகாண சபை­க­ளுக்கு வழங்­கப்­பட­வில்லை.

மேலும், மாகாண மக்­களால் தெரிவுசெய்­யப்­படும் மாகாண சபை­களை கலைக்கும் அதி­காரம் மாகாண ஆளு­நர்­க­ளுக்கு வழங்­கப்­பட்­டுள்­ள­மையும் அதி­காரப் பகிர்­வுக்கு ஏற்­பு­டை­யா­ன­தாக கொள்ள முடி­யாது.

ஆகவே, தற்­போது அமுலில் உள்ள அதி­காரப்பகிர்வு பரி­பூ­ர­ண­மா­னது என கூற­முடி­யாது. ஆகவே, புதிய அர­சி­ய­ல­மைப்பில் தற்­போது உள்ள குறை­பா­டுகள் நீக்­கப்­பட்டு அதி உச்ச அதி­காரப்பகிர்வு வழங்­கப்­பட வேண்டும் என எல்­லோரும் விரும்­பு­கின்­றனர்.

அதி­காரப்பகிர்வு சம்­பந்­த­மாக எதிர்ப்­ப­வர்கள் கூறும் காரணம்

தற்­போது அர­சியல் கட்­சிகள் அதி­காரப் பகிர்­வுக்கு எதி­ராகக் கூறும் சில கார­ணங்கள், அவை போலி­யா­னவை எனக் கண்­டு­கொள்ளலாம்.

1. மாகாண சபை­க­ளுக்கு காணியை பகிரும் உரி­மையை வழங்­கு­வது

2. பொலிஸ் அதி­கா­ரங்­களை வழங்­கு­வது.

3. வடக்கு, கிழக்கு மாகா­ணங்­களில் உள்ள தரிசுநிலங்­களை பிர­யோ­ச­னப்­ப­டுத்த முடி­யாமல் இருப்­பது.

4.மத்­திய அரசை ஆலோ­சிக்­காமல் வியா­பார மத்­திய நிலை­யங்­களை உரு­வாக்­குதல்.

5. மாகா­ணங்­க­ளுக்­கி­டையே வரியை அற­விடுதல்.

6. வெளி­நாட்டு உதவி

சில அர­சி­யல்­வா­திகள் இவற்றைக் கூறு­வதன் மூலம் நாடு இரண்­டா­கப்­ பி­ரிய இட­முண்டு என போலி­யான தர்க்­கத்தை அவர்கள் முன்­வைக்­கின்­றனர். சாதா­ரண பொது மக்கள் பல சகாப்­தங்­க­ளாக ஒரே ஆட்­சியின் கீழ் (ஒற்­றை­யாட்­சியின் கீழ்) வசித்துப் பழ­கி­ய­வர்கள். ஆகவே இன்­னு­மொரு அரசு மாகாண மட்­டத்தில் வரப்­போ­கி­றது என கூறியவுடன் பயம்­கொள்­வது சகஜம். ஆகவே அவற்றை நீக்க வேண்டும். இதனை அறி­வா­ளி­களும் மக்கள் அபி­மானம் பெற்­ற­வர்­களுமே செய்­யலாம். அர­சியல்வாதிகள் செய்ய முடி­யாது.

மக்­க­ளுக்கு தெரி­விக்க வேண்­டி­யவை

மக்­க­ளுக்கு பின்­வரும் கருத்தை அவர்கள் அறி­வு­றுத்த வேண்டும். அதி­காரப்பகிர்வு என்­பது ஒரு புதிய முறை­யல்ல. இது ஆதி­கா­லத்தில் இருந்தே நடை­மு­றையில் உள்ள ஒரு விடயம். கிராம சபை, நகர சபை, மாந­கர சபை என நிறு­வ­னங்கள் அமைக்­கப்­பட்டு அவற்றின் மூலம் சட்­ட­வி­திகள் உண்­டாக்­கப்­பட்டு அவற்றின் பகு­திகள் பரி­பா­லிக்­கப்­ப­டு­வதை அவர்­க­ளுக்கு காட்ட வேண்டும். முன்னர் வன்­னியார், முகாந்­திரம், நில­மையார் ஆகியோர் மூலம் தென்­னி­லங்­கையில் உத்­தி­யோ­கத்­தர்கள் நிய­மிக்­கப்­பட்டு அரச அதி­காரம் செலுத்தி வந்­தனர். அவர்கள் பாவித்­தது அரசின் அதி­கா­ரமே என்­பதை மக்­க­ளுக்கு உணர்த்த வேண்டும். யாழ்ப்­பாணம் மற்றும் சில பகு­தி­களும் பரி­பா­லிக்­கப்­பட்டு வந்­தது வன்­னி­யர்­களின் மூலம் என்­பது காட்­டப்­பட வேண்டும்.

வெளி­நாட்­டவர் இலங்­கையைக் கைப்­பற்­றிய போதும் அவர்­க­ளது ஆட்சி மிகக் குறு­கிய காலமே நிலைத்­தி­ருக்க முடிந்­தது. ஆகவே பிறரின் ஆட்சி ஏற்­படும் எனப் பயப்­படத் தேவை­யில்லை. ஏற்­பட்­டாலும் மிகக் குறு­கிய காலமே அது இருக்க முடியும்.

ஆகவே, அதி­காரப்பகிர்வு என்­பது இலங்­கையில் மிகச் சமீப காலத்தில் ஏற்­ப­ட­வில்லை. 21ஆம் நூற்­றாண்­டி­லி­ருந்து இலங்­கையின் பரி­பா­லனம் பற்றி நிய­மிக்­கப்­பட்ட குழுக்கள் அனைத்தும் அதி­காரப்பகிர்­வையே சிபார்சு செய்­தன. மேலும், இங்கு அதி­காரப்பகிர்வை சிபார்சு செய்­த­வர்கள் அனை­வரும் இனப்­பிரச்­சி­னைக்கு அதி­காரப்பகிர்வே ஒரே வழி என தெரி­வித்­தி­ருந்­தனர்.

ஆகவே, பல வரு­ட­கா­ல­மாக இனப்­பி­ரச்­சி­னையை தீர்க்­க­வுள்ள ஒரேவழி அதி­காரப் பகிர்வு என்றே சுட்டிக் காட்­டினர்.

சிலர் அதி­காரப்பகிர்வின் நன்மை பற்றிக் கூறும் பொழுது அர­சியல்ரீதி­யாகத் தமது பத­வியைத் தக்கவைத்­துக் ­கொள்ள விரும்­பு­பவர்கள் அதற்கு முர­ணான கருத்­தையே முன்­வைக்­கின்றார். ஆனால், அதி­காரப்பகிர்வு என்­பது அரசின் அதி­கா­ரங்­களை மிகப்பிர­யோச­ன­மான முறையில் நடத்­திட உள்ள ஒரே வழி­யாகும். மாகாண மட்­டத்தில் உள்ள மக்­களும் நாட்டின் நிர்­வா­கத்தில் பங்கு கொள்ளும் வண்ணம் அவர்­க­ளது கருத்­தையும் தலை­மை­யையும் கைய­ளிக்­கக்­கூ­டிய ஒரே வழி இந்த அதி­காரப்பகிர்­வே­யாகும். மாகாண மட்­டத்தில் உள்­ள­வர்­களின் திறனைப் பெறக் கூடி­ய­தாக இருப்­ப­துடன், நாட்டிள் பொரு­ளா­தார வளத்­திற்கும் அவர்­க­ளது உத­வி­யையும் பெறக்­கூ­டி­ய­தா­யி­ருக்­கின்­ற­துடன் நாட்டின் ஒற்­று­மைக்கும் பால­மாக அமை­கி­றது.

தொகுப்­புரை

இலங்கை அர­சி­ய­ல­மைப்பு மிக விரைவில் வெளி­வ­ர­வி­ருக்­கி­றது. இதனை எப்­ப­டி­யா­வது தடுத்துநிறுத்த வேண்டும் என சிலர் கங்­கணம் கட்டி செயற்­பட்டு வரு­வதை நாம் காணலாம். ஆனால் அவ்­வாறு நடை­பெ­ற­மாட்­டாது என கூறலாம்.

நாட்டின் பெரும்­பான்­மை­யான பொது மக்கள் நாட்டில் அமை­தியும் சமா­தா­னமும் பொரு­ளா­தார வளமும் நிலைத்­தி­ருக்க வேண்டும் என்­ப­தை­யுமே விரும்­பு­கின்­றனர். இத­னால்தான் சில அர­சியல் கட்­சிகள் நடத்தும் எதிர்ப்­பு­க்க­ளுக்கு ஆத­ரவு அளிக்­காமல் இருக்­கி­றதை நாம் காணலாம்.

இலங்­கையில் உள்ள அதி­கா­ரப்­ப­கிர்வு 13 ஆவது அர­சி­ய­ல­மைப்பின் கீழ் ஏற்­ப­டுத்­தப்­பட்­ட­தே­யாகும். இனரீதி­யான பிரச்­சி­னைக்கு தீர்வு காண இவ்­வ­தி­காரப்பகிர்வு என்­பதை இலங்கை அரசும் இந்­திய அரசும் ஏற்­றுக்­கொண்­டதால் இப்­ப­கிர்வு ஏற்­ப­டுத்­தப்­பட்­டது. ஆனால், நடை­மு­றையில் இதற்கு பல தடைகள் ஏற்­பட்­டன. சட்­ட­வி­யாக்­கி­யா­னங்கள், உள்­நாட்டில் நில­விய குழப்பம் என்­பன மிக முக்­கிய கார­ணங்­களாய் இருந்­தன. இதனால் மீண்டும் பழைய பிரச்­சினை உக்­கி­ர­ம­டையத் தொடங்­கி­யது. அதி­காரப்பகிர்வு மிக அவ­சியம் என உண­ரப்­பட்­டது.

இதன் பய­னாக புதிய அர­சி­ய­ல­மைப்பை உரு­வாக்கும் போது இனப்­பி­ரச்­சினைத் தீர்­வுக்கு உச்ச அதி­காரப் பகிர்வு செய்­யப்­படும் என எதிர்­பார்க்கை பல­ராலும் எதிர்­பார்­கப்­ப­டு­கி­றது.

முன்னர் அதி­கா­ரப்­ப­கிர்வை எதிர்த்­தவர் பலர் இன்று அதனை வர­வேற்­கின்­றனர். ஆகவே இந்த அர­சி­ய­ல­மைப்பில் உச்ச அதி­காரப்பகிர்வு இடம்­பெ­றலாம் என எதிர்­பார்க்­கப்­ப­டு­கி­றது.

தற்­போ­தைய அதி­கா­ரப்­ப­கிர்வில் பல குறை­பா­டுகள் உள்­ளன. விசே­ட­மாக, மக்­களால் தெரிவுசெய்­யப்­பட்ட பிர­தி­நி­தி­க­ளுக்கு அளிக்­கப்­படும் ஸ்தானம் உறு­தி­யுள்­ள­தாக இல்­லாமல் இருக்­கி­றது. இந்­தி­யாவில் 356 ஆம் பிரிவின் கீழ் மாநில அரசை மத்­திய அரசு கலைக்கவேண்­டு­மானால் சில அர­சியல் சூழ்­நிலை அங்கு நிலவ வேண்டும் என இந்­திய அர­சியல் சட்டம் கூறு­கி­றது. அத்­த­கைய பாது­காப்பு இலங்­கையில் மாகாண சபை­களை கலைக்கும் போது இருக்க வேண்டும் என்ற விதி­யில்லை.

காஷ்மீர் சட்­ட­ச­பையை கலைக்க வேண்­டு­மானால் முத­ல­மைச்­சரின் வேண்­டு­கோளின் கீழேயே சட்­ட­ச­பையை ஆளுநர் கலைக்­கலாம். இலங்­கை­யிலும் இத்­த­கை­ய­தொரு விதி ஏற்­ப­டுத்­தப்­ப­ட­வேண்டும். உச்ச அதி­காரப்பகிர்வு சமஷ்­டிக்கு இணை­யான அதி­காரப்பகிர்வு என்­பதால் இதில் கரி­ச­னை­யுள்­ள­வர்கள் இதனை கவ­னத்தில் எடுக்க வேண்டும்.

 

 

http://epaper.virakesari.lk:8080/home/index?editionId=13&editionDate=10/08/2016