நுவான் குலசேகர கைது (UPDATE)

 

 

இலங்கை அணியின் வேகப்பந்து வீச்சாளரான நுவான் குலசேகர, கடுவலையில் ஏற்பட்ட விபத்து சம்பவமொன்றில் சந்தேகத்தின்பேரில் கைதுசெய்யப்பட்டுள்ளதாக பொலிஸார் தெரிவிக்கின்றனர்.

அவர் செலுத்திய கார், மோட்டார் சைக்கிள் மீது மோதி விபத்துக்குள்ளானதில் மோட்டார் சைக்கிளில் பயணித்தவர் பலியாகியுள்ளார்.

கண்டி -கொழும்பு பிரதான வீதியில் கடுவலை ரன்முத்துகல பிரதேசத்தில் இந்த விபத்து ஏற்பட்டுள்ளது.

கொழும்பு நோக்கி பயணித்த 28 வயதுடைய இளைஞனே பலியாகியுள்ளதுடன் நுவான் குலசேகரவும் கொழும்பு நோக்கி பயணித்தபோதே அந்த விபத்து நிகழ்ந்துள்ளது.

விபத்து தொடர்பான மேலதிக விசாரணைகளை பொலிஸார் முன்னெடுத்துள்ளனர்.

- See more at: http://www.tamilmirror.lk/182220/ந-வ-ன-க-லச-கர-க-த-UPDATE-#sthash.eCpoWDKP.dpuf

Edited September 19, 20169 yr by நவீனன்

நுவன் குலசேகரவிற்கு பிணை

கடவத்தையில் இடம்பெற்ற விபத்து சம்பவம் தொடர்பில் கைதுசெய்யப்பட்ட இலங்கை கிரிக்கெட் அணியின் வேகப்பந்து வீச்சாளர் நுவன் குலசேகரவிற்கு சற்று முன்னர் பிணை வழங்கப்பட்டுள்ளதாக இலங்கை கிரிக்கெட் சபை தெரிவித்துள்ளது.

http://newsfirst.lk/tamil/2016/09/நுவன்-குலசேகரவிற்கு-பிணை/

குலசேகரவின்  வாகனத்தில் மோதி உயிரிழந்தவர் அவரது நண்பர் ; வெளியாகும் அதிர்ச்சி தகவல்

 

 

நுவான் குலசேகரவின்  வாகனம் மோதி நேற்று (19) அரவிந்த என்ற 28 வயதான இளைஞர் ஒருவர்  உயிரிழந்தார்.

விபத்து சம்பவம் தொடர்பில்  நுவான் குலசேகரவும் கைதுசெய்யப்பட்டு, பிணையில் விடுதலை செய்யப்பட்டுள்ளார்.

இந்நிலையில் குலசேகரவும், உயிரிழந்த அரவிந்த என்பவரும் ஏற்கனவே பழக்கமானவர்கள் என தற்போது புதிய செய்தி ஒன்று வெளியாகியுள்ளது.

இதனை அரவிந்தவின் உறவினர் ஒருவர் தனது பேஸ்புக் பக்கத்தில் பதிவுசெய்துள்ளார்.

இவர் தனது பேஸ்புக் பக்கத்தில், தான் அரவிந்தவின் உறவினர் என்று குறிப்பிட்டுள்ளதோடு, குலசேகரவும், அரவிந்தவும் ரன்பொகுனகமவில் ஒன்றாக கிரிக்கெட் விளையாடியவர்கள் என குறிப்பிட்டுள்ளார்.

குலசேகர நிட்டம்புவ ரன்பொகுனகம பகுதியைச் சேர்ந்தவரென்பதோடு, ரன்பொகுனகம மஹா வித்தியாலயத்தில் கல்வி கற்றுள்ளார்.

 இந்நிலையில் அவர் வீட்டுக்கு சென்று திரும்பிய போது குறித்த விபத்து இடம்பெற்றுள்ளமை குறிப்பிடத்தக்கது.

http://www.virakesari.lk/article/11556