பல வாரங்களாக உடல் நலக் குறைவினால் அப்பலோ மருத்துவமனையில் அனுமதிக்கப்பட்டு சிகிச்சைபெற்றுவரும் தமிழக முதலமைச்சர் செல்வி ஜெயலலிதாவை நலம் விசாரிப்பதற்காக ஈழத்தமிழர் குழுவொன்று அப்பலோ மருத்துவமனைக்குச் சென்று ஜெயலலிதாவின் நலன் தொடர்பாக விசாரித்துள்ளது.

ஈழத் தமிழர் நட்புறவு மையம் சார்பாக திரு காசியானந்தன் தலைமையில் ஈழத் தமிழர்களான சிவம் மற்றும் திருநாவுக்கரசு ஆகியோர் கொண்ட குழுவினரே இன்று முற்பகல் 11.30 மணியளவில் அப்பலோ மருத்துவமனைக்குச் சென்று ஜெயலலிதாவின் நலன் குறித்து விசாரித்துள்ளனர்.

அப்பலோ மருத்துவமனையில் அதிமுகவின் மூத்த உறுப்பினர்களைச் சந்தித்த இக்குழு, முதலமைச்சரின் உடல் நலன் குறித்து விசாரித்தது. அத்துடன் இச்சந்திப்பு அரை மணித்தியாலங்கள் வரை நீடித்ததாகவும் தெரிவித்துள்ளனர்.

மேலும். ஈழத்தில் நடைபெற்ற படுகொலை, தனிநாட்டுக்கான பொது வாக்கெடுப்பு, தனித்தமிழீழமே தீர்வு மற்றும் பல தீர்மானங்களை சட்டசபையில் நிறைவேற்றிய தமிழக முதலமைச்சர் விரைவில் குணமடைந்து தமிழ்நாட்டு மக்களுக்கும் ஈழத்தமிழ் மக்களுக்கும் சேவையாற்றவேண்டுமென ஈழத் தமிழர் சார்பில் கேட்டுக்கொள்ளப்பட்டது.

http://thuliyam.com/?p=45088

 

நல்ல விடயம்!