யுத்­தத்தால் பாதிக்­கப்­பட்ட வடக்கு, கிழக்கு மக்­க­ளுக்கு வரப்­பி­ர­சா­த­மாக அமை­ய­வுள்ள சட்ட திருத்தம்

 

சட்­டத்­த­ரணி எம்.ஏ.எம். ஹக்கீம் 
(சிரேஷ்ட விரி­வு­ரை­யாளர் 
சட்­ட­பீடம், - கொழும்புப் பல்­க­லைக்­க­ழகம்)

 

யுத்­தத்­திற்குப் பின்­ன­ரான சமா­தான சூழலில் மக்கள் நாட்டின் எப்­பா­கத்­திற்கும் செல்­வ­தற்கும், தமது காணி­களில் குடி­யி­ருப்­ப­தற்கும் வாழ்­வா­தாரக் காணி­களை மீளப்­பெ­று­வ­தற்­கு­மான சந்­தர்ப்பம் எழுந்­துள்­ளது. ஆனால் வடக்கு மற்றும் கிழக்கு மாகாண மக்­க­ளுக்குச் சொந்­த­மான காணிகள், வீடுகள், ஏனைய கட்­டி­டங்கள் மற்றும் விவ­சாய நிலங்­களில் ஏரா­ள­மா­னவை கைவிடப்­பட்ட நிலையில் உள்­ளன.

இரா­ணு­வத்தின் அதி­யுயர் பாது­காப்பு வலயம், தம்­மு­டைய ஆத­னங்­களை இனங்­கண்டு கொள்­ள­மு­டி­யாமை, உரிய ஆவ­ணங்கள் அல்­லது பதி­வே­டுகள் அழிந்­து­ போ­யுள்­ளமை, அந்த ஆத­னங்­களில் வேறு ஆட்கள் குடி­யி­ருக்­கின்­றமை, விவ­சாய நிலங்­களில் பிறரால் பயிர்ச்­செய்கை மேற்­கொள்­ளப்­ப­டு­கின்­றமை உள்­ளிட்ட பல்­வேறு பிரச்­சி­னை­க­ளுக்கு மக்கள் முகங்­கொ­டுத்து வரு­கின்­றனர்.

இவ்­வா­றான பிரச்­ச­ினை­களை ஓர­ள­வா­வது தீர்க்கும் நோக்­கத்தில், புதிய அர­சாங்­க­மா­னது ஆட்­சி­யு­ரிமைக் கட்­டளைச் சட்­டத்தின் பிரிவு 3 இனு­டைய ஏற்­பா­டு­க­ளா­னவை குறிப்­பாக இரண்டு வரு­டங்­க­ளுக்கு விசேட ஏற்­பாட்டுச் சட்­டத்தின் மூல­மாக நிறுத்தி வைத்­துள்­ளது. எனவே குறித்த சட்ட ஏற்­பாடு யுத்­தத்­தினால் பாதிக்கப்­பட்ட வடக்கு மற்றும் கிழக்கு மக்­க­ளுக்கு வரப்­பி­ர­சா­த­மாக அமை­யலாம்.

 

ஆதன உரிமை அல்­லது சொந்தம் கிடைக்கும் வழி­மு­றைகள்

காணி, வீடு மற்றும் கட்­டடங்கள் போன்ற நகர்த்திச் செல்­ல­ மு­டி­யாத ஆத­னங்­களை அசையா ஆத­னங்கள் என்று குறிப்­பி­டலாம். இத்­த­கைய ஆத­னங்­களை சொந்தம் கொள்­வ­தற்கு பின்­வ­ரு­கின்ற சில வரை­ய­றுக்­கப்­பட்ட வழி­மு­றை­களே காணப்­ப­டு­கின்­றன:

அ) பணத்­தொ­கை­யொன்­றுக்கு அல்­லது நன்­கொ­டை­யாக அசையா ஆத­னத்தைக் கைமாற்றல்

ஆ) காணி­யற்­றோ­ருக்கு வழங்­கப்­ப­டு­கின்ற அரச காணி அளிப்­புக்கள்

இ) வாரி­சு­ரிமை மூல­மாகப் பெறப்­ப­டு­கின்ற அல்­லது பரம்­பரை அசையா ஆத­னங்கள்

ஈ) ஆட்­சி­யு­ரிமை மூல­மான ஆதன உடை­மையால் ஏற்­ப­டு­கின்ற ஆதன உரித்து பணத்­தொ­கை­யொன்­றுக்கு அல்­லது நன்­கொ­டை­யாக அசையா ஆத­னத்தைக் கைமாற்றல் பணத்­தொ­கை­யொன்றைச் செலுத்தி, காணி கட்­ட­டங்­களைக் கொள்­வ­னவு செய்­கின்­ற­போது பின்­பற்­றப்­பட வேண்­டிய கட்­டாய விதி­மு­றை­களை மோசடி தவிர்ப்­புக் ­கட்­டளைச் சட்டம் விதந்­து­ரைக்­கின்­றது. ஏனெனில், சட்டம் விதித்­துள்ள முறையில் ஆத­னக் ­கை­மாற்றம் இடம்­பெற்­றி­ருக்­கா­த­போது, பாதிக்­கப்­பட்­டவர் அல்­லது ஏமாற்­றப்­பட்­டவர் சட்­டத்தின் கீழான அவ­ருக்­குள்ள நிவா­ர­ணத்தைக் கோரிப் ­பெ­ற­மு­டி­யாது அல்­லது நிவா­ரணம் பெறு­வது மிகவும் சிர­ம­மான விட­ய­மொன்­றாகும். மோசடி தவிர்ப்புக் கட்­டளைச் சட்­டத்தின் இரண்டாம் பிரி­விற்­கி­ணங்க, காணி கட்­ட­டங்கள் போன்ற அசையா ஆத­னத்தைக் கைமாற்­று­கின்­ற­ போது (அதா­வது விற்றல், வாங்­குதல், கைமாற்­றுதல், ஒப்­ப­டைத்தல் அல்­லது ஈடு­வைத்தல்) எழுத்­து­மூ­ல­மா­கவும், அந்தக் கைமாற்­றத்தை மேற்­கொள்­ளு­ப­வரின் கையொப்­பத்­து­டனும், அனு­ம­திப்­பத்­தி­ர­மு­டைய பிர­சித்த நொத்­தா­ரிசு ஒருவர் முன்­னி­லையில், இரண்டு அல்­லது இரண்­டிற்­க­தி­க­மான சாட்­சி­க­ளுடன் அனை­வரும் ஒரே நேரத்தில் ஒன்­றா­யி­ருந்து செய்­யப்­பட்­ட­தாக அந்த நொத்­தா­ரி­சினால் சான்றுப்படுத்­தப்­பட்டால் மாத்­தி­ரமே அத்­த­கைய கைமாற்றம் சட்ட வலி­து­டை­ய­தாக அமையும்.

மேலும், குறிப்­பிட்ட ஆத­னத்தின் அக்­கால சந்­தை­ வி­லையை விட அரை­வா­சிக்கும் குறை­வான விலையில் ஆத­ன­மொன்றை ஒருவர் கொள்­வ­னவு செய்­ய­ மு­டி­யாது என்ற சட்­ட­வி­தியும் காணப்­ப­டு­கின்­றது. அவ்­வா­றான சந்­தர்ப்­பங்­களில், பாதிக்­கப்­பட்­டவர் தாம் ஏமாற்­றப்­பட்­டி­ருப்­ப­தாகக் கூறி, சட்­டத்­தின்­ கீ­ழான பாது­காப்­பினை அல்­லது நிவா­ர­ணத்தைப் பெற்­றுக்­கொள்­ளவும் முடியும். அத்­துடன், பரா­ய­ம­டை­யா­த­வர்­க­ளுக்குச் சொந்­த­மான அல்­லது சித்த சுவா­தீ­ன­மற்­ற­வர்­க­ளு­டைய ஆத­னங்­களின் கைமாற்­ற­மா­னது சட்­டத்­தினால் விதித்­து­ரைக்­கப்­பட்ட நட­ப­டி­மு­றைகள் பின்­பற்­றப்­ப­டாது மேற்­கொள்­ளப்­ப­டு­மாயின் அத்­த­கைய கைமாற்­றமும் செல்­லு­ப­டி­யற்­ற­தாகும். அச்­சு­றுத்தி அல்­லது ஏமாற்றிச் செய்­யப்­ப­டு­கின்ற அசையா ஆதனக் கைமாற்­றங்­களும் அவ்­வாறு நடை­பெற்­ற­தாக அவை நிரூ­பிக்­கப்­ப­டு­கின்­ற­போது செல்­லு­ப­டி­யற்றவையாகும்.

அசையா ஆத­னங்­களின் கைமாற்­ற­மா­னது வலி­து­டைமை (அல்­லது முன்­னு­ரிமை) பெறு­வ­தற்கு அவை காணிப்­ப­தி­வ­கத்தில் உரிய படி­வத்­திலும், வழி­மு­றை­களைப் பின்­பற்­றியும், முத்­திரைக் கட்­ட­ணத்தைச் செலுத்­து­வதன் மூல­மாக உட­ன­டி­யாகப் பதிவு­செய்­யப்­ப­டுதல் வேண்டும். தாம­த­மாக அல்­லது காலங்­க­டத்திப் பதி­வு­ செய்­வ­தனால் பல்­வேறு வித­மான பாத­மான விளை­வு­களை எதிர்­நோக்க வேண்­டி­யேற்­ப­டலாம். அதா­வது, குறித்த காணியை ஒரு­வ­ருக்கு விற்­பனை செய்­தவர், அதே காணி இன்­னொ­ரு­வ­ருக்கும் விற்­பனை செய்­ய­ மு­டியும். இந்த இரண்டு ஆவ­ணங்­க­ளிலும் எந்த ஆவணம் முதலில் முறை­யாகப் பதி­வு­ செய்­யப்­ப­டு­கின்­றதோ, அந்த ஆத­னக் ­கைமாற்­றமே சட்­டப்­படி முன்­னு­ரி­மை­யு­டை­தாகச் செல்­லு­ப­டி­யாகும். பதி­வு­செய்தல் தொடர்பில் காலத்தால், சில­வே­ளை­களில் நேரத்தால் முந்­தி­யதே மேலோங்கி சட்ட வலி­து­டை­ய­தாக வரும்.

அசையா ஆத­னங்­களை இரத்த உற­வி­னர்கள் மத்­தியில் நன்­கொ­டை­யாக வழங்­கு­வ­தற்கு சட்­டத்தில் ஏற்­பா­டுகள் காணப்­ப­டு­கின்­றன. மேலும், காணி கட்­ட­டங்­களை தர்ம நோக்­கங்­க­ளுக்­கா­கவும் நன்­கொ­டை­யாக வழங்­கவும் முடியும். நன்­கொ­டை­யாக வழங்­கு­கின்­ற­ போது, ஆதனக் கைமாற்­ற­லுக்­கான நோக்­க­மா­னது அடிப்­ப­டையில் இரத்த உற­வி­னர்­க­ளுக்­கி­டை­யி­லான அன்பு, பாசம் மற்றும் திரு­ம­ணத்தை அடிப்­ப­டை­யாகக் கொண்ட சீதன ஆத­ன­மாகவும் கைமாற்­றப்­ப­டலாம். அந்த சந்­தர்ப்­பங்­களில், நன்­கொ­டை­யா­னது ஒன்றில் கைமீட்­கப்­ப­டக்­கூ­டி­ய­தாக அல்­லது கைமீட்க முடி­யாத அறுதி நன்­கொடை­யா­கவும் ஆக்­கப்­படலாம். அதே­நேரம், பெற்­றோர்கள் தமது பிள்­ளை­க­ளுக்­கான அசையா ஆத­னங்­களை சீவிய நல­உ­ரித்தை அல்­லது வேறே­தேனும் நிபந்­த­னை­களை முன்­வைத்தும் நன்­கொ­டை­யாக ஆத­னங்­களைக் கைமாற்­று­வார்கள். அத்­த­கைய சந்­தர்ப்­பங்­களில், சீவிய நல­ உ­ரித்தை முன்­வைத்­துள்­ள­போது ஆத­னத்தை நன்­கொ­டை­ய­ளித்­த­வரின் மர­ணத்தின் பின்­னரும், நிபந்­த­னைகள் அடிப்­ப­டை­யி­லான நன்­கொ­டை­யா­னது அத்­த­கைய நிபந்­த­னை­களை நிறை­வேற்­றிய பின்­ன­ருமே முழு­மை­யான உரித்தும் உடை­மையும் நன்­கொடை வழங்கப் பெற்­ற­வ­ருக்குக் கிடைக்கும்.

 

காணி­யற்­றோ­ருக்கு வழங்­கப்­ப­டு­கின்ற அரச காணி அளிப்­புக்கள்  

காலத்­துக்குக் காலம் அர­சாங்கம் பின்­பற்­று­கின்ற கொள்­கை­களின் அடிப்­ப­டை­யிலும், அரச காணிகள் தொடர்­பான சட்ட ஏற்­பா­டு­க­ளுக்­கி­ணங்­கவும் காணி­யற்­றோ­ருக்கு அரச காணித் துண்­டு­களை அர­சாங்கம் வழங்­கு­வது வழக்­க­மா­ன­தாகும். இதனை சுவர்­ண­பூமி அல்­லது ஜய­பூமி என்ற பல்­வேறு பெயர்­க­ளினால் அழைப்­பார்கள். குறிப்­பாக காணி அபி­வி­ருத்திக் கட்­டளைச் சட்டம், அரச காணிகள் கட்­டளைச் சட்டம் மற்றும் காணி அளிப்­புக்கள் (சிறப்­பேற்­பா­டுகள்) சட்டம் என்­ப­னவும் அவற்­றுக்கு கொண்­டு­வ­ரப்­பட்ட சட்­ட­சீர்­தி­ருத்­தங்­களும் அரச காணி வழங்­க­லுக்­கான நடை­மு­றை­யினை விதந்­து­ரைக்­கின்­றன. அதா­வது 18 வய­துக்கு கூடிய இலங்கைப் பிர­ஜையொ­ரு­வ­ருக்கு ஜனா­தி­பதி தனக்­குள்ள அதி­கா­ரத்தின் பிர­காரம் காணித்­துண்­டு­களை அரச காணி வழங்­க­லாகக் கைமாற்­றலாம். அரச காணித்­துண்­டு­களைப் பெற்­றுக்­கொண்­ட­வர்கள், முழு­நி­றை­வான ஆதன உரித்தைக் கொண்­ட­வர்­க­ளாகக் கரு­தப்­ப­டு­வார்கள். தமது உரித்தை, இரத்த உற­வினர் அல்­லா­த­வர்­க­ளுக்கு கைமாற்­றுதல் தடை­செய்­யப்­பட்­டி­ருப்­ப­துடன், வாரி­சு­ரி­மை­யாக வாழ்க்­கைத்­து­ணைக்குச் சென்­ற­டை­யலாம்.

 

வாரி­சு­ரிமை மூல­மாகப் பெறப்­ப­டு­கின்ற அல்­லது பரம்­பரை அசையா ஆத­னங்கள்

இலங்­கையில் காணப்­ப­டு­கின்ற பொது­வான சட்­டத்­திற்கு மேல­தி­க­மாக, கண்­டியர் சட்டம், தேச­வ­ழமை மற்றும் முஸ்லிம் சட்­டங்கள் என்­பன வாரி­சு­ரிமை மூல­மாக ஆத­னங்­களைப் பெற்­றுக்­கொள்­ளு­கின்ற வழி­மு­றை­க­ளுக்­கான ஏற்­பா­டு­களைக் கொண்­டுள்­ளன. அதா­வது, ஒரு நபர் இறு­தி­வி­ருப்­பா­வ­ண­மொன்றை எழுத்தில் விட்­டுச்­செல்­லா­த­போது, அவர் விட்­டுச்­செல்­கின்ற அசையும் அசையா ஆத­னங்கள் பகி­ரப்­ப­ட­வேண்­டிய வழி­மு­றைகள் பற்றி இச்­சட்­டங்கள் வெவ்­வே­றான ஏற்­பா­டு­களைக் கொண்­டுள்­ளன. வாரி­சு­க­ளுக்கும் அடுத்­து­று­வோ­ருக்­கு­மான அசையா ஆத­னங்கள் ஒன்றில் இறந்­தவர் எழு­தி­ வைத்­துள்ள இறு­தி­ வி­ருப்­பா­வ­ணத்தின் அடிப்­ப­டையில் பகிர்ந்­த­ளிக்­கப்­படும், அல்­லது சொத்­து­றுதி ஒன்­றினை ஆக்­காது இறக்­கின்­ற­போது, குறித்த நபர் ஆளப்­ப­டு­கின்ற தனியார் சட்­டத்தின் விதி­மு­றை­க­ளுக்­கி­ணங்க ஆத­னங்கள் பங்­கி­டப்­படும்.

 

ஆட்­சி­யு­ரிமை மூல­மான ஆதன உடை­மையால் ஏற்­ப­டு­கின்ற ஆதன உரித்து

1871ஆம் ஆண்டின் 22ஆம் இலக்க கால­வி­திப்புக் கட்­டளைச் சட்­டத்தின் மூன்றாம் பிரி­வா­னது, 'வழக்கு நட­வ­டிக்­கை­யொன்றில் எதி­ரா­ளி­யொ­ருவர் காணிகள் மற்றும் ஏனைய அசையா ஆத­னங்­க­ளின்­மீது கோரிக்­கை­யாளர் அல்­லது வழக்­காளி தொடர்­பி­லான குழப்­ப­மற்­றதும் தொடர்ச்­சி­யா­ன­து­மான எதி­ரு­டை­மை­யொன்றை பத்­து­வ­ரு­டங்­க­ளுக்குக் கொண்­டி­ருப்­பா­ராயின், தனக்கு சார்­பான தீர்ப்பைப் பெற்­றுக்­கொள்­வ­தற்கு எதி­ராளி உரித்­து­டை­ய­வ­ராவார்' என்று ஏற்­பாடு செய்­கின்­றது. அதா­வது, ஒரு­வ­ருக்கு உரித்­துள்ள அசையா ஆத­ன­மொன்றை மற்­றொ­ருவர் தன்­னு­டைய உடை­மையில் மேற்­கூ­றிய நிபந்­த­னை­களில் கொண்­டி­ருப்­பா­ராயின் அந்த அசையா ஆத­னத்­துக்­கான உரி­மையை ஆட்­சி­யு­ரிமை என்­பதன் அடிப்­ப­டையில் பின்­னை­யவர் கோரிப்­பெ­ற­ மு­டியும். ஆட்­சி­யு­ரிமை மூல­மான உரி­மைக்­கோ­ரிக்­கை­யா­னது, அரச காணிக்கு செல்­லு­ப­டி­யா­காது. அரச காணியில் எத்­தனை வரு­டங்­க­ளாக உடைமை கொண்­டி­ருந்­தாலும் ஆட்­சி­யு­ரிமை கோர­மு­டி­யாது. பின்­வரும் மூன்று தேவைப்­பா­டு­களைப் பூர்த்­தி­ செய்­கின்­ற­போது, ஒருவர் தனி­யா­ருக்குச் சொந்­த­மான அசையா ஆத­ன­மொன்றின் உரி­மையை வழக்­கொன்றில் கோரிப் ­பெற்­றுக்­கொள்ள முடியும்.

அ) குழப்­ப­மற்­றதும் இடை­ய­றா­த­து­மான (தொடர்ச்­சி­யான) உடைமை

ஆ) காணிச் சொந்­தக்­கா­ர­ருக்கு எதி­ரா­னதும் சுயா­தீ­மா­ன­து­மான உரித்­து­டைமை

இ) பத்து வரு­டங்­க­ளாக உடை­மையில் (கட்­டுப்­பாட்டில்) வைத்­தி­ருத்தல் குழப்­ப­மற்­றதும் இடை­ய­றா­த­து­மான (தொடர்ச்­சி­யான) உடைமை

ஆட்­சி­யு­ரிமை மூல­மாக ஆத­னத்தின் உரித்தைக் கோரு­பவர் காணி மற்றும் அசையா ஆத­னத்தில் அவர் கொண்­டுள்ள உடை­மை­யா­னது எந்தச் சந்­தர்ப்­பத்­திலும் (ஆத­னத்தின் மூலச்­சொந்­தக்­காரர் அல்­லது அவ­ரது வாரி­சினால்) ஆட்­சே­ப­னைக்கு அல்­லது குழப்­பத்­திற்கு உட்­ப­ட­வில்லை என்­ப­த­னையும், அவ்­வா­றான உடை­மை­யா­னது தொடர்ச்­சி­யா­கவும் எந்த சந்­தர்ப்­பத்­திலும் முறி­வ­டை­யா­மலும் இருப்­ப­த­னையும் நிரூ­பித்தல் வேண்டும். அத்­த­கைய உடை­மை­யா­னது, பௌதீக ரீதி­யான கட்­டுப்­பாட்டை வெளிப்­ப­டுத்திக் காட்­டுதல் வேண்டும். ஆட்­சி­யு­ரிமை கோரு­கின்ற அசையா ஆத­னத்தை தன்­னு­டைய பெயரில் குத்­த­கைக்கு வழங்­கி­யி­ருந்தால், தனது முகவர் ஒருவர் மூல­மாகப் பரா­ம­ரித்து வந்தால் அல்­லது தனக்­கு­ரிய வேலை­யாட்­களை நிய­மித்து பரா­ம­ரித்து வந்­தாலும் போது­மா­னது. இங்கு குறிப்­பாக நோக்­கப்­ப­டு­வது யாதெனில், பௌதீகக் கட்­டுப்­பாட்டைக் கொண்­டுள்­ளாரா என்­ப­தாகும். ஆனால், அசையா ஆத­ன­மொன்றின் சொந்தம் அல்­லது ஆத­னத்தை உடை­மையில் வைத்­தி­ருப்­ப­வரை வெளி­யேற்­று­வது தொடர்­பான பிணக்கு, அல்­லது குறிப்­பிட்ட காலம் ஆட்­சி­யு­ரிமை கோரு­பவர் தனது கட்­டுப்­பாட்டில் வைத்­தி­ருக்­காமல் விடு­கின்­ற­போது, முறையே குழப்பம் ஏற்­பட்­டுள்­ள­தா­கவும், தொடர்ச்சி முறி­வ­டைந்­துள்­ள­தா­கவும் கரு­தப்­படும். ஆயினும், தொடர்ச்­சி­யா­ன­ தன்மை என்ற தேவைப்­பா­டா­னது ஒவ்­வொரு வழக்­கிலும் அந்­தந்த வழக்கின் நிகழ்­வு­களின் மீது தங்­கி­யுள்­ளது.

 

காணிச் சொந்­தக்­கா­ர­ருக்கு எதி­ரா­னதும் சுயா­தீ­மா­ன­து­மான உரித்­து­டைமை  

இந்த இரண்­டா­வது தேவைப்­பா­டா­னது சொந்­தக்­கார­ருக்கு எதி­ரான உடை­மை­யா­னது, எதி­ரு­டை­மை­யாக கொள்­ளப்­பட்­டி­ருக்க வேண்டும் என்று குறிப்­பி­டு­கின்­றது. ஆட்­சி­யு­ரிமை கோரு­பவர் தானே ஆத­னத்தின் சொந்­தக்­காரர் என்ற கருத்தில் செயற்­பட்­டி­ருக்க வேண்டும். மாறாக, வாடகை அல்­லது குத்­தகைப் பணம் பெற்­றி­ருந்தால், அறு­வ­டை­களைப் பெற்­று­ வந்­தி­ருந்தால், அந்த அசையா ஆதனம் தொடர்­பான வரி­களை அல்­லது கட்­ட­ணங்­களை அர­சாங்க அதி­கார சபை­க­ளுக்கு சொந்­தக்­காரர் தன்­னு­டைய பெயரில் செலுத்­தி­ வந்­தி­ருந்தால், ஆட்­சி­யு­ரி­மையைக் கோரு­ப­வ­ருக்கு சுயா­தீ­ன­மான எதி­ரு­டைமை கிடைக்­க­மாட்­டாது. தன்­னு­டைய செயல்­ மூ­ல­மாக மற்­றொ­ரு­வரை சொந்­தக்­கார­ராக ஏற்­றுக்­கொண்­டி­ருப்­ப­தனால் ஆட்­சி­யு­ரி­மை­யினைக் கோர­மு­டி­யாது. எதி­ரு­டை­மை­யா­னது, எந்த அடிப்­ப­டை­யிலும் தொடங்­கி­யி­ருக்­கலாம், ஆனால் ஆட்­சி­யு­ரிமைக் கோரிக்­கையை முன்­வைக்­கின்­ற­ போது பூர்த்­தி­செய்ய வேண்­டிய நிபந்­த­னை­க­ளுடன் சேர்த்து எதி­ரு­டை­மையை வெளிக்­காட்­டு­கின்ற கருத்தில் அவர் செயற்­பட்­டி­ருக்க வேண்டும். உதா­ர­ண­மாக, உள்­நாட்டில் இடம்­பெ­யர்ந்­த­வர்­களை தனக்குச் சொந்­த­மான தனியார் காணி­களில் ஒருவர் தற்­கா­லி­க­மாக குடி­ய­மர்த்­து­கின்றார். அவ்­வாறு குடி­யே­றி­ய­வர்கள் அரச மற்றும் அர­சு­சாரா உத­விகள் மூல­மாக அக்­கா­ணி­களில் வீடு­கட்டி, மின்­சாரம் மற்றும் குடிநீர் போன்ற பொது­வ­ச­தி­க­ளைப் ­பெற்று பத்து வரு­டங்­க­ளுக்கு மேலாக வாழு­கின்­றனர். இவ்­வாறு குடி­யேறி வாழு­ப­வர்கள் தொடர்ச்­சி­யான குழப்­ப­மற்ற பத்­து­வ­ரு­டங்­களைக் கடந்­தி­ருந்தால், அக்­கா­ணிக்­கான ஆட்­சி­யு­ரி­மையை கோரு­கின்ற எதி­ரு­டை­மையை காணியின் சொந்­தக்­கா­ர­ருக்கு எதி­ராகக் கொண்­டி­ருப்பார்.

 (தொடரும்)

http://content.epaper.virakesari.lk/newspaper/Daily/main/2016-11-14#page-4

யுத்­தத்தால் பாதிக்­கப்­பட்ட வடக்கு, கிழக்கு மக்­க­ளுக்கு வரப்­பி­ர­சா­த­மாக அமை­ய­வுள்ள சட்டத் திருத்தம்

 

(நேற்றைய தொடர்ச்சி)

சட்­டத்­த­ரணி எம்.ஏ.எம். ஹக்கீம் 
(சிரேஷ்ட விரி­வு­ரை­யாளர் சட்­ட­பீடம், - கொழும்பு பல்­க­லைக்­க­ழகம்)

பத்து வரு­டங்­க­ளாக உடமையில் (கட்­டுப்­பாட்டில்) வைத்­தி­ருத்தல் ஆட்­சி­யு­ரி­மையைக் கோரு­பவர் பத்து வரு­டங்­க­ளாக குறித்த அசையா ஆத­னத்தை தன்­னு­டைய உட­மையில் (கட்­டுப்­பாட்டில்) வைத்­தி­ருந்­த­தாக நிரூ­பித்தல் வேண்டும். வரு­டங்­களைக் கணிப்­பி­டு­கின்­ற­போது, ஆத­னத்தின் உண்­மை­யான சொந்­தக்­காரர் மற்றும் அவ­ரு­டைய வாரி­சுகள் என்­போ­ருக்கு எதி­ரா­கவும் பத்து வருட உடமை ஏற்­றுக்­கொள்ளக் கூடி­ய­தாகும். 

உதா­ர­ண­மாக, ஒரு­வரின் காணியில் எதி­ரு­ட­மையைக் கொண்­டி­ருக்கும் போது, காணியின் உண்­மை­யான சொந்­தக்­காரர் இறந்தால் ஆட்­சி­யு­ரி­மைக்­காலம் முறி­வ­டை­யாது. ஆட்­சி­யு­ரி­மைக்­கா­ல­மா­னது தொடர்ந்தும் உண்­மை­யான சொந்­தக்­கா­ரரின் வாரி­சு­க­ளுக்கு எதி­ரா­கவும் தொடர்ந்­து­ செல்லும். ஆனால், கால­வி­திப்புக் கட்­ட­ளைச்­சட்­டத்தின் பிரிவு 13 இன்கீழ் ஏற்­பாடு செய்­யப்­பட்­டுள்­ள­வாறு சிறு­பிள்­ளை­களின், சித்­த­சு­யா­தீ­ன­மற்­ற­வர்­களின், புத்­தி­கு­றைந்­த­வர்­களின், மற்றும் வெளி­நா­டு­களில் வசிப்­ப­வர்­களின் ஆத­னங்­களை பத்து வரு­டங்கள் உடமை கொண்­டி­ருந்­தாலும் ஆட்­சி­யு­ரிமை கோர­முடி­யாது என்ற மட்­டுப்­பாட்­டினை விதித்­து­ரைக்­கின்­றது. ஆயினும், அவ்­வாறு முப்­பது வரு­டங்கள் உட­மை­யாட்­சியில் இருக்கும் போது ஆட்­சி­யு­ரிமைக் கட்­ட­ளைச்­சட்­டத்தின் பிரிவு 3இன் கீழ் ஆட்­சி­யு­ரிமை கோரு­வ­தனைச் சட்டம் அனு­ம­திக்­கின்­றது. 

அசையா ஆதன உடமை தொடர்பில் இலங்­கையில் ஏற்­பட்­டுள்ள பிரச்­ச­ினைகள்  

இலங்­கையின் வடக்கு, கிழக்கு மாகா­ணங்­களில் மூன்று தசாப்­தங்­க­ளுக்கும் மேலாக தொடர்ச்­சி­யாக நடை­பெற்ற ஆயு­த­மோதல் சூழ்­நிலை கார­ண­மாக அல்­லது சூறா­வளி, சுனாமி அல்­லது வெள்­ளப்­பெருக்கு போன்ற இயற்கைச் சீற்­றங்கள் கார­ண­மாக தமது வாழி­டத்­தை­விட்டு மக்கள் வெளி­யேறி இடம்­பெ­யர்ந்து வாழ்ந்­தமை – வாழ்ந்­து­வ­ரு­கின்­றமை புதிய விட­ய­மல்ல. உள்­நாட்டில் இடம்­பெயர்ந்­த­வர்கள் பல்­வேறு நலன்­புரி நிலை­யங்­க­ளிலும் புதிய குடி­யேற்றக் கிரா­மங்­க­ளிலும் வாழு­கின்­றனர்.

 பொது­வா­கவே இடம்­பெ­யர்ந்­த­வர்கள் தமது பூர்­வீக வாழி­டத்தை விட்டு அல்­லது விவ­சாயக் காணி­களை விட்­டுச்­சென்­றுள்­ள­தனைக் காணலாம். நாட்டின் அர­சியல் மற்றும் இன­ரீ­தி­யான செயற்­பா­டு­க­ளினால், திட்­ட­மிட்ட இனப்­ப­ரம்பல் நிலை­மை­களில் மாற்­றங்­களைச் செய்­வ­தற்­காக, காணி­களின் உட­மைகள் புதிய கொள்­கை­களின் அடிப்­ப­டையில் கடந்­த­கா­லங்­களில் முன்­னெ­டுக்­கப்­பட்­டுள்­ள­மை­யினைக் காணலாம். இந்த மக்­க­ளுக்குச் சொந்­த­மான காணி­களில் வேறு எவ­ரேனும் குடி­யேறி உடமை கொண்­டி­ருந்தால், அத்­த­கைய குடி­யே­றிகள் பத்து வரு­டங்­க­ளுக்கு மேலாக வாழ்ந்­து­வந்­தி­ருந்தால், ஆட்­சி­யு­ரிமை அடிப்­ப­டையில் அந்த ஆத­னத்தின் உரித்தைக் கோரு­வ­தற்கு சட்­டத்தில் இட­மி­ருக்­கின்­றது. அதே­நேரம், வெளி­நாட்டில் புலம்­பெ­யர்ந்து

வாழு­ப­வர்­க­ளுக்கு எதி­ராக ஆட்­சி­யு­ரிமை கோர­மு­டி­யாது என்ற சட்ட ஏற்­பாடு காணப்­ப­டு­வதால், வெளி­நாட்­டி­லுள்ள அக­திகள் எப்­போது திரும்­பி­வந்­தாலும் அவர்­க­ளு­டைய காணி­களின் உரித்தை அல்­லது சொந்­தத்தை நிலை­நாட்ட முடியும்.

தற்­போது எழுந்­துள்ள சமா­தானச் சூழலில் மக்கள் நாட்டின் எப்­பா­கத்­திற்கும் செல்­வ­தற்கும், தமது காணி­களில் குடி­யி­ருப்­ப­தற்கும் வாழ்­வா­தாரக் காணி­களை மீளப்­பெ­று­வ­தற்­கு­மான சந்­தர்ப்பம் எழுந்­துள்­ளது. ஆனால், குறிப்­பாக வடக்கு மற்றும் கிழக்கு மாகா­ணங்­களில் மக்­க­ளுக்குச் சொந்­த­மான கைவி­டப்­பட்ட காணிகள், வீடுகள், ஏனைய கட்­ட­டங்கள் மற்றும் விவ­சாய நிலங்கள் என்­பன நிறை­யவே காணப்­ப­டு­கின்­றன. 

தம்­மு­டைய ஆத­னங்­களை இனங்­கண்டு கொள்­ள­மு­டி­யாமை, உரிய ஆவ­ணங்கள் அல்­லது பதி­வே­டுகள் அழிந்­து­போ­யுள்­ளமை, அந்த ஆத­னங்­களில் வேறு ஆட்கள் குடி­யி­ருக்­கின்­றமை, விவ­சாய நிலங்­களில் பிறரால் பயிர்ச்­செய்கை மேற்­கொள்­ளப்­ப­டு­கின்­றமை மற்றும் இரா­ணு­வத்தின் அதி­யுயர் பாது­காப்பு வலயம் போன்ற பல்­வேறு பிரச்­சினை­க­ளுக்கு மக்கள் முகங்­கொ­டுத்து வரு­கின்­றனர். இவ்­வா­றான பிரச்­ச­ினை­களை ஓர­ள­வுக்­கா­வது தீர்க்கும் நோக்­கத்தில், புதிய அர­சாங்­க­மா­னது ஆட்­சி­யு­ரிமைக் கட்­டளைச் சட்­டத்தின் பிரிவு 3 இனு­டைய ஏற்­பா­டு­க­ளா­னவை குறிப்­பாக இரண்டு வரு­டங்­க­ளுக்கு விசேட ஏற்­பாட்டுச் சட்­டத்தின் மூல­மாக நிறுத்திவைத்­துள்­ளது. அதா­வது, ஆயு­த­மோதல் கார­ண­மாக தம்மு­டைய ஆதன உரி­மையை நிலை­நாட்ட முடி­யாமல் போன­வர்கள் தமது ஆதன உரி­மை­களைக் கோரி வழக்­கு தொடுக்கும்­போது, எந்த நபரும் எதி­ரு­டமை என்ற அடிப்­ப­டையில் ஆட்­சி­யு­ரிமைக் கோரிக்­கையை முன்­வைக்க முடி­யாது.

2016ஆம் ஆண்டின் 5ஆம் இலக்க, ஆட்­சி­யு­ரிமை (விசேட ஏற்­பா­டுகள்) சட்டம் 

இலங்­கையில் நடை­பெற்ற யுத்த செயற்­பா­டு­க­ளினால் காணி மற்றும் அசையா ஆத­னங்­களின் உட­மை­யு­ரித்தை சட்ட வழக்­குகள் மூல­மாக நீதி­மன்­றத்தில் தமது மீள நிலை­நி­றுத்­து­வதில் இய­லா­மை­யு­டை­ய­வர்­களை இய­லச்­செய்­வ­தனை நோக்­க­மாகக் கொண்டே இந்த விசேட சட்டம் கொண்­டு­வ­ரப்­பட்­டுள்­ளது. 1983ஆம் ஆண்டு மே மாதம் 1ஆம் திகதி தொடக்கம் 2009ஆம் ஆண்டு மே மாதம் 18ஆம் திக­தி­வ­ரை­யான காலப்­ப­கு­திக்குள் இலங்­கையில் நடை­பெற்ற ஆயு­த­மோதல் சூழ்­நி­லைகள் கார­ண­மாக அத்­த­கை­ய­வர்கள் பாதிப்­புக்­குள்­ளா­ன­வர்­க­ளாக இருந்­தி­ருத்தல் வேண்டும்.

இச்­சட்­டத்தின் இரண்டாம் பிரி­வா­னது ஆட்­சி­யு­ரிமைக் கட்­ட­ளைச்­சட்­டத்தின் பிரிவு 3 கீழ் எந்­த­வொரு நப­ருக்கும் ஆட்­சி­யு­ரிமை அடிப்­ப­டையில் உரித்­து­டமைக் கோரிக்­கையை ஆயுத மோத­லினால் பாதிக்­கப்­பட்டு இய­லா­மை­யு­டை­ய­வ­ராக இருந்த உண்­மை­யான சொந்­தக்­காரர் தொடர்பில் எதி­ரு­ட­மையைக் கொண்­டி­ருக்­க­மாட்டார் என்று ஏற்­பாடு செய்­கின்­றது.

உதா­ர­ண­மாக, 'ஆ' என்­பவர் 'அ' என்­ப­வ­ரு­டைய காணியில் உட­மையைத் தொடங்­கு­கின்ற காலப்­ப­கு­தியில், 'அ' (1983ஆம் ஆண்டு மே மாதம் 1ஆம் திகதி தொடக்கம் 2009ஆம் ஆண்டு மே மாதம் 18ஆம் திக­தி­வ­ரை­யான காலப்­ப­கு­திக்குள் இலங்­கையில் நடை­பெற்ற ஆயு­த­மோதல் சூழ்­நி­லைகள் கார­ண­மாக) பாதிக்­கப்­பட்­ட­வ­ராக இருந்­துள்ளார். அவ்­வாறு, 'அ' பாதிக்­கப்­பட்­ட­வ­ராகத் தொடர்ந்­தி­ருக்­கின்ற காலம்­வரை, 'ஆ' வுக்கு அக்­கா­ணியின் மீது ஆட்­சி­யு­ரிமை கோர­மு­டி­யாது.

ஆட்­சி­யு­ரிமைக் கட்­டளைச் சட்­டத்தின் 13ஆவது பிரிவின் கீழ், சில சந்­தர்ப்­பங்­களில் முப்­பது வரு­டங்கள் அத்­த­கைய எதி­ரு­ட­மையைக் கொண்­டி­ருக்க வேண்டும் என்ற தேவைப்­பாடு உள்­ளது. ஆயினும், பாதிக்­கப்­பட்ட நபர் என்­பவர் வெளி­நாட்டில் இருந்தால், முப்­பது வரு­டத்­துக்கு அதி­க­மாக இருப்­பினும், அவ­ருக்கு எதி­ராக ஆட்­சி­யு­ரிமை கோர­மு­டி­யாது.

அவ்­வாறு பாதிக்­கப்­பட்ட ஒரு நப­ராக இருந்­த­வே­ளையில் ஒருவர் இறந்­தி­ருப்பின், அவ­ரு­டைய வாரி­சுகள் அத்­த­கைய கோரிக்கை பாதிக்­கப்­பட்ட நபர் என்ற அடிப்­ப­டை­யி­லேயே இச்­சட்­டத்தின் கீழான நன்­மையை அனு­ப­விக்க உரித்­து­டை­ய­வர்கள்.

இந்த விசேட ஏற்­பா­டுகள் சட்­ட­மானது நடை­மு­றைக்கு வந்த திக­தி­யி­லி­ருந்து இரண்டு வரு­டங்­க­ளுக்கு மாத்­திரம் பய­னு­று­தி­மிக்­க­தாக இருக்கும் என்று பிரிவு 4 குறிப்­பி­டு­கின்­றது. அதா­வது, இச்­சட்டம் 2016ஆம் ஆண்டு ஏப்ரல் மாதம் 29ஆம் திகதி வர்த்­த­மா­னியில் பிர­சு­ரிக்­கப்­பட்­ட­துடன் நடை­மு­றைக்கு வந்­துள்­ளது. 2018ஆம் ஆண்டு ஏப்ரல் மாதம் 28ஆம் திகதி­வரை இச்­சட்­டத்தின் நன்­மை­களை ஆயு­த­மோ­த­லினால் பாதிக்­கப்­பட்ட மக்கள் அனு­ப­விக்க முடியும்.

இச்­சட்­டத்தின் சலு­கைகள் அரச காணிகள் தொடர்­பி­லான சட்­டங்­க­ளின்கீழ் வழங்­கப்­பட்­டுள்ள ஏதேனும் காணிக்கு அல்­லது அக்­காணி தொடர்­பான கோரிக்­கை­க­ளுக்கு பாவிக்­கப்­ப­ட­மு­டி­யாது.

ஆட்­சி­யு­ரிமைச் (விசேட ஏற்­பா­டுகள்) சட்டத்தின் நோக்­கெல்­லையும் தாக்­கமும்

இந்த விசேட சட்­ட­மா­னது குறிப்­பாக இரண்டு வரு­டங்­க­ளுக்கு மாத்­திரம் மட்­டுப்­பாட்டைக் கொண்­டி­ருப்­பது குறிப்­பாக வடக்கு, கிழக்கு மக்­களைப் பொறுத்­த­வரையில் பாத­க­மா­ன­தாகும். ஆயு­த­மோதல் கார­ண­மாக இடம்­பெ­யர்ந்த மக்கள், 2015ஆம் ஆண்டு ஜன­வரி மாதம் பத­விக்கு வந்த அர­சாங்­கத்தின் தாரா­ளக்­கொள்­கைகள் கார­ண­மாக, தமது சொந்த இடங்­களை நாடிச்­செல்லத் தொடங்­கி­யுள்­ளனர். இன்னும் ஆயி­ரக்­க­ணக்­கான மக்கள் நலன்­புரி முகாம்­க­ளிலும் தற்­கா­லிக வசிப்­பி­டங்­க­ளிலும் குடி­ய­மர்த்­தப்­பட்­டுள்­ளனர். 

இந்த சூழ்­நி­லை­களில் இரண்டு வருடம் என்ற விளை­வு­காலம் என்­பது போது­மா­ன­தாக இருக்­க­மாட்­டாது. தமது காணி­களை இனங்­கா­ணுதல், ஆவ­ணங்­களை மீளத்­தேடி­யெ­டுத்தல், உயி­ரு­ட­னுள்ள வாரி­சுகள் தமது உரித்தை நிலை­நாட்­டுதல் மற்றும் வழக்குத் தொடுப்­ப­தற்கு தயா­ரா­குதல் என்­பன மிகவும் சிக்­க­லுக்­கு­ரி­யதும் சவால்­மிக்­க­து­மாகும். இந்த இரண்டு வருடம் என்ற சந்­தர்ப்­பத்தை தவ­ற­விட்டால், தமது உரி­மையை நிலை­நாட்­டு­கின்ற வாய்ப்­பையும் பாதிக்­கப்­பட்ட மக்கள் இழந்­து­விடு­வார்கள்.

இலங்­கையின் ஆயு­த­மோதல் சூழ்­நி­லைகள் கார­ண­மான இடம்­பெ­யர்வு பல்­வேறு கால­கட்­டங்­க­ளிலும், மூன்று இன மக்­க­ளையும் பாதித்­துள்­ளது. அர­சியல் சூழ்­நி­லைகள், அச்­சு­றுத்­து­கின்ற பின்­ன­ணிகள் மற்றும் நிச்­ச­ய­மற்ற எதிர்­பார்ப்­புக்கள் என்­பன கார­ண­மாக, தமது காணி­களை, கட்­ட­டங்­களை மிகவும் குறைந்த விலைக்கு மற்­றொரு இனத்­த­வ­ருக்கு விற்­பனை செய்­துள்­ளமை அல்­லது அச்­சு­றுத்தி கைமாற்றம் செய்­துள்ள சந்­தர்ப்­பங்­க­ளுக்கு இச்­சட்டம் எத்­த­கைய தீர்­வையும் வழங்­க­வில்லை.

ஆயு­த­மோதல் தவிர்ந்த ஏனைய இயற்கை அனர்த்­தங்கள் மற்றும் அர­சியல் குழப்­பங்கள் கார­ண­மாக இடம்­பெ­யர்ந்த மக்­களின் காணி­களை அடாத்­தாகப் பிடித்­து­வைத்­துள்­ள­வர்­க­ளுக்கு எதி­ராக தமது உரி­மை­களை மீள நிறு­வு­வ­தற்­கான எந்த வாய்ப்பும் இச்­சட்­டத்தில் உள்­ள­டக்­கப்­ப­ட­வில்லை.

இச்­சட்­டத்தின் பய­னு­று­தி­மிக்க அமு­லாக்­கத்­திற்கு உள்­ளூராட்சி மன்­றங்கள், மாகாண சபைகள் மற்றும் அரச அதி­கா­ர­ ச­பை­களின் அலு­வ­லர்கள் முறை­யாகப் பயிற்­சி­ய­ளிக்­கப்­ப­டுதல் வேண்டும். அர­சாங்க நிறு­வ­னங்­களில் விசேட பிரி­வுகள் அமைக்­கப்­ப­டு­வ­துடன், விசேட ஆள­ணி­யினர் நிய­மிக்­கப்­ப­டு­தலும் வேண்டும். சில சந்­தர்ப்­பங்­களில் அரச தொழில்­நுட்ப அதி­கா­ரிகள், நில அள­வை­யா­ளர்கள் மற்றும் காணி அலு­வ­லக உத்­தி­யோ­கத்­தர்­களின் கள விஜ­யங்­களும் அறிக்­கை­களும் உரி­ய­மு­றையில் நேர்­மை­யா­கவும் விரை­வா­கவும் வழங்­கப்­ப­டுதல் வேண்டும். அரச நிறு­வ­னங்கள் வழ­மை­யான போக்­கி­னையும் இச்­சட்ட அமு­லாக்கல் விட­யத்தில் பின்­பற்­றினால், பாதிக்­கப்­பட்ட அப்­பாவி பொது­மக்கள் இச்­சட்­டத்தின் நன்­மை­யை இரண்டு வரு­டங்­க­ளுக்குள் அனு­ப­விக்க முடி­யாது போய்­விடும்.

நீதித்­து­றைக்கும் இச்­சட்ட அமு­லாக்­கத்தில் விசேட வகி­பங்­குள்­ளது. நீதி­மன்­றங்­களில் இச்­சட்­டத்தை மையப்­ப­டுத்­திய வழக்­குகள் முன்­னெ­டுக்­கப்­ப­டு­கின்­ற­போது, சட்­ட­நுட்­பங்கள் மற்றும் நுணுக்­கங்­க­ளுக்­காக பாதிக்­கப்­பட்ட மக்­களின் கோரிக்­கை­களை தாம­தப்­ப­டுத்­தா­மலும் நிரா­க­ரிக்­கா­மலும் நெகிழ்ச்­சி­யான சந்­தர்ப்­பங்கள் வழங்­குதல் வேண்டும்.

இச்­சட்­டத்தின் உள்­ள­டக்கம் மற்றும் உன்­ன­த­மாக நோக்கம் என்­ப­வற்றை வழக்­க­றி­ஞர்கள் புரிந்து கொள்­ளுதல் வேண்டும். மூன்று தசாப்­த­ங்களாகப் பாதிக்­கப்­பட்ட மக்­க­ளுக்கு மூச்­சு­வி­டு­வ­தற்கு கிடைத்­துள்ள சந்­தர்ப்­ப­மாக இத­னைக்­க­ருதி, குறைந்­தது ஒவ்­வொரு வழக்­க­றி­ஞரும் ஒரு வழக்­கை­யா­வது கட்­ட­ண­மின்றி பொறுப்­பேற்று நடத்­துதல் வேண்டும். இது­வொரு தேசிய சேவை மாத்­தி­ர­மன்றி தேசத்­தையும் நல்­லி­ணக்­கத்­தையும் கட்­டி­யெ­ழுப்­பு­வதில் நேர­டி­யா­கவும் மறை­மு­க­மா­கவும் பங்­கு­பற்­று­கின்ற வாய்ப்­பையும் வழக்­க­றி­ஞர்­க­ளுக்கு வழங்­கு­கின்­றது. மேலும், இச்­சட்­டத்தில் காணப்­ப­டு­கின்ற நடை­முறைக் குறை­பா­டு­களைச் சுட்­டிக்­காட்டி, இச்­சட்­டத்­திற்கு தேவை­யான ஏதேனும் திருத்­தங்கள் இருப்பின் அவற்­றையும் இலங்கை சட்­டத்­த­ர­ணிகள் சங்­கத்­தி­னூ­டாக பரிந்­துரை செய்­யலாம்.

குடி­யியல் சமூ­கத்­திற்கும் ஒரு பாரிய பொறுப்பு உள்­ளது. இது­வரை இச்­சட்டம் பாதிக்­கப்­பட்ட மக்­க­ளுக்குப் புரி­யும்­ப­டி­யாக எடுத்­துச்­சொல்­லப்­ப­ட­வில்லை. குறிப்­பாக, வடக்கு, கிழக்கில் வழு­கின்ற, இடம்­பெ­யர்ந்து வடக்கு, கிழக்­கிற்கு வெளியில் வாழு­கின்ற மக்­க­ளுக்கு இச்­சட்டம் பற்­றிய விழிப்­பு­ணர்வை ஏற்­ப­டுத்தி, அவ்­வாறு முன்­வ­ரு­கின்ற பாதிக்­கப்­பட்ட மக்­க­ளுக்கு சட்ட உத­வித்­திட்­டங்­களை நடை­மு­றைப்­ப­டுத்­தலாம்.

இச்­சட்டம் வீரி­ய­மாக நடை­மு­றைப்­ப­டுத்­தப்­பட்டால், ஆட்­சி­யு­ரிமை அடிப்­ப­டையில் பிற­ருக்குச் சொந்­த­மான காணி­களில் பல ஆண்­டு­க­ளாக திருத்­தங்­க­ளையும், முத­லீ­டு­க­ளையும், பண்ணை மற்றும் பயிர்ச்­செய்­கை­யிலும் செல­வு­களைச் செய்­துள்ள புதிய பாதிக்­கப்­பட்­ட­வர்­களுக்கு இச்­சட்டம் பாதகமாகும். இதற்­கான மாற்­றுத்­திட்­டத்தை அர­சாங்கம் விரை­வாக வகுக்­க­வேண்­டிய தேவையும் உள்­ளது.

எல்லா சந்­தர்ப்­பங்­க­ளிலும் நீதி­மன்­றங்­களில் இச்­சட்­டத்தின் கீழான கோரிக்­கை­களை முன்­வைத்து தீர்­வு­களை நாடு­வது, பாதிக்­கப்­பட்ட எல்லா மக்­க­ளுக்கும் பொருத்­த­மா­ன­தா­க­மாட்­டாது. ஆகையால், விசேட காணி மத்­தி­யஸ்தர் முறை­மை­யொன்­றினை அறி­முகம் செய்து, தீர்­வு­களைக் காண்­ப­தற்­கான மாற்று வழி­மு­றை­க­ளையும் அறி­மு­கப்­ப­டுத்­து­கின்ற பொறுப்பு அர­சாங்­கத்­திற்கு உள்­ளது.

இறுதியாக, பாதுகாப்புப் படையினரால் இடங்கொள்ளப்பட்டுள்ள பொதுமக்களின் காணி, கட்டடங்கள் தொடர்பில் இன்னும் எத்தகைய சாதகமான தீர்வுகளும் முழுமையாக வழங்கப்படவில்லை. இச்சட்டத்திலும் அதற்கான எத்தகைய வாய்ப்புகளும் இல்லை. ஏனெனில், தனி­யா­ரினால் இடங்­கொள்ளப்பட்­டுள்ள காணி­களை இச்­சட்­டத்தின் மூல­மாக மீளப்­பெற்றுக் கொள்­வ­தற்கு முடி­கின்ற அதே­வேளை, பார­பட்­ச­மான முறையில் பாது­காப்புப் படைகள் இடங்கொண்­டுள்ள தமது காணி­களை மீளக் கோரு­வ­தற்கு எந்த வழி­மு­றை­களும் இது வரை ஏற்­ப­டுத்­தப்­பட­வில்லை என்­பது கவலைக்குரியதாகும்.          

http://content.epaper.virakesari.lk/newspaper/Daily/main/2016-11-15#page-4