யாழ் கொட்டடியில் குப்பைகளை அகற்றவிடாது சுகாதார ஊழியர்கள் போராட்டம்

ஒன்பது  நாட்களாக தொடர்ந்து வந்த மாநகர சபை சுகாதாரஊழியர்களின்   போராட்டம் இன்று உச்சத்தை 

எட்டியுள்ளது. 

 

தமக்கு  நிரந்தர நியமனம் கோரி கடந்த ஒன்பது நாட்களாக மாநகர சபை சுகாதாரஊழியர்களால் 

தொடர்ச்சியாக பணிப்புறக்கணிப்பு  முன்னெடுக்கப்பட்டு வந்த நிலையில் இன்று   மாநகரசபையினரால் தனியார் சுத்திகரிப்பு ஊழியர்கள் அழைத்துவரப்பட்டு யாழ் கொட்டடி மயானத்துக்கு முன்பாக தேங்கி நாற்றம் எடுக்கும் குப்பைகளை அகற்றும் நடவடிக்கைகளை மேற்கொண்டிருந்தனர்.

இதனால் ஆத்திரமுற்ற யாழ்.மாநகரசபை சுகாதாரஊழியர்கள் குறித்த பகுதிக்கு  சென்று குப்பைகளை அகற்றும் நடவடிக்கைகளை  தடுத்து நிறுத்தினர். இதனால் சற்று நேரம் இருபகுதியினருக்கும் இடையில் முறுகல் நிலை ஏற்பட்டது.

இந்த நிலையில் உடனடியாக சம்பவ இடத்திற்கு  கலகம் அடக்கும் பொலிஸார் வரவழைக்கப்பட்டதுடன், முறுகல் நிலை தணிக்கப்பட்டதுடன் கலகத்தில் ஈடுபட்டவர்கள் அகற்றப்பட்டனர். தமது தொழிலை 

நிரந்தரமாக்கும் கோரிக்கைக்கு தீர்வு கிடைக்கும் வரையில் சுத்திகரிப்பு நடவடிக்கைகள் மேற்கொள்ள ப்படாது என சுத்திகரிப்புத் தொழிலாளிகள் அறிவித்தனர். 

யாழ் கொட்டடிப் பகுதியில் சுத்திகரிப்புத் தொழிலாளிகள் குப்பை கொட்டப்படும் இடத்தில் அமர்ந்து தொடர்ந்து போராட்டங்களை நடத்தி வருகின்றனர்.