'11 முதல் 15 வயதுவரை கால்பந்து பயிற்றுநரால் பாலியல் துஷ்பிரயோகத்துக்கு உட்படுத்தப்பட்டேன்' - இங்கிலாந்தின் முன்னாள் கால்பந்தாட்ட நட்சத்திரம் போல் ஸ்டுவர்ட் தெரிவிப்பு

 

இங்­கி­லாந்தின் பிர­பல முன்னாள் கால்­பந்­தாட்ட வீரர்­களில் ஒரு­வ­ரான போல் ஸ்டுவர்ட், தனது சிறு பரு­வத்தில் கால்­பந்­தாட்டப் பயிற்­றுநர் ஒரு­வரால் 4 வருட காலம் பாலியல் துஷ்­பி­ர­யோ­கத்­துக்கு உட்­ப­டுத்­தப்­பட்­ட­தாக தெரி­வித்­துள்ளார்.

 

போல் ஸ்டுவர்ட்

---

 

1981 முதல் 2000 ஆம் ஆண்­டு ­வரை இங்­கி­லாந்தின் புகழ்­பெற்ற கால்­பந்­தாட்டக் கழ­கங்­களின் சார்பில் விளை­யா­டி­யவர் போல் ஸ்டுவர்ட். மன்­செஸ்டர் யுனைடெட், லிவர்பூல், டொட்­டன்ஹாம் ஹொட்ஸ்புர் ஆகி­ய­னவும் இக்­ க­ழ­கங்­களில் அடங்கும்.

 

கழக மட்­டத்தில் 559 போட்­டி­களில் பங்­கு­பற்றி 139 கோல்­களை அவர் புகுத்­தினார். 1991 ஆம் ஆண்டு அவர் விளை­யா­டிய டொட்­டன்ஹாம் ஹொட்ஸ்புர் கழகம் ஏ.எவ். கிண்­ணத்தை கைப்­பற்­றி­யமை குறிப்­பி­டத்­தக்­கது.

 

போல் ஸ்டுவர்ட்

---

 

1990களின் முற்­ப­கு­தியில் இங்­கி­லாந்து தேசிய அணி சார்­பிலும் 3 போட்­டி­களில் அவர் விளை­யா­டினார். தற்­போது அவ­ருக்கு 52 வயது. இந்­நி­லையில், இளம் கால்­பந்­தாட்ட வீர­ராக தான் இருந்­த­போது பயிற்­று­நரால் பாலியல் துஷ்­பி­ர­யோ­கத்­துக்கு உட்­ப­டுத்­தப்­பட்­டதை நேற்று முன்­தினம் பகி­ரங்­க­மாக்­கினார் போல் ஸ்டுவர்ட்.

 

தனது 11 வய­தி­லி­ருந்து 15 வயது வரை 4 வரு­டங்கள் தான் பாலியல் துஷ்­பி­ர­யோ­கத்­துக்கு உட்­பட்­ட­தாக அவர் தெரி­வித்தார். இங்­கி­லாந்தைச் சேர்ந்த மற்­றொரு முன்னாள் கால்­பந்­தாட்ட வீர­ரான அன்டி வூட்வார்ட், தனது இளமைக் காலத்தில் குரூ அலெக்­ஸாண்ட்ரா கழ­கத்தின் கனிஷ்ட வீர­ராக தான் இருந்­த­போது அக்­ க­ழ­கத்தின் கனிஷ்ட அணியின் பயிற்­றுநர் பெரி பென்னெல் தன்னை பாலியல் துஷ்­பி­ர­யோ­கத்­துகு உட்­ப­டுத்­தி­ய­தாக குற்றம் சுமத்­தி­யி­ருந்தார்.

 

1991 இல் ஏ.எவ்.ஏ. கிண்ணத்துடன் போல் ஸ்டுவர்ட்

---

 

பெரி பென்னல் ஏற்­கெ­னவே வேறு பாலியல் குற்­றச்­சாட்­டு­களின் கார­ண­மாக சிறையில் அடைக்­கப்­பட்­டமை குறிப்­பி­டத்­தக்­கது. இந்­நி­லையில், தற்­போது 43 வய­தான அன்டி வூட்­வார்ட்டின் கதையை தான் வாசித்­த­தை­ய­டுத்து, தன் மீது மேற்­கொள்­ளப்­பட்ட பாலியல் துஷ்­பி­ர­யோகம் குறித்தும் அம்­ப­லப்­ப­டுத்­து­வ­தற்கு தான் தீர்­மா­னித்­தாக போல் ஸ்டுவர்ட் கூறி­யுள்ளார்.

 

தான் 11 வயது சிறு­வ­னாக இருந்­த­போது, தன்னை எதிர்­கா­லத்தில் ஒரு கால்­பந்­தாட்ட நட்­சத்­தி­ர­மாக்­கு­வ­தாக மேற்­படி பயிற்­றுநர் வாக்­கு­றுதி அளித்தார் எனவும் அதன் பின்னர் தன்­னிடம் அவர் முறை­கே­டாக நடந்து கொண்டார் எனவும் போல் ஸ்டுவர்ட் தெரி­வித்­துள்ளார்.

 

அன்டி வூட்வார்ட்

---

 

'ஒருநாள் காரில் சென்று கொண்­டி­ருந்த போது அவர் என்னை தொட்டார். எனக்கு மரண பயம் ஏற்­பட்­டது. எனக்கு என்ன செய்­வ­தெனத் தெரி­ய­வில்லை. எனது பெற்­றோ­ரிடம் கூறு­வ­தற்கு முயன்றேன்.

 

ஆனால், அப்­போது எனக்கு 11 வய­து தான். அப்­போ­தி­ருந்து அவர் என்னை படிப்­ப­டி­யாக பாலியல் துஷ்­பி­ர­யோ­கத்­துக்கு உட்­ப­டுத்­தினார். இதுகுறித்து எவ­ரி­டமும் கூறினால் எனது தாய், தந்தை மற்றும் இரு சகோ­த­ரர்­களை கொன்­று­விடப் போவ­தாக அவர் அச்­சு­றுத்­தினார்.

 

போல் ஸ்டுவர்ட், பெரி பென்னஸ் (இடமிருந்து வலம்)

---

 

11 வயது சிறு­வ­னான நான் இதை நம்­பினேன். இப்­ பா­லியல் துஷ்­பி­ர­யோ­கத்­தினால் ஏற்­பட்ட மனப் பாதிப்பு என்னை மது மற்றும் போதைப்­பொருள் பாவ­னை க்கும் இட்டுச் சென்­றது.

இத்­ துஷ்­பி­ர­யோ­கங்கள் மேலும் மேலும் மோச­ம­டைந்து சென்­றன' என போல் ஸ்டுவர்ட் கூறி­யுள்ளார். இங்­கி­லாந்தின் முன்னாள் கால்­பந்­தாட்ட வீரர்கள் இரு­வ­ரான அன்டி வூட்வார்ட் மற்றும் அவரின் அணி சகா­வான ஸ்டீவ் வோல்ட்டர்ஸ் ஆகியோர் தமது இள­மைக்­கால பயிற்­றுநர் பெரி பென்­ன­லினால் பாலியல் துஷ்­பி­ர­யோ­கத்­துக்கு உட்­பட்­ட­தாக தெரி­வித்­தி­ருந்­தமை குறிப்­பி­டத்­தக்­கது.

 

6 சிறு­வர்­களை பாலியல் துஷ்­பி­ர­யோ­கத்­துக்கு உட்­ப­டுத்­தி­யமை உட்­பட 23 குற்­றச்­சாட்­டு­களை ஒப்­புக்­கொண்ட பெரி பென்­ன­லுக்கு 1998 ஆம் ஆண்டு சிறைத்­தண்­டனை விதிக்­கப்­பட்­டது.

 

அவர் 9 வருடங்கள் சிறையில் இருந்தமை குறிப்பிடத்தக்கது. இந்நிலையில், தற்போது வர்த்தகராகவுள்ள போல் ஸ்டுவர்ட், அன்டி வூட்வார்ட்டின் கதையை வாசித்த பின்னர் தான் எதிர்கொண்ட அவலங்களை வெளிப்படுத்தியுள்ளார்.

 

இது போன்று மேலும் பலர் தமது இன்னல்களை வெளிப்படுத்த முன்வரக்கூடும் என தான் நம்புவதாக அவர் கூறியுள்ளார்.

- See more at: http://www.metronews.lk/article.php?category=gossips&news=20873#sthash.ZvJKbwGp.dpuf

 

விளையாட்டு வீரர்கள் தங்கள் மீதான பாலியல் தாக்குதல் பற்றி வெளியே சொல்ல ரூனி அழைப்பு

 

பயிற்சியாளர்களால் பாலியல் வல்லுறுவுக்கு உள்ளாக்கப்பட்ட முன்னாள் விளையாட்டு வீரர்கள் அதைப் பற்றி வெளியே சொல்ல வேண்டும் என்று இங்கிலாந்து கால்பந்து நட்சத்திரமான வேன் ரூனி வலியுறுத்தியிருக்கிறார்.

 

பிரிட்டன் கால்பந்து உலகை அதிர்ச்சிக்கு உள்ளாக்கியிருக்கும் இது பற்றிய தொடர் குற்றச்சாட்டுக்களுக்கு பின்னர், என்எஸ்பிசிசி என்ற பிரிட்டனின் குழந்தைகளுக்கான அறக்கட்டளையின் தூதராக விளங்கும் ரூனியின் இந்த கோரிக்கை வந்திருக்கிறது,

 இங்கிலாந்து கால்பந்து நட்சத்திரமான வேன் ரூனி

குரூ அலெக்ஸாண்ரா என்கிற இங்கிலாந்து கால்பந்து அணியின் பயிற்சியாளராக 1980-களிலும், 90-களிலும் இருந்த பேரி பெனல் மீது அதிகப்படியான குற்றச்சாட்டுக்கள் கூறப்பட்டுள்ளதோடு, இது பற்றிய துஷ்பிரயோகம் பற்றி 5 முன்னாள் விளையாட்டு வீரர்கள் இதுவரை தெரிவித்திருக்கின்றனர்.

 ஜாசன் டன்ஃபோர்டு, பெனலை அடித்திருப்பதாக கூறியுள்ளார்

இளைஞர்களுக்கு எதிரான பாலியல் தாக்குதலுக்காக மூன்றுமுறை அவர் சிறையில் அடைக்கப்பட்டுள்ளார்.

 அன்டி உட்வார்டின் கதை வெளிவர தொடங்கிய பின்னர், இங்கிலாந்து முன்னாள் சர்வதேச விளையாட்டு வீரர்கள் டேவிட் ஒய்ட் (இடது) மற்றும் பால் ஸ்ட்டுவர்ட் (நடுவில்) துஷ்பிரயோகம் பற்றி பேசியுள்ளனர்

நூற்றுக்கணக்கான இளம் ஆண்கள் இந்த தாக்குதலுக்கு உள்ளாகியிருக்கலாம் என்று கருத்துக்கள் உள்ளன.

http://www.bbc.com/tamil/sport-38106973