ஜனநாயக பண்புகளுக்கு அமைய நாடு ஆளப்பட வேண்டும்

 

2017ஆம்­ ஆண்­டுக்­கா­ன  வ­ர­வு – ­செ­ல­வுத்­திட்­டத்­தின்­ இ­ரண்­டாம் ­வா­சிப்­பு­ மீ­தா­ன­ ஐந்தாம்  நாள்­ வி­வா­தத்­தில் ­த­மிழ்த் ­தே­சி­யக்­கூட்­ட­மைப்­பின் த­லை­வ­ரும்­ எ­திர்க்­கட்­சித்­ த­லை­வ­ரும்­ தி­ரு­கோ­ண­ம­லை மாவட்ட எம்.பி.யுமா­ன  ­இ­ரா. ­சம்­பந்­தன்­  ஆற்­றி­ய­ உரை

 

ஜனா­தி­பதி மைத்­தி­ரி­பால சிறி­சேன தலைமை தாங்கும் ஸ்ரீலங்கா சுதந்­திரக் கட்சி மற்றும் பிர­தம மந்­தி­ரியும் கொள்கை திட்­ட­மிடல் மற்றும் பொரு­ளா­தார அலு­வல்கள் அமைச்­ச­ரு­மான ரணில் விக்­கி­ர­ம­சிங்க தலை­மை­தாங்கும் ஐக்­கி­ய­தே­சிய கட்சி ஆகிய இந்த நாட்டின் இரு பிர­தான அர­சியல் கட்­சிகள் இணைந்து நடத்தும் தற்­போ­தைய தேசிய கூட்­ட­ர­சாங்­கத்­தினால் இந்த வரவு செலவுத் திட்டம் சமர்ப்­பிக்­கப்­பட்­டுள்­ளது. அமைச்­ச­ரவை இவ்­விரு அர­சியல் கட்­சி­க­ளி­னதும் பிர­தி­நி­தி­களை உள்­ள­டக்­கி­யுள்­ளது.

வெறு­மனே பொரு­ளா­தார ரீதி­யாக மாத்­தி­ர­மன்றி அர­சியல் மற்றும் சமூக ரீதி­யா­கவும் இந்த நாட்­டிற்கு புதி­யதோர் எதிர்­கா­லத்தை வழங்­கு­வதே இவ்­விரு அர­சியல் கட்­சி­க­ளி­னதும் குறிக்­கோ­ளாகும். அதுவே உண்­மையில் 2015ஆம் ஆண்டு ஜன­வரி மாதம் நடை­பெற்ற ஜனா­தி­பதித் தேர்தலிலும் 2015ஆம் ஆண்டு செப்­டெம்பர் மாதம் நடை­பெற்ற பாரா­ளு­மன்றத் தேர்­த­லிலும் இந்த நாட்டின் தீர்ப்­பா­க­வி­ருந்­தது. முன்­னைய ஆட்­சியும் அதன் தலை­மைத்­து­வமும் இவ்­விரு தேர்­தல்­க­ளிலும் முக்­கிய பங்­கு­பற்­று­னர்­க­ளாக இருந்­தன. இரண்டு தேர்­தல்­க­ளிலும் அவர்கள் இந்த நாட்டை ஆளு­வ­தற்­கான மேலு­மொரு மக்கள் ஆணையை நாடி நின்­றனர். அவ்­வாறு அவர்கள் நாடிய ஆணையை வழங்க மக்கள் மறுத்­து­விட்­டனர். தமது இறைமையைப் பிர­யோ­கிக்கும் செயற்­பாட்டில் மக்கள் அர­சி­ய­ல­மைப்­பினால் விதித்­து­ரைக்­கப்­பட்­ட­வா­றான ஒரு காலப் பகு­திக்கு இந்த நாட்டை ஆளு­வ­தற்­கான தமது ஆணையை ஜனா­தி­பதி மைத்­தி­ரி­பால சிறி­சே­ன­விற்கும் பிர­தம மந்­திரி ரணில் விக்­கி­ர­ம­சிங்­க­விற்கும் வழங்­கி­யுள்­ளனர். இது, அர­சி­ய­ல­மைப்­பிற்­க­மை­ய­வன்றி வேறு எவ்­வ­கை­யிலும் அகற்ற முடி­யாத மக்­களின் இறை­மை­மிக்க தீர்ப்­பாகும். உண்­மை­யான ஜன­நா­யகப் பண்­பு­க­ளுக்­க­மைய இந்த நாடு ஆளப்­ப­ட­வேண்டும் என்­ப­தையே இந்த நாட்டில் உள்ள ஒவ்­வொ­ரு­வரும் விரும்­பு­கின்­றனர். இந்த விழு­மி­யங்கள் புனி­த­மா­னவை. எனவே அவை போற்றிப் பாது­காக்­கப்­ப­ட­வேண்டும்.

இது தொடர்­பாக, ஐக்­கிய நாடு­க­ளினால் நிறை­வேற்­றப்­பட்­டி­ருப்­பதும் நாம் இணங்­கி­யி­ருப்­ப­து­மான சர்­வ­தேச மனித உரி­மைகள் பிர­க­ட­னத்தை நான் இங்கு மேற்கோள் காட்ட விரும்­பு­கிறேன். சர்­வ­தேச மனித உரி­மைகள் பிர­க­ட­னத்தின் 21 ஆம் உறுப்­பு­ரையை நான் மேற்கோள் காட்­டு­கிறேன்.

1. தமது நாட்டின் அர­சாங்­கத்தில் நேர­டி­யா­கவோ அல்­லது சுதந்­தி­ர­மாகத் தெரிவு செய்­யப்­படும் பிர­தி­நி­தி­க­ளி­னூ­ட­கவோ பங்­கேற்­ப­தற்­கான உரிமை ஒவ்­வொ­ரு­வ­ருக்கும் உண்டு.

2. தமது நாட்டில் பொதுச் சேவையைப் பெற்றுக் கொள்­வதில் சம வாய்ப்­பிற்­கான உரிமை ஒவ்­வொ­ரு­வ­ருக்கும் உண்டு்

துர­திஷ்­ட­வ­ச­மாக இலங்­கையில் குறிப்­பாக தமிழ் மக்­களைப் பொறுத்­த­வரை அந்த விதி பின்­பற்­றப்­ப­டு­வ­தில்லை உப பந்தி (3) குறிப்­பி­டு­வ­தா­வது, மேற்கோள்:  மக்­களின் விருப்­பமே அர­சாங்க அதி­கா­ரத்தின் அடிப்­ப­டை­யாதல் வேண்டும்.இந்த விருப்பம் இர­க­சிய வாக்­குகள் அல்­லது அதை­யொத்த சுதந்­தி­ர­மான வாக்­க­ளிப்பு நடை­மு­றைகள் வாயி­லா­னதும் சர்­வ­ஜன மற்றும் சம வாக்­கு­ரிமை வாயி­லா­ன­து­மான காலா­கால மற்றும் நேர்­மை­யான தேர்­தல்­களில் வெளிப்­ப­டுத்­தப்­ப­டுதல் வேண்டும். 

இதைத்தான் ஒரு நாட்டின் ஆட்சி தொடர்­பான மக்­களின் விருப்பம் மற்றும் மக்­களின் சம்­மதம் தொடர்­பாக சர்­வ­தேச மனித உரி­மைகள் பிர­க­டனம் உள்­ள­டக்­கி­யி­ருக்­கி­றது. உரிய காலத்தில் நேர்­மை­யான தேர்தல்­களில் வெளிப்­ப­டுத்­தப்­படும் மக்­களின் விருப்­பம்தான் அர­சாங்க அதி­கா­ரத்­தின்­அ­டிப்­ப­டை­யாதல் வேண்டும். அது தெளிவா­கவே உள்­ளது.

 எமது அர­சி­ய­ல­மைப்­பிற்­க­மைய சட்­ட­பூர்­வ­மாக ஏற்­க­னவே முடி­வு­றுத்­தப்­பட்­டா­லொ­ழிய, பாரா­ளு­மன்­றத்­தி­னதும் ஜனா­தி­ப­தி­யி­னதும் பதவிக் காலம் ஆறு வரு­ட­மாகும். ஆறு வருட காலத்­திற்­கென மக்­க­ளினால் தெரிவு செய்­யப்­பட்­டி­ருந்­த­போதும், பாரா­ளு­மன்­றத்தில் சமர்ப்­பிக்­கப்­ப­டு­வ­தற்கு தான் உறு­து­ணை­யா­க­வி­ருந்த பத்­தொன்­ப­தா­வது திருத்­த­தின்கீழ், ஜனா­தி­பதி பதவிக் காலத்தை ஐந்து வரு­ட­மாகக் குறைத்தார். 2015 ஆம் ஆண்டு ஜன­வரி 8 ஆம் திகதி நடை­பெற்ற ஜனா­தி­பதித் தேர்­த­லுக்குப் பின்னர் பாரா­ளு­மன்­றத்தில் நிறை­வேற்­றப்­பட்ட பத்­தொன்­ப­தா­வது திருத்­தத்தின் மூலம் ஜனா­தி­ப­தியின் பதவிக் காலம் ஐந்து வரு­ட­மாகக் குறைக்­கப்­பட்­டது.  

தனது வரவு–செலவுத் திட்ட உரை­யின் ­போது நிதி அமைச்சர் இந்த அர­சாங்­கத்தின் பொரு­ளா­தார, அர­சியல் மற்றும் சமூக தொலை­நோக்கை விப­ரித்தார். அவ­ரது உரையின் 2 ஆம் பந்­தியை நான் வாசிக்­கின்றேன். மேற்­கோள்: நீடித்து நிலைக்கும் சமா­தானம், சுதந்­திரம் மற்றும் தேசிய ஒரு­மைப்­பாடு ஆகி­ய­வற்­றுக்­காக ஜன­நா­யகம், அடிப்­படை உரி­மைகள்,நல்­லி­ணக்கம் மற்றும் அபி­வி­ருத்தி ஆகி­ய­வற்றை உறு­திப்­ப­டுத்­து­வ­தற்­கான உன்­ன­த­மான முயற்­சியில் நாம் தொடர்ந்து முன்­னே­றுவோம்.

 அடிப்­ப­டையில் இந்த நாடு ஒரு­வ­ரை­யொ­ருவர் மதித்தல் மற்றும் உரை­யாடல் ஆகி­ய­வற்­றின்­மீது கட்­டி­யெ­ழுப்­பப்­படும் நீடித்து நிலைக்கும் சமா­தானம் எனும் தொலை­நோக்­கினால் வழி நடத்­தப்­ப­டு­கி­றது. இந்த நடை­மு­றைக்கு உர­மூட்­டு­வ­தற்கு சமூக, அர­சியல், பொரு­ளா­தார மற்றும் சர்­வ­தேச உற­வுகள் உள்­ளிட்ட அனைத்து முக்­கிய துறை­க­ளையும் உள்­ள­டக்­கிய இலட்­சி­ய­மிக்க நிகழ்ச்சி நிர­லொன்றை நாம் வகுத்­துள்ளோம். இந்த நல்­லாட்சி தேசிய அர­சாங்கம் அர­சி­ய­ல­மைப்­பிற்­கான சீர்­தி­ருத்­தங்கள், சட்­டத்தின் ஆட்­சி­யை­மீள நிலை நிறுத்தி அதனை ஸ்திரப்­ப­டுத்தல் மற்றும் நீதித்­துறைச் சுதந்­திரம் ஆகி­ய­வற்றில் அதிக கவனம் செலுத்தும் 

எனது மரி­யா­தை­மிக்க கருத்தில், அர­சாங்­கத்தின் தொலை­நோக்­கா­னது நிதி அமைச்­ச­ரினால் அவ­ரது வரவு–செலவுத் திட்ட உரை­யின்­போது மேற்­கொள்­ளப்­பட்ட ஒரு கூற்றில் மிகவும் தெளிவாகக் குறிப்­பி­டப்­பட்­டுள்­ளது. நான் முன்னர் குறிப்­பிட்­ட­வாறு அர­சாங்கம் இந்த நாட்­டுக்கு புதிய அர­சியல், பொரு­ளா­தார மற்றும் சமூகத் தொலை­நோக்­கொன்றை வழங்க பற்­று­றுதி பூண்­டுள்­ளது. நாம் சுதந்­திரம் பெற்ற காலத்­தி­லி­ருந்து இந்த நாட்டை மாறி மாறி ஆண்டு வந்த இரு பிர­தான அர­சியல் கட்­சி­களின் சம்­ம­தத்­தோடு புதி­யதோர் அர­சி­ய­ல­மைப்பை வகுப்­ப­தற்கு நாம் இப்­போது முதற் தட­வை­யாக முனை­கிறோம். ஒன்றில் ஐக்­கிய தேசியக் கட்சி அல்­லது ஸ்ரீலங்கா சுதந்­திரக் கட்­சிதான் நாம் சுதந்­திரம் பெற்ற காலத்­தி­லி­ருந்து இந்த நாட்டை ஆண்டு வந்­துள்­ளன. ஏனைய அர­சியல் கட்­சி­க­ளி­னதும் இந்த நாட்டு மக்­க­ளி­னதும் சம்­ம­தத்­தோடு இந்த நாட்­டிற்கு புதி­யதோர் அர­சி­ய­ல­மைப்பை உரு­வாக்­கு­வ­தற்­காக இவ்­விரு கட்­சி­களும் ஒன்­றி­ணைந்து செய­லாற்­று­வ­தற்­கான கூட்டு முயற்­சி­யொன்று தற்­போது நடை­பெற்று வரு­கி­றது.

இது முன்னர் நடை­பெற்­றி­ராத ஒரு புதிய நிகழ்வு. ஒரே, பிரி­வு­ப­டாத மற்றும் பிரிக்க முடி­யாத ஒரு நாடு என்ற வரைச்­சட்­ட­கத்­தினுள் இயன்­ற­வரை அதி­கூ­டிய கருத்­தொ­ரு­மைப்­பாட்டின் அடிப்­ப­டையில் அது அமைந்­தி­ருக்கும். நாம் இதற்கு முன்னர் மூன்று அர­சி­ய­ல­மைப்­பு­களைக் கொண்­டி­ருக்­கிறோம். முத­லா­வது அர­சி­ய­ல­மைப்பு 1947 ஆம் ஆண்டில் சுதந்­தி­ரத்­தின்­போது எமது கால­னித்­துவ ஆட்­சி­யா­ளர்­க­ளினால் உரு­வாக்­கப்­பட்­டது. இரண்­டா­வது அர­சி­ய­ல­மைப்பு 1972 இல் மற்ற பிர­தான அர­சியல் கட்­சி­யான ஐக்­கிய தேசிய கட்­சி­யி­னது அல்­லது தமிழ் மக்­களைக் கணி­ச­மா­ன­ளவு பிர­தி­நி­தித்­து­வப்­ப­டுத்­திய அர­சியல் கட்­சி­யி­னது சம்­ம­த­மின்­றியே ஸ்ரீ லங்கா சுதந்­திரக் கட்சி மற்றும் அதன் இட­து­சாரி பங்­காளிக் கட்­சிகள் ஆகி­ய­வற்­றினால் உரு­வாக்­கப்­பட்­டது.

மூன்­றா­வது அர­சி­ய­ல­மைப்பு 1978ஆம் ஆண்டு மற்றப் பிர­தான அர­சியல் கட்­சி­யான ஸ்ரீ லங்கா சுதந்­திரக் கட்­சியின் அல்லது தமிழ் மக்­களை கணி­ச­மா­ன­ளவு பிர­தி­நி­தித்­து­வப்­படுத்­திய கட்­சியின் சம்­ம­த­மின்­றியே ஐக்­கிய தேசியக் கட்­சி­யினால் வகுத்து நிறை­வேற்­றப்­பட்­டது. வேறு வகையில் கூறு­வ­தாயின், 1972 ஆம் ஆண்டு அர­சி­ய­ல­மைப்பும் 1978 ஆம் ஆண்டு அர­சி­ய­ல­மைப்பும் ஒரு கட்சி சார்­பா­ன­வை­யாகும் என்­ப­தோடு, நாட்­டி­லுள்ள மற்றப் பிர­தான கட்­சியின் சம்­ம­த­மின்றி, அதிலும் குறிப்­பாக அந்தக் கால­கட்­டங்­களில் இந்த நாட்டில் தமிழ் மக்­களை கணி­சமா­ன­ளவு பிர­தி­நி­தித்­து­வப்­ப­டுத்­திய கட்­சியின் சம்­மதம் அல்­லது கருத்­தொ­ரு­மைப்­பாடு இன்றி ஒரு சில கூட்­டணிப் பங்­காளிக் கட்­சி­களின் துணை­யோடு ஒரு தனிக் கட்­சி­யினால் வகுக்­கப்­பட்­ட­வை­யாகும்.

முதல் தட­வை­யாக, ஒரே, பிரி­ப­டாத மற்றும் பிரிக்­க­மு­டி­யாத நாடு என்ற வரைச் சட்­ட­கத்­தினுள் பரந்த கருத்­தொ­ரு­மைப்­பாடு என்ற அடிப்­ப­டையில் வகுக்­கப்­படும் ஓர் அர­சி­ய­ல­மைப்பு உரு­வாகும் என்றும் இந்த அர­சி­ய­ல­மைப்பு இந்த நாட்­டி­லுள்ள அனைத்து மக்­க­ளி­னது விருப்­பத்­தையும் பிர­தி­ப­லிக்கும் என்றும் சர்­வ­தேச மனித உரி­மைகள் பிர­க­ட­னத்தின் உறுப்­புரை 21 இல் குறிப்­பி­டப்­பட்­ட­வா­றான அர­சாங்க அதி­கா­ரத்தின் அடிப்­ப­டை­யாக அமையும் என்றும் எதிர்­பார்க்­கப்­ப­டு­கி­றது. இந்த நாட்டின் வர­லாற்றில் முதற் தட­வை­யாக, குறிப்­பாக இந்த நாட்டின் வடக்­கு, கிழக்கில் வாழும் மக்­களைக் கணி­ச­மான அளவு பிர­தி­நி­தித்­து­வப்­ப­டுத்தும் கட்சி அதா­வது, நான் சார்ந்­துள்ள தமிழ்த் தேசிய கூட்­ட­மைப்பு அர­சி­ய­ல­மைப்பை வகுக்கும் நடை­மு­றையில் ஒரு தரப்­பாக அமை­ய­வி­ருக்­கி­றது. இது, நிதி அமைச்­சரின் வரவு – செலவுத் திட்ட உரையின் பகுதி 1 இன் 2 ஆம் பந்­தியில் விரித்­து­ரைக்­கப்­பட்ட இந்­நாட்­டிற்­கான எதிர்­கால தொலை­நோக்கு அடை­யப்­பெ­று­வ­தற்கு உதவும்.

வரவு – செலவுத் திட்டம் தொடர்­பாக நான் ஓரு சில வார்த்­தைகள் கூறுவேன். சமூக உள்­ளீர்த்தல் மூலம் வளர்ச்­சியை வேக­மாக்­குதல் என்­பதே வரவு செலவுத் திட்­டத்தின் தொனிப் பொரு­ளாக அமைந்­துள்­ளது. இது ஒரு கடி­ன­மான பணி­யென நான் கரு­து­கிறேன். கழுத்­த­ளவு கடனில் நீங்கள் ஆழ்ந்­தி­ருக்­கும்­போது வளர்ச்­சி­யென்­பது கடி­ன­மா­னது. நிதி­ய­மைச்­சரால் மேற்­கொள்­ளப்­பட்ட கூற்­றின்­படி, எமது கடன் இருப்பு ரூபா 9 ட்றில்­லி­ய­னுக்குச் சற்று அதி­க­மாகும். எனவே, எமது வரு­மா­னத்தின் பெரும் பகுதி, அதா­வது எமது வரு­மா­னத்தின் ஏறத்­­தாழ 90 சத­வீ­த­மென நான் நினைக்­கின்றேன், கடனைத் திருப்பிச் செலுத்­து­வ­தற்கே செல­வா­கி­றது.

எவ்­வாறு இத்­த­கைய கடன்கள் உண்­டா­கின என்­பதை அறிந்­து­கொள்­வது நாட்­டிற்கு உகந்­த­தாகும்: அர­சுக்குச் சொந்­த­மான பொறுப்பு முயற்­சி­களில் ஏற்­பட்ட நட்­டங்கள் வெள்ளை யானை­க­ளாக மாறி­ய­மையும், தனிப்­பட்ட புக­ழுக்­காக மேற்­கொள்­ளப்­பட்­ட­வை­யு­மான பாரிய அபி­வி­ருத்தித் திட்­டங்கள் என்று அழைக்­கப்­பட்­ட­வற்­றின்­மீது மேற்­கொள்­ளப்­பட்ட பெரும் செல­வி­னங்கள், மிகக் கூடிய செல­வி­லான உட்­கட்­ட­மைப்பு,அபி­வி­ருத்தி எப்­போதும் உண்­மை­யான செல­வை­விட இரு மடங்கைக் கொண்­டி­ருந்­தமை, ஊழல், டாம்­பீகம்,விரயம், இவைதான் இந்த நாட்­டிற்கு ஏற்­பட்ட பெரும் கடன் பளு­விற்கு பங்­க­ளிப்புச் செய்த கார­ணி­க­ளாகும்.

நாடு அதன் அள­வுக்­க­தி­கமான கடனைத் திருப்பிச் செலுத்­த­வேண்­டி­யி­ருக்­கும்­போது வளர்ச்­சியும் அபி­வி­ருத்­தியும் எளி­தா­ன­வை­யல்ல என்­பதை அறிந்து கொள்­வது நாட்­டுக்கு நல்­லது. கல்வி, சுகா­தாரம், விவ­சாயம் முத­லிய முக்­கிய துறை­க­ளுக்கு தவிர்க்­க­மு­டி­யாத­வாறு கிடைக்­க­வேண்­டி­ய­தை­விட குறை­வா­கவே கிடைக்கும்.

வளர்ச்­சியைத் துரி­தப்­ப­டுத்­து­வ­தற்கு அர­சாங்­கத்­திடம் இலட்­சி­யம்­மிக்க நிகழ்ச்சித் திட்­டங்கள் உள்­ளன. பல நாடு­க­ளுடன் - இந்­தியா, சீனா, சிங்­கப்பூர், தென்­கொ­ரியா மற்றும் பல நாடு­க­ளுடன் - சுதந்­திர வர்த்­தக ஒப்­பந்­தங்­களைச் செய்­து­கொள்­வ­தற்கு அர­சாங்கம் திட்­ட­மி­டு­கி­றது. பெரு­ம­ளவு வெளிநாட்டு நேரடி முத­லீ­டு­களைப் பெற்­றுக்­கொள்­வ­தற்கு அர­சாங்கம் எதிர்­பார்க்­கின்­றது. கடந்த காலத்தை விட மிகவும் வேறு­பட்ட வகையில் இன்று உலகம் இலங்­கை­யோடு நட்­பு­ற­வுடன் உள்­ளது என்­பதை நாம் ஏற்­றுக்­கொள்ள வேண்டும். எனவே, எமது எதிர்­பார்ப்­புகள் நிறை­வேறக்­கூடும். அது நிக­ழு­மாயின், நாம் உற்­பத்தி செய்து பாரிய சந்­தை­களைக் கொண்ட நாடு­க­ளுக்கும் ஏனைய நாடு­க­ளுக்­கும்­கூட எமது உற்­பத்திப் பொருட்­களை ஏற்­று­மதி செய்ய முடியும். எனவே, நாம் எமது ஏற்­று­ம­தி­களை மேம்­ப­டுத்­து­வதில் முக்­கிய கவனம் செலுத்த வேண்டும். தேயிலை, இறப்பர் மற்றும் தென்னை போன்ற பாரம்­ப­ரிய ஏற்­று­ம­திகள் வீழ்ச்­சி­யுற்­றுள்­ளன. நாம் எமது முன்­னைய செய­லாற்­று­கையை மீள நிறுவி மேம்­ப­டுத்த வேண்டும்.

எமது ஆடைத்­தொழில் சிறப்­பாக செயற்­பட்­டுள்­ளது. பல்­வே­று­பட்ட துறை­களில் ஏற்­று­ம­திக்­கான புதிய சந்தை வாய்ப்­பு­களை நாம் தேடி ஆராய வேண்டும். அத்­த­கைய சந்­தை­களை இனங்­காண்­பதில் எமது தூத­ர­கங்கள் பயன்­மிக்க வகி­பா­க­மொன்றை ஆற்ற முடியும். நமக்கு அண்­மை­யி­லுள்ள சந்­தை­களில் நாம் பிர­வே­சிக்க வேண்டும். இந்­தி­யா­வுக்கு பல்­வேறு வகை­யான பருப்பு வகைகள் மிகவும் தேவைப்­ப­டு­கி­ற­தென்­ப­தையும் அத்­தகைய பருப்பு வகை­களை நாம் பெரு­ம­ளவில் உற்­பத்தி செய்து அவற்றை இந்­தி­யா­விற்கு ஏற்­று­மதி செய்ய முடி­யு­மென்றும் நான் முன்னர் வலி­யு­றுத்­தி­யி­ருக்­கிறேன். அது உண்­மை­யி­லேயே ஒரு பெரிய சந்­தை­யாக இருக்க முடியும்.

நாம் கடலால் சூழப்­பட்­டுள்ள ஒரு தீவாக இருப்­பதன் பெறு­ம­தியை நாம் போற்­று­வ­தாகத் தோன்­ற­வில்லை. எமது கடல் வளங்­க­ளி­லி­ருந்து முழு­மை­யாக நாம் பயன் பெறு­வ­தாகத் தோன்­ற­வில்லை. அபி­வி­ருத்தி செய்­யப்­பட்டு உரிய முறையில் பயன்­ப­டுத்­தப்­பட்டால், இவ்­வளம் எமது ஏற்­று­ம­தி­களுள் மிகப் பெரி­ய­தொன்­றாக விளங்கும். எமது நாட்டின் பல பகு­தி­களில் பல வாவிகள் உள்­ளன. கிழக்கு மாகா­ணத்தில், அதிலும் குறிப்­பாக மட்­டக்­க­ளப்பில் பல வாவிகள் உள்­ளன. இவ் வளங்­க­ளி­லி­ருந்து நாம் அறவே பயன் பெறு­வ­தாகத் தோன்­ற­வில்லை. இதுவும் இத­னுடன் சேர்ந்து கடல் மீன்­பி­டியும் மிகக் கவ­ன­மான ஆய்வும் ஏற்­று­ம­தியை நோக்­காகக் கொண்ட செயல்­திட்­டத்தின் உரு­வாக்­கமும் தேவைப்­படும் ஒரு துறை­யாகும். இந்தத் துறையில் ஏற்­று­ம­திக்­கான அதிக வாய்ப்பு இருக்­கி­ற­தென்று நான் கரு­து­கிறேன்.

அபி­வி­ருத்­தி­ய­டைந்த ஏனைய நாடு­க­ளி­லி­ருந்து நாம் படிப்­பினை பெற்­றுக்­கொள்ள வேண்டும். உதா­ர­ணத்­திற்கு சிங்­கப்­பூரை எடுத்­துக்­கொள்வோம். சிங்­கப்பூர் சுதந்­திரம் பெற்­றதன் பின்னர், லீ குவான் யு இலங்­கையைப் போன்று சிங்­கப்­பூரை அபி­வி­ருத்தி செய்ய தான் விரும்­பு­வ­தாகக் கூறினார். அந்தக் கால­கட்­டத்தில் இலங்­கையில் இடம்­பெற்­றுக்­கொண்­டி­ருந்த அபி­வி­ருத்தி குறித்து அவர் அவ்­வ­ளவு மகிழ்ச்­சி­யுற்­றி­ருந்தார். சிங்­கப்பூர் எங்கு சென்­றி­ருக்­கி­றது, நாங்கள் இன்று எங்கே இருக்­கிறோம்? எமது தலா வரு­மானம் சிங்­கப்­பூரின் தலா வரு­மா­னத்தின் பத்­தி­லொரு பங்­கிற்­கா­வது சம­மா­ன­தென நான் கரு­த­வில்லை.

ஜேர்­மனி யுத்­தத்தால் சிதை­வுற்ற ஒரு நாடு. உண்­மையில் ஜேர்­மனி நான்கு பிரி­வு­களாகப் பிரிக்­கப்­பட்­டது. ஒரு பகுதி ஐக்­கிய அமெரிக்கா­வினால் கட்­டுப்­ப­டுத்­தப்­பட்­டது. ஒரு பகுதி ஐக்­கிய இராச்­சி­யத்­தி­னாலும் ஒரு பகுதி பிரான்­சி­னாலும் இன்­னொரு பகுதி ரஷ்யாவி­னாலும் கட்­டுப்­ப­டுத்­தப்­பட்­டன. நாடு நான்கு பகு­தி­க­ளாகப் பிரிக்­கப்­பட்­டது.

(தொடரும்) 

http://content.epaper.virakesari.lk/newspaper/Daily/main/2016-11-28#page-4

ஜனநாயக பண்புகளுக்கு அமைய நாடு ஆளப்பட வேண்டும்

 

சிறிது காலத்தின் பின்னர் ஐக்­கிய அமெரிக்கா, ஐக்­கிய இராச்­சியம் மற்றும் பிரான்ஸ் ஆகிய நாடு­களின் கட்­டுப்­பாட்­டி­லி­ருந்த மூன்று பகு­திகள் ஒன்­றாக இணைந்­தன. ரஷ்யாவி­னதும் மேற்கு நாடு­க­ளி­னதும் கட்­டுப்­பாட்­டி­லி­ருந்த பகுதி நீண்ட காலம் தனி­யாக இருந்­தது. கிழக்கு ஜேர்­ம­னி­யையும் மேற்கு ஜேர்­ம­னி­யையும் பிரித்து நின்ற,ஒன்­றரை தசாப்­தத்­திற்கு முன்­னர்தான் இடிக்­கப்­பட்ட ஜேர்மன் சுவர் அங்கே இருந்­தது. இன்று அவர்கள் எவ்­வ­ளவு விரி­வான முன்­னேற்றம் அடைந்­துள்­ளனர்?

ஜப்பான், போரினால் அழித்­தொ­ழிக்­கப்­பட்டது. யுத்­தத்தின் பின்னர் ஜப்பான் அபி­விருத்­தி­யுற்­றது. இன்று இந்த நாடுகள் உலகில் பொரு­ளா­தா­ரத்தில் முன்னேற்றமடைந்து விளங்­கு­கின்­றன. இவை­யெல்லாம் அற்­பு­தங்கள் அல்ல. அவை வெற்­றியின் கதைகள். கொள்­கை­க­ளுக்கும் விழு­மி­யங்­க­ளுக்­கு­மான பற்­று­றுதி, அறி­வார்ந்த திட்­ட­மிடல், உறு­தி­யான அமு­லாக்கல் முன்­னேற்­றத்தின் மீதும் வெற்­றியின் மீது­மான பற்­று­றுதி.

அதுதான் இந்த நாடு­களில் வெற்றி ஏற்­ப­டு­வ­தற்­கான காரணம். அதுதான் உயர்ந்த நாட்டுப் பற்று. நாட்டுப் பற்று என்­பது, அர­சியல் ரீதி­யாக இருப்­புக்­கொள்­வ­தற்­காக நாட்­டினுள் ஒதுக்கி வைத்தல், பிரிவு மற்றும் பதற்றம் ஆகி­ய­வற்றை ஊக்­கு­விப்­பதும் அந்த நடை­முறையில் அதி கூடிய தனிப்­பட்ட நன்­மை­களை அடை­வதும் அல்ல. இந்த நாடு முற்­றாக மாற்­றப்­பட்டு ஒரு வேறு­பட்ட நாடாக ஆக்­கப்­பட முடியும். பற்­று­று­தியும் நேர்­மையும் கடும் உழைப்­புமே இதற்குத் தேவை.

எமது சேவைகள் மாற்­றி­ய­மைக்­கப்­ப­ட­வேண்டும். முத­லா­வ­தாக, அரச சேவை மாற்­றி­ய­மைக்­கப்­ப­ட­வேண்டும். அரச சேவை அதன் வழியை இழந்து விட்­ட­தாகத் தோன்­று­கி­றது. அதி­கூ­டிய வினைத்­தி­ற­னோடு செய­லாற்­று­வ­தற்­கான விருப்பம் அற்­றுப்­போ­ன­தாகத் தோன்­று­கி­றது. இது, அர­சி­யல்­ம­யப்­ப­டுத்தல் மற்றும் அரச சேவை வெவ்­வேறு முகாம்­க­ளாக பிரிக்­கப்­பட்­டி­ருத்தல் ஆகி­ய­வற்­றி­னாலா என்று எனக்குத் தெரிய­வில்லை. அர­சியல் தலை­யீடு இருந்து வரு­கி­றது என்­பது உண்­மை­யாகும். நாட்டின் மீதான கட­மை­யு­ணர்­வொன்றை அவர்­க­ளுக்கு ஊட்­டு­வ­தன்­ மூலம் அரச சேவைக்கு மீள வலு­வூட்­டு­வ­தற்­கான தேவை­யொன்று உள்­ளது.

சில பரி­கார நட­வ­டிக்­கைகள் மேற்­கொள்­ளப்­பட வேண்டும். அது வெறு­மனே வெளிப் பகட்­டா­ன­தாக மட்டும் இருத்­த­லா­காது. ஆழ­மான சுய ஆய்வு ஒன்றும் நாட்­டுக்கு சேவை­யாற்­று­வ­தற்­காக அதனை மீள உயிர்ப்­பூட்­டக்­கூ­டிய ஒரு நிகழ்ச்சித் திட்­டத்­தினை வகுத்­தலும் தேவை. அர­சாங்கச் செயற்­பாட்டில் அரச சேவை ஒரு முக்­கி­ய­மா­னதும் பெறு­மதி மிக்­க­து­மான கரு­வி­யாகும். நாம் இதனை மேலும் மோச­ம­டைய இட­ம­ளிப்­பது எமக்கு தீங்­கையே ஏற்­ப­டுத்தும். பொலிஸ் சேவைக்கும் இது பொருந்தும். சட்­டத்தின் ஆட்­சியை அனுஷ்ட்­டிப்­ப­தற்கு பற்­று­றுதி கொண்ட ஒரு சேவை­யாக அது மாற்­றி­ய­மைக்­கப்­பட வேண்டும். நாட்­டிற்­கான அவர்­க­ளது கடமை பற்­றியும் சட்­டத்தின் ஆட்­சியைப் பேணிப் பாது­காப்­ப­தற்­கான அவர்­க­ளது கடப்­பாடு பற்­றியும் அவர்­க­ளுக்கு அறி­வூட்­டு­வ­தற்­கான ஒரு தேவை இங்கு மீண்டும் உள்­ளது. இங்கும் அர­சியல் மயப்­ப­டுத்தல் ஒரு நோயா­கவே இருந்து வரு­கி­றது. நாடு ஒரு புதிய திசையில் செல்­ல­வேண்­டு­மாயின், சுதந்­தி­ர­மாக இயங்­க­வேண்­டிய நிறு­வ­னங்­களில் தலை­யிட்டு அந்தப் புதிய திசை­யி­லான முன்­னேற்­றத்தைத் தாம் தடுத்­த­லா­காது என்­பதை அர­சி­யல்­வா­தி­களும் உணர்ந்­து­கொள்­ள­வேண்டும்.

கல்­வியும் சுகா­தா­ரமும் எந்­த­வொரு நாட்­டிலும் மிக முக்­கி­ய­மான இரு துறை­க­ளாகும். இல­வசக் கல்­வியும் இல­வச சுகா­தார சேவையும் நாங்கள் வழங்­கு­கிறோம் என்று வெறு­மனே கூறு­வது போதாது. அது நிச்­ச­ய­மாக பாராட்­டப்­ப­டு­கி­றது. எனினும், நாம் தர­மான கல்­வியும் தர­மான சுகா­தா­ரமும் வழங்­க­வேண்டும். இந்தத் துறை­க­ளி­லான சேவைகள் மோச­மா­னவை என்று நான் ஒரு கணமும் கூற வர­வில்லை.

எனினும், குறிப்­பாக கிராமப் புறங்­களில் இந்தத் துறை­களில் முன்­னேற்­றத்­திற்­கான தேவை நிச்­சயம் உண்டு. நிதி வழங்­கல்­களின் போதாத்­தன்மை, போதாத ஒதுக்­கீ­டு­க­ளுக்­கான கார­ண­மாக இருக்­கலாம். ஆனால், நாடு உண்­மை­யான முன்­னேற்­றத்தை நோக்கி நகர வேண்­டு­மாயின், கல்வி மற்றும் சுகா­த­ார சேவைகள் எவ்­வ­ளவு சிறப்­பாக இருக்­க­வேண்­டுமோ, அவ்­வ­ளவு சிறப்­பாக இருக்­க­வேண்டும். இந்த நாடு செல்ல உத்­தே­சிக்கும் புதிய திசையில் இவற்றை மிக முக்­கி­ய­மான அம்­சங்­க­ளாக அர­சாங்கம் மனதில் கொள்­ள­வேண்டும்.

எமது பாட­சா­லை­களில் கற்­பித்தல் தரம் குறை­வ­டைந்­துள்­ளதா என்­ப­தையும் நாம் ஆரா­ய­ வேண்டும். மேலும் தேர்ச்­சி­பெற்­றதும் அர்ப்­ப­ணிப்­பு­ணர்வு கொண்­ட­து­மான ஒரு ஆசி­ரியர் சேவையை நாம் கொண்­டி­ருக்­கக்­கூ­டி­ய­தாக ஆசி­ரியர் சேவையின் ஆட்­சேர்ப்பு, பயிற்சி மற்றும் வேத­னங்கள் ஆகி­யன தொடர்­பான தற்­போ­தைய நடை­மு­றை­களை மீள் கட்­ட­மைக்க வேண்­டுமா என்­ப­தையும் ஆரா­ய­வேண்டும். யார்­மீதும் குற்றம் சுமத்த நான் ஒரு கணமும் முனை­ய­வில்லை. எனினும், கற்­பித்­தலின் தரம் குன்­றி­யுள்­ளதா என்ற வினா என் மனதில் எப்­போதும் எழு­கின்­றது. எமது ஆசி­ரி­யர்­களை எமக்கு நினை­வி­ருக்­கி­றது. எமது பள்ளிக் காலம் எமக்கு நினை­வி­ருக்­கி­றது. எமது ஆசி­ரி­யர்கள் எத்­துணை அர்ப்­ப­ணி­ப்பு­டை­ய­வர்க­ளாகத் திகழ்ந்­தார்கள் என்­பதும் எமக்கு நினை­வி­ருக்­கி­றது. அவர்­க­ளி­ட­மி­ருந்து நாம் எவ்­வ­ளவு பயன் பெற்­றுக்­கொண்டோம். எமது நாடு எதிர்­காலத்தில் சிறப்­புற செய­லாற்­ற­வேண்­டு­மாயின், எமது மாண­வர்­க­ளுக்கு மிகச் சிறந்த கல்வி வழங்­கப்­ப­ட­வேண்டும். எதிர்­கால சந்­த­தி­யி­னர்­ மீ­தான முத­லீ­டுதான் எதிர்­கா­லத்­திற்­கென நாம் மேற்­கொள்­ளக்­கூ­டிய மிகச் சிறந்த முத­லீ­டாகும். அந்த விட­யத்தை நாம் ஒரு யதார்த்­த­மான முறையில் கையா­ள­வேண்டும். எமது மாண­வர்­களின் நலனில் நாம் அதிக கவனம் செலுத்­த­வேண்டும் என்று நான் எண்­ணு­கின்றேன். தொழி­லுக்­க­மர்த்த முடி­யாத பட்­ட­தா­ரி­களை உரு­வாக்­கு­வதை நிறுத்தும் வண்­ணமும் எந்தப் பட்­ட­தாரி­க­ளுக்கு கிராக்கி நில­வு­கி­றதோ, அந்தப் பட்­ட­தா­ரி­களை உரு­வாக்கும் வண்­ணமும் எமது பல்­க­லைக்­க­ழகக் கல்வி பன்­மு­கப்­ப­டுத்­தப்­பட­ வேண்டும். வாழ்க்­கைத்­தொழில் பயிற்­சியும் தொழில் நுட்பக் கல்­வியும் இன்­னொரு முக்­கி­ய­மான துறை­யாகும். நேரடி வெளிநாட்டு முத­லீடும் அபி­வி­ருத்­தியும் உற்­பத்­தியும் இருக்­கு­மாயின், தேவை­யான திறன்­கொண்ட கணி­ச­மா­ன­தொரு தொழில்­படை நமக்குத் தேவைப்­படும். அந்தத் திறன்­களைக் பெற்­றுக்­கொள்­வ­தற்குத் தேவை­யான வாய்ப்­பு­களை எமது இளை­ஞர்­க­ளுக்கு வழங்­கு­வதன் மூலம் அந்த எதிர்­கால நிகழ்­விற்­கு ­எம்மை நாம் தயார்­ப­டுத்­திக்­கொள்ள முடியும்.

நிதி அமைச்­சரின் உரை­யின்­படி, உள்ளூரில் உற்­பத்தி செய்­யக்­கூ­டிய பல்­வேறு பொருட்­களை கணி­ச­மான செலவில் நாம் இறக்­கு­மதி செய்­கின்ற சில துறை­களைப் பற்றி நான் குறிப்­பிட விரும்­பு­கிறேன். சீனி இறக்­கு­ம­தியில் நாம் அமெரிக்க டொலர் 250 – 400 மில்­லியன் வரை செல­வி­டு­கின்றோம். உணவுப் பொருட்கள் மற்றும் விவ­சாயம் தொடர்­பு­பட்ட தேவை­களின் இறக்­கு­ம­திக்­காக ஆண்­டு­தோறும் அண்­ண­ள­வாக ரூபா 200 பில்­லியன் செல­வி­டு­கிறோம். பெரும் செலவில் 81,000 மெட்றிக் தொன் பால் மாவை நாம் இறக்­கு­மதி செய்­கிறோம்.

இலங்கை ஒரு சிறிய நாடு. உரிய திட்­ட­மி­ட­லோடு எமக்­குத் தேவை­யான எல்லா உணவுப் பொருட்­க­ளையும் நாம் உற்­பத்தி செய்யக் கூடி­ய­தாக இருக்­க­வேண்டும். இத்­த­கைய இறக்­கு­ம­தி­களைத் தவிர்ப்­ப­தற்­காக உள்­நாட்டு உற்­பத்­தியை நாம் முயன்று பார்க்க வேண்­டிய நிலை­யில்தான் எமது பொரு­ளா­தாரம் இருக்­கின்­றது. அது எமது சக்­திக்கு உட்­பட்­ட­துதான்.

நாம் சுற்­றுலாத் துறையை ஊக்­கு­விக்­க­வேண்டும். இது அதிக அபி­வி­ருத்­திக்­கான வாய்ப்புக் கொண்ட ஒரு துறை­யாகும். எமது கடற்­க­ரை­களும் கலா­சாரத் தலங்­களும் சுற்­றுலாத் துறை­யி­னரைக் கவரும் இடங்­களாகத் திக­ழு­கின்­றன. நாம் தர­மான பெரிய­ளவில் செலவு செய்யும் சுற்றுலாப் பிர­யா­ணி­களை ஈர்க்­க­வேண்டும்.

வடக்கு, கிழக்கு குறித்து நான் ஒரு சில வார்த்­தைகள் பேச விரும்­பு­கிறேன். இது யுத்­தத்­திற்கு முன்­னரும் அதன் பின்­னரும் நீண்ட கால­மாக மிகவும் புறக்­க­ணிக்­கப்­பட்டு வரும் ஒரு பிர­தே­ச­மாகும். யாழ்ப்­பாணம், மன்னார், வவு­னியா, கிளி­நொச்சி, முல்­லைத்­தீவு, மட்­டக்­க­ளப்பு மற்றும் அம்­பாறை என்று முழு வடக்கு, கிழக்­கி­லு­மி­ருந்து இடம்­பெ­யர்ந்­த­வர்­களை அவர்கள் எந்தக் காணி­க­ளி­லி­ருந்து இடம்­பெ­யர்ந்­தார்­களோ, அந்தக் காணி­க­ளி­லேயே மீளக்­கு­டி­ய­மர்த்­துதல் ஒரு முன் நிபந்­த­னை­யாகும். முக்­கிய தேவை­யாகும்.

புனர்­வாழ்வு, வீட­மைப்பு மற்றும் அவர்­க­ளு­டைய சொந்தக் காணி­களில் விவ­சாயம் செய்தல் அடங்­க­லான வாழ்­வா­தாரம், மீன்­பிடித்தல், விலங்கு வேளாண்மை, கால்­நடை அபி­வி­ருத்தி முத­லி­யன 2017 இல் முழு­மை­யாக அடை­யப்­பெ­ற­வேண்டும். பாதிக்­கப்­பட்ட இந்த மக்­களின் துன்ப துய­ரங்கள் ஒரு தொடரும் நிகழ்­வாக இருத்­த­லா­காது. பெரும் எதிர்­பார்ப்­புடன் பொறு­மை­யாகக் காத்­தி­ருந்து காத்­தி­ருந்து மக்கள் களைத்துப் போயுள்­ளனர். இப்­போது காரி­யங்கள் நிறை­வே­ற­வேண்­டு­மென்று விரும்­பு­கின்­றனர். வடக்கு, கிழக்­கி­லி­ருந்து தெரிவு செய்­யப்­பட்­டுள்ள 18 தமிழ் பாரா­ளு­மன்ற உறுப்­பி­னர்­களுள் 16 பேர் தமிழ் தேசிய கூட்­ட­மைப்பைச் சேர்ந்­த­வர்கள். இது 90 சத­வீ­தத்­திற்கு அதி­க­மா­ன­தாகும். மக்­களைப் பிர­தி­நி­தித்­து­வப்­ப­டுத்­து­வ­தற்­காக மக்­க­ளினால் தெரிவு செய்­யப்­பட்­டுள்ள நாங்கள் அர­சாங்­கத்தில் இல்­லா­விட்­டாலும், நான் தற்­போது விரித்­து­ரைத்த பணி­களை நிறை­வேற்ற அர­சாங்­கத்­தோடு இணைந்து செயற்­பட விரும்­பு­கிறோம். இந்தப் பணியை நிறை­வேற்­று­வ­தற்கு நிகழ்ச்சித் திட்­ட­மொன்றை அர­சாங்கம் வகுக்க வேண்­டு­மென்று நாங்கள் விரும்­பு­கிறோம். குறைந்­தது சபை முதல்­வ­ரா­வது இங்­கி­ருப்­பது குறித்து நான் மகிழ்ச்­சி­ய­டை­கிறேன். அவர் இரக்­க­மான செவி­களைக் கொண்ட ஒரு மனிதர். அர­சாங்கம் வடக்கு, கிழக்­கிற்கு விரி­வான நிகழ்ச்சித் திட்­ட­மொன்றை வகுக்க வேண்­டு­மென்றும் அந்தப் பணியை நிறை­வேற்­றக்­கூ­டி­ய­தாக இருக்­கு­மு­க­மாக எனது கட்­சியைச் சார்ந்த தெரிவு செய்­யப்­பட்ட மக்கள் பிர­தி­நி­தி­க­ளோடு அர­சாங்கம் இணைந்து செயற்­பட வேண்­டு­மென்றும் நான் கரு­து­கின்றேன். இது நடை­பெற வேண்­டு­மென நாங்கள் வலி­யு­றுத்­து­கிறோம். அத்­த­கைய நிகழ்ச்சித் திட்­ட­மொன்று விரை­வாக ஆரம்­பிக்­கப்­ப­டு­வதை உறு­திப்­ப­டுத்­து­வ­தற்கு நாங்கள் அனைத்து முயற்­சி­க­ளையும் மேற்­கொள்வோம். அது நாங்கள் இனியும் புறக்­க­ணிக்க முடி­யாத ஒரு பணி­யாகும். நாங்கள் (அதில்) ஆக்­க­பூர்­வ­மா­ன­தொரு பங்கு வகிப்போம்.

வடக்கில் முஸ்லிம் மக்­களை மீளக் குடி­ய­மர்த்தும் விட­யத்தில் கண்­கூ­டான முன்­னேற்­றத்தை காண்­ப­தையும் நாங்கள் விரும்­பு­கிறோம். அண்­மையில் நடை­பெற்ற வடக்கு முஸ்லிம் சிவில் சமூகச் சங்க உறுப்­பி­னர்கள் மாநா­டொன்றில், முஸ்லிம் சமூ­கத்தின் பிர­தி­நி­திகள், சிறைச்­சா­லைகள் மறு­சீ­ர­மைப்பு, புனர்­வாழ்வு, மீள்­கு­டி­யேற்ற மற்றும் இந்து சமய அலு­வல்கள் அமைச்­சரின் ஒரு பிர­தி­நி­தி­மற்றும் வட மாகாண முத­ல­மைச்­சரின் உத்­தி­யோ­க­பூர்வ பிர­தி­நிதி ஆகியோர் இதி­லுள்ள சிர­மங்­களைக் களைந்து வடக்­கி­லி­ருந்து இடம்­பெ­யர்ந்த முஸ்லிம் மக்­களின் மீள்­கு­டி­யேற்­றத்தில் உத­வு­வ­தற்கு இணைந்து செயற்­ப­டு­வார்கள் என்று தீர்­மா­னிக்­கப்­பட்­டது. இதுவும் அவ­சர நட­வ­டிக்கை தேவைப்­படும் ஒரு விட­ய­மாகும். தாங்கள் புறக்­க­ணிக்கப் பட்­டி­ருப்­ப­தாக முஸ்லிம் மக்கள் மத்­தியில் கவலை நில­வு­வ­தாகத் தோன்­று­கி­றது. வடக்­கி­லி­ருந்து இடம்­பெ­யர்ந்த முஸ்லிம் மக்கள் திரும்பி வந்து அனைத்து வச­தி­க­ளோடும் தமது காணி­களில் மீளக் குடி­யேற வேண்டும் என்­பதே தமிழ்த் தேசிய கூட்­ட­மைப்­பி­னதும் தமிழ் மக்­க­ளதும் கொள்­கை­யா­கையால், இந்தக் கவலை தொடர்ந்து நில­வ­வேண்­டு­மென்று நான் கரு­த­வில்லை.

எனது தொகு­தியும் எனது மாவட்­டமும் நான் நீண்ட காலம் இந்தப் பாரா­ளு­மன்­றத்தில் பிர­தி­நி­தித்­து­வப்­ப­டுத்­து­வ­து­மான திரு­கோண­மலை தொடர்­பாக நான் ஒரு சில வார்த்­தைகள் பேச வேண்டும். திரு­கோ­ண­மலை மாவட்ட அபி­வி­ருத்தி நிகழ்ச்சித் திட்­டத்­திற்கு ரூபா 1000 மில்­லி­யன் ­ஒ­துக்­கீடு செய்­யப்­பட்­டுள்­ளது. மக்­களின் அபி­வி­ருத்தி, அவர்­களின் வாழ்க்கைத் தர அபி­வி­ருத்தி, வீட­மைப்பு, மீள்­கு­டி­யேற்றம், புனர்­வாழ்வு, வாழ்­வா­தா­ரத்தை மீள­மைத்தல், வாழ்­வா­தா­ரத்தை மீள­மைப்­ப­தற்­கான வச­திகள் மற்றும் உப­க­ர­ணங்கள், மீன்­பி­டித்தல், கமம், கால் நடை அபி­வி­ருத்தி, விலங்கு வேளாண்மை, சிறு கைத்­தொ­ழில்கள், குடிசைக் கைத்­தொ­ழில்கள், நடுத்­தரக் கைத்­தொ­ழில்கள் ஆகி­ய­னவே அர்த்­த­முள்ள அபி­வி­ருத்­தி­யாக அமையும். இவைதான் எமக்குத் தேவை.

திரு­கோ­ண­ம­லையில் பெரும் வாய்ப்பு வளம்­கொண்ட இரு பெரும் நீர்ப்­பாசன திட்­டங்­களை நான் குறிப்­பிட வேண்டும். இதில் ஒரு திட்டம் திரு­கோ­ண­ம­லைக்கு வடக்­கே­யுள்ள பேராறு என்று அழைக்­கப்­ப­டு­வது. இங்கு பெரு­ம­ளவு நீர் கடலில் சென்று கலக்­கி­றது. அந்த நீர் பயன்­ப­டுத்­தப்­ப­டு­வ­தில்லை. இப்­ப­கு­தி­யி­லுள்ள நிலம் முழு­வதும் பெரு­ம­ள­விற்கு மானா­வாரி என்று நாங்கள் தமிழில் கூறும் மழை­நீ­ரையே நம்­பி­யி­ருக்கும் நில­மாகும். நாங்கள் அந்த நிலத்­திற்கு நீர்ப்­பாசன வசதி வழங்­க­வேண்டும். வழங்­கினால், அங்கு இரு போகத்­திலும் பயிர்ச் செய்கை மேற்­கொள்ள முடியும்.

நான் குறிப்­பிட விரும்பும் மற்றத் திட்டம், திரு­கோ­ண­ம­லைக்குத் தெற்கே வெருகல் -ஈச்சி­லம்­பற்று பகு­தி­யி­லுள்ள கல்­ல­ரிப்பு என்று அழைக்­கப்­ப­டு­வ­தாகும். இங்கும் பெரு­ம­ளவு நீர் கடலில் சென்று கலக்­கி­றது. இந்த நீர் பயன்­ப­டுத்­தப்­பட்டால், தற்­போது மானாவாரி பயிர்ச் செய்­கை­யிலும் மழை­நீரை நம்­பிய செய்­கை­யிலும் மட்டும் உள்ள ஆயிரக்­கணக்­கான ஏக்கர் நிலத்­திற்கு நீர்ப்­பா­சனம் வழங்க முடியும். மக்கள் இரு போகமும் பயிர்ச் செய்­கையில் ஈடு­பட முடியும். இது, இப்­பகுதியில் வாழும் பல ஆயிரம் குடும்­பங்களின் வாழ்க்கைத் தரத்தை மிகச் சிறந்­த­தொரு முறையில் மேம்­ப­டுத்த வழி வகுக்கும்.

இந்த இரண்டு திட்­டங்­களும் நீண்ட கால­மாக திட்­ட­மிடல் நிலை­யி­லேயே இருந்து வரு­கி­றது. ஏதோ­வொரு கார­ணத்­திற்­காக அவை அமுல்­ப­டுத்­தப்­ப­ட­வில்லை. திரு­கோ­ண­மலை மாவட்ட அபி­வி­ருத்­திக்­காக ஒதுக்­கப்­பட்­டுள்ள இந்­நி­தியில் இவ்­விரு திட்­டங்­க­ளுக்கும் முன்­னு­ரிமை வழங்­கப்­பட்டு அந்தப் பணிகள் மேற்­கொள்­ளப்­பட வேண்­டு­மென்று நான் கரு­து­கின்றேன். நாங்கள் அர­சாங்­கத்தை வலி­யு­றுத்­து­கிறோம் - உண்­மையில் நான் ஜனா­தி­பதியி­டமும் பிர­தமரி­டமும் இதை வலி­யு­றுத்­துவேன். ஜனா­தி­பதி மகா­வலி அபி­வி­ருத்­திக்கும் பிர­தான நீர்ப்­பா­சனத் திட்­டங்­க­ளுக்கும் பொறுப்­பாக இருக்­கிறார். இவ்­விரு திட்­டங்­களும் முன்­னு­ரி­மைக்­கு­ரிய விட­யங்­க­ளாகும். அவை நீண்ட கால­மாக நிலு­வையில் உள்­ளன.

உண்­மையில், பேராறு பற்றி 1977 இல் நான் முதல் தட­வை­யாக இந்தப் பாரா­ளு­மன்­றத்­திற்கு வந்­த­போது பேசினேன். யுத்தம் கார­ண­மாக, முரண்­பாடு கார­ண­மாக, கல­வர நிலைமை கார­ண­மாக காரியம் கைகூ­ட­வில்லை. ஆனால், இப்­போது அது நடை­பெற­வேண்டும். 2017 ஆம் ஆண்டு இறு­திக்குள் இவ்­விரு துறை­க­ளிலும் கணி­ச­மா­ன­ளவு முன்­னேற்­றத்தை நாம் காண­வேண்டும்.

திரு­கோ­ண­ம­லையில் அக்­க­றை­கொள்­ளத்­தக்க இன்­னொரு விடயம் கரை­யோ­ரத்தைப் பாது­காத்­த­லாகும். இப்­ப­கு­தியில், திரு­கோ­ண­மலை நகரின் சில முக்­கிய பகு­தி­களும் அதன் அயற் புறங்­களும் கட­ல­ரிப்­பினால் சீக்­கிரம் அழி­வ­டை­யக்­கூ­டிய கவ­லை­தரும் சாத்­தி­யத்தை எதிர்­நோக்­கி­யுள்­ளன. அந்தப் பகு­தி­களை இனங்­காட்ட நான் விரும்­பு­கிறேன். 

http://content.epaper.virakesari.lk/newspaper/Daily/main/2016-11-29#page-4