முஸ்லிம்களுக்கு ஆபத்தான சட்டம்

முஸ்லிம்களுக்கு ஆபத்தான சட்டம்

 

இலங்­கையில் 1979ஆம் ஆண்டின் 48 ஆம் இலக்க பயங்­க­ர­வாதத் தடுப்புச் சட்டம் 1979 ஜூலை மாதம் நிறை­வேற்­றப்­பட்­டது. நாட்டில் ஆயுதப் போராட்­டத்தில் ஈடு­பட்­ட­வர்­களை கைது செய்­வ­தற்­கா­கவே இச்­சட்டம் கொண்டுவரப்­பட்­டது. யாரையும் கேள்­வி­யின்றி கைது செய்­யவும், தடுத்து வைக்­கவும் இச்­சட்­டத்தில் ஏற்­பா­டு­க­ளுண்டு.

இதனால், இச்­சட்­டத்தை பயன்­ப­டுத்தி பல இளை­ஞர்கள் கைது செய்­யப்­பட்­டார்கள். இன்றும் இச்­சட்­டத்தின் மூல­மாக கைது செய்­யப்­பட்­ட­வர்கள் சிறையில் அடைக்­கப்­பட்­டுள்­ளார்கள். அத்­தோடு அவ­சரகால சட்­டமும் நாட்டில் கொண்டு வரப்­பட்­டது. இந்த சட்­டமும், பயங்­க­ர­வாத தடுப்புச் சட்­டமும் தனி­ந­பர்­களை கைது செய்­யவும், தடுத்து வைக்­கவும் கூடிய அதி­கா­ரத்தை பாது­காப்புத் தரப்­பி­ன­ருக்கு வழங்­கி­யது.

இச்­சட்டமூலத்தில் உள்ள கடுமை கார­ண­மாக பயங்­க­ர­வாத தடுப்புச் சட்­டத்­தையும், அவ­ச­ர­கால சட்­டத்­தையும் நீக்­கு­மாறு தமிழ் மக்கள் பிர­தி­நி­திகள் இச்­சட்ட மூலம் கொண்டுவரப்­பட்ட நாள் முதல் அர­சாங்­கத்­திடம் கோரிக்கை விடுத்து வந்­துள்­ளார்கள்.

ஆனால், அர­சாங்கம் இச்­சட்­டங்­களை நீக்­கு­வ­தற்கு விரும்­ப­வில்லை. இந்­நி­லையில் நாட்டில் பயங்­க­ர­வாதம் முற்­றாக ஒழிக்­கப்­பட்டு 07 வரு­டங்கள் கடந்­துள்ள போதிலும் இச்­சட்­டங்கள் நடை­மு­றை­யி­லேயே இருந்து கொண்­டி­ருக்­கின்­றன.

இந்­நி­லையில் சர்­வ­தேச நாடு­களும், அமைப்­புக்­களும் பயங்­க­ர­வாத தடுப்புச் சட்­டத்­தினை நீக்க வேண்­டு­மென்று அர­சாங்­கத்தை கேட்­டுள்­ளன.

குறிப்­பாக பயங்­க­ர­வாதத் தடைச் சட்­டத்தை நீக்­கி­வி­டு­மாறு ஐரோப்­பிய சங்­கமும் ஜெனீவா மனித உரி­மைகள் ஆணைக்­கு­ழுவும் அர­சாங்­கத்­திடம் வேண்­டுகோள் விடுத்­தி­ருந்­தமை குறிப்பிடத்­தக்கது.

ஐரோப்­பிய சங்­கத்­தி­னதும், ஜெனீவா மனித உரி­மைகள் ஆணைக்­கு­ழு­வி­னதும் வேண்­டு­கோ­ளுக்கு ஏற்ப பயங்­க­ர­வாத தடுப்புச் சட்­டத்தை இல்­லாமல் செய்­வ­தற்கு அர­சாங்கம் தீர்­மா­னித்­துள்­ளது. இதுபற்றி அர­சாங்கம் ஐக்­கிய நாடுகள் சபைக்கும் அறி­வித்­துள்­ளது.

ஜெனீவா மனித உரி­மைகள் பேர­வையில் இலங்­கைக்கு எதி­ரா­க­வுள்ள எண்­ணங்­களை மாற்­றி­ய­மைப்­ப­தற்கே அர­சாங்கம் இச்­சட்­டத்தை இல்­லாமல் செய்­வ­தற்கு இணங்­கி­யுள்­ளது.

ஆயினும், இச்­சட்ட மூலத்­திற்கு பதி­லாக ஒழுங்­க­மைக்­கப்­பட்ட குற்றச் செயல்­களை கட்­டுப்­ப­டுத்தல், விசா­ரணை நட­வ­டிக்­கை­களின் போதுள்ள சட்ட திட்­டங்கள் மற்றும் புல­னாய்வு சேவை நட­வ­டிக்கை என்­பன தொடர்­பான பிர­தான மூன்று விட­யங்­களை உள்­ள­டக்­கி­ய­தாக பயங்­க­ர­வா­தத்­தினை முறி­ய­டிக்கும் வகை­யி­லான தேசிய பாது­காப்புச் சட்டம் ஒன்­றினை கொண்டு வரு­வ­தற்கு அர­சாங்கம் தீர்­மா­னித்­துள்­ள­தாக தெரி­விக்­கப்­ப­டு­கின்­றது. இச்­சட்டமூலம் பயங்­க­ர­வாத தடுப்புச் சட்­டத்­தினை விடவும் கடுமை வாய்ந்­தாக இருக்­கு­மென்று தெரி­விக்­கப்­ப­டு­கின்­றது.

பயங்­க­ர­வா­தத்­தினை முறி­ய­டிக்கும் சட்டமூல­மா­னது சர்­வ­தேச நாடு­களின் ஆலோ­சனைப்படி உரு­வாக்­கு­வ­தற்­கு­ரிய அனைத்து நட­வ­டிக்­கை­களும் முடி­வ­டைந்­துள்­ள­தா­கவும், இதனைச் சட்­ட­மாக்கும் பணி மாத்­தி­ரமே இருப்­ப­தா­கவும் தெரி­விக்­கப்­ப­டு­கின்­றது.

இதே வேளை, குறித்த 'பயங்­க­ர­வா­தத்தை முறி­ய­டிக்கும் சட்ட மூலம் முஸ்­லிம்­களின் அடை­யா­ளத்தை குறி­வைத்தே உரு­வாக்­கப்­பட்­டுள்­ளது. ஒரு மௌலவி வெள்­ளிக்­கி­ழ­மை­களில் பள்­ளி­வா­சலில் ஓதும் குத்­பாவை (பிர­சங்கம்) பொறுத்து அவரை கைது செய்­யவும், இஸ்­லா­மிய பிர­சார ந­ட­வ­டிக்­கை­களை முடக்­கவும், இஸ்­லா­மிய இயக்­கங்­களை தடை செய்­யவும், ஏன் முழு முஸ்லிம் நவீன கட்­ட­மைப்­புக்குள் இருக்கும் அனைத்து அங்­கங்­க­ளையும் கண்­கா­ணித்து கட்­டுப்­ப­டுத்­தவும், அல்­லது கட்­டுப்­ப­டா­த­வி­டத்து கைது செய்து தண்­டனை வழங்க முடி­யு­மான ஏற்­பா­டுகள் இச்­சட்டமூலத்தில் இருக்­கின்­றன என்­பது அச்­ச­மாகும்' என்று முஸ்லிம் காங்­கி­ரஸின் தவி­சா­ளரும், முன்னாள் அமைச்சரு­மான பசீர் சேகு­தாவூத் எச்­ச­ிக்கை செய்துள்ளார்.

இச்­சட்டமூலம் தொடர்பில் முஸ்லிம் பாரா­ளு­மன்ற உறுப்­பி­னர்கள் ஒப்­புதல் அளித்­துள்­ள­தா­கவும் தெரி­விக்­கப்­படு­கின்­றது.அண்­மையில் இடம்­பெற்ற பாது­காப்பு கவுன்சில் கூட்­டத்­திற்கு பாரா­ளு­மன்­றத்தை பிர­தி­நி­தித்­து­வ­ப்­ப­டுத்தும் முஸ்லிம் கட்­சி­களின் தலை­வர்­க­ளையும், இன்னும் சில பிர­தி­நி­தி­க­ளையும் ஜனா­தி­ப­தியும், பிர­த­மரும் அழைத்து இப்­பு­திய சட்டமூலத்­திற்­கான ஆத­ரவைப் பெற்­றுள்­ள­தாக அறிய முடி­கி­றது என்றும் பசீர் சேகு­தாவூத் தெரி­வித்­துள்ளார். தமிழ்த் தேசிய கூட்­ட­மைப்பின் பாரா­ளு­மன்ற உறுப்­பினர் சட்­டத்­த­ரணி சுமந்­திரன் இச்­சட்ட மூலம் தமி­ழர்­களை பாதிக்­காது என்று தெரி­வித்­துள்­ள­தா­கவும் அவர் தெரி­வித்­துள்ளார்.

இலங்­கையில் இல்­லாத ஐ.எஸ்.ஐ.எஸ். பயங்­க­ர­வா­தத்­துடன் இலங்கை முஸ்­லிம்­களை தொடர்­பு­ப­டுத்தி பௌத்த கடும்­போக்கு அமைப்­புக்­களும், பாரா­ளு­மன்­றத்தில் நீதி அமைச்­சரும் கருத்­துக்­களை முன்வைத்­துள்ள பின்­ன­ணியில் பயங்­க­ர­வா­தத்தை முறி­ய­டிக்கும் சட்ட மூல­மா­னது சர்­வ­தேச நாடு­களில் உள்­ள­வற்­றிக்கு இணை­யாக உரு­வாக்­கப்­பட்­டுள்­ளது.

இதன் பிர­திகள் ஐக்­கிய நாடுகள் சபைக்கும் அனுப்பி வைக்­கப்­பட்­டுள்­ளன.

இச்­சட்­டத்­திற்கு முஸ்லிம் கட்­சி­களின் தலை­வர்­களும், அழைக்­கப்­பட்ட முஸ்லிம் பிர­தி­நி­தி­களும் ஒப்­புதல் அளித்­தி­ருந்தால் அது பற்றி முஸ்­லிம்­க­ளுக்கு தெளி­வு­களை ஏற்­ப­டுத்த வேண்டும். பயங்­க­ர­வாத்தை முறி­ய­டிக்கும் சட்­டத்­தினால் முஸ்­லிம்­க­ளுக்கு பாதிப்­பில்லை என்று கூற முடி­யு­மாயின் அதனை மக்­க­ளுக்கு சொல்­லுதல் வேண்டும். மட்­டு­மல்­லாது, இப்­பு­திய சட்­டத்­திற்கு ஆத­ரவளிக்­க­வில்­லை­யாயின் அதற்­கான கார­ணத்­தையும் இவர்கள் தெரிவிக்க வேண்டும். இதே வேளை, இனப்­பி­ரச்­சி­னைக்­கான தீர்வு விட­யங்­க­ளிலும், புதிய சட்ட மூலங்­களை உரு­வாக்கும் விட­யங்­க­ளிலும் மக்­க­ளி­டையே கருத்­துக்­களை முன்வைக்கக் கூடா­தென்ற பொது­வா­ன­தொரு உடன்­பாட்­டிற்கு முஸ்லிம் கட்­சிகள் வந்­துள்­ள­தா­கவும் தெரி­விக்­கப்­ப­டு­கின்­றது. இத­னால்தான் ஏனைய விவ­கா­ரங்­களில் முட்டி மோதிக் கொள்ளும் முஸ்லிம் கட்­சிகள் பயங்­க­ர­வா­தத்தை முறி­ய­டிக்கும் சட்ட மூலம், இனப்­பி­ரச்­சி­னைக்­கான தீர்வு ஆகி­ய­வற்றில் முஸ்லிம் கட்­சி­களும், தலை­வர்­களும் மௌன­மாக இருப்­ப­தா­கவும் தெரி­விக்­கப்­ப­டு­கின்­றன. அமைச்சர் பத­வி­களைப் பெற்­றுள்­ள­வாகள் கூட்டுப் பொறுப்பை பேண வேண்­டு­மென்ற அதி­காரத் தரப்பின் கட்ட­ளைக்கு கட்­டுப்­பட்டுள்­ள­தா­கவும் தெரி­விக்­கப்­ப­டு­கின்­றன.

பயங்­க­ர­வாத்­தினை முறி­ய­டிக்கும் சட்­ட­மா­னது சர்­வ­தேச ரீதி­யாக பயங்­க­ர­வாத்தை கட்­டுப்­ப­டுத்­து­வ­தற்கு ஏற்ற வகையில் வர­வி­ருப்­ப­தா­கவும் தெரி­விக்­கப்­ப­டு­கின்­றது.

சர்­வ­தேச ரீதி­யாக முஸ்லிம் ஆயுதக் குழுக்கள் மாத்­திரம் பயங்­க­ர­வாத நட­வ­டிக்­கை­க­ளிலும், மனித உரிமை மீறல்­க­ளிலும் ஈடு­பட்டு வரு­வ­தாக சித்திரிக்கப்பட்டுள்ளன. இந்த ஆயுதக் குழுக்­களை விடவும் மோச­மான பயங்­க­ர­வாத நட­வ­டிக்­கை­க­ளையும், மனித உரிமை மீறல்­க­ளையும் முஸ்­லிம்­க­ளுக்கு எதி­ராகப் பல நாடுகள் தமது இரா­ணு­வத்தின் மூல­மாக மேற்­கொண்டு வரு­கின்­றன.

இலங்­கை­யிலும் முஸ்­லிம்­களை இலக்கு வைத்து பௌத்த கடும்­போக்கு இன­வாத அமைப்­புக்கள் செயற்­பட்டு வரு­கின்­றன. இத்­த­கைய நட­வ­டிக்­கை­களை மனித உரிமை மீறல்கள் என்று அழைப்­ப­தில்லை.

அண்­மையில் மட்­டக்­க­ளப்பு மாவட்­டத்­திற்கு கல­கொட அத்த ஞான­சார தேரரின் தலை­மையில் மேற்­கொள்­ள­வி­ருந்த விஜ­யத்­திற்கு நீதி­மன்றம் தடை விதித்­தி­ருந்­தது. இத்­த­டை­யுத்­த­ரவுக் கடிதம் தேர­ரிடம் வழங்­கப்­பட்டபோது நீதி­மன்­றத்தின் உத்­த­ரவுப் பத்­தி­ரம் பகி­ரங்­க­மாக கிழித்து எறி­யப்­பட்­டது.

நீதி­மன்­றத்­தினை உத்­த­ர­வினை அவ­ம­தித்த குறிப்­பிட்ட தேரர் இன்னும் கைது செய்­யப்­ப­ட­வில்லை.

இதே செயற்­பாட்டை முஸ்லிம், இந்து, கிறிஸ்­தவ மதத் தலை­வர்கள் செய்­தி­ருப்­பார்­க­ளாயின் உட­ன­டி­யாகக் கைது செய்­யப்­பட்­டி­ருப்­பார்கள்.

ஆதலால், பயங்­க­ர­வா­தத்தை முறி­ய­டிக்கும் சட்ட மூலத்தில் உள்­ள­வற்றைத் தெளி­வாக புரிந்து கொள்­ளாது அங்­கீகாரம் வழங்க முடி­யாது.

கடந்த வாரம் ஜனா­தி­பதி மைத்­தி­ரி­பால சிறி­சேன சர்வ மதத் தலை­வர்­க­களை சந்­தித்தார். இச்­சந்­திப்பில் கலந்து கொண்ட பொதுபல சேனாவின் செய­லாளர் கல­கொட அத்தே ஞான­சார தேரர் எமது பௌத்த மர­பு­ரி­மைகள் ஏனைய மதத்­த­வர்­க­ளினால் அழிக்­கப்­பட்டு வரு­கின்­றன. எமது பாரம்­ப­ரிய பௌத்த வர­லாற்­றுக்கு சான்­றா­க­வுள்ள தொல்­பொருள் பிர­தே­சங்கள் முஸ்­லிம்­க­ளினால் ஆக்­கி­ர­மிக்­கப்­பட்­டுள்­ளன.

கூர­கல, தெவ­ன­கல, முதுகு மகா விகாரை, புனித பூமிக் காணிகள் முஸ்­லிம்­களின் வச­முள்­ளன என்று தெரி­வித்­துள்ளார்.

முஸ்­லிம்­களை நில ஆக்­கி­ர­மிப்­பா­ளர்கள், சர்வதேச பயங்­க­ர­வா­தத்­துடன் தொடர்­பு­டை­ய­வர்கள் என்ற தமது கொள்கை வார்ப்பில் பௌத்த இன­வாத தேரர்கள் விடு­ப­ட­வில்லை என்­பது ஞானசார தேரரின் கருத்­துக்­களின் மூல­மாக தெரி­கின்­றன. முஸ்­லிம்­களின் காணிகள் புனித பூமி என்றும், வன­­லா­கா­வுக்­கு­ரிய காணிகள் என்றும் கப­ளீகரம் செய்­யப்­பட்­டுள்­ளன. பல இடங்­களில் முஸ்­லிம்­க­ளிடம் பறிக்­கப்­பட்ட காணிகள் பெரும்­பான்­மை­யி­ன­ருக்கு வழங்­கப்­பட்­டுள்­ளன. தமி­ழர்­களின் காணி­களும் பறிக்­கப்­பட்­டுள்­ளது. ஆயினும், முஸ்­லிம்­களின் மீதுதான் பழி சுமத்­தப்­ப­டு­கின்­றன. தலை­வர்கள் எளி­ய­வர்­க­ளாக இருந்தால் இவ்­வாறுதான் நடை­பெற்றுக் கொண்­டி­ருக்கும். 

இதே வேளை, இனப்­பி­ரச்­சி­னைக்­கான அர­சியல் தீர்­வுக்கு பொதுபல சேனா கடும் எதிர்ப்­புக்­களை தெரி­வித்துக் கொண்­டி­ருக்­கின்­றது. முஸ்­லிம்­களும், தமி­ழர்­களும் ஜனா­தி­ப­தியின் நிறை­வேற்று அதி­கா­ரங்­களை ஒழித்து நாட்டை ஐந்து மாநி­லங்­க­ளாக பிரிப்­ப­தற்கு அர­சியலமைப்பில் திருத்­தங்­களை கொண்டு வரு­வ­தற்கு முயற்­சிக்­கின்­றார்கள். இதற்கு நாங்கள் ஒரு போதும் இட­ம­ளிக்க மாட்டோம். எம்மை மீறி திருத்­தங்கள் மேற்­கொண்டால் நாட்டில் இரத்த ஆறு ஓடு­மென பொதுபல சேனாவின் செய­லாளர் கல­கொட அத்தே ஞான தேரர் தெரி­வித்­தி­ரு­கிறார்.

இவ்­வாறு பௌத்த தேரர்­களில் ஒரு குழு­வினர் நாட்டின் அமை­திக்கும், சட்­டத்­திற்கும் மாறாக நடந்து கொண்­டி­ருக்கின்றார்கள். ­ வன்­மு­றையை தூண்டும் வகையில் இச்­சி­றிய குழு­வினர் செயற்­பட்டுக் கொண்­டி­ருப்­ப­தனை சட்­டத்தின் கைகொண்டு அடக்­காது இருந்­த­மை­யால்தான் மஹிந்­த­ரா­ஜ­ப­க் ஷவின் அர­சாங்­கத்தின் காலத்தை போன்று மோச­மான நட­வ­டிக்­கை­களில் நல்­லாட்­சி­யிலும் நடந்து கொண்­டி­ருக்­கின்­றார்கள்.

நாட்டில் ஒரு குழு­வினர் சட்­டத்தை கையில் எடுத்துக் கொண்டு செயற்­பட்டுக் கொண்­டி­ருக்­கின்­றார்கள். தமி­ழர்கள் சர்­வ­தே­சத்தின் உத­வி­யுடன் தமக்கு எதி­ரான செயற்­பா­டு­களை படிப்­ப­டி­யாகத் தடுத்துக் கொண்டு வரு­கின்­றார்கள். ஆனால், முஸ்­லிம்­க­ளுக்கு எதி­ரான நட­வ­டிக்­கைகள் இன்னும் தீவி­ர­ம­டைந்து கொண்டு வரு­கின்­றன. முஸ்லிம் அர­சியல் கட்­சி­களும், மக்கள் பிர­தி­நி­தி­களும் எடுப்பார் கைப்­பிள்ளை போல உள்­ளார்கள். காலத்­திற்கு காலம் தெரிவு செய்­யப்­பட்ட அர­சாங்­கத்தின் பங்­கா­ளிகள் என்று முஸ்லிம் தலை­வர்கள் தெரி­வித்துக் கொள்­கின்­றார்கள். அதே வேளை, முஸ்­லிம்­களின் உரி­மைகள் காவு கொண்டு போய்க் கொண்­டி­ருப்­ப­தனை வேடிக்கை பார்த்துக் கொண்­டி­ருக்­கின்­றார்கள்.

அர­சாங்கம் இஸ்­ரேலின் முத­லீட்­டா­ளர்­க­ளுக்கு அனு­மதி அளித்­துள்­ளது. யுனெஸ்­கோவில் பலஸ்தீன் விவ­கா­ரத்தில் இலங்கை பலஸ்­தீ­னுக்கு ஆத­ர­வாக வாக்­க­ளிக்­காது இருந்­தமை. முஸ்லிம் தனியார் சட்ட மூலத்தில் திருத்தம் கொண்டு வரு­வ­தற்­கு­ரிய நட­வ­டிக்­கைகள், முஸ்­லிம்கள் நில ஆக்­கி­ர­மிப்­பாளர் என்று பெரும்­பான்மை பௌத்த மக்­க­ளுக்கு பிழை­யான தக­வல்­களை வழங்­கப்­ப­டு­கின்­றன. முஸ்­லிம்­க­ளுக்கு எதி­ராக பெரும்­பான்மை பௌத்­தர்­களை திசை திருப்பும் சூழ்ச்சி, முஸ்­லிம்கள் பெரும்­பான்­மை­யாக வாழும் சிங்­க­ள­வர்கள் இல்­லாத இறக்­காமம் - மாணிக்­க­மடு, கிண்­ணியா ஆகிய இடங்­களில் புத்தர் சிலையை வைக்கும் நட­வ­டிக்­கைகள் என சங்­கிலித் தொட­ராக நடை­பெ­று­கின்­றன. முஸ்­லிம்­க­ளுக்கு எதி­ரான செயற்­பா­டுகள் நடை­பெற்றுக் கொண்­டி­ருக்கும் நிலையில் பயங்­க­ர­வாத்தை முறி­ய­டிக்கும் சட்­டத்தை முஸ்லிம் அர­சியல் தலை­வர்­களின் பதவிப் பசிக்கு தீன் போடு­வ­தற்­காக அங்­கீ­க­ரிக்க முடி­யாது.

நாட்டின் பாது­காப்பை உறு­திப்­ப­டுத்தும் வகை­யிலும், மீண்டும் நாட்டில் பயங்­க­ர­வாத நட­வ­டிக்­கைகள் இடம்­பெ­றாத வகை­யிலும் சட்­டங்கள் இருப்­பது அவ­சி­ய­மாகும். ஆனால், அச்­சட்டமூலம் ஒரு இனத்தின் அடை­யா­ளங்­களை குறி வைத்து, சர்­தேச நாடு­களின் தேவைக்கு ஏற்­ற­வாறு அமைக்­கப்­படக் கூடா­தென்­பதே எமது வேண்­டு­கோ­ளாகும்.

ஆதலால், முஸ்லிம் சிவில் அமைப்­புக்கள் தங்­களின் கவ­னத்தை இது விட­யத்தில் செலுத்­துதல் வேண்டும். அண்­மைக்­கா­ல­மாக முஸ்லிம் சிவில் அமைப்­புக்கள் முஸ்­லிம்­களின் பிரச்­சி­னை­களில் கூடுதல் அக்­க­றை­யுடன் செயற்­பட்டுக் கொண்­டி­ருக்­கின்­றன. அத்­த­கை­ய­தொரு ஈடு­பாட்டை பயங்­க­ர­வா­தத்தை முறி­டிக்கும் சட்ட மூலத்­திலும் காட்­டுதல் வேண்டும்.

ஒரு சமூ­கத்தின் தலை­வர்கள் வெறும் பார்­வை­யா­ளர்­க­ளா­கவும், சுய­ந­ல­வா­தி­க­ளா­கவும் இருப்­பார்­க­ளாயின் அச்­ச­மூகம் தமக்­கான புதிய தலை­வர்­களை உரு­வாக்கிக் கொள்­வது கட்­டா­ய­மாகும். சமூகத்தின் தலைவர்கள் வெறும் பார்வையாளர்களாகவும், சுயநலவாதிகளாகவும் இருப்பார்களாயின் அச்சமூகம் தமக்கான புதிய தலைவர்களை உருவாக்கிக் கொள்வது கட்டாயமாகும். இல்லையாயின் அச்சமூகத்தின் கலை, கலாசார விழுமியங்களை பாதுகாத்துக் கொள்ள முடியாது. நல்ல தலைவர்களை உருவாக்குவது மக்களின் பொறுப்பாகும்.