‘பாலுக்கும் காவல் பூனைக்கும் தோழன்’

‘பாலுக்கும் காவல் பூனைக்கும் தோழன்’

இந்த நாட்டில் இன­வா­தத்தை தூண்டி இனங்­க­ளுக்­கி­டையே மோதல்­களை ஏற்­ப­டுத்த சில மத­வாத சக்­தி­களும், கடும் போக்­கா­ளர்­களும் முயற்­சிக்­கின்­ற­னரா? என்ற சந்­தேகம் மீண்டும் மக்கள் மத்­தியில் உரு­வா­கி­யுள்­ளது. கிழக்கில் தேரர் ஒருவர் நடந்து கொண்ட விதமும், அவ­ரது அடாவ­டித்­த­னங்­களும் இலங்­கையின் கலா­சா­ரத்­தையும், பாரம்­ப­ரி­யத்­தையும், புனிதத் தன்­மை­யையும் சந்தி சிரிக்க வைத்து விட்­டன. நீதி­மன்ற உத்­த­ரவைக்கூட உதா­சீனம் செய்யும் வகையில் அவ­ரது செயற்­பா­டுகள் அமைந்­தி­ருந்­தன.

அவ­ரது இத்­த­கைய வரம்புமீறிய செயல் அர­சாங்­கத்­துக்கும், ஜனா­தி­ப­திக்கும், நீதித்­து­றைக்கும் பெரும் தர்­ம­சங்­க­ட­மான நிலை­மையை உரு­வாக்­கி­யுள்­ள­மைக்கு அப்பால் தமிழ், முஸ்லிம் மக்­க­ளி­டையே பெரும் கொந்­த­ளிப்­பான நிலை­யையும் உரு­வாக்­கி­யுள்­ளது. இதன் பிர­தி­ப­லிப்­பாக குறித்த தேரர்­களின் நட­வ­டிக்­கை­க­ளுக்கு எதி­ராக தமிழ், முஸ்லிம் பாரா­ளு­மன்ற பிர­தி­நி­திகள் சபையில் போர்க்­கொடி உயர்த்­தி­யுள்­ளனர்.

மட்­டக்­க­ளப்பில் அடா­வ­டித்­த­னங்­களில் ஈடு­பட்டு, இன­வா­தத்தைப் பரப்பி வரும் தேரரை அங்­கி­ருந்து வெளி­யேற்றி வடக்கு, கிழக்­குக்கு அப்பால் விகா­ரை­யொன்றில் குடி­யேற்ற வேண்டும் என தமிழ்த் தேசியக் கூட்­ட­மைப்பின் மட்­டக்­க­ளப்பு பாரா­ளு­மன்ற உறுப்­பினர் சி.யோகேஸ்­வரன் சபையில் வலி­யு­றுத்­தி­யுள்ளார்.

மட்­டக்­க­ளப்பில் அடா­வ­டித்­த­னங்­களில் ஈடு­பட்­டு­வரும் தேரரை பொலிஸார் கைது செய்­ய­வில்லை. அங்கு மஹிந்­தவின் நிகழ்ச்சி நிரலே அமுலில் உள்­ளது. குறித்த தேர­ருக்கு எதி­ராக மட்­டக்­க­ளப்­பி­லுள்ள இந்து குருமார் ஆர்ப்­பாட்டம் நடத்­தப்­போ­வ­தாக போலித் தக­வலை நீதிமன்­றத்­துக்கு வழங்கி, இந்துக் குரு­மாரை மட்­டக்­க­ளப்பு பொலிஸார் நீதி­மன்­றத்­துக்கு அழைத்­துள்­ளனர். இது திட்­ட­மிட்ட செய­லாகும் என தனது ஆதங்­கத்தையும் அவர் வெளிப்­ப­டுத்­தி­யுள்ளார்.

இத­னி­டையே, முஸ்லிம் மற்றும் சிங்­கள மக்கள் மத்­தியில் மோதல்­களை ஏற்­ப­டுத்­து­வ­தற்கு முனையும் பெளத்த தேரரை கைது செய்­யாது அழைத்துப் பேசு­வ­தா­னது வெட்­கக்­கே­டா­னது என அமைச்சர் ரிஷாத் பதி­யுதீன் சபையில் தனது ஆட்­சே­ப­னையை வெளி­யிட்­டுள்ளார்.

முஸ்­லிம்கள் மீதான சந்­தேகப் பார்­வையைக் கைவி­டுங்கள் என்று கோரி­யுள்ள அவர், குர்ஆன் மீதும் நபிகள் நாயகம் அவர்கள் மீதும் அவ­தூ­றான கருத்தை வெளி­யிட்ட பெளத்த தேரரை கைது செய்ய வேண்டும். அவ­ரு­டைய இத்­த­கைய கூற்று இந்­நாட்­டி­லுள்ள முஸ்­லிம்கள் மாத்­தி­ர­மல்ல, உல­கி­லுள்ள அனைத்து முஸ்­லிம்­க­ளையும் பாதிக்கும் செய­லாகும் என்றும் கூறி­யுள்ளார்.

அதே­போன்று பிரதி அமைச்சர் ஹிஸ்­புல்­லாஹ்வும் கடும் தொனியில் தனது ஆட்­சே­ப­னையை வெளி­யிட்­டுள்ளார். உயிர் மூச்­சான இஸ்­லாமும், குர்ஆனும் நிந்­திக்­கப்­பட்டால் முஸ்லிம் இளை­ஞர்கள் ஆயுதம் ஏந்­து­வதை எவரும் தடுக்க முடி­யாது என்று எச்­ச­ரித்­துள்­ள­துடன், பொது­ப­ல­சே­னாவின் பொதுச் செய­லாளர் அண்­மையில் நடத்­திய ஊட­க­வி­ய­லாளர் மாநாட்டில், முஸ்­லிம்கள் இந்த நாட்டில் வாழ முடியும். இஸ்­லாத்தை பின்­பற்­றக்­கூ­டாது. ஐந்து வேளை தொழ முடி­யாது என்று கூறி­யுள்ளார். முஸ்­லிம்­களை நோக­டிக்கும் வகையில் கருத்­துக்கள் வெளி­யி­டப்­ப­டு­கின்­றன என்று கூறி­யுள்ளார்.

இவ்­வா­றான எதிரும், புதி­ரு­மான கருத்­துக்கள் இனங்­க­ளி­டையே மோதல்­களை உரு­வாக்­கு­வது மாத்­தி­ர­மன்றி மீண்டும் இந்த நாட்டை அதள பாதா­ளத்­துக்கே கொண்டு செல்­வ­தாக இருக்கும் என்­பதில் சந்­தே­க­மில்லை.

திடீ­ரென சிறு­பான்மை இனங்­க­ளுக்கும், அவர்­களால் பின்­பற்­றப்­படும் மதங்­க­ளுக்கும் எதி­ராக உரு­வா­கி­யி­ருக்கும் சூழல், நாட்டை மீண்டும் ஓர் இக்­கட்­டான சூழ­லுக்கே கொண்டு சென்றுவிடுமோ என்ற சந்­தே­கத்­தையே மேலோங்கச் செய்­வ­தாக அமைந்­துள்­ளது.

மேலும் எரியும் நெருப்பில் எண்ணெய் ஊற்­று­வது போன்ற காரி­யங்கள் கூடவே அரங்­கே­று­வதையும் அவ­தா­னிக்க முடி­கின்­றது.

இத­னி­டையே, 'நாட்டைப் பிரிக்கும் வேலைத்­திட்­டத்தை அர­சாங்கம் சூட்­சு­ம­மான முறையில் முன்­னெ­டுத்து வரு­வ­தா­கவும் அவ்­வா­றான நட­வ­டிக்­கை­க­ளி­லி­ருந்து நாட்டைப் பாது­காக்கும் பணியில் தேரர்கள் ஒன்­றி­ணைந்து செயற்­பட வேண்டும்' என மஹிந்த ராஜபக் ஷ அழைப்பு விடுத்­துள்ளார்.

"புதிய அர­சியல் சக்­திக்கு ஆசிர்­வா­த­ம­ளித்தல்" என்னும் தொனிப் பொருளில் கொழும்­பி­லுள்ள ஸ்ரீ சம்புத்­தத்வ ஜயந்தி கட்­டடத் தொகு­தியில் நடை­பெற்ற நிகழ்வில் கலந்து கொண்டு உரை­யாற்­று­கை­யி­லேயே முன்னாள் ஜனா­தி­பதி இக்­க­ருத்தை வெளி­யிட்­டுள்ளார்.

அர­சி­யல்­வா­திகள் தங்களுக்கு சாதகமான வகையில் சந்தர்ப்பத்­துக்கு ஏற்ப எவ்­வாறு நடந்து கொள்­வார்கள் என்­பதும், ஆட்சி அதி­கா­ரத்தைக் கைப்­பற்ற எந்த எல்­லைக்கும் அவர்கள் துணிந்து செல்­வார்கள் என்­பதும் இலங்கை வாழ் மக்கள் நன்கு கற்­றுக்­கொண்ட பாடங்­க­ளாகும்.

இவற்றுக்கு மத்தியில் அடிப்­ப­டை­வா­தி­க­ளையும் மத­வா­தி­க­ளையும் தங்கள் கைப்­பொம்­மை­க­ளாகப் பயன்­ப­டுத்­து­வதில் இரு­பெரும் தேசிய கட்­சி­களும் சளைத்­த­தில்லை என்றே கூற­வேண்டும். ஆட்சி அதி­கா­ரத்தைக் கைப்­பற்ற இத­னையே அவர்கள் காலம் ­காலமாக ஆயுதமாகக் கையாண்டு வரு­கின்­றார்கள்.

இனங்­களை பிரித்­தாளும் நோக்­குடன் மதங்­களை நிந்­தனை செய்யும் வகையில் வெளி­யி­டப்­படும் கருத்­துக்­களை தடுத்து நிறுத்­தவும் அவ்­வா­றா­ன­வர்­க­ளுக்கு எதி­ராக நட­வ­டிக்கை எடுக்­கவும் அர­சாங்கம் காத்­தி­ர­மான நட­வ­டிக்கை மேற்­கொள்ள வேண்டும்.

ஒரு­புறம் தேரர்­களின் அட்­ட­கா­ச­மான செயற்­பா­டு­களும், மறு­புறம் புத்தர் சிலையை நிறுவி காணி­களை ஆக்­கி­ர­மிக்கும் செயற்­பா­டு­களும் தொட­ரு­மானால் அது இனங்­க­ளுக்­கி­டையே பாரிய முறுகல் நிலை­யையே தோற்­று­விக்கும்.

இதே­வேளை, புத்­த­பெ­ரு­மானின் சிலையை ஆக்­கி­ர­மிப்பு அடை­யா­ள­மாக இன­வா­திகள் பயன்­ப­டுத்­து­வது தடுத்து நிறுத்­தப்­பட வேண்டும் என ஈழ மக்கள் ஜன­நா­யகக் கட்­சியின் யாழ். மாவட்ட பாரா­ளு­மன்ற உறுப்­பினர் டக்ளஸ் தேவா­னந்தா எடுத்­துக்­கூ­றி­யுள்ளமைக் கவனிக்கத்தக்கதாகும்.

எவ்­வா­றெ­னினும், அரசு இந்தவிதமான நிலைமை மேலும் மோச­ம­டை­யா­த­வாறு துரித நட­வ­டிக்­கை­களை மேற்­கொண்டு இத்­த­கைய செயற்­பாட்டுக்களை முளை­யி­லேயே கிள்ள முன்­வ­ர­வேண்டும்.

 மாறாக 'பாலுக்கும் காவல், பூனைக்கும் தோழன்' என்ற நிலைமை தொட­ரக்­கூ­டாது என்பதை நினைவுபடுத்த விரும்புகின்றோம்.