மக்களின் விருப்பத்தை மீறி பொருத்து வீட்டுத்திட்டம் முன்னெடுக்கப்படாது

மக்­களின் விருப்­பத்­தை மீறி பொருத்து வீட்­டுத்­திட்டம் முன்­னெ­டுக்­கப்­ப­டாது

பிர­தமர் உறு­தி­ய­ளித்­துள்­ள­தாக கூறு­கிறார் அமைச்சர் மனோ  
(பா.ருத்­ர­குமார்)

வடக்கு மக்கள் ஏற்­றுக்­கொண்டால் மட்­டுமே பொருத்து வீட்­டுத்­திட்டம் முன்­னெ­டுக்­கப்­படும் எனவும் மக்­களின் விருப்­பத்­துக்கு மாறாக அபி­விருத்தித் திட்­டங்கள் மேற்­கொள்­ளப்­ப­டாது எனவும் பிர­தமர் ரணில் விக்­கி­ர­ம­சிங்க தன்­னிடம் உறு­தி­ய­ளித்த­தாக தேசிய சக­வாழ்வு நல்­லி­ணக்கம் மற்றும் அரச கரு­மங்கள் தொடர்­பான அமைச்சர் மனோ கணேசன் தெரி­வித்தார். மக்­க­ளுக்கு பொருத்­த­மில்­லாத திட்டங்­களை திணிக்கக் கூடாது.

பொருத்து வீட்­டுத்­திட்டம் தொடர்பில் அமைச்­ச­ரிடம் வின­விய போதே அவர் மேற்­கண்­ட­வாறு குறிப்­பிட்டார்.

அவர் தொடர்ந்து கருத்து தெரி­விக்­கையில்,

வடக்கு மக்கள் பொருத்து வீட்­டுத்­திட்டம் வேண்டாம் என ஆர்ப்­பாட்­டங்கள் மேற்­கொண்­டு­வரும் நிலையில் குறித்த விட­யத்தை பிர­தமர் ரணில் விக்­கி­ர­ம­சிங்­கவின் கவ­னத்­துக்கு கொண்டு வந்­துள்ளேன். நேற்று முன்­தினம் அவ­ரு­ட­னான சந்­திப்பின் போது யுத்­தத்­தினால் பாதிக்­கப்­பட்ட வடக்கு மக்­க­ளுக்கு இவ்­வீட்­டுத்­திட்டம் அமைக்­கப்­ப­டு­வது தொடர்­பிலும் மக்­களின் நிலைப்­பாடு தொடர்­பிலும் கலந்­து­ரை­யா­டினேன்.

இதன்­போது அவர் வடக்கு மக்கள் ஏற்­றுக்­கொண்டால் மட்­டுமே பொருத்து வீட்­டுத்­திட்டம் அமைக்­கப்­படும் என என்­னிடம் உறு­தி­ய­ளித்தார். அத்­தோடு மக்­களின் விருப்­பத்­துக்கு மாறாக எந்­த­வொரு வீட்­டுத்­திட்­டமும் ஏற்­ப­டுத்­தப்­ப­டா­தெ­னவும் அதற்கு தான் உத்­த­ர­வாதம் தரு­வ­தா­கவும் தெரி­வித்தார்.

எனவே இது தொடர்பில் நாம் கவ­லைப்­பட தேவை­யில்லை என நினைக்­கின்றேன். யுத்­தத்­தினால் பல்­வேறு துன்­பங்­களை அனு­ப­வித்த மக்­க­ளுக்கு அவர்­களின் நியா­ய­மான கோரிக்­கை­களை கொண்டு அனைத்து நட­வ­டிக்­கை­களும் மேற்­கொள்­ளப்­பட வேண்டும். ஏனைய மக்­க­ளைப்­போன்று சுதந்­தி­ர­மா­கவும் நிம்­ம­தி­யான வாழ்க்­கையும் ஏற்­ப­டுத்­திக்­கொ­டுக்­கப்­பட வேண்டும். அதுவே நல்­லாட்சி அர­சாங்­கத்தின் நிலைப்­பா­டா­கவும் உள்­ளது.

பொருத்து வீட்­டுத்­திட்டம் வடக்கு மாகாண மக்கள் பிர­தி­நி­தி­களின் கோரிக்­கை­யாக உள்­ளது. அவ்­வீட்­டுத்­திட்­டத்­துக்கு மக்கள் எதிர்ப்பு தெரி­விப்­பார்­க­ளாயின் நிச்­சயம் அது தொடர்பில் அர­சாங்­கமும் வடக்கு மாகாண மக்கள் பிர­தி­நி­தி­களும் கவனம் செலுத்த வேண்டும்.

மலை­ய­கத்­திற்­கான வீட­மைப்­புத்­திட்டம்  சிலர் பொருத்து வீட்­டுத்­திட்­டத்தை மலை­ய­கத்தில் அமைக்­க­வுள்­ள­தாக கூறு­கின்­றனர். ஆனால் அவ்­வீட்­டுத்­திட்­டத்தை அமைக்க பரீட்­சார்த்த நடவடிக்கைகள் மட்டுமே மேற்கொள்ளப்பட்டன. இந்நிலையில் அவ்வீட்டுத்திட்டம் மலையகத்துக்கு பொருத்தமற்றதாக உள்ளமையால் நிரந்தர கல்வீட்டை அமைக்க தீர்மானித்தள்ளோம். எனவே மக்களுக்கு பாதமான அல்லது மக்களின் விருப்பத்துக்கு மாறான விடயங்களை திணிப்பதால் அம்மக்களுக்கு எவ்வித பயனும் ஏற்படபோவதில்லை என்றார்.