உலகின் மிக உயரமான நத்தார் மரத்தை நிறுவும் பணிகள் இறுதிக்கட்டத்தை எட்டியுள்ளன. சிறிலங்காவின் தலைநகர் கொழும்பில் உள்ள காலிமுகத் திடலிலேயே, இந்த நத்தார் மரம் நிறுவப்பட்டுள்ளது.

325 அடி உயரத்தில் நிறுவப்பட்டுள்ள இந்த நத்தார் மரம், உலகின் மிக உயரமான நத்தார் மரம் என்று கின்னஸ் சாதனை ஏட்டில் பதிவு செய்யப்படவுள்ளது.

இந்த நத்தார் மரத்தின் உச்சியில் 20 அடி உயரமுள்ள நட்சத்திரமும் அமைக்கப்படுகிறது.

கொழும்பின் வானுயர்ந்த கட்டடங்களுக்குப் போட்டியாக எழுந்துள்ள இந்த நத்தார் மரத்தின் மின் அலங்காரம் நேற்றிரவு பரீட்சித்துப் பார்க்கப்பட்டது.

இந்த நத்தார் மரத்தில் 8 இலட்சம் மின்குமிழ்கள் பொருத்தப்பட்டுள்ளன. இந்த நத்தார் மரத்தை உருவாக்குவதற்கு சுமார் 80 ஆயிரத்து 600 டொலர் செலவாகும் என்று மதிப்பிடப்பட்டுள்ளது.

இன்று இந்த நத்தார் மரம் அதிகாரபூர்வமாக திறந்து வைக்கப்படும்.

http://www.puthinappalakai.net/2016/12/24/news/20291

Edited December 24, 20169 yr by போல்

மெல்லமாய்... சொல்லுங்கோ.....
பிக்குகள்.... கேள்விப் பட்டால், நடக்கிறது  வேறை.  

சொறிலங்கா.....  இந்த மரத்தை, எங்கு வளர்த்து.... வெட்டி  எடுத்தவர்கள்.

வத்திக்கானுக்கே.....  ஒரிஜினல்,  உயரமான.....  சவுக்கு மரம் கொடுக்கிற நாடு தான் .....  நம் நாடு. 

சர்ச்சைகளில் சிக்கியுள்ள காலிமுகத்திடல் நத்தார் மரம் – உலக சாதனை படைக்குமா?

கொழும்பில் அமைக்கப்பட்டுள்ள கின்னஸ் சாதனைக்கான உலகின் மிக உயர்ந்த செயற்கை நத்தார் மரம் திட்டமிட்ட உயரத்தை விடவும் குறைவாகவே அமைக்கப்பட்டுள்ளதாக தகவல்கள் வெளியாகியுள்ளன.

உலகின் மிக உயரமான நத்தார் மரம் என்ற சாதனையைப் படைக்கும் நோக்கில், காலிமுகத்திடலில் சுமார் 80 ஆயிரம் டொலர் செலவில் பிரமாண்ட நத்தார் மரம் ஒன்று அமைக்கத் திட்டமிடப்பட்டு கட்டுமானப் பணிகள் மேற்கொள்ளப்பட்டன.

இந்த நத்தார் மரம், 325 அடி உயரமுள்ளதாக இருக்கும் என்றும் அறிவிக்கப்பட்டது.

இதற்கு வீணாகப் பணம் செலவிடப்படுவதாக கத்தோலிக்கத் திருச்சபையின், கர்தினால் மல்கம் ரஞ்சித் எதிர்ப்புத் தெரிவித்த நிலையில் திடீரென இதன் கட்டுமானப் பணிகள் ஆறு நாட்கள் நிறுத்தப்பட்டன.

பின்னர் மீண்டும் கட்டுமானப் பணிகள் ஆரம்பிக்கப்பட்டு, கடந்த 24ஆம் நாள், மாலை இந்த நத்தார் மரம் திறந்து வைக்கப்பட்டது. எனினும், முன்னர் திட்டமிட்டதைப் போன்று 325 அடி உயரம் கொண்டதாக இந்த நத்தார் மரம் அமைக்கப்படவில்லை.

சில நாட்கள் பணிகள் இடைநிறுத்தப்பட்டதால், குறிப்பிட்ட நாளுக்குள் இந்த மரத்தின் கட்டுமானப் பணிகளை திட்டமிட்டவாறு முடிக்க முடியாது போனது.

இதனால் 73 மீற்றர் (238 அடி) உயரமுள்ள நத்தார் மரமே தற்போது அமைக்கப்பட்டுள்ளது, எனினும்  இதுவே உலகின் மிக உயர்ந்த செயற்கை நத்தார் மரம் என்று உரிமை கோரப்பட்டுள்ளது.

இதற்கு முன்னர் உலகின் மிக உயரமான செயற்கை நத்தார் மரம் என்று பதிவு செய்யப்பட்ட, மரத்தை விட இது 18 மீற்றர் (59 அடி) கூடுதல் உயரமானதாகும்.

இரும்பு குழாய்கள், பிளாஸ்டிக் வலை, போன்றவற்றைக் கொண்டு அமைக்கப்பட்டுள்ள இந்த செயற்கை நத்தார் மரத்தை அலங்கரிக்க, ஒரு மில்லியன் இயற்கை அன்னாசிக் கூம்புகள் பயன்படுத்தப்பட்டுள்ளன. இவற்றுக்கு பச்சை, வெள்ளி, பொன்னிற வர்ணங்கள் தீட்டப்பட்டுள்ளன.

ஆறு இலட்சம் மின்குமிழ்கள் பொருத்தப்பட்டுள்ள இந்த நத்தார் மரத்தின் உச்சியில், 6 மீற்றர் (20 அடி) உயரமுள்ள நட்சத்திரம் ஒன்றும் அமைக்கப்பட்டுள்ளது.

நூற்றுக்கணக்கான துறைமுகப் பணியாளர்கள் மற்றும் தொண்டர்கள் நான்கு மாதங்களாக இந்த மரத்தை அமைக்கும் பணியில் ஈடுபட்டிருந்தனர்.

எனினும், காலிமுகத்திடலில் அமைக்கப்பட்டுள்ள செயற்கை நத்தார் மரமே உலகில் மிக உயரமானது என்பதை கின்னஸ் உலக சாதனைப் பதிவு இன்னமும் உறுதிப்படுத்தவில்லை.

தற்போது, உலகின் மிக உயரமான செயற்கை நத்தார் மரம் என்ற சாதனையை சீனாவின் குவாங்சூ நகரில் கடந்த ஆண்டு அமைக்கப்பட்ட, 55 மீற்றர் ( 180 அடி) உயரமான நத்தார் மரமே பெற்றிருக்கிறது.

நல்லிணக்கத்தை நோக்காக கொண்டு இந்த நத்தார் மரம் அமைக்கப்பட்டிருந்த போதிலும், இது சர்ச்சைக்குரிய திட்டமாக இருந்ததால், சிறிலங்கா அதிபர் மைத்திரிபால சிறிசேன இதன் திறப்பு விழாவில் பங்கேற்கவில்லை.

இந்த நத்தார் மரத்தை அமைக்கும் திட்டத்தை நடைமுறைப்படுத்திய அமைச்சர் அர்ஜூன ரணதுங்கவே இதனைத் திறந்து வைத்திருந்தார்.

அதேவேளை, நேற்றுமுன்தினம் இரவு கொழும்பில் சிரச ஊடகங்களின் தலைமையகத்தில் அமைக்கப்பட்டிருந்த நத்தார் மரம் உள்ளிட்ட மின்னொளி அலங்காரத்தை சிறிலங்கா அதிபர் மைத்திரிபால சிறிசேன திறந்து வைத்திருந்தார் என்பது குறிப்பிடத்தக்கது.

http://www.puthinappalakai.net/2016/12/26/news/20332

இலங்கையர்களின் கின்னஸ் சாதனை ஏமாற்றத்தை தருமா?

கின்னஸ் சாதனையில் இடம் பிடிப்பதற்காக காலி முகத்திடலில் நிர்மாணிக்கப்பட்ட கிறிஸ்மஸ் மரத்தை கலைப்பதற்கான நடவடிக்கைகள் முன்னெடுக்கப்பட்டு வருகின்றன.

பொதுமக்களின் பார்வைக்காக கடந்த இரண்டு வாரங்களாக வைக்கப்பட்டிருந்த மரத்தின கலைக்குமாறு உத்தரவிடப்பட்டமைக்கு அமைய குறித்த பணிகள் முன்னெடுக்கப்பட்டுள்ளன.

துறைமுகங்கள் மற்றும் கப்பல்துறை அலுவல்கள் அமைச்சர் அர்ஜுன ரணதுங்க தலைமையில் நத்தார் தினத்தன்று குறித்த கிறிஸ்மஸ் மரம் மக்களின் பார்வைக்காக திறந்து வைக்கப்பட்டது.

கின்னஸ் சாதனை படைக்கும் என எதிர்ப்பார்க்கப்பட்டது. என்றாலும் அதன் உயரம் குறைக்கப்பட்டமையினால் தற்போது கின்னஸ் சாதனை படைக்குமா என்பது தொடர்பில் பல்வேறு விதமான சர்ச்சைகள் எழுந்து வருகின்றமை குறிப்பிடத்தக்கது.

http://www.tamilwin.com/community/01/130749?ref=morenews

 

எங்கடை ஊரிலை மூக்காலை சப்பிடுபவையல் இல்லை கொஞ்சம் கிழே உள்ள ஓட்டையாலை என்ற கதை தொப்பி பிரட்டி சிங்களவனுக்கே களைப்பு வந்திட்டுதாக்கும்.