நெடுங்கேணியில் இருவேரு கிளைமோர் தாக்குதல்கள்.

- பண்டார வன்னியன் வுரநளனயலஇ 20 குநடிசரயசல 2007 14:52

வவுனியா நெடுங்கேணிப் பகுதியில் சிறிலங்கா இராணுவத்தினரின் ஆழ ஊடுருவும் அணியினர் இருவேரு கிளைமோர் தாக்குதல்களை நடத்தியுள்ளனர். இத்தாக்குதல்கள் இன்று காலை 7.45 மணிக்கும் 8.20 மணிக்கும் இடையில் நடத்தப்பட்டுள்ளன.பயணிகள் பேரூந்தினையும் மருத்துவ வாகனத்தினையும் இலக்கு வைத்து இந்த தாக்குதல்கள் நடத்தப்பட்டன.

தாக்குதல்களில் இருந்து இரு வாகனங்களும் தப்பியுள்ளன. எவருக்கும் உயிர்ச் சேதங்கள் எதுவும் ஏற்படவில்லை.தமிழீழ விடுதலைப் புலிகளின் படையணிகள், தாக்குதல்கள் இடம்பெற்ற இடங்களில் தீவிர தேடுதல் வேட்டை நடத்தி வருகின்றனர்.

http://sankathi.org/news/index.php?option=...25&Itemid=1

சிறீ லங்காவின் ஆள ஊடுருவும் படையும் மாசி22ம் திகதிக்கு கிட்டவாக வர தமது தாக்குதல்களை திரும்பவும் தொடங்கியுள்ளாங்கள் போல தெரிகிறது.

முல்லைத்தீவு மற்றும் வவுனியாவில் நேற்று செவ்வாய்க்கிழமை காலை விடுதலைப்புலிகளின் கட்டுப்பாட்டுப் பகுதியில், ஆழ ஊடுருவும் படையணியின் கிளேமோர் தாக்குதலிலிருந்து ஆஸ்பத்திரி வாகனமொன்றும் பயணிகள் மினி பஸ் ஒன்றும் மயிரிழையில் தப்பியுள்ளன.

இவ்விரு பகுதிகளிலும் வெவ்வேறு நேரத்தில் பல கிளேமோர்கள் வெடித்த போதும் வாகனங்கள் எதுவும் அவற்றில் சிக்காததால் பெரும் உயிர்ச் சேதங்கள் தவிர்க்கப்பட்டுள்ளன.

முதல் கிளேமோர் தாக்குதல், முல்லைத்தீவு நகரிலிருந்து சுமார் 32 கிலோ மீற்றர் தூரத்தில் நெடுங்கேணி சமணங்குளம் பகுதியில் காலை 7 மணியளவில் இடம்பெற்றுள்ளது.

இத் தாக்குதலிலிருந்து பயணிகளுடன் சென்ற மினிபஸ் ஒன்று மயிரிழையில் தப்பியுள்ளது. எனினும், சக்தி மிக்க இரு கிளேமோர்கள் அடுத்தடுத்து வெடித்ததால் மினி பஸ்ஸுக்கு சிறு சேதமேற்பட்டதுடன் பயணிகள் சிலரும் சிறு சிறு காயங்களுக்குள்ளானார்கள்.

இதேநேரம், `ஏ9' வீதியில் கனகராயன்குளம் பெரிய குளம் பகுதியிலும் கிளேமோர் தாக்குதல் நடைபெற்றுள்ளது.

காலை 8 மணியளவில் இப் பகுதியில் சென்ற, ஆஸ்பத்திரி வாகனமொன்றை இலக்கு வைத்தே ஒரே நேரத்தில் மூன்று கிளேமோர்கள் வெடிக்க வைக்கப்பட்டுள்ளன.

எனினும், அந்த வாகனம் வேகமாகச் சென்றதால் தாக்குதலுக்கிலக்காகவில்லை. ஆனாலும், இத் தாக்குதலால் வாகனத்துக்கு சிறு சேதமேற்பட்டதுடன் சாரதிக்கும் சிறிய காயங்கள் ஏற்பட்டுள்ளன.

இந்தத் தாக்குதல்களை அடுத்து சம்பவங்கள் நடைபெற்ற பகுதிகளுக்குச் சென்ற விடுதலைப்புலிகளும் தமிழீழ காவல்துறையினரும் தாக்குதல் நடைபெற்ற பகுதிகளில் நீண்ட நேரம் தேடுதல்களை நடத்தியுள்ளனர்.

இராணுவத்தினரின் ஆழ ஊடுருவும் படையணியினரே இந்தத் தாக்குதலை நடத்தியதாக புலிகள் தெரிவித்துள்ளனர்.

http://www.thinakkural.com/news/2007/2/21/...s_page21831.htm