குருதிக் கொடை  உயிர் காக்கும் நோக்கத்துக்காக மட்டும் அமையட்டும்

ஊர் இரண்­டு­பட்­டால் கூத்­தா­டிக்­குக் கொண்­டாட்­டம் என்­பார்­கள். அத­னால்தான் இன­வா­தத்­தின் ஊடாக மக்­களை இரண்­டு­ப­ட­வைத்­துக் கூத்­தா­டிக் கொண்­டி­ருக்­கி­றார்­கள், இன,மத வாதி­க­ளான அர­சி­யல்­வா­தி­க­ளும் சில பௌத்த போலித்­து­ற­வி­க­ளும். இந்த நாட்டு மக்­க­ளி­டையே நிரந்­தர பகை­மையை ஏற்­ப­டுத்­தி­ வைத்தி டவே இவர்­கள் விரும்­பு­கி­றார்­கள்.

இந்­தச் சூழ்­நி­லை­யில் தென்­ப­கு­தி­யில் இருந்து யாழ்­ந­க­ருக்கு வந்த 16 பௌத்த பிக்­குமார் யாழ். போதனா வைத்­தி­ய­சா­லை­யில் குரு­திக் கொடை வழங்­கி­யுள்­ள­னர். இத­னைப் பௌத்த பிக்­கு­மார் தாங்­க­ளா­கவே முன்­வந்து செய்­தி­ருந்­தால் அது வர­ வேற்­கப்­பட வேண்­டி­யதே. இதற்­கான ஒழுங்­கு­களை இரா­ணு­வத் தரப்பே மேற்­கொண்­டி­ருந்­தது என்­பது தெரி­ய­வந்­த­போ­து­தான் கொஞ்­சம் மனதுக்குள் உதைக்கிறது.

படை­யி­னர் சிறு­பான்மை இனத்­த­வர்­க­ளுக்கு எதி­ரான போக்­கு கொண்­டோரே?

இந்த நாட்டு இரா­ணு­வத் தரப்பு இடர் கள் ஏற்­ப­டும்­போது சிறுபான்மை யின மக்­க­ளைப்­பா­து­காக்­கும் என்று கருத முடி­யாது. தமிழ் சிறு­பான்மை இனங்­க­ளுக்கு எதி­ரான போக்­கைக் கடைப்­பி­டிக்­கும் ஒன்­றா­கவே இலங்கை இரா­ணு­வத் தரப்பு இருந்து வரு­கி­றது.

போரின்­பின்­னர் பாது­காப்­புக்­க­ருதி அவர்­க­ளி­டம் சர­ண­டைந்த, அவர்­க­ளி­டம் கைய­ளிக்­கப்­பட்ட பல தமிழ் இளை­ஞர்­கள் இன்­ன­மும் காணா­மல் போன­வர்­கள் பட்­டி­ய­லி­லேயே உள்­ள­னர்.

தமது உற­வு­களை நேர­டி­யா­கவே தாம் இரா­ணு­வத்­தி­டம் கைய­ளித்­த­தா­கக் கூறும் அவர்­க­ளது உற­வி­னர்­கள், அவர்­க­ளின் கதி என்ன என்று அறி­வ­தற்­காக சகலவித போராட்­டங்­க­ளை­யும் முன்­னெ­டுத்­தும், உரிய பதில் கிடைக்­காத நிலை­யில், கட­லில் இறங்­கிப் போரா­டு­ம­ள­வுக்கு நிலைமை மாறி­யுள்­ளது.

காணா­மல் போன­வர்­கள் இறந்­தி­ருக்­க­லாம் என முன்­னாள் அர­ச­த­லை­வர் சந்­தி­ரிகா பண்­டாரநாயக்­கா­வும், தலைமை அமைச்சர் ரணில் விக்­கி­ர­ம­சிங்­க­வும் கூட கூறும்­போ­தும், இரா­ணு­வத் தரப்பு அது­பற்­றிய உண்­மை­க­ளைத் தெளி­வு­ப­டுத்த முன்­வ­ர­வில்லை.

அத்­து­டன் தமிழ் நிலங்­க­ளைச் சூறை ­யாடி விவ­சா­யி­களை வறு­மைக்­குள்­ளா­க்கி விட்டு அந்த நிலங்­க­ளின் பயன்­க­ளைத் தம­தாக்­கிக் கொண்­டுள்­ள­னர். தமிழ் மக்­களை விரோ­தி­ க­ளா­கக் கரு­தும் இரா­ணு­வம், தமிழ்ப் பிர­தே­சத்­தில் உள்ள ஒரு போதனா வைத்­தி­ய­சா­லைக்கு குரு­திக் கொடை வழங்க நட­வ­டிக்கை எடுத்துள்­ளது என்­றால், அதன் பின்­னணி குறித் துச் சிந்­திக்க வேண்­டி­யுள்­ளது.

பிக்­கு­மா­ரின் குரு­திக்­கொடை உள்­நோக்­கம் கொண்­டதா?

இலங்கை ஒரு பௌத்த சிங்­கள நாடு. இந்த நாட்­டில் வாழும் ஏனைய இனத்­த­வர்­கள் சிங்­க­ள­வர்­க­ளு­டன் கலப்­புத் திரு­ம­ணம் செய்து ஒன்­றாக வாழ வேண்­டும் என்ற கருத்து மட்­டும்­தான் இங்கு இன்­ன­மும் பகி­ரங்­க­மாக முன்­வைக்­கப்­ப­ட­ வில்லை. மற்­றப்­படி தமிழ்­பி­ர­தே­சங்­க­ளைச் சிங்­கள நிலங்­க­ளாக்­கிக் குடி­யி­ருப்­புக்­களை ஆங்­காங்கே ஏற்­ப­டுத்­து­வ­தன் மூலம், தமிழ் இனத்­தையே படிப்­ப­டி­யாக இல்லா தொழிக்க நட­வ­டிக்­கை­கள் முன்­னெ­டுக்­கப்­ப­டு­கின்­றன.

வடக்­கில் இது போன்ற குரு­திக்்­கொ­டை­களை தென் ப­கு­தி­யில் உள்­ள­வர்­க­ளி­ட­மி­ருந்து பெற்று வழங்­கு­வ­தன்­மூ­லம், தமி­ழர்­கள் உடம்­பில் இப்­போது ஓடு­வ­தெல்­லாம் சிங்­களவர்களின் குருதி என்ற நிலை­யைத் தோற்­று­விக்கும் நோக்கி லேயே இரா­ணு­வம் இது­போன்ற ஏற்­பா­டு­க­ளைக் கைக்­கொள்­ளத் தொடங்­கி­யுள்­ளதா என்­பதுதான் தமிழ் மக்­க­ளைச் சந்­தே­கத்­துக்கு உள்­ளாக்­கு­கின்­றது.

எல்லா உயிர்­க­ளும் ஒன்றே என்­ப­தைத் தமிழ் மக்­கள் ஏற்­றுக் கொண்­டா­லும், உயிர் என்­பது தமிழ் சிங்­கள மக்­க­ளுக்கு வெவ்வே­றா­ன­வையே என்ற நிலைப்­பாட்­டு­டன் செயற்­ப­டும் ஒரு இரா­ணு­வம், இங்கே குரு­திக் கொ­டை ­வ­ழங்க முன­வந்­தா­லும், ஏற்­பா­டு­களை முன்­னெ­டுத்­தா­லும், அது ஒரு உள் நோக்­கம் கொண்­ட­தா­கவே இருக்க முடியும்.

சுனேத்­திரா தேவி பிரி­வேன ரஜ­மகா விகா­ரை­யைச் சேர்ந்த 16 பௌத்த துற­வி­க­ளின் குரு­திக் கொடையை ஒரு நல்­லெண்ண முயற்­சி­யா­கவே எடுத்­துக் கொண்­டா­லும், அவர்­கள் தாமா­கவே இதற்­கான ஒழுங்­கு­களை முன்­னெ­டுத்­தி­ருந்­தால், அது பெரு­மைப்­ப­டக்கூடிய ஒன்­றாக தமிழ் மக்­க­ளால் கணிக்­கப்­பட்­டி­ருக்­கும். பௌத்த தர்­மத்­தின் பாதை­யில் நடக்­கும் இந்தப் பிரிவைச் சேர்ந்த துற­வி­கள், தென்­ப­குதி மக்­கள் மத்­தி­ யில் இன­வாத, மத­வா­தத்­தை தூண்டி விடும் தீய சக்திகளுக்கு எதிராகச் செயற்படவும்வேண்­டும்.

மதவாத, இன­வா­தக் கூச்­சல்­க­ளால், இனங்­க­ளி­டையே பிரி­வி­னை­களை ஏற்­ப­டுத்­தும் அர­சி­யல் தலை­மை­க­ளை­யும், பௌத்த துற­வி­கள் வேடத்­தில் உல­வும் போலி­க­ளை­யும் இனங்­கண்டு தென்­ப­கு­தி­யில் மக்­கள் மத்­தி­யில் அவர்­க­ளுக்கு இருக்­கும் ஆத­ரவை முறி­ய­டிக்க இந்­தப் பிரி­வைச் சார்ந்த துற­வி­கள் கடும் பிர­யத்­த­னங்­க­ளைக் கையா­ள­வேண்­டும். புதிய அர­ச­மைப்பு இலங்­கை­யின் அனைத்து மக்­க­ளுக்­கும் சமமான வாய்ப்­புக்­களை ஏற்­ப­டுத்­தக் கூடி­ய­தாக அமை­ய­வேண்­டும் என்­ப­தைச் சகல தரப்­பி­ன­ரும் ஒப்­புக்­கொள்­ளக் கூடி­ய­தாக அர்ப்­ப­ணிப்­பு­ட­னான செயற்­பா­டு­கள் இவர்­க­ள் மூலம் தேவை.

பல்­லின மக்­கள் வாழும் நாடு­ க­ளில், வெவ்­வேறு இன மக்­களை ஒரே இன­மாக மாற்­று­வ­தற்­கான சூழ்ச்­சி­க­ளில் எந்­த­வொரு நாட்டு அர­சும் இறங்­கி­ய­தில்லை. மாறாக, எல்லா இன­மக்­க­ளுக்­கு­மான உரி­மை­கள் பேணப்­ப­டும் வகை­யி­லேயே அவர்­க­ளது அர­சி­யல் யாப்பு வரை­யப்­ப­டு­கி­றது என்ற உண்­மையை இங்­குள்ள அர­சி­யல்­வா­தி­க­ளி­டம் வலி­யு­றுத்­து­வ­து­டன், இனவாத, மத­வா­தத் தலை­மை­களை ஒதுக்­கி­வைக்­க­வும் இந்­தப் பிரி­வேன தரப்­பி­னர் அக்­கறை காட்­டிச் செயற்­பட வேண்­டும்.

வடக்கு ஆளு­ந­ரது குதர்க்­க­மான கருத்து வெளிப்­பாடு

பிக்­கு­மார் குரு­திக்­கொடை வழங்­கி­யுள்­ள­னர். சுக­வீ­ன­ம­டை­ந்துள்ள நீங்­கள் நல­ம் பெற்று வீடு­தி­ரும்­பும்போது அவர்­க­ளின் குரு­தியே உங்­கள் உடல்­க­ளில் இருக்­கும் என வடக்கு மாகாண ஆளு­னர் றெஜி­னோல்ட் கூரே கூறி­யி­ருப்­ப­தும், அவ­ரது இனக்­கு­ரோத நிலைப்­பாட்­டின் எதி­ரொ­லி­யா­கவே தெரி­கின்­றது.

இன­ரீ­தி­யி­லும், அர­ச­மைப்பு ரீதி­யி­லும், நாட்டு மக்­கள் மத்தியில் பிரி­வி­னை­யைத் தோற்­று­விக்க முற்­ப­டின் அது பெரும் குருதிக் ­க­ள­ரியை ஏற்­ப­ டுத்­தும் என்ற உண்­மையை தென்­ப­குதி மக்­க­ளுக்கு எடுத்து உணர வைத்து, எதிர்­கா­லத்­தில் அத­னைத் தடுத்து நிறுத்­தும் சக்­தி­யாக தென்­ப­கு­தி­மக்­களை ஆக்­கிட இந்­தப் பிரி­ வேன தரப்­பி­னர் முயல வேண்­டும்.

குடி­யேற்­றியோ, குரு­தியை வழங்­கியோ ஒரு இனத்தை இன்­னொரு இன­மாக மாற்ற முயற்­சிப்­பது இல­கு­வான ஒன்­றல்ல என்­ப­தை­யும் தென்­ப­குதி அர­சி­யல்­வா­தி­க­ளுக்­கும், ஒரு­ப­குதி மக்­க­ளைக் குரோ ­தப்­பார்­வை­யு­டன் நோக்­கும் இரா­ணு­வத்­துக்­கும் உணர்த்­தும் வகை­யில் இந்த பௌத்த துறவி மாரது குரு­திக் கொடை உயிர்­காக்க என்ற பதத்­துள் மட்­டும் அமை­வ­தாக.