வடக்­கில் இடம்­பெற்ற சில சிறிய குற்­றச் செயல்­களை வைத்து வடக்கு மாகா­ணத்­தில் மீண்­டும் மோச­மான சூழ்­நிலை உரு­வாகி விட்­டது என்று தெற்­கில் சிலர் பொய் உரைக்­கின்­ற­னர்.

இவ்­வாறு அமைச்­சர் சஜித் பிரே­ம­தாஸ தெரி­வித்­தார்.

தேசிய பயி­லு­நர் தொழிற்­ப­யிற்சி அதி­கார சபை­யின் மேசன் கற்கை நெறியை நிறைவு செய்­த­வர்­க­ளுக்­கான தொழில் உப­க­ர­ணங்­கள் வழங்­கும் நிகழ்வு திரு­ம­றைக் கலா மன்­றத்­தில் நேற்று நடை­பெற்­றது. அதில் உரை­யாற்­றும் போதே அவர் இவ்­வாறு தெரி­வித்­தார்.அவர் தெரி­வித்­த­தா­வது-;

நாட்­டில் சமா­தா­ன­மும், சாந்­தி­யும் ஏற்­பட்­டுள்­ள­மையை ஒரு சில அர­சி­யல்­வா­தி­க­ளால் பொறுத்­துக்­கொள்ள முடி­ய­வில்லை. தற்­போது ஏற்­பட்­டுள்ள சமா­தான மற்­றும் நல்­லி­ணக்­கத்தை பார்த்துப் பொறாமை அடைந்­துள்­ள­னர்.

வடக்­கில் இடம்­பெற்ற சில சிறிய குற்­றச் செயல்­களை வைத்து வடக்கு மாகா­ணத்­தில் மீண்­டும் மோச­மான சூழ்­நிலை உரு­வாகி விட்­டது என்று தெற்­கில் பொய் உரைக்­கின்­ற­னர்.

வடக்­கில் அண்­மைக்­கா­ல­மாக இடம்­பெற்ற சில சிறிய குற்­றச்­செ­யல்­க­ளுக்கு மத்­தி­யி­லும் நான் எனது வாக­னத்­தில் இரண்டு பாது­காப்பு அதி­கா­ரி­க­ளு­ட­னும் எனது சார­தி­யு­ட­னும் மட்­டும் இங்கு தெற்­கி­லி­ருந்து வாக­னத்­தில் வந்­துள்­ளேன்.

வடக்­கில் முன்­னைய காலத்­தைப் போல எவ்­வித அச்ச நில­மை­யும் இல்லை. வடக்­கையும் தெற்­கை­யும் இணைய விடக்­கூ­டாது என்ற முயற்­சி­யி­லேயே சில அர­சி­யல்­வா­தி­கள் பொய்­யான பரப்­பு­ரை­களை மேற்­கொண்­டுள்­ள­னர்.

மேசன் பயிற்­சியை நிறைவு செய்த 400 க்கும் மேற்­பட்ட பய­னா­ளி­க­ளுக்கு மேசன் தொழி­லுக்­கான உப­க­ர­ணங்­கள் வழங்­கப்­பட்­டன. இந்தத் திட்­டம் அரச தலை­வர் மற்­றும் தலைமை அமைச்­ச­ரின் ஆலோ­ச­னை­க­ளுக்கு அமை­வா­கவே நடை­பெ­று­கின்­றது.

2 ஆயி­ரம் ரூபா பெறு­ம­தி­யான சீருடை மற்­றும் 5 ஆயி­ரம் ரூபா பெறு­ம­தி­யான மேசன் உப­க­ர­ணங்­கள் வழங்­கப்­பட்­டுள்­ளன. பயிற்­சி­யின்­போது மாதாந்­தம் ஒரு­வ­ருக்கு 10 ஆயி­ரம் ரூபாய் வரை­யில் வழங்­கப்­பட்­டுள்­ளது.

நான்கு மாதப் பயிற்சி நெறியை நிறைவு செய்து சான்­றி­தழ் க­ளு­டன் வெளி­யே­றி­யுள்ள நீங்­கள் தற்­போது வழங்­கப்­பட்­டுள்ள உப­க­ர­ணங்­கள் மற்­றும் பெற்­றுக்­கொண்ட பயிற்சி நெறி­கள் என்­ப­வற்­றைப் பயன்­ப­டுத்தி உங்­கள் வாழ்­வில் மாதாந்­தம் 60 ஆயி­ரம் ரூபாய் வரை­யில் சம்­பா­திக்கக் கூடிய வல்­ல­
மையைப் பெற்­றுள்­ளீர்­கள்.

கடந்த வரு­டம் இங்­குள்­ள­வர்­க­ளுக்கு அதி­க­ள­வான வீடு­கள் தேவை என இங்­குள்ள நாடா­ளு­மன்ற உறுப்­பி­னர்­கள் கோரி­யி­ருந்­தார்­கள். இந்த வரு­டம் வீடு­கள் அதி­க­மாக வழங்­கப்­பட்டு வரு­கின்­றன.

எனது அமைச்­சின் ஊடாக 2 ஆயி­ரத்து 551 வீடு­க­ளும் 49 கிராம மட்­டத்­தி­லான வீட்­டுத்­திட்­டங்­க­ளும் நடை­மு­றைப்­ப­டுத்­தப்­பட்­டுள்­ளன. இது வெறும் ஆரம்­பமே இதன் தொடர்ச்­சி­யாக தேவை­யான உத­வி­கள் வழங்­கப்­ப­டும்.
நாம் இங்கு 49 கிராம மட்­டத்­தி­லான வீட்­டுத்­திட்­டத்தை நடை­மு­றைப் படுத்­தி­யுள்­ளோம்.

இந்த திட்­டங்­க­ளின் ஒவ்­வொரு திறப்பு விழா­வுக்­கும் யாழ்ப்­பா­ணத்­துக்கு 49 தட­வை­கள் வரு­வேன். இங்கு வந்து அந்த அனைத்து திட்­டங்­க­ளது திறப்பு விழா­வில் பங்­கு­பற்­று­வேன்.

அனு­ராத புரம் மாவட்­டத்துக்கு 37 ஆவது தட­வை­யாக இன்று வீட்­டுத்­திட்டத் திறப்பு விழா­வுக்குச் செல்­ல­வுள்­ளேன். நாம் எதிர்­வ­ரும் 2020 ஆம் ஆண்­டுக்­குள் வடக்கு மக்­க­ளின் வீட்­டுத் தேவை­களை நிறை­வேற்ற 2 ஆயி­ரத்து 500 வீட்­டுத்­திட்­டங்­களை நடை­மு­றைப்­ப­டுத்தி அடுத்து வரும் தேர்­த­லுக்கு வடக்கு மக்­கள் மத்­தி­யில் முகம் கொடுக்­கக்­கூ­டிய நிலையை ஏற்­ப­டுத்­து­வோம் –- என்­றார்.

“வெளி­மா­வட்­டத்­தி­லி­ருந்து கட­மை­யாற்­றும் அரச உத்­தி­யோ­கத்­தர்­க­ளுக்கு வீட்­டுத்­திட்­டங்­கள் வழங்­கப்­ப­ட­வேண்­டும். வடக்கு மக்­க­ளின் தேவை கருதி தொடர்ச்­சி­யாக அரசு வீட்­டுத்­திட்­டங்­க­ளுக்கு நிதி ஒதுக்­கீடு செய்ய வேண்­டும்.

தற்­போது முன்­னெ­டுத்து வரும் வீட­மைப்பு அமைச்­சின் ஊடான வீட்­டுத்­திட்­டங்­கள் மூலம் மக்­கள் நன்­மை­ய­டைந்­துள்­ள­னர். இந்தத் திட்­டம் தொடர்ச்­சி­யாக நடை­பெற்று போரால் பாதிக்­கப்­பட்ட எமது மக்­க­ளின் தேவை­கள் நிறை­வேற்­றப் பட வேண்­டும்.” – என்று நிகழ்­வில் உரை­யாற்­றிய நாடா­ளு­மன்ற உறுப்­பி­னர் மாவை சேனா­தி­ராசா தெரி­வித்­தார்.

நிகழ்­வில் மக­ளிர் விவ­கார இரா­ஜாங்க அமைச்­சர் விஜ­ய­கலா மகேஸ்­வ­ரன், யாழ்ப்­பாண மாவட்­டச் செய­லர் நா.வேத­நா­ய­கன், வடக்கு மாகாண ஆளு­ந­ரின் செய­லர் இளங்­கோ­வன் உட்­ப­டப் பலர் கலந்­து­கொண்­ட­னர்.

அதேவேளை, நிகழ்வுக்கு வந்த அனைவரும் உடற்சோத னையின் பின்னரே விழாவில் கலந்து கொள்ள அனுமதிக்கப்பட்டனர் என்று கூறப்பட்டது.