2020 இல் மஹிந்தவின் ஆட்சி

எதிர்­வரும் 2020 ஆம் ஆண்டில் மஹிந்த ராஜ­பக் ஷ தலை­மையிலான அணி­யினர் ஆட்­சிக்கு வரலாம் என்ற தொனியில்  அமைச்­ச­ரவைப் பேச்­சா­ளரும்   அமைச்­ச­ரு­மான ராஜித சேனா­ரட்ன நேற்று கருத்து வெளி­யிட்டார்.  

அர­சாங்கத் தகவல் திணைக்­க­ளத்தில் நேற்று நடை­பெற்ற   வாராந்த அமைச்­ச­ரவை முடி­வு­களை அறி­விக்கும்   செய்­தி­யாளர் 

சந்­திப்பில்  ஊட­க­வி­ல­யாளர் ஒருவர் எழுப்­பிய  கேள்­விக்கு பதி­ல­ளிக்­கும்­போதே அவர் இந்தக் கருத்தை வெளி­யிட்டார். 

அமைச்சர் அங்கு மேலும் குறிப்­பி­டு­கையில்:-

ஒன்று அல்­லது இரண்டு மேல் நீதி­மன்­றங்­களை  ட்ரயல் அட்பார் நீதி­மன்­றங்­க­ளாக மாற்றி கடந்த ஆட்­சி­யா­ளர்கள் தொடர்­பான  ஊழல் குற்­றச்­சாட்­டுக்கள் குறித்து விசா­ரணை முன்­னெ­டுக்­க­வேண்டும். 

  2020 ஆம் ஆண்டு வரை இதனை இழுத்­த­டிப்­ப­தற்கு இட­ம­ளிக்க முடி­யாது. அப்­படி 2020 ஆம் ஆண்டு வரை  இந்த  விசா­ர­ணைகள் இழுத்­த­டிக்­கப்­பட்டால் அதன்­பின்னர் மஹிந்­த­வுக்கு எதி­ரான  குற்­றச்­சாட்டை  மஹிந்­தவே  விசா­ரணை செய்யும் நிலைமை ஏற்­பட்­டு­வி­டலாம். 

கேள்வி: அப்­ப­டி­யானால் 2020 ஆம் ஆண்டில் மஹிந்த ராஜ­பக்ஷ ஆட்­சிக்கு வரலாம் என்று கூறு­கி­றீர்­களா?

பதில்: ஒரு விட­யத்தை நன்­றாகப் புரிந்­து­கொள்­ளுங்கள்,  நாங்கள் ஆட்­சிக்கு வரா­விடின் அவர்­கள்தான் ஆட்­சிக்கு வரு­வார்கள்.  இல்­லா­விடின் ஜே.வி.பி.யால் ஆட்­சிக்கு வர­மு­டி­யுமா? நாம் யதார்த்­தத்­தையும் புரிந்­து­கொள்­ள­வேண்டும். 

கேள்வி: மாகா­ண­சபைத் தேர்­தல்­களை  பிற்­போ­டு­வ­தற்கு  அர­சாங்கம்  முயற்­சிப்­ப­தாக குற்­றம்­சாட்­டப்­ப­டு­கின்­றது. ?

பதில்: அப்­படி இல்லை மாகா­ண­சபைத் தேர்­தல்­களை  ஒரே தரத்தில் நடத்­த­வேண்டும் என்­பதில் அர­சாங்கம் உறு­தி­யாக இருக்­கி­றது.  இது தொடர்பில் நாங்கள் மக்­க­ளுக்கு வாக்­கு­றுதி வழங்­கி­யி­ருக்­கிறோம். அந்த வாக்­கு­று­தியை நிறை­வேற்­றவே முயற்­சிப்போம்.   மாகா­ண­சபைத் தேர்­தலை ஒரே நாளில் நடத்­த­வேண்டும் என்­பதே எமது நோக்கம். குறிப்­பாக  மாகா­ண­சபைத் தேர்­த­லையும் உள்­ளூ­ராட்சித் தேர்­த­லையும் ஒரே தினத்தில் நடத்­து­வ­தற்கே ஆராய்­கின்றோம். அதே­போன்று பாரா­ளு­மன்றத் தேர்­த­லையும் ஜனா­தி­பதித் தேர்­த­லையும்   ஒரே தினத்தில் நடத்­து­வ­தற்கு ஆராய்­கின்றோம். 

கேள்வி: இவை எல்­லா­வற்­றுக்கும் முன்னர் சர்­வ­ஜன வாக்­கெ­டுப்பை  நடத்­து­வது குறித்து  நீங்கள் கருத்து வெளி­யிட்­டீர்­களா?

பதில்: இந்தத் தேர்­தல்­க­ளுக்கு முன்னர் உண்­மையில்  சர்­வ­ஜ­ன­வாக்­கெ­டுப்பை நடத்­து­வதே சிறப்­பாக இருக்கும். காரணம்   நான் இது­தொ­டர்பில் ஜனா­தி­ப­தி­யி­டமும் பேசினேன். அவரும்  சர்­வ­ஜன வாக்­கெ­டுப்பு குறித்து ஆரா­ய­வேண்டும் என்று  கூறினார். 

கேள்வி:  சர்­வ­ஜன வாக்­கெ­டுப்பை சுதந்­தி­ரக்­கட்சி எதிர்க்­கின்­றதே?

பதில்: சுதந்­தி­ரக்­கட்சி எதிர்­காது என்றே கரு­து­கின்றேன். சர்­வ­ஜ­ன­வாக்­கெ­டுப்பை நடத்­து­வதன் மூலம் சுதந்­தி­ரக்­கட்­சிக்கே அதிக நன்மை இருக்கிறது. இன்று சர்வஜன வாக்கெடுப்பை  ஐக்கியதேசியக்கட்சியும் தமிழ் தேசியக்கூட்டமைப்பும், மக்கள் விடுதலை முன்னணியும் கோரிநிற்கின்றன.  எதிர்ப்பதாயின்  மஹிந்தமட்டுமே  இதனை எதிர்ப்பார். எனவே அனைவரும் விரும்பி நிற்கின்றபோது சர்வஜன வாக்கெடுப்பை நடத்துவதே சிறந்ததாக அமையும்.  

http://www.virakesari.lk/article/23234

மாத இறு­திக்குள் அதி­ரடி தீர்­மா­னம்

 

என்ன நடக்­கப்­போ­கின்­றது என்­ப­தனை பொறுத்­தி­ருந்து பாருங்கள் என்­கிறார் ராஜித
(ரொபட் அன்­டனி)

நாட்டு மக்கள் நல்­லாட்சி அர­சாங்­கத்­திற்கு வழங்­கிய ஆணை நிறை­வேற்­றப்­படும் வகை­யி­லான அதி­ரடித் தீர்­மா­னங்கள் இந்த ஆகஸ்ட் மாதத்தில் மேற்கொள்ளப்படும். எவ்­வா­றான தீர்க்­க­மான மிகவும் முக்­கி­ய­மான தீர்­மா­னங்கள், நட­வ­டிக்­கைகள் வரப்­போ­கின்­றன என்­பதை நீங்கள் பார்ப்­பீர்கள் என்று அமைச்­ச­ரவைப் பேச்­சா­ளரும் அமைச்­ச­ரு­மான ராஜி­த­ சே­னா­ரட்ன தெரி­வித்தார்.

தற்­போது இடம்­பெறும் நிகழ்­வுகள் கூட மிகத்­தீர்க்­க­மா­னவை என்­பது உங்­க­ளுக்குத் தெரியும். எனவே பொறுத்­தி­ருந்து பாருங்கள் இந்த மாத்­திற்குள் என்ன நடக்­கின்­றது என்று பார்ப்போம் என்றும் அவர் குறிப்­பிட்டார்.

அர­சாங்கத் தகவல் திணைக்­க­ளத்தில் நேற்று நடை­பெற்ற வாராந்த அமைச்­ச­ரவை முடி­வு­களை அறி­விக்கும் செய்­தி­யாளர் சந்­திப்பில் கலந்து கொண்டு கருத்து வெளி­யி­டு­கை­யி­லேயே அவர் மேற்­கண்­ட­வாறு குறிப்­பிட்டார். அங்கு எழுப்­பப்­பட்ட கேள்­வி­க­ளுக்கு அமைச்சர் தொடர்ந்து பதி­ல­ளிக்­கையில்

கேள்வி: இவ்­வ­ருடம் ஆகஸ்ட் மாதத்தில் பாரிய அர­சியல் திருப்­பங்­களை ஏற்­ப­டுத்­தக்­கூ­டிய தீர்­மா­னங்கள் இடம்­பெ­றலாம் என்று நீங்கள் கூறி­யி­ருந்­தீர்கள்? என்ன தான் நடக்­கப்­போ­கின்­றது?

பதில்: என்ன நடக்­கப்­போ­கின்­றது என்­பதை பொறுத்­தி­ருந்து பாருங்கள், இப்­போதே அதி­ரடித் தீர்­மா­னங்­களை எடுப்­ப­தற்கு அர­சாங்கம் தொடங்­கி­விட்­டது. இந்த மாத இறு­திக்குள் பல முக்­கி­ய­மான தீர்க்­க­மான தீர்­மா­னங்கள் எடுக்­கப்­ப­டலாம். மிக விசே­ட­மாக இந்த நாட்டு மக்கள் நல்­லாட்சி அர­சாங்­கத்­திற்கு வழங்­கிய மக்கள் ஆணைக்கு ஏற்ப நட­வ­டிக்­களை அர­சாங்கம் எடுக்கும். மக்கள் வழங்­கிய ஆணையை நிறை­வேற்றும் வகை­யி­லான அதி­ரடி நட­வ­டிக்­கைகள் அர­சாங்­கத்­தினால் எடுக்­கப்­படும். பொறுத்­தி­ருந்து பாருங்கள். பல முக்­கி­ய­மான நட­வ­டிக்­கைகள் எடுக்­கப்­பட போகின்­றன. இப்­போது இடம்­பெ­று­கின்ற நிகழ்­வுகள் கூட இதன் ஒரு தொட­ரா­கவே காணப்­ப­டு­கின்­றன. ஆரம்­பக்­கட்ட நட­வ­டிக்­கை­க­ளையே தற்­போது பார்க்­கின்­றீர்கள்.

கேள்வி: ஷிரந்தி ராஜ­ப­க்ஷ­விடம் விசா­ரணை நடத்தும் போது மக்கள் ஆர்ப்­பாட்டம் செய்­கின்­றனர். என்­னதான் நடக்­கின்­றது?

பதில்: ஆம் பஸ்­களில் வந்து ஆர்ப்­பாட்டம் செய்­கின்­றனர். அவர்­க­ளிடம் அதிகம் பணம் இருக்­கி­றது. திருடன் என்றும் கூறு­கின்­றனர். எல்லாம் திட்­ட­மி­டப்­பட்டு முன்­னெ­டுக்­கப்­ப­டு­கின்­றது. எனவே அவர்கள் எதை நினைத்­தாலும் செய்­வார்கள். குற்­றப்­பு­ல­னாய்வுப் பிரி­வுக்கு விசா­ர­ணைக்­காக செல்­கின்­ற­வர்கள் விகா­ர­மா­தேவி ஆகி­வி­டு­கின்­றார்கள். ஒரு சம­யத்தில் விகா­ர­மா­தேவி எப்­படி இந்த இடத்­திற்கு வந்தார் என்றும் எண்­ணத்­தோன்­று­கி­றது.

கேள்வி: அமைச்­ச­ர­வையில் அம்­பாந்­தோட்டை உடன்­ப­டிக்கை குறித்து பேசப்­பட்­டதா?

பதில்: அம்­பாந்­தோட்­டை­து­றை­முக உடன்­ப­டிக்கை முடிந்து விட்­டது. அது­தொ­டர்பில் பாரா­ளு­மன்­றத்­திற்கும் அறி­விக்­கப்­பட்­டது. அமைச்­ச­ர­வை­யிலும் ஆரா­யப்­பட்­டது. இனி செய்­வ­தற்கு ஒன்­று­மில்லை.

கேள்வி: விசேட நீதி­மன்றம் ஒன்றை அமைப்­பது தொடர்பில் அமைச்­ச­ர­வையில் பேசப்­பட்­டதா?

பதில்: விசேட நீதி­மன்றம் என்­பது தவறு. உண்­மையில் விசேட நீதி­மன்றம் அமைப்­ப­தற்கு அர­சி­ய­ல­மைப்பில் திருத்தம் செய்­ய­வேண்டும். ஆனால் கடந்­த­கால ஊழல்­களை விரை­வாக விசா­ரித்து முடிப்­ப­தற்கு இரண்டு மேல் நீதி­மன்­றங்­களை விசே­ட­மா­ன­தாக எடுத்து ட்ரயல் அட்பார் முறையில் விசா­ரணை நடத்­தலாம்.

இது இரண்டு மாதங்­களில் விசா­ர­ணை­களை முடிப்­ப­தற்கு உதவும். இத­னைத்தான் நாங்கள் பேசினோம். இவ்­வாறு இரண்டு மேல் நீதி­மன்­றங்­களை ட்ரயல் அட்பார் நீதி­மன்­றங்­க­ளாக உரு­வாக்கி துரி­த­க­தியில் வழக்­கு­களை விசா­ரிக்க அமைச்­சர்கள் மட்­டத்தில் இணக்­கப்­பாடு எட்­டப்­பட்­டுள்­ளது.

 அர­சி­ய­ல­மைப்பு என்­பதை நாம் குற்­றங்­களை மறைப்­ப­தற்­கான ஒரு கோர்­வை­யாக பயன்­ப­டுத்த முடி­யாது. எனவே இந்த மேல் நீதி­மன்­றங்­களை ட்ரயல் அட்பார் நீதி­மன்­றங்­க­ளாக மாற்றி செயற்­ப­டு­வ­தற்கு சட்­டமா அதி­பரும் பிர­தம நீதி­ய­ர­சரும் இணங்­கினால் போது­மா­னது.

அண்­மையில் பிர­தமர் ரணில் விக்­கி­ம­சிங்க தலதா மாளி­கைக்கு சென்­ற­போது ''சேர் எப்­போது திரு­டர்­களைப் பிடிப்­பீர்கள்'' என்று வய­தான பெண்­மணி ஒருவர் வின­வினார். நான் திரு­மண வீடு­க­ளுக்கு செல்லும் போது அங்கு வரும் பெண்கள் என்னை சற்று ஒதுக்­குப்­பு­ற­மாக அழைத்து சென்று சுற்­றி­வ­ளைத்து '' சேர் எப்­போது திரு­டர்­களைப் பிடிப்­பீர்கள்'' என்று கேட்­கின்­றனர். நான் அமைச்­ச­ரவைப் பேச்­சாளர் என்­பதால் இந்தப் பிரச்­சி­னைக்கு பாரி­ய­ளவில் முகம் கொடுக்­கின்றேன்.

கேள்வி: அப்­ப­டி­யானால் என்­னதான் நடக்­கின்­றது?

பதில்: இல்லை இங்கு ஒரு விட­யத்தை கவ­னிக்­க­வேண்­டி­யுள்­ளது. தற்­போது ஆணைக்­கு­ழு­வொன்று அரச சாட்­சி­யாக சென்ற ரவி கரு­ணா­நா­யக்க பதவி இழக்­க­வேண்­டி­யுள்­ளது. இதுதான் நிலைமை, மேலும் சட்­டமா அதி­பரின் யோசனை இல்­லாமல் நட­வ­டிக்­கை­களை எடுக்கக் கூடாது என பிர­தமர் கூறி­வ­ரு­கிறார். ஒரு துப்­பாக்­கியை வைத்­தி­ருந்­தவர் விளக்­க­ம­றி­யலில் வைக்­கப்­ப­டு­கிறார். 3000 ஆயு­தங்­களை வைத்­தி­ருந்­தவர் பிணையில் விடு­விக்­கப்­ப­டு­கின்றார் இதுதான் நிலைமை.

கேள்வி: அமைச்சர் விஜ­ய­தாஸ விசேட நீதி­மன்ற கோரிக்­கையை நிரா­க­ரித்­தாரா?

பதில்; ஆம் அதனை அவர் நிரா­க­ரித்தார். ஆனால் இங்கு நிரா­க­ரிப்­பது முக்­கி­ய­மல்ல. பிரச்­சி­னையைத் தீர்ப்­பதே முக்­கி­ய­மா­ன­தாகும். உதா­ர­ண­மாக நான் சுகா­தார அமைச்­ச­ராக இருந்து கொண்டு பிரச்­சினை ஒன்று வரும்­போது சட்­டத்தின் படி இதனைத் தீர்க்க முடி­யாது என்று மக்­க­ளுக்கு கூற முடி­யாது. விளக்­க­ம­ளிக்­கத்­து­கொண்­டி­ருப்­ப­தையே தொழி­லாக கொள்­ள­மு­டி­யாது. ஏதோ ஒரு­வ­கையில் பிரச்சினைகளைத் தீர்க்கவேண்டும்.

கேள்வி: உங்கள் அரசாங்கம் வந்ததும் எப்.சி.ஐ.டி. பாரிய ஊழல் எதிர்ப்பு ஆணைக்குழு என பல நிறுவனங்கள் அமைக்கப்பட்டன. இன்றுவரை எதுவும் நடக்கவில்லை. நீங்கள் கூறும் இந்த மேல் நீதிமன்ற விவகாரமும் அப்படியே அமைந்துவிடுமா?

பதில்: பொதுவான முறைமையின் கீழ் ஒரு நீதிமன்றத்தின் விசாரணை முடிய 10 வருடங்களும் 2 மாதங்களும் தேவை. ஆனால் ட்ரயல் அட்பார் மூலமாக இரண்டு மாதங்களில் விசாரணைகளை முடிக்கலாம். எனவே ஒன்று அல்லது இரண்டு மேல் நீதிமன்றங்களை ட்ரயல் அட்பார் முறையில் மாற்றி விசாரணைகளை முன்னெடுப்பதே சரியாக அமையும் என நம்புகிறோம். 

http://content.epaper.virakesari.lk/newspaper/Daily/main/2017-08-17#page-1