உயர்தர இரசாயனவியல் வினாத்தாள் விவகாரம் ஆசிரியரின் தந்தையும் சகோதரரும் கைது

உயர்­தர இர­சா­ய­ன­வியல் வினாத்தாள் விவ­காரம் ஆசி­ரி­யரின் தந்­தையும் சகோ­த­ரரும் கைது

(எம்.எப்.எம்.பஸீர்)

இந்த வரு­டத்­துக்­கான கல்விப் பொதுத் தரா­தர உயர்தர பரீட்சை இர­சா­ய­ன­வியல் விஞ்­ஞான பாட வினா பத்­தி­ரத்தின் பகுதி இரண்டில் கேட்­கப்­பட்­டி­ருந்த வினாக்­க­ளுடன் கூடிய துண்டுப் பிர­சு­ரங்­களை கம்­பஹா மகளிர் பாட­சாலை ஒன்றின் முன்­பாக விநி­யோ­கித்­த­தாக கூறப்­படும் இருவர் நேற்று பொலி­ஸாரால் கைது செய்­யப்­பட்­டுள்­ளனர்.

பொலிஸ் மா அதி­ப­ருக்கு நேற்று முன் தினம் கிடைக்கப் பெற்ற முறைப்­பாட்­டுக்கு அமை­வாக விசா­ர­ணை­களை முன்­னெ­டுத்த கம்­பஹா சிரேஷ்ட பொலிஸ் அத்­தி­யட்சர் முதித புசல்­லவின் நேரடி கட்­டுப்­பாட்டின் கீழான உதவி பொலிஸ் அத்­தி­யட்சர் ஸ்ரீலால் பெரே­ராவின் ஆலோ­ச­னையின் கீழான கம்­பஹா பிராந்­திய குற்றத் தடுப்புப் பிரி­வினர் இவர்­களை நேற்று கைது செய்­த­தாக பொலிஸ் பேச்­சாளர் பொலிஸ் அத்­தி­யட்சர் சட்­டத்­த­ரணி ருவன் குண­சே­கர தெரி­வித்தார்.

கைது செய்­யப்­பட்­ட­வர்­க­ளிடம் கம்­பஹா பொலிஸ் நிலைய பொறுப்­ப­தி­கா­ரியின் கீழான விஷேட பொலிஸ் குழு விசா­ர­ணை­களை முன்­னெ­டுத்­துள்­ள­தா­கவும் அவர் சுட்­டிக்­காட்­டினார். அத்­துடன் கைதா­ன­வர்­க­ளிடம் இருந்து மாண­வர்­க­ளுக்கு விநி­யோ­கிக்­கப்­பட்ட துண்டுப் பிர­சு­ரங்கள் அடங்­கிய டெப் ஒன்றும் மீட்­கப்­பட்­ட­தாக பொலிஸ் ஊடகப் பேச்­சாளர் சட்­டத்­த­ரணி ருவன் குண­சே­கர மேலும் தெரி­வித்தார்.

நடை­பெற்­று­வரும் கல்விப் பொதுத் தரா­தர உயர் தர பரீட்­சையின் இர­சா­ய­ண­வியல் விஞ்­ஞான பாடத்­துக்­கான வினா பத்­தி­ரத்தின் 3 பிர­தான கேள்­விகள், பரீட்சை நேரத்­துக்கு முன்­ப­தா­கவே வெளி­யா­கி­விட்­ட­தாக சந்­தே­கிக்­கப்­பட்ட நிலையில் அது தொடர்பில் பெற்றோர் சிலர் பரீட்­சைகள் திணைக்­க­ளத்­துக்கு அறி­வித்­தி­ருந்­தனர்.

 இத­னை­ய­டுத்து பரீட்­சைகள் ஆணை­யாளர் எம்.என்.ஜே. புஷ்­ப­கு­மா­ரவின் ஆலோ­ச­னைக்கு அமைய உதவி பரீட்­சைகள் ஆணை­யாளர் பொலிஸ் மா அதி­பரின் நிவா­ரணப் பிரிவில் அது தொடர்பில் முறைப்­பாடு செய்­தி­ருந்தார். பொலிஸ் மா அதிபர் பூஜித் ஜய­சுந்­த­ரவின் கவ­னத்­துக்கு குறித்த விவ­காரம் கொண்­டு­வ­ரப்­பட்­டதை தொடர்ந்து , பொலிஸ் தல­மை­ய­கத்தின் உத்­த­ர­வுக்கு அமைய கம்­பஹா சிரேஷ்ட பொலிஸ் அத்­தி­யட்சர் முதித்த புசல்­லவின் நேரடி கட்­டுப்­பாட்டில் இந்த விசா­ர­ணைகள் ஆரம்­பிக்­கப்­பட்டன்.

கடந்த 19 ஆம் திகதி சனிக்­கி­ழமை உயர் தரப் பரீட்­சையின் இர­சா­ய­ண­வியல் பாடத்­துக்­கான பரீட்­சைகள் இடம்­பெற்­றன. பகுதி 2 இற்­கான பரீட்­சைகள் இவ்­வாறு இடம்­பெற்ற நிலையில் இர­சா­ய­ண­வியல் பகுதி இரண்டின் மூன்று கேள்­வி­களை உள்­ள­டக்­கிய துன்டுப் பிர­சு­ரங்கள் கம்­பஹா பகு­தியில் பெண்கள் பாட­சாலை ஒன்­ருக்கு முன்­பாக விநி­யோ­கிக்­கப்­பட்­டுள்­ளன.

இம்­முறை தாம் அனு­மா­னித்த கேள்­விகள் பரீட்­சைக்கு வந்­துள்­ளதால் எனவே வெற்­றியை உறுதி செய்ய தமது தனியார் கல்வி நிறு­வ­னத்தில் மேல­திக வகுப்­பு­க­ளுக்­காக மாண­வர்­களை அழைக்கும் வித­மா­கவே இந்த துண்டுப் பிர­சுரம் தயார் செய்­யப்­பட்டு பரீட்­சையை எழு­தி­விட்டு வெளியில் வந்த மாண­வர்­க­ளுக்கு கொடுக்­கப்­பட்­டுள்­ளது.

அந்த துண்டுப் பிர­சு­ரத்தில் குறிப்­பி­டப்­பட்­டி­ருந்த மூன்று வினாக்கள் அப்­ப­டியே பரீட்சை வினா­தாளில் இருந்­ததை அவ­தா­னித்­துள்ள மாண­வர்கள் அதிர்ச்­சி­ய­டைந்­துள்ள நிலையில் வினா பத்­திரம் ஏற்­க­னவே வெளி­யா­கி­விட்­டதா என்ற சந்­தேகம் எழ அது தொடர்பில் பெற்றோர் ஊடாக பரீட்­சைகள் திணைக்­க­ளத்தின் கவ­னத்­துக்கு கொண்­டு­வந்­துள்­ளனர். இந் நிலை­யி­லேயே பரீட்­சைகள் ஆணை­யாளர் விட­யத்தை பொலிஸ் மா அதி­பரின் கவ­னத்­துக்கு கொண்­டு­வந்­துள்ள நிலையில் விஷேட விசா­ர­ணைகள் ஆரம்­பிக்­கப்­பட்­டுள்­ளன.

இது­தொ­டர்பில் விசா­ர­ணை­களை நடாத்­திய பொலிஸார் நேற்று குறித்த துண்டுப் பிர­சு­ரத்தை விநி­யோ­கித்­த­தாக கூறப்­படும் கந்­தான, பட்­ட­கம பகு­தியைச் சேர்ந்த இரு­வரை நேற்று கைது செய்­தனர். 67 வய­தான நபர் ஒரு­வ­ரையும் அவ­ரது 29 வய­தான மகன் ஒரு­வ­ரை­யுமே இவ்­வாறு பொலிஸார் கைது செய்­தனர். கைதா­ன­வர்­க­ளிடம் இருந்து டெப் ஒன்று மீட்­கப்­பட்­டுள்­ள­துடன் அதில் விநி­யோ­கிக்­கப்­பட்­ட­தாக கூறப்­படும் கேள்­விகள் அடங்­கிய துண்டுப் பிர­சு­ரமும் இருந்­துள்­ளது.

கைதான இரு­வரும் மேல­திக வகுப்பு ஆசி­ரியர் ஒரு­வரின் தந்­தையும் சகோ­த­ரரும் என தெரி­ய­வரும் நிலையில், குறித்த மேல­திக வகுப்பு ஆசி­ரியர் தல­ம­றை­வா­கி­யுள்­ள­தா­கவும் அவரைக் கைது செய்ய விஷேட விசா­ர­ணைகள் ஆரம்­பிக்­கப்­பட்­டுள்­ள­தா­கவும் விசா­ரணை குழுவின் உயர் அதி­காரி ஒருவர் தெரி­வித்தார்.

குறித்த துன்டுப் பிர­சுரம் விநி­யோ­கித்­தமை முதல் அதன் பின்­ன­னியில் உள்ள அனைத்து விட­யங்­க­ளையும் வெளிப்­ப­டுத்த விசா­ர­ணைகள் கம்­பஹா சிரேஷ்ட பொலிஸ் அத்தியட்சரின் ஆலோசனைக்கு அமைய தொடர்ந்தும் முன்னெடுக்கப்பட்டு வருவதாகவும் அவர் சுட்டிக்காட்டினார்.

 இதனிடையே, உயர்தரப் பரீட்சை தொடர்பில் அனுராதபுரம் - பதவிய பராக்கிரமபுர 1407 ஆம் இலக்க பரீட்சை மத்திய நிலையத்தில் கடந்த சனியன்று விநியோகிக்கப்பட்ட இரசாயணவியல் விஞ்ஞான கேள்விப் பத்திரம் பகுதி இரண்டில் ஒரு கேள்விப் பத்திரம் காணாமல் போயிருந்ததாக இலங்கை ஆசிரியர் சங்கள் குற்றம் சுமத்தியுள்ளமையும் இங்கு சுட்டிக்கடடத்தக்கது.