ஈழத் தமிழ் மக்கள் மத்தியில் மாத்திரமன்றி பிரித்தானியா உட்பட ஐரோப்பிய நாடுகளில் வாழும் புலம்பெயர் மக்கள் மத்தியில் பிரபல்யமான தொலைபேசி சேவை உட்பட பல்வேறு சேவைகளை நடத்திவந்த லிபரா நிறுவனத்தை பெல்மேரியம் (Palmarium) நிறுவனம் கொள்வனவுசெய்துள்ளது..

சுவிஸர்லாந்தின் லூசன் நகரில் தலைமை அலுவலகத்தைக் கொண்ட பல்மேரியம் தனியார் குடும்ப நிறுவனத்தின் வியோ பீ.வி நிறுவனமே லிபரா கூட்டு நிறுவனத்தையும் லிபரான சின்னத்தில் இயங்கும் அனைத்து வர்த்தக நடவடிக்கைகளையும் வாங்கியுள்ளதாக பெல்மேரியம் நிறுவனம் விடுத்துள்ள செய்திக் குறிப்பில் தெரிவிக்கப்பட்டுள்ளது.

ஈழத் தமிழர்கள் மூவரினால் இணைந்து 2001 ஆம் ஆண்டு  உருவூக்கபப்டட லிபரா நிறுவனம் பிரித்தானியா உட்பட ஐரோப்பிய நாடுகளில் மிகவும் வேகமாக வளர்ந்துவரும் தொலைபேசி சேவை நிறுவனமாக பிரபல்யமடைந்திருந்தது.

குறிப்பாக ஐரோப்பிய நாடுகளில் வாழ்ந்தவரும் ஈழத் தமிழர்கள் மற்றும் ஆசிய ஆபிரிக்க மற்றும் கிழக்கு ஐரோப்பிய நாட்டவர்கள் மத்தியிலும் ஐரோப்பிய நாடுகளுக்கு வரும் சுற்றுலாப் பயணிகள் மத்தியிலும் பிரபல்யமடைந்திருந்தது.

தொலைபேசி சேவையை மாத்திரமன்றி பணப்பறிமாற்றல் சேவை உட்பட பேலும் பல பொருட்கள் மற்றும் சேவைகளையும் குடியேறிகளை இலக்காக வைத்து லவிபரா நிறுவனம் மேற்கொண்டுவந்தது.

ஐரோப்பிய நாடுகளில் 275 ஆயிரத்திற்கும் அதிகமான இடங்கள் ஊடாக தனது சேவையை நடத்திவந்த லிபரா நிறுவனம் மூன்று தசம் ஐந்து மில்லியனுக்கும் அதிகமான வாடிக்கையாளர்களையும் கொண்ட நிறுவனமாக இருந்து வருகின்றது.

லிபரா நிறுவனம் புதிய கண்டுபிடிப்புக்கள மற்றும் சேவைகளை அறிமுகப்படுத்தி ஐரோப்பிய சந்தையில் தனக்கு தனித்துவமான இடத்தைப் பிடித்துள்ளதுடன் சிறந்த வாடிக்கையாளர் சேவைக்காக பல முக்கிய விருதுகளையும் வென்றுள்ளது.

இந்த நிலையிலேயே பெல்மேரியம் நிறுவனம் லிபரா நிறுவனத்தை மற்றுமொரு படிக்கு முன்னேற்றும் நோக்கத்துடன் அந்த நிறுவனத்தை வாங்கியுள்ளதாக அறிவிக்கப்பட்டுள்ளது.

இன்றைய தினமான செப்டெம்பர் 15 ஆம் திகதி லிபரா நிறுவனத்தை உத்தியோகபூர்வமாக பெல்மேரியம் நிறுவனம் பொறுப்பேற்கும் நிகழ்வு இடம்பெற்ற நிலையில் லிபரா நிறுவனத்தின் ஸ்தாபகர்கள் மூவரும் நிறுவனத்திலிருந்து வெளியேறியுள்ளதுடன் தலைமை நிறைவேற்று அதிகாரியான கிறஹம் ஒக்ஸ்பி தலைமையிலான புதிய நிர்வாகம் நிர்வாகத்தை பொறுப்பேற்றுக்கொண்டுள்ளது.

கிறஹம் ஒக்ஸ்பி முன்னணி தொலைபேசி சேவை நிறுவனங்களில் கடமையாற்றிய அனுபவம்வாய்ந்த தலைமை நிறைவேற்று அதிகாரியாவார். குறிப்பாக த்ரீ மற்றும் வேர்ஜின் ஆகிய பிரித்தானியாவின் முன்னணி தொலைபேசி நிறுவனங்களிலும் கடமையாற்றியுள்ள ஒக்ஸ்பீ லிபர்டீ குளோபல் ஐரோப்பிய கையடக்கத் தொலைபேசி நிறுவனத்தின் முகாமைத்துவப் பணிப்பாளராகவும் கடமையாற்றியுள்ளார்.