மாகாண சபை­கள் தேர்­தல் விரை­வில் நடத்­தப்­ப­ட­லாம் என்­கிற பேச்சு மீண்­டும் அடி­பட ஆரம்­பித்­தி­ருக்­கி­றது. எதிர்­வ­ரும் டிசெம்­பர் மாதம் தேர்­தல் நடக்­க­லாம் என்­றும் எதிர்­வு­கூ­றப்­ப­டு­கின்­றது.

மாகாண சபை­கள் அனைத்­துக்­கும் ஒரே நாளில் தேர்­தலை நடத்­து­வ­தற்­கான அர­ச­மைப்­புத் திருத்­தத்தை நிறை­வேற்­று­வ­தா­னால், நாடா­ளு­மன்­றில் மூன்­றி­லி­ரண்டு பெரும்­பான்­மை­யை­யும், மக்­க­ளின் பெரும்­பான்மை ஆத­ர­வை­யும் பெற­வேண்­டும் என்று உயர் நீதி­மன்­றம் தெரி­வித்­தி­ருப்­ப­தா­கக் கூறப்­ப­டும் நிலை­யி­லேயே தேர்­தல் சூடு பிடிக்க ஆரம்­பித்­துள்­ளது.

கிழக்கு, வட­மத்தி, சப்­ர­க­முவ ஆகிய மூன்று மாகா­ணங்­க­ளின் ஆயுள் இந்த மாதத்­து­டன் நிறை­வ­டை­கின்­றது. புதிய ஆளும் தரப்­பைத் தேர்­தெ­டுப்­ப­தற்­காக மூன்று மாதங்­க­ளுக்­குள் இந்த மாகா­ணங்­க­ளில் தேர்­தலை நடத்­தி­யா­க­வேண்­டும்.

இத­னைத் தடுத்து நிறுத்தி அனைத்து மாகா­ணங்­க­ளுக்­கும் ஒரே நாளில் தேர்­தலை நடத்­து­வ­தற்­கான ஏற்­பா­டு­களே அர­ச­மைப்­பின் 20ஆவது திருத்தத்தின் ஊடாக மேற்­கொள்­ளப்­பட்­டன.

நாடா­ளு­மன்­றத்­தில் மூன்­றில் இரண்டு பெரும்­பான்­மை­யு­டன் அதனை நிறை­வேற்­றி­வி­ட­லாம் என்று அரசு எண்­ண­மிட்­டது.

ஆனால், அதற்கு மக்­க­ளின் ஆத­ர­வும் பெறப்­ப­ட­வேண்­டும் என்­கிற நெருக்­கடி ஏற்­பட்­டுள்ள நிலை­யில் அர­ ச­மைப்­புத் திருத்­தத்­தைக் கைவிட்டு அரசு தேர்­த­லுக்கே நேர­டி ­யா­கச் செல்­லக்­கூ­டும் என்­கிற எதிர்­பார்ப்பு அதி­க­ரித்­தி­ருக்­கி­றது.

இப்­போது உள்ள சூழ­லில் தேர்­தலை நடத்­தி­னால் முன்­னாள் அரச தலை­வர் மகிந்த ராஜ­பக்­ச­வைப் பலப்­ப­டுத்­து­வ­தா­கி­வி­டும் என்­கிற அச்­சம் கார­ண­மா­கவே அரசு தேர்­த­லைப் பிற்­போட எத்­த­னிக்­கி­றது என்­கிற விமர்­ச­னம் ஒன்­றுண்டு.

எனவே அரசு எதிர்­பா­ராத விதத்­தில் இந்த விட­யத்­தில் இப்­போது சிக்­க­லுக்­குள் மாட்­டுப்­பட்­டுக்­கொண்­டு­விட்­டது என்­கிற பார்­வை­யும் உண்டு.

ஒரு­வேளை மாகாண சபைத் தேர்­தல் நடந்­தது என்­றால் அது அர­சுக்­குச் சிக்­க­லாக இருக்­கக்­கூ­டும். மகிந்த தரப்­புக்­கும் மைத்­திரி தரப்­புக்­கும் இடை­யி­லான பலப் பரீட்­சை­யா­க­வும் அது நிச்­ச­யம் இருக்­கும் என்­ப­தில் சந்­தே­கம் இல்லை.

அதே­நே­ரத்­தில் யார் பல­சாலி என்­ப­தும் தெரிந்­து­வி­டும். அந்­தப் பல­ சாலி யார் என்­ப­தைத் தெரிந்­து­கொள்­வது தமிழ் மக்­க­ளின் எதிர்­கால அர­சி­ய­லுக்கு மிக முக்­கி­ய­மா­னது.

புதிய அர­ச­மைப்பு உரு­வாக்­க­மா­கட்­டும், காணி விடு­விப்­பா­ கட்­டும், காணா­மற்­போ­னோர் விவ­கா­ர­மா­கட்­டும், வடக்­குக் கிழக்­கில் படை­க­ளைக் குறைப்­ப­தா­கட்­டும், அர­சி­யல் கைதி­கள் விடு­த­லை­யா­கட்­டும், பொறுப்­புக் கூறலை நிறை­வேற்­றா­மல் இருப்­ப­தா­கட்­டும் எல்­லா­வற்­றுக்­குமே மகிந்­தவை ஒரு தடை­யாக இந்த அரசு இது­நாள்­வ­ரை­யில் காட்டிவந்­தது.

புதிய அர­ச­மைப்­புக்கு எதி­ராக மகிந்த தரப்­பி­னர் பரப்­புரை செய்­கின்­ற­னர், எனவே அதில் வேக­மாக நகர முடி­யாது என்­ற­னர்.

படை­யி­னர் வசம் உள்ள மக்­க­ளின் காணி­களை விடு­வித்­தால், மகிந்த அணி­யி­னர் அத­னைத் தெற்கு மக்­க­ளி­டம் தவ­றா­கப் பரப்­புரை செய்­கி­றார்­கள் என்­ற­னர்.

போர்க்­குற்ற விசா­ர­ணையை நடத்­தி­னால், அது படை­யி­ன­ருக்­குச் செய்­யும் துரோ­கம் என்று விச­மப் பரப்­புரை செய்து சிங்­கள மக்­க­ளி­டம் நஞ்சை விதைக்­கின்­ற­னர் என்­கி­ன்ற­னர்.

இப்­ப­டி­யெல்­லாம் மகிந்த தரப்­பி­னர் செய்­வ­தால், இந்த விட­யங்­க­ளில் எல்­லாம் தாம் கவ­ன­மா­க­வும், பொறு­மை­யா­க­வும் மட்­டுமே செயற்­பட முடி­யும் என்று இது­வ­ரை­யில் கார­ணங்­கள் கூறி­வந்­த­னர்.

தமி­ழர்­க­ளுக்கு எதை­யா­வது செய்­தால், அதை மகிந்த தரப்­பி­னர் சிங்­களத் தரப்­பி­ன­ரி­டம் தவ­றாக எடுத்­துச் சொல்லி, இன­வா­தம் பேசி தமது செல்­வாக்கை வளர்த்­துக் கொண்­டு­வி­டு­வார்­கள், பலம்­பெற்­று­வி­டு­வார்­கள் என்று சொல்­லிச் சொல்­லியே செய்­யப்­ப­ட­வேண்­டிய பல­வற்­றைச் செய்­யா­மல் விட்­டு­விட்­டது இந்த அரசு.

3 மாகாண சபை­க­ளுக்­கும் தேர்­தல் நடந்­தால் மகிந்­த­வுக்கு உள்ள உண்­மை­யான பலம் தெரி­ய­வந்­து­வி­டும். மைத்­திரி – ரணில் அர­சின் எதிர்­கா­லம் குறித்த தெளி­வும் கிடைத்­து­வி­டும்.

அதற்கு மேலாக, தேர்­த­லில் தமி­ழர்­க­ளி­டம் இருந்து ஆத­ர­வைப் பெற­வேண்­டு­மா­னால் எதை­யா­வது கொஞ்­சம் செய்தே ஆக­வேண்­டும் என்­கிற இக்­கட்­டும் ஏற்­பட்­டு­வி­டும். அந்த வகை­யில் பார்த்­தால் மாகாண சபைத் தேர்­தல் நடப்பது நல்லதே!