இழுத்தடிப்பு வேண்டாம்!

வடக்­கில் படை­யி­னர் வசம் உள்ள மக்­க­ளின் காணி­களை விடு­விக்க இன்­னும் 2 வருட கால அவ­கா­சம் தேவை என்று இரா­ணு­வம் தெரி­வித்­தி­ருக்­கி­றது. அதனை அர­சும் ஆமோ­தித்­தி­ருக்­கி­றது. இது தமிழ் மக்­க­ளைப் பொறுத்­த­ வ­ரை­யில் ஏற்­பு­டையதல்ல.

தாங்­கள் ஆட்­சிக்கு வந்­த­தும் மக்­க­ளின் காணி­கள் அனைத்­தும் அவர்­க­ளி­டமே உட­ன­டி­யா­கத் திருப்பி ஒப்­ப­டைக்­கப்­ப­டும் என்று கூறியே மைத்­தி­ரி­பால சிறி­சேன மற்­றும் ரணில் விக்­கி­ர­ம­ சிங்க இரண்டு பேரும் ஆட்­சிக்கு வந்­தார்­கள்.

வடக்­கில் நடந்த பரப்­பு­ரைக் கூட்­டங்­கள் எல்­லா­வற்­றி­லும் அவர்­க­ளும் அவர் க­ளு­டன் கூடவே வந்த சந்­தி­ரிக்கா அம்­மை­யா­ரும் இந்த வாச­கத்தை மறக்­கா­மல் முழங்­கி­னார்­கள்.

ஆனால், பத­விக்கு வந்து இரண்டு வருட காலம் முழு­மை­யா­கப் பூர்த்­தி­யாகிய நிலை­யி­லும் படைகள் வசம் உள்ள காணி­ க­ளில் பெரும்­பா­லா­னவை விடு­விக்­கப்­ப­ட ­வில்லை.

யாழ்ப்­பா­ணம் மாவட்­டத்­தில் மட்­டும் சில ஆயி­ரம் ஏக்­கர் காணி­கள் விடு­விக்­கப்­பட்­டன. அங்­கும்­கூட இன்­ன­மும் 5 ஆயி­ரம் ஏக்­கர் மக்­கள் காணி­கள் விடு­விக்­கப்­ப­ட­வேண்­டி ­யுள்­ளன.

தவிர, வவு­னியா, முல்­லைத்­தீவு, மன்­னார், கிளி­நொச்சி மாவட்­டங்­க­ளி­லும் பல ஆயி­ரம் ஏக்­கர் மக்­கள் காணி­கள் படை­யி­னர் வசம் உள்­ளன என்று அரச புள்ளி விவ­ரங்­களே கூறு­கின்­றன.

இவற்­றை­யெல்­லாம் விடு­விப்­ப­தற்கு ஒரு காலத் திட்­டம் தயா­ரித்து படிப்­ப­டி­யாக அவற்றை விடு­விக்க வேண்­டும் என்று அரச தலை­வ­ரும் தலைமை அமைச்­ச­ரும் படை­யி­ன­ருக்கு அறி­வு­றுத்­தி­யி­ருந்­த­னர்.

அந்த அறி­வு­றுத்­த­லுக்கு 2 வருட காலத்­தின் பின்­னர் மேலும் இரண்டு வருட காலத்­திற்­குள் தாம் காணி­களை விடு­விப்­போம் என்று இரா­ணு­வத்­தி­னர் கூறு­கின்­ற­னர்.

அதி­லும் மக்­க­ளின் காணி­களை முற்­று­மு­ழு­தாக விடு­விப்­போம் என்று அவர்­கள் கூற­வில்லை. பாது­காப்­புத் தேவைக்­கான காணி­கள் கைய­கப்­ப­டுத்­தப்­ப­டும் என்­றும் அப்­ப­டிக் கைய­கப்­ப­டுத்­தப்­ப­டும் மக்­க­ளின் காணி­க­ளுக்­குப் பதி­லாக மாற்­றுக் காணி­கள் வழங்­கப் படும் என்­றும் கூறி­யி­ருக்­கி­றார்­கள்.

தேர்­தல் வாக்­கு­று­தி­க­ளில் அர­சி­யல் தலை­வர்­கள் கூறி­ய­தற்கு மாறா­ன­தாக இது இருக்­கின்­றது. மக்­க­ளின் காணி­கள் அனைத்­தும் அவர்­க­ளி­டமே திருப்பி வழங்­கப்­ப­டும் என்­று­தான் தலை­வர்­கள் வாக்­கு­று­தி­ய­ளித்­தார்­கள்.

ஆனால், இரா­ணு­வமோ காணி­கள் முழு­மை­யாக வழங்­கப்­ப­டாது என்று கூறு­கின்­றது. தங்­க­ளுக்­குத் தேவை­யான காணி­கள் வசப்­ப­டுத்­தப்­ப­டும் என்­றும் கூறு­கின்­றது. இது தமிழ் மக்­களை ஏமாற்­றும் செயல்.

வடக்­கில் அள­வுக்­க­தி­க­மான இரா­ணு­வத்­தி­னரை வைத்­தி­ருப்­ப­தா­லேயே அவர்­க­ளுக்கு காணி­க­ளும் அள­வுக்­க­தி­க­மா­கத் தேவைப்­ப­டு­கின்­றன. இரா­ணு­வத்­தி­னர் 1980களில் இருந்த நிலை­க­ளுக்­குத் திரும்ப வேண்­டும் என்ற கோரிக்­கையை அழுத்­த­மாக முன்­வைத்து அதற்­கான தமிழ் மக்­க­ளின் ஆணை­யை­யும் பெற்­றி­ருந்­தது தமிழ்த் தேசி­யக் கூட்­ட­மைப்பு.

இந்த அர­சுக்கு வெளி­யி­லி­ருந்து ஆத­ர­வ­ளித்து வரும் கூட்­ட­மைப்பு மக்­கள் தனக்­க­ளித்த ஆணையை வலி­யு­றுத்தி செயற்­ப­ட­வேண்­டிய அவ­சி­யம் இப்­போது வந்­துள்­ளது.

காணி­களை விடு­விப்­ப­தற்கு இன்­ன­மும் இரண்டு வருட காலம் என்­பது காலத்தை இழுத்­த­டிக்­கும் போக்கே. தமது காணி­களை விடு­விக்­கக்­கோரி முல்­லைத்­தீவு மாவட்­டம் கேப்­பாப்­பி­ல­வில் 220 நாள்­க­ளுக்கு மேலாக போராட்­டம் நடத்தி வரும் மக் க­ளுக்கு அவர்­க­ளின் காணி­களை விடு­விப்­ப­தாக வாக்­கு­றுதி அளித்து 6 மாதங்­கள் கடந்­த­போ­தும் அது நிறை­வேற்­றப்­ப­ட­ வில்லை.

அப்­ப­டி­யி­ருக்­கும்­போது 2 வருட காலத்­தில் காணி­களை விடு­விப்­ப­தாக இரா­ணு­வம் அளித்­தி­ருக்­கும் வாக்­கு­றுதி மட்­டும் அச்­சொட்­டாக அப்­ப­டியே செயற்­ப­டுத்­தப்­ப­டும் என்று எதிர்­பார்க்க முடி­யாது.

அந்த 2 வருட காலத்­தின் பின்­னர் மேலும் ஒரு வருட காலத்­தில் இந்த அர­சின் ஆயுள் காலம் முடிந்­து­வி­டும். அது­வரை இந்­தப் பிரச்­சி­னையை இரா­ணு­வம் இழுத்­த­டித்­து­விட்­டால், மீண்­டும் புதிய அரசு இதே பழைய பல்­ல­வி­யைப் பாடி­ய­படி காலத்தை இழுத்­த­டிக்க ஆரம்­பிக்­கும்.

இது­தானே ஆண்­டாண்டு கால­மா­கத் தமி­ழர்­கள் எதிர்­நோக்கி வரும் அவ­லம். எனவே காணி விடு­விப்பை இழுத்­த­டிக்­கா­மல் ஒரு சில மாதங்­க­ளுக்­குள் அதனை முடிக்க கூட்­ட­மைப்­பும் பன்­னாட்­டுச் சமூ­க­மும் கொழும்­புக்­குப் போதிய அழுத்­தம் கொடுக்­க­வேண்­டும்.