இனப்பிரச்சினையை தீர்ப்பதற்கு அரசுடன் கூட்டமைப்பு இணையவேண்டும்

இனப்பிரச்சினையை தீர்ப்பதற்கு அரசுடன் கூட்டமைப்பு இணையவேண்டும்

(ஆர்.ராம்,எம்.எம்.மின்ஹாஜ்)

வடக்கு மக்­களின் பிரச்­சி­னையை தீர்க்க வேண்­டு­மாயின் தமிழ் தேசியக் கூட்­ட­மைப்பு அர­சாங்­கத்தில் இணைய வேண்டும். வர­லாற்றை மறந்து விட்டு  புதிய அர­சியல் நீரோட்­டத்தில் தமிழ் தேசியக் கூட்­ட­மைப்பு பிர­வே­சிக்க வேண்டும். அரச நிர்­வாக கட்­ட­மைப்பில் இணை­வதன் மூலம் வடக்கு மக்­க­ளின பிரச்­சி­னையை தீர்க்க முடியும் என மாந­கர மற்றும் மேல் மாகாண அபி­வி­ருத்தி அமைச்சர் பாட்­டலி சம்­பிக்க ரண­வக்க தெரி­வித்தார்.  

அத்­துடன் வடக்கு மாகா­ணத்­திற்கு அதி­கா­ரத்தை பகிர்­வதன் மூலம் தமி­ழர்­களின் பிரச்­சினை தீர்க்க முடி­யாது. மேலும் பாரா­ளு­மன்­றத்தை பலப்­ப­டுத்­தாமல் அதி­கா­ரத்தை பகிர்­வ­தனால் நாட்­டுக்கு பாதிப்பு ஏற்­படும். ஆகவே குறிப்­பிட்ட அதி­கா­ரங்­க­ளுடன் ஜனா­தி­பதி முறைமை தக்­க­வைத்து கொள்­ளப்­பட வேண்டும் என்றும் அவர் குறிப்­பிட்டார்.

அர­சி­ய­ல­மைப்பு சபையில் நேற்று புதன்­கி­ழமை இடைக்­கால அறிக்கை மீதான மூன்­றாம நாள் விவா­தத்தில் கலந்து கொண்டு உரை­யாற்­று­கை­யி­லேயே அவர் மேற்­கண்­ட­வாறு தெரி­வித்தார்.

அவர் மேலும் உரை­யாற்­று­கையில்,

புதிய அர­சி­ய­ல­மைப்பு தயா­ரிக்கும் முன்னர் அதன் உள்­ள­டக்கம் தொடர்பில் பொது இணக்­கப்­பாடு இருக்க வேண்டும். இணக்­கப்­பாடு இருந்தால் மாத்­தி­ரமே இதனை வெற்­றி­க­ர­மாக கொண்டு செல்ல முடியும். அத்­துடன் இந்த காரி­யத்தின் போது பெரும்­பான்மை இனத்­த­வர்­க­ளான சிங்­க­ள­வர்­களின் இணக்கம் மிகவும் அத்­தி­யா­வ­சி­ய­மாகும்.

அத்­துடன் தற்­போது அதி­கார பகிர்வு தொடர்பில் பேசப்­ப­டு­கின்­றது. வடக்கு மாகா­ணத்­திற்கு மாத்­திரம் அதி­கா­ரத்தை பகிர்­வதன் மூலம் உண்­மையில் பிரச்­சி­னைக்கு தீர்வு காண முடி­யாது. இந்த அதி­கார பகிர்வு மக்­க­ளுக்கு சென்­ற­டை­யாது. அதற்கு மாறாக உள்­ளூ­ராட்சி மன்­றங்­க­ளுக்கு அதி­காரம் பகி­ரப்­பட வேண்டும். ஏனெனில் மக்­க­ளுடன் நெருக்­க­மான நிர்­வாக கட்­ட­மைப்பு அது­வாகும்.

மேலும் வடக்கை பொறுத்­த­வரை தமி­ழர்­களில் 20 சத­வீ­த­மா­னோரே வடக்கில் உள்­ளனர். எனினும் பெரும்­பான்மை இனத்­த­வர்கள் நாட்டின் தெற்­கி­லேயே உள்­ளனர். குறிப்­பாக வடக்கில் இருந்து தெற்கில் வந்து குடி­யே­றி­ய­வர்கள் பலர் உள்­ளனர். ஆகவே இந்த தர­வு­களை பார்க்கும் போது வடக்கு மாகா­ணத்­திற்கு மாத்­திரம் அதி­கா­ரத்தை பகிர்­வதன் மூலம் நாட்டில் வாழும் தமி­ழர்­களின் ஒட்டு மொத்­த­மான பிரச்­சி­னையை தீர்க்க முடி­யாது. இதுதான் உண்­மை­யாகும்.

இதே­வேளை ஆரம்ப காலப்­ப­கு­தியில் செல்­வ­நா­யகம் நாட்டை பிள­வுப்­ப­டுத்தும் சமிஷ்டி கோரிய போது செள­மி­ய­மூர்த்தி தொண்­டமான் அதற்கு இணங்­காமல் அர­சாங்­கத்­துடன் இணைந்து அமைச்சு பத­வி­களை பெற்று அரச நிர்­வாக கட்­ட­மைப்பில் இணைந்து மலை­யக மக்­க­ளுக்கு சேவை செய்தார். அதே கொள்­கையை தொடர்ந்து கடைப்­பி­டித்து தற்­போ­தைய மலை­யக தலை­வர்கள் செயற்­பட்டு வரு­கின்­றனர்.

ஆகையால் செள­மிய மூர்த்தி தொண்­ட­மானை போன்று தமிழ் தேசியக் கூட்­ட­மைப்பு அர­சாங்­கத்தில் இணைந்து வடக்கு மக்­களின் பிரச்­சி­னையை தீர்க்க வேண்டும். ஆகவே வர­லாற்றை மறந்து விட்டு புதிய அர­சியல் நீரோட்­டத்தில் தமிழ் தேசியக் கூட்­ட­மைப்பு பிர­வே­சிக்க வேண்டும். இதன்­போதே வடக்கு மக்­களின் அடிப்­படை பிரச்­சி­னையை தீர்க்க முடியும். எனவே தமிழ் தேசியக் கூட்­ட­மைப்பு இது குறித்து சிந்­திக்கும் நேரம் வந்­துள்­ளது.

அத்­துடன் நிறை­வேற்று அதி­காரம் கொண்ட ஜனா­தி­பதி முறைமை நீக்க வேண்டும் கோரப்­பட்­டாலும் தற்­போ­தைக்கு அதி­கா­ரத்தை பகிர்­வ­தாயின் நிச்­சி­ய­மாக ஜனா­தி­பதி முறை­மையில் உள்ள குறிப்­பிட்ட அதி­கா­ரத்தை கொண்டு ஜனாதிபதி ‍முறைமையை தொடர்ந்து தக்கவைத்து கொள்ள வேண்டும். இல்லையேல் நாடு அராஜகத்திற்கு தள்ளப்பட்டு விடும். அதிகாரத்தை பகிராவிடினும் ஜனாதிபதி முறைமை நீக்கினால் அதனால் நிர்வாக கட்டமைப்பு சீர்குலைந்து விடும்.

இல்லையேல் பாராளுமன்றம் மேலும் வலுவூட்ட வேண்டும் என்றார்.