சிலா­கிப்­ப­தற்கு எது­வு­மில்லை

புதிய அர­ச­மைப்பு உரு­வாக்­கத்­துக்­கான விவா­தம் மூன்­றா­வது நாளை­யும் தாண்டி நான்­கா­வது நாளுக்­கும் நீடிக்­கப்­பட்­டுள்­ளது.நாடா­ளு­மன்ற உறுப்­பி­னர்­கள் பலர் தமது கருத்­துக்­க­ளைத் தெரி­விப்­ப­தற்கு வாய்ப்­புக் கிடைக்­க­ வில்லை என்­பதை அடுத்தே, விவா­தம் மேலும் இரு நாட்களுக்கு நீடிக்­கப்­பட்­டுள்­ளது. எல்லா உறுப்­பி­னர்­க­ளுக்­கும் இந்த விடயத்­தில் வாய்ப்பு வழங்­கப்­ப­டு­வது நல்­லதே.

முக்­கி­ய­மான தரு­ணம் ஒன்றில் அவர்­க­ளின் நிலைப்­பாடு என்ன என்­பதை மக்­கள் அறிந்­து­கொள்­வ­தற்கு அது வச­தி­யாக இருக்­கும். இந்த விவா­தத்­தில் உரை­யாற்­றிய பல­ரும் இது ஒரு வர­லாற்று வாய்ப்பு , இத­னைப் பயன்­ப­டுத்­திக்­கொள்­ள­வேண்­டும் என்று தெரி­வித்­தி­ருந்­த­னர். அப்­ப­டிப்­பட்ட வர­லாற்று வாய்ப்பை அவர்­கள் சரி­வ­ரப் பயன்­ப­டுத்­திக்­கொள்­கி­றார்­களா, தேசி­யப் பிரச்­சி­னையை இத்­தோடு முடி­வுக்­குக் கொண்டு வரும் விதத்­தில் செயற்­ப­டு­கி­றார்­களா என்­பதே இப்­போது உன்­னிப்­பா­கக் கவ­னிக்­கப்­ப­டு­கி­றது.

அந்த வகை­யில் தலைமை அமைச்­சர் ரணில் விக்­கி­ர­ம­சிங்க நேற்று ஆற்­றிய உரை­யும் கவ­னத்­திற்­கு­ரி­யது. அர­ச­மைப்பு நிர்­ணய சபை­யி­ன­தும், வழி­காட்­டல் குழு­வி­ன­தும் உரு­வாக்­கம் செயற்­பா­டு­கள் தொடர்­பில் விளக்­க­ம­ளித்த அவர், தீர்வு ஒன்­றைக் கண்­டு­வி­ட­வேண்­டும் என்று வலி­யு­றுத்­தி­னார்.

“இந்த வர­லாற்­றுச் சிறப்­பு­மிக்க செயற்­பாட்டை நாம் இப்­போ­தா­வது செய்து முடித்­தால் அடுத்­து­வ­ரும் பத்­துப் பரம்­ப­ரை­க­ளும் எமக்கு நன்றி தெரி­விப்­பார்­கள்“ என்­றார் அவர்.

அடுத்­த­டுத்த தலை­மு­றை­க­ளுக்­கும் இந்­தப் பிரச்­சினை தொட­ரா­மல் தேசி­யப் பிரச்­சி­னைக்கு அவ­ரால் தீர்வு காண­மு­டிந்­தால் நிச்­ச­யம் அடுத்து வரும் தலை­மு­றை­கள் எல்­லாமே இந்­தத் தலை­மு­றைக்கு நன்­றிக்­க­டன் பட்­டி­ருக்­கும் என்­ப­தில் மாற்­றுக்­க­ருத்­தில்லை.

ஆனால், அத்­த­கைய ஒரு நிலையை நோக்­கியா இப்­போது நகர்­கி­றார்­கள் என்­பதே ரணில் விக்­கி­ர­ம­சிங்­க­வின் உரை எழுப்­பும் கேள்வி. அவ­ரது உரை­யில் முக்­கி­ய­மா­கக் கவ­னிக்­கப்­ப­ட­வேண்­டிய இரண்டு விட­யங்­கள் இருக்­கின்­றன. ஒன்று, சிங்­கள தேசிய வாதத்­தால் புதிய அர­ச­மைப்­புத் தொடர்­பில் எழுப்­பப்­ப­டும் எதிர்ப்­புக் குர­லுக்கு அடங்­கிப் போகும் வகை­யில், எதிர்ப்பே காட்­டாத அவ­ரது போக்கு. இரண்­டா­வது, தமி­ழர் தரப்பு விவ­கா­ரங்­க­ளைப் பொறுத்­த­வ­ரை­யில் அதே சிங்­கள தேசி­ய­வா­தக் குர­லுக்கு செவி­சாய்க்­கும் வகை­யி­லான மழுப்­பல் பதில்­கள்.

கூட்டு எதி­ர­ணி­யி­னர் எழுப்­பி­யி­ருக்­கும் கரி­ச­னை­கள் அனைத்­தும் கவ­னத்­தில் கொள்­ளப்­ப­டும் என்று அவர் தனது உரை­யில் தெரி­வித்­தி­ருக்­கி­றார். ஒற்­றை­யாட்சி, பௌத்­தத்­துக்­கான முன்­னு­ரிமை, வடக்கு கிழக்கு இணைப்­புக்கு ஆத­ர­வற்ற நிலை ஆகி­ய­ன­வற்­றைக் குறிப்­பிட்­டுச் சொல்­கி­றார். அவற்­றைச் சொல்­லும்­போது அவர், “நாங்­க­ளும் சிங்­கள பௌத்­தர்­கள்­தான். எனவே, நாம் பௌத்த மதத்­துக்­கான முன்­னு­ரி­மையை இல்­லா­தொ­ழிக்­க­மாட்­டோம். பௌத்த மதத்­துக்­கான முன்­னு­ரி­மையை ஒழிக்­க­வேண்­டிய தேவை எமக்­குக் கிடை­யாது“ என்­கி­றார். அதன் மூலம் சிங்­கள தேசி­ய­வா­தக் குர­லுக்கு எதி­ரா­கத் தாம் செல்­லப்­போ­வ­தில்லை என்­கிற உறு­தி­மொ­ழியை அவர் தெளி­வா­கக் குறிப்­பி­டு­கி­றார்.
இந்த பௌத்த சிங்­கள மேலா­திக்க தேசிய வாதம்­தான் இலங்கை என்­கிற நாட்­டில் இனப் பிரச்­சி­னை­யை­யும் அதன்­வழி ஆயு­தப் போராட்­டம் ஒன்­றை­யும் உரு­வாக்­கி­யது. அதா­வது இனப்­பி­ரச்­சி­னைக்­கான மூல கார­ணம் அது­தான். இதனைத் தமி­ழர்­க­ளில் எவ­ரும், சிங்­க­ள­வர்­க­ளில் ஒரு பகு­தி­யி­ன­ரும் மறுக்­க­மாட்­டார்­கள். அப்­ப­டி­யி­ருக்­கும்­போது அந்த பௌத்த சிங்­கள தேசிய வாதத்­தில் இருந்து கிஞ்­சித்­தும் கீழி­றங்­கா­மல் இனப் பிரச்­சி­னை­யைத் தீர்த்­து­வி­ட­லாம் என்று ரணில் விக்­கி­ர­ம­சிங்க கரு­து­வா­ரா­னால் அது நடக்­கக்­கூ­டிய காரி­ய­மல்ல.
இந்த அணு­கு­மு­றை­யில்­தான் புதிய அர­ச­மைப்பை உரு­வாக்­கப்­போ­கி­றார்­கள் என்­றால், இனப் பிரச்­சி­னைக்­கான மூல கார­ணம் தொடர்ந்­து­கொண்டேதான் இருக்­கும். அவ்வாறாறெனில், ரணில் கூறு­வ­தைப் போல அடுத்­து­வ­ரும் 10 தலை­மு­றை­கள் அவ­ர்களது செயல்­க­ளுக்­காக நன்றி கூறாது, தூற்­றவே செய்­யும்.
இதற்கு முன்­னர் முன்­வைக்­கப்­பட்ட தீர்­வு­க­ளில் இருந்து இந்­தத் தீர்வு மேம்­பட்­ட­தாக இருக்­கி­றது என்­ப­தால் அதனை ஆத­ரிக்­க­லாம் என்று தமிழ்த் தேசி­யக் கூட்­ட­மைப்­புக்­கூட நினைக்­க­லாம். ஆனால், பௌத்த சிங்­கள தேசி­ய­வா­தத்­தில் இருந்து இம்­மி­யும் கீழி­றங்­கா­மல் கட்­ட­மைக்­கப்­ப­டும் ஒரு புதிய அர­ச­மைப்­பின் மூலம் தமி­ழர்­க­ளின் பிரச்­சி­னைக்குத் தீர்வு கிடைத்­து­வி­டும் என்று தமிழ்த் தேசி­யக் கூட்­ட­மைப்பு ஒரு­போ­தும் சொல்­ல­மு­டி­யாது. ஒட்­டு­மொத்­தத்­தில் பார்த்­தால், நடந்­தி­ருக்­கக்­கூ­டிய இந்த விவா­தம் போற்­றத்­தக்க, வர­லாற்று முக்­கி­யத்­து­வம் வாய்ந்த தீர்வை எட்­டும் ஒரு முயற்சி என்று தலை­யில் தூக்கி வைத்­துக் கொண்­டா­டப்­ப­டக்­கூ­டி­யதோ, அடடா! அற்­பு­தம்! என்று சிலா­கிக்­கக்­கூ­டி­யதோ அல்ல.
தமி­ழர்­க­ளின் அர­சி­யல் போராட்­டம் தொடர்­வ­தற்­கான அறி­கு­றி­களே தென்­ப­டு­கின்­றன.