ஜெனி­வாவில் 177 பரிந்­து­ரை­களை ஏற்றுக் கொண்­டது அர­சாங்கம்....53 விட­யங்கள் குறித்து கவனம் செலுத்­து­வ­தாக அறி­விப்பு

ஜெனி­வாவில் 177 பரிந்­து­ரை­களை ஏற்றுக் கொண்­டது அர­சாங்கம்

53 விட­யங்கள் குறித்து கவனம் செலுத்­து­வ­தாக அறி­விப்பு
(ரொபட் அன்­டனி)
ஜெனிவா மனித உரிமைப் பேர­வையின் இலங்கை தொடர்­பான பூகோள காலக்­கி­ரம மீளாய்வு அமர்வின் இறு­தியில் நிறை­வேற்­றப்­பட்ட 230 பரிந்­து­ரை­களில் இலங்கை அர­சாங்கம் 177 பரிந்­து­ரை­களை ஏற்றுக் கொண்­டுள்­ளது. ஏனைய 53 பரிந்­து­ரைகள் குறித்து கவனம் செலுத்­தப்­படும் என அர­சாங்கம் அறி­வித்­தி­ருக்­கி­றது. அது­மட்­டு­மன்றி அர­சாங்கம் 12 வாக்­கு­று­தி­களை ஐ.நா.வுக்கு வழங்­கி­யி­ருக்­கி­றது.  

இது தொடர்பில் பரிந்­து­ரைகள் அடங்­கிய யோசனை நிறை­வேற்­றப்­பட்­ட­போது ஜெனி­வாவில் உரை­யாற்­றிய பிர­தி­ய­மைச்சர் ஹர்ஷ டி சில்வா, ஒரு­சில விட­யங்­களில் அர­சாங்கம் தனி த்து விடயம் எடுக்க முடி­யாது என்றும் பாரா­ளு­மன்­றமும் நீதித்­து­றையும் சில விட­யங்­களில் தீர்­மானம் எடுக்க வேண்­டி­யுள்­ள­தா­கவும் சுட்­டிக்­காட்­டினார். அத்­துடன் இலங்­கை­யா­னது தொடர்ந்தும் ஐக்­கிய நாடுகள் மனித உரிமைப் பேர­வை­யுடன் ஈடு­பாட்­டுடன் செயற்­படும் என்றும் அர­சாங்­கத்தின் சார்பில் பிர­தி­ய­மைச்சர் அறி­வித்­தி­ருக்­கிறார்.

அனைத்து பரிந்­து­ரை­க­ளையும் நாங்கள் ஆழ­மான ரீதியில் பார்க்­கிறோம். சில பரிந்­து­ரைகள் தற்­போது இலங்­கையில் முன்­னெ­டுக்­கப்­பட்டுக் கொண்­டி­ருக்கும் செயற்­பா­டு­க­ளுடன் சம்­பந்­தப்­பட்­டி­ருக்­கின்­றன. சில விட­யங்கள் அர­சாங்­கத்­தினால் மட்டும் தீர்­மா­னிக்­கப்­பட முடி­யா­தவை. பாரா­ளு­மன்றம் மற்றும் நீதித்­து­றையும் இதில் சம்­பந்­தப்­பட்­டுள்­ளன. எனவே 177 பரிந்­து­ரை­களை ஏற்றுக் கொண்­டுள்ள நாங்கள் ஏனைய 53 பரிந்­து­ரைகள் தொடர்பில் கவனம் செலுத்­து­வ­தாக அறி­விக்­கின்றோம்.

இந்த பரிந்­து­ரை­களை நிறை­வேற்­று­வ­தற்கு ஐக்­கிய நாடுகள் சபையும் உறுப்பு நாடு­களும் உதவ வேண்டும் என்றும் பிர­தி­ய­மைச்சர் ஹர்ஷ டி சில்வா சுட்­டிக்­கட்­டி­யுள்ளார். இதே­வேளை கடந்த வெள்ளிக்­கி­ழமை இலங்கை தொடர்­பாக நிறை­வேற்­றப்­பட்ட யோச­னை­களில் பல முக்­ கிய விட­யங்கள் உள்­ள­டக்­கப்­பட்­டுள்­ளன. குறிப்­பாக வெளி நாட்டு நீதி­ப­திகள் மற்றும் வழக்­க­றி ­ஞர்­களை கொண்டு பொறுப்­புக்­கூறல் பொறி­மு­றையை உரு­வாக்­க­வேண்டும். அத்­துடன் வடக்கு, கிழக்கில் பொதுமக்­களின் காணி­களை விடு­வி க்க நட­வ­டிக்கை எடுக்­க­ வேண்டும். பயங்­க­ர­வாத தடைச் சட்­டத்தை நீக்­கு­வ­துடன் ஐ.நா. பிரே­ர­ணையை முழு­மை­யாக அமுல்­ப­டுத்­த­ வேண் டும் போன்ற பரிந்­து­ரை­களும் முன்­வைக்­கப்­பட்­ டுள்­ளன.

அத்­துடன் காணாமல் போனோர் அலு­வ­ல­கத்தை உட­ன­டி­யாக இயங்கும் நிலைக்கு கொண்­டு­ வ­ரு­வ­துடன் காணாமல் போனோர் குறித்த அலுவலகத்துக்கு சுயாதீன ஆணையாளர்களை நியமிக்க வேண்டும். மேலும் இதற்கு முன்னர் காணாமல் போன வர்கள் குறித்து ஆராய்ந்த ஆணைக் குழுக்களின் அறிக்கைகள் உடனடியாக வெளியிடப்பட வேண்டும் எனவும் பரிந்துரைகள் முன்வைக்கப்பட்டுள்ளன.