On 2/9/2018 at 9:41 PM, valavan said:

அந்த போராளி முகத்தில், தான் இழந்துபோனவற்றை பற்றியும், பெற்றவர்களை பற்றியும் நினைச்சு மனசுக்குள் அழுகிறார் என்பது தெரிகிறது, அந்த கவலையே, அவரது உடல் வலியைவிட, மன வலியை அதிகமாக்கி அவர் வாழ்வை அஸ்தமனம் ஆக்கியிருக்கும்.

இல்லை வல்லவன்! இவரைப்போல சுறுசுறுப்பானவர்களை, தன்னம்பிக்கை உடையவர்களை காண்பது மிக அரிது என்று ஊரவர்கள் கூறியுள்ளார்களாம். சனவரி இறுதிவரை சக்கர நாற்காலியில் ஓடி ஓடி பல வேலைகளை செய்தவர் என்றும், முழு உடல் ஆரோக்கியம் உடையவர்கள் பலர் கூட இவர் அளவிற்கு உழைத்திருக்கமாட்டார்கள் என்றும் ஊரவர்கள் கூறியுள்ளார்களாம்.  

அவ்வப்போது முழங்காலில் ஏற்படும் தொற்றுக்கு சிகிச்சை பெறுவதற்காக கிளிநொச்சி பொது வைத்தியசாலையில் அனுமதிக்கப்பட்டவர் திடீரென இறந்துள்ளார். இறந்தபின் அவரது தலையில் ஒரு கட்டி இருந்ததாக வைத்தியர் தெரிவித்துள்ளனர். இக்கட்டி பற்றி யாரும் முன்னர் அறிந்திருக்கவில்லை. அவருக்கு வைத்தியம் பார்த்தது ஒரு சிங்கள வைத்தியர். வைத்தியசாலையில் சந்திரச்செல்வன் திடீரென பேச்சிழந்த போது, இந்த சிங்கள வைத்தியர் எப்படியாவது அவரை காப்பாற்றிவிடுவேன் என்று குடும்பத்தினரிடம் கூறியுள்ளார்.

எங்கள் தமிழ் வைத்தியர்கள் பலர் (எனது நண்பர்கள் உட்பட) வட-கிழக்கு மாகாணங்களில் கடமை செய்ய விரும்பாமல் கொழும்பு அல்லது தெற்கு பிரதேசங்களில் வேலைசெய்ய விரும்பி ஒற்றைக்காலில் நின்று தென்பகுதிகளில் பல வருடங்களாக தொடர்ந்தும் வேலை செய்து வருகின்றனர். வன்னியின் பெரும்பாலான உள்ளூர் கிராம வைத்தியசாலைகளில் சிங்கள வைத்தியர்களே கடமை புரிகின்றனர்.

சந்திரசெல்வனுக்கு உதவுவது தொடர்பான திரி