•  
• சேர்ந்து செயற்­ப­டத் தயார் – சம்­பந்­தன்!!

 

சேர்ந்து செயற்­ப­டத் தயார் – சம்­பந்­தன்!!

 

பல­மான ஆட்சி அமைப்­ப­தற்கு மற்­ற­வர்­க­ளு­டன் சேர்ந்து இயங்­க­ வேண்­டி­யி­ருந்­தால் அதற்கு நாங்­கள் தயார். ஆனால் எந்­தக் கட்­சி­யு­டன் கூட்­டுச் சேர்­வது என்­பது தொடர்­பில் ஆலோ­சித்தே செயற்­ப­டு­வோம்.

இவ்­வாறு தமிழ்த் தேசி­யக் கூட்­ட­மைப்­பின் தலை­வர் இரா.சம்­பந்­தன் தெரி­வித்­தார். அவர் தெரி­வித்­த­தா­வது-,

பல­மான ஆட்சி அமைப்­ப­தற்கு மற்­ற­வர்­க­ளு­டன் சேர்ந்து இயங்க வேண்­டி­யி­ருந்­தால் அதற்கு நாங்­கள் பின்­னிற்க மாட்­டோம். மக்­கள் நலன்­க­ருதி மக்­க­ளுக்கு ஆற்ற வேண்­டிய சேவை கருதி, ஒற்­று­மையை நாங்­கள் ஊக்­கு­வித்து, அதி­கா­ரம் உள்ள ஆட்­சியை அமைப்­ப­தற்கு எடுக்க வேண்­டிய நட­வ­டிக்­கைக்கு பின்­நிற்க மாட்­டோம்.

ஆனால் எந்­தக் கட்­சி­யு­டன் கூட்­டுச் சேர்­வது என்­பது பற்றி நாங்­கள் கவ­ன­மாக ஆலோ­சிப்­போம். எமது கொள்­கைக்கு மாறான கட்­சி­யாக அது இல்­லா­மல் இருக்­க­வேண்­டும் – என்­றார்.

http://newuthayan.com/story/68443.html

 

 

 

 

 

அர­ச­மைப்பு முயற்­சியை அரசு தொடர வேண்­டும்!!

மகிந்தவை ஒத்­து­ழைக்க கோருகிறார் சம்­பந்­தன்

 

கூட்டு அரசு ஆரம்­பிக்­கப்­பட்­ட­தன் நோக்­கம் நிறை­வ­டை­ய­வேண்­டும். புதிய அர­ச­மைப்பு உரு­வாக்க முயற்­சி­யில் கணி­ச­மான தூரம் பய­ணம் செய்­தி­ருக்­கின்­றோம். அது முடி­வ­டை­ய­வேண்­டும். அதில் எந்த மாற்­ற­மும் இருக்க முடி­யாது.

இவ்­வாறு தமிழ்த் தேசி­யக் கூட்­ட­மைப்­பின் தலை­வ­ரும்,  எதிர்­கட்­சித் தலை­வ­ரு­மான இரா.சம்­பந்­தன் தெரி­வித்­தார். திரு­கோ­ண­ம­லை­யில் அவ­ரது வீட்­டில் உள்­ளூ­ராட்சி மன்­றத் தேர்­த­லில் வெற்றி பெற்ற பிர­தி­நி­தி­க­ளு­டன் இடம்­பெற்ற கலந்­து­ரை­யா­ட­லி­லேயே இவ்­வாறு தெரி­வித்­தார்.
அவர் தெரி­வித்­த­தா­வது-,

கூட்டு அரசு மகிந்த ராஜ­பக்­ச­வின் அனு­ம­தி­யைப் பெற்று ஆரம்­பிக்­கப்­ப­ட­வில்லை. மகிந்­த­வின் வெற்றி கூட்டு அர­சைப் பாதிக்­காது. கூட்டு அர­சின் கொள்­கைக்­கும், மகிந்­த­வின் கொள்­கைக்­கும் இடை­யில் எது­வித சம்­பந்­த­மும் இல்லை. கூட்டு அரசு நிறு­வப்­பட்­ட­தன் பணி­க­ளைத் தொட­ர­வேண்­டும். குறிப்­பாக புதிய அர­ச­மைப்பு உரு­வாக்­கப்­பட வேண்­டும்.

இந்­தப் பணி­யில் கணி­ச­மான தூரம் முன்­னே­றி­யி­ருக்­கின்­றோம். அது முடி­வ­டை­ய­வேண்­டும். அதில் எந்த மாற்­ற­மும் இருக்க முடி­யாது. மகிந்த ராஜ­பக்­சவை எதி­ரி­யா­கக் கரு­த­வில்லை. அவ­ரும் ஒத்­து­ழைப்பு வழங்­க­வேண்­டும்.

 

 

உள்­ளூ­ராட்­சித் தேர்­த­லில் அவர் பெற்­றுக் கொண்­டுள்ள வெற்றி அவ­ரது கரத்தை மேலும் பலப்­ப­டுத்­து­கின்­றது. அவர் தனது ஒற்­று­மை­யைக் காட்­ட­வேண்­டும். புதிய அர­ச­மைப்பு முயற்­சிக்கு அவ­ரது ஒத்­து­ழைப்பை நான் பல தட­வை­கள் கோரி­யி­ருக்­கின்­றேன்.

தேசிய இனப் பிரச்­சினை தீர்க்­கப்­பட வேண்­டும். இத­னைத் தீர்த்து வைப்­ப­தாக அவர் பன்­னாட்­டுச் சமூ­கத்­துக்­கும் வாக்­கு­றுதி கொடுத்­துள்­ளார். அதனை நிறை­வேற்ற வேண்­டும் – என்­றார்.

http://newuthayan.com/story/68438.html

Edited February 13, 20188 yr by நவீனன்

எம்­முடன் சேர்ந்து இயங்க மஹிந்த முன்­வ­ர­வேண்டும் : சம்பந்தன் அதிரடி அறிவிப்பு

 

 

முன்னாள் ஜனா­தி­பதி மஹிந்த ராஜ­ப­க்ஷவை நாம் வர­வேற் கின்றோம். அவரை எம்­முடன் சேர்ந்து இயங்கும் படி அழைப்பு விடு­க்கின்றோம். அவரை நாம் எதி­ரி­யாக எப்­பொ­ழுதும் கரு­தி­யது இல்லை. அவர் மதிப்பு பெற்ற தலைவன். ஒரு நல்ல கரு­மத்தை நாட்டில் நிறை­வேற்­று­வ­தற்கு அவ­ரது ஒத்­து­ழைப்பு தேவை. இந்த ஒத்­து­ழைப்பை அவர் நல்­க­வேண்டும்  என்று,  தமிழ் தேசி­யக்­கூட்­ட­மைப்பின் தலை­வரும் எதிர்க்­கட்சித் தலை­வ­ரு­மான இரா. சம்­பந்தன்  தெரி­வித்தார். 

உள்­ளூ­ராட்சி தேர்தல் முடி­வு­களை தொடர்ந்து வெற்றி பெற்ற  வேட்­பா­ளர்கள் மற்றும் ஏனைய வேட்­பா­ளர்கள் ஆத­ர­வா­ளர்கள் ஆகி­யோரை அழைத்து தனது இல்­லத்தில்  நேற்று  கூட்­ட­மைப்பின் தலைவர் இரா. சம்­பந்தன்  கலந்­து­ரை­யா­டினார்.  இதன்­போது ஊடா­க­வி­ய­லாளர் ஒருவர் எழுப்­பிய கேள்­விக்கு பதில் அளிக்கும் போதே அவர் மேற்­கண்­ட­வாறு கூறினார். 

அவர் தொடர்ந்து உரை­யாற்­று­கையில் தெரி­வித்­த­தா­வது தேசிய அர­சாங்­கத்­திற்கும், முன்னாள் ஜனா­தி­பதி ராப­க்ஷ­வுக்கும் எவ்­வி­த­மான சம்­பந்­தமும் இல்லை. தேசிய அர­சாங்­க­மா­னது தனது கொள்­கையின் அடிப்­ப­டையில் ஆரம்­பிக்­கப்­பட்ட பணி­களை தொடர வேண்டும் என்­பதே எமது எதிர்­பார்ப்­பாகும்.

 குறிப்­பாக புதிய அர­சியல் சாசன உரு­வாக்­கத்தை  தேசிய அர­சாங்கம் தொடர்ந்து முன்­னெ­டுக்க வேண்டும். ராஜ­ப­க்ஷவின்  அனு­ம­தியை பெற்று தேசிய அர­சாங்கம் அமைக்­கப்­ப­ட­வில்லை. இந்த  அர­சாங்கம் ஆனது கணி­ச­மான தூரம் பயணம் செய்­துள்­ளது. அது முடி­வ­டையும் வரையில் எவ்­வித மாற்­றமும் ஏற்­பட முடி­யாது.

முன்னாள் ஜனா­தி­பதி ராஜ­ப­க்ஷவை நாம் வர­வேற்­கின்றோம். அவரை  எம்­முடன் சேர்ந்து இயங்கும் படி அழைப்பு விடு­கின்றோம். அவரை நாம் எதி­ரி­யாக எப்­பொ­ழுதும் கரு­தி­யது இல்லை. ஏலவே நான் பாரா­ளு­மன்­றத்தில் பல­த­ட­வைகள் இதனைக்   கூறி­யி­ருக்­கின்றேன். நீங்கள் மதிப்பு பெற்ற தலைவன் என்றும், ஒரு நல்ல கரு­மத்தை நாட்டில் நிறை­வேற்­று­வ­தற்கு உங்கள் ஒத்­து­ழைப்பு தேவை என்றும், அந்த ஒத்­து­ழைப்பை நல்க வேண்டும் என்றும், கேட்டுக் கொள்­ளு­கின்றேன்.  

கரங்­களைப் பலப்­ப­டுத்­தி­யுள்­ளது

உள்­ளூ­ராட்சி சபை தேர்­தலில் வட­கி­ழக்கில் நாங்கள் அடைந்த வெற்றி எங்கள் கரங்­க­ளைப பலப்­ப­டுத்­தி­யுள்­ளது. உங்கள் ஒத்­து­ழைப்பை நீங்கள் நல்­க­வேண்டும். தேசிய பிரச்­சி­னைகள் தீர்க்­கப்­ப­ட­வேண்டும். தேசிய பிரச்­சி­னையை தீர்ப்பேன் என்று அன்று வாக்­கு­றுதி அளித்­தீர்கள். சர்­வ­தே­சத்­திற்கும், சர்­வ­தேச தலை­வர்­க­ளுக்கும், ஐக்­கிய நாடுகள் சபையின் செய­லாளர் நாய­கத்­திற்கும் அந்த வாக்­கு­று­தி­களை நீங்கள் நல்­கி­னீர்கள் ஆனால் அவை நிறை­வேற்­றப்­ப­ட­வில்லை. அவ்­வாக்­கு­று­தி­களை நிறை­வேற்ற இனி­ய­வது நீங்கள் ஒத்­து­ழைப்பு நல்­க­வேண்டும் என்று கேட்டுக் கொள்­ளு­கின்றேன். 

ஒற்­று­மையை பலப்­ப­டுத்த வேண்டும்

வட­கி­ழக்கில் பல­மான ஆட்­சியும் அதி­கா­ரமும் ஏற்­ப­டுத்­தப்­பட வேண்­டு­மாயின் ஏனை­ய­வர்­க­ளு­டனும், நாம் சேர்ந்து இயங்க வேண்டும். அவ்­வாறு இயங்­கு­வ­தற்கு நான் ஒரு­போதும் பிற் நிற்­க­மாட்டேன். மக்கள் நலன் கரு­தியும், சேவை கரு­தியும் ஒற்­று­மையை நாங்கள் பலப்­ப­டுத்த வேண்டும். அதி­கா­ர­முள்ள ஒரு ஆட்­சியை அமைப்­ப­தற்கு நாம் எடுக்­க­வேண்­டிய நட­வ­டிக்­கையை எடுக்க நான் பின்­நிற்க மாட்டேன். ஆனால் வட­கி­ழக்கில் உள்ள உள்­ளூ­ராட்சி சபை­களில்  எந்தக் கட்­சி­யுடன் நாங்கள் கூட்டுச் சேர்ந்து ஆட்­சி­ய­மைக்­க­வேண்டும் என்­பதை கவ­ன­மாக கலந்து ஆலோ­சிக்க வேண்டும்.  எமது கொள்­கைக்கு மாறாத கட்­சி­க­ளாக அவை இருக்­க­வேண்டும். 

நடை­பெற்ற உள்­ளூ­ராட்சி தேர்­தலில் மகிந்­தவின் பொது­ஜன பெர­முன கூடு­த­லான ஆச­னங்­களைப் பெற்­றுள்­ளது. அவரை எதிர்த்த ஐக்­கிய தேசியக் கட்சி 32வீதம் வாக்­கு­க­ளையும், ஜனா­தி­பதி மைத்­தி­ரி­பால சிறி­சே­னவின் தலை­மை­யி­லான ஐக்­கிய மக்கள் சுதந்­திரக் கூட்­ட­மைப்பு, சிறி­லங்கா சுதந்­திரக் கட்சி 13வீதம் வாக்­கு­களை பெற்­றுள்­ளன. ஐக்­கிய தேசியக் கட்சி உட்­பட மகிந்­த­விற்கு எதி­ரான கட்­சிகள் 45 வீதம் வாக்­கு­களை பெற்­றுள்­ளன. ஜே.வி.பி 5வீதம் வாக்­கு­களை பெற்­றுள்­ளது. தமிழ் தேசியக் கூட்­ட­மைப்பு அகில இலங்கை ரீதியில் 3வீதம் வாக்­கு­களைப் பெற்­றுள்­ளது. ஒப்­பீட்டுப் பார்க்­கையில் கடந்த ஜனா­தி­பதி தேர்­தலில் மைத்­தி­ரி­பால சிறி.சேன  அவர்கள் 51வீதத்­திற்கு மேற்­பட்ட வாக்­கு­களைப் பெற்­றி­ருந்தார். மகிந்த ராஜ­பக்ஷ‘ ஜனா­தி­பதி தேர்­தலில் பெற்ற வாக்­கு­க­ளை­விட நடை­பெற்ற உள்­ளூ­ராட்சி தேர்­தலில் குறைந்­த­ளவு வீதத்­தையே பெற்­றுள்ளார். 

தேசிய பிரச்­சி­னைக்கு ஒரு தீர்வு காணப்­பட வேண்­டு­மாயின் அர­சியல் சாசனம் உரு­வாக்­கப்­பட வேண்டும். அம்­மு­யற்­சியில் நாம் ஈடு­பட்டு வரு­கின்றோம். தேர்தல் முடிந்­ததும் தாமதம் இல்­லாமல் அர­சியல் சாசன முன்­னெ­டுப்­புக்கள் நடை­பெற வேண்டும் என  நாம் எதிர்­பார்க்­கின்றோம். குறிப்­பாக இவ்­வ­ருட முடி­வுக்குள் அது நிறைவு பெற வேண்டும் என்­பதே எமது எதிர்­பார்ப்பும் கோரிக்­கையும் ஆகும். இதற்கு இலங்­கையில் உள்ள எல்லாக் கட்­சி­களும், எல்லாத் தலை­வர்­களும், பூர­ண­மான ஒத்­து­ழைப்­புக்­களை வழங்க  வேண்டும்.  நியா­ய­மான நிரந்­த­ர­மான தீர்வு ஏற்­ப­டு­வ­தற்கு ஜனா­தி­பதி மைத்­தி­ரி­பால சிறி­சேன, பிர­தமர் ரணில் விக்­கி­ர­ம­சிங்க, முன்னாள் ஜனா­தி­பதி மஹிந்த ராஜ­பக்ஷ ஆகிய மூவரும் ஒத்­து­ழைக்க வேண்டும் என வேண்­டு­கின்றோம். பிரிப்­ப­டாத நாட்­டுக்குள், ஒன்­றுப்­பட்ட தேசத்­திற்குள், அந்த தீர்வு அதி­காரப் பலன் கொண்­ட­தாக இருக்­க­வேண்டும் என்­பதே எமது எதிர்­பார்ப்­பாகும். இதற்கு எல்­லோரும் ஒத்­து­ழைக்க வேண்டும். 

தமிழ்­தே­சிய கூட்­ட­மைப்பை பொறுத்­த­ளவில் எவ­ரையும் நாம் அர­சியல் எதி­ரி­க­ளாக பார்க்­க­வில்லை. எல்­லோ­ரையும் நாட்டின் தலை­வர்­க­ளாக மதிக்­கின்றோம். அவர்கள் உள்­ளக சுய நிர்­ணய அடிப்­ப­டை­யி­லான ஒரு­மித்த நாட்­டுக்குள் சமஷ்டி அடிப்­ப­டை­யி­லான தீர்வை நல்­க­வேண்டும் என்றே தமிழ் மக்கள் கோரு­கின்­றார்கள். அவ்­வா­றான ஒரு தீர்­வா­னது அர்த்­த­புஷ்டி உள்ள தீர்­வாக இருக்க வேண்டும். இக்­க­ருத்­துக்­களை எலவே நாட்­டி­லுள்ள தலை­வர்கள் ஏற்­றுக்­கொண்­டி­ருக்­கின்­றார்கள்.

தமிழ்­தே­சியக் கூட்­ட­மைப்­பா­னது இத்­தேர்­தலில் பெருந்­தொ­கை­யான இடங்­களில் போட்­டி­யிட்­டது அனே­க­மான சபை­களில் கூடு­த­லான ஆச­னங்­களைப் பெற்­றுள்­ளது. பெரும்­பான்மை பெறாத சபை­களில் கூட குறிப்­பாக வட­மா­கா­ணத்தில் ஏனைய கட்­சி­க­ளுடன் சேர்ந்து ஆட்­சி­ய­மைக்கும் வாய்ப்பு கிடைத்­துள்­ளது. தமிழ் பேசும் மக்­களை பொறுத்­த­வ­ரையில் சமஷ்டி முறை­யி­லான தீர்வை எதிர்­பார்க்­கின்­றார்கள். அதையே அவர்கள் நீண்­ட­கா­ல­மாக கோரி வந்­தி­ருக்­கி­றார்கள். ஏனைய கட்­சி­களை ஆத­ரித்த மக்கள் கூட இக்­கோ­ரிக்­கையே ஆத­ரிக்­கின்­றார்கள் என்­பதே அறி­யப்­பட்ட விடயம். ஆகையால் அர்த்­த­புஷ்டி உள்ள ஒரு அர­சியல் தீர்வை அரசு விரைவில் தர­வேண்டும் என வட­கி­ழக்கு மக்கள் எதிர்­பார்க்­கின்­றார்கள். 

திருக்­கோ­ண­மலை நக­ர­ச­பையில் தமிழ் தேசியக் கூட்­ட­மைப்பு 9 ஆச­னங்­களை பெற்­றுள்­ளது. அதே போல் நக­ரமும் சூழலும் பிர­தேச சபையில் 7 ஆச­னங்­களை பெற்­றுள்­ளது. இவ்­விரு சபை­க­ளிலும் அதிக ஆச­னங்­களை பெற்ற ஒரே கட்சி தமிழ் தேசியக் கூட்­ட­மைப்­பாகும். அதே போன்றே வெருகல் பிர­தேச சபையில் 6 ஆச­னங்­களை பெற்­றுள்­ளது. மூதூர் பிர­தேச சபையில் 5 உறுப்­பி­னர்­க­ளையும் குச்­ச­வெளி பிர­தேச சபையில் 3 ஆச­னங்­களைப் பெற்று இரண்டாம் இடத்­திலும், தம்­ப­ல­காமம் பிர­தே­சத்தில் 2 ஆச­னங்­க­ளையும், முத­லிக்­குளம் பிரதேசத்தில் 1 ஆசனமும், கிண்ணியா நகரசபையில் 1 ஆசனமும் தமிழ் தேசிய கூட்டமைப்பிற்கு கிடைத்துள்ளது. 

திருக்கோணமலை மாவட்டத்தில் 10 பிரதேச சபைகளில் நாம் போட்டியிட்ட போதும் 9 பிரதேச சபைகளில் நாங்கள் உறுப்பினர்களை பெற்றுள்ளோம். கந்தளாய் பிரதேச சபையில் அவ்வாறான ஒரு வாய்ப்பு எமக்கு கிடைக்கவில்லை. திருக்கோணமலை மாவட்டத்தில் 3 சபைகளில் ஆட்சியமைக்கும் பலத்தை தமிழ் தேசிய கூட்டமைப்பு பெற்றது மாத்திரமன்றி அதிகூடிய உறுப்பினர்களை பெற்ற ஒரே கட்சி தமிழ் தேசியக் கூட்டமைப்பு என்பதை இத்தேர்தல் நிரூபித்திருக்கின்றது என்றார். . 

இக்கலந்துரையாடலுக்கு முன்னாள் கிழக்கு கல்வி அமைச்சர் தண்டாயுதபாணி தலைமை தாங்க வெற்றி பெற்ற மற்றும் ஏனைய உறுப்பினர்கள் தங்களுடைய கருத்துக்களை தெரிவித்தனர். 

http://www.virakesari.lk/article/30556