நல்­லாட்சி அர­சாங்கம் தொடர்ந்து முன்­னெ­டுக்­கப்­படும் சு.க.வேண்­டு­மானால் பெரும்­பான்மையை நிரூ­பிக்­கட்டும் ரணில் தெரிவிப்பு; மோடியையும் உதாரணம் காட்டினார்

நல்­லாட்சி அர­சாங்கம் தொடர்ந்து முன்­னெ­டுக்­கப்­படும் சு.க.வேண்­டு­மானால் பெரும்­பான்மையை நிரூ­பிக்­கட்டும்

ரணில் தெரிவிப்பு; மோடியையும் உதாரணம் காட்டினார்

(எம்.எம்.மின்ஹாஜ்)

எமது நல்­லாட்சி அர­சாங்கம் தொடர்ந்து முன்­னெ­டுக்­கப்­படும். எமக்­குள்ள பெரும்­பான்­மை­யினை நாம் தற்­போது காண்­பிக்­கத்­தே­வை­யில்லை. சுதந்­திரக் கட்­சி­யினர் தமக்கு 113 உறுப்­பி­னர்­களின் ஆத­ரவு இருப்­ப­தாக கரு­தினால் அவர்கள் அதனை நிரூ­பிக்­கட்டும். அவ்­வா­றான நிலை ஏற்­பாட்டால் நாம் எமது பெரும்பான்­மை­யினை நிரூ­பிக்­கலாம் என்று  பிர­தமர் ரணில் விக்­கி­ர­ம­சிங்க தெரி­வித்­துள்ளார்.  

இந்­தி­யாவில் பிர­தமர் மோடி தலை­மை­யி­லான பா.ஜ.க. பல பிராந்­தி­யங்­களில் தோல்வி கண்­டுள்­ளது. இந்த நிலையில் பிர­தமர் மோடி பதவி வில­க­வில்லை இதே போன்றே இங்கும் உள்­ளூ­ராட்சி தேர்தல் முடி­வு­களை வெ ளியா­கி­யுள்­ளன. இதற்­காக நான் பதவி விலக வேண்­டிய அவ­சி­ய­மில்லை. என்றும் பிர­தரம் சுட்­டிக்­காட்­டி­யுள்ளார்.

பிர­தமர் ரணில் விக்­கி­ர­ம­சிங்க தலை­மையில் அல­ரி­மா­ளி­கையில் ஐக்­கிய தேசிய முன்­னணி பாரா­ளு­மன்ற உறுப்­பி­னர்­க­ளது கூட்டம் நேற்று இரவு நடை­பெற்­றது. இந்த கூட்­டத்தில் கருத்து தெரி­வித்த போதே பிர­தமர் ரணில் விக்­கி­ர­ம­சிங்க இவ்­வாறு கூறி­யுள்ளார்.

இங்கு மேலும் கருத்து தெரி­வித்­துள்ள பிர­தமர்,

ஜனா­தி­ப­தியை நானும் சபா­நா­யகர் கரு ஜெய­சூ­ரி­யவும் சந்­தித்து பேச்சு வார்த்தை நடத்­தினோம். இந்த சந்­திப்பின் போது இன்­றைய பாரா­ளு­மன்ற அமர்வை நடத்­து­வது குறித்து கலந்­து­ரை­யாடல் நடத்­தப்­பட்­டது.

நாம் தற்­போது அர­சாங்­கத்தை முன்­கொண்டு செல்­கிறோம். நல்­லாட்சி அர­சாங்கம் தொடரும் இந்த நிலையில் சுதந்­தி­ரக்­கட்சி பாரா­ளு­மன்­றத்தில் பெறும்­பான்­மையை இருப்­ப­தாகக் கரு­தினால் அவர்கள் அதனை நிரூ­பித்­துக்­காட்ட வேண்டும். பாரா­ளு­மன்­றத்தில் எவ­ரா­வது வாக்­கெ­டுப்பை கோரினால் பெரும்­பான்­மையை காண்­பிப்­ப­தற்கு நட­வ­டிக்கை எடுக்க முடியும்.

பேச்­ச­ள­வி­லேயே தனித்த அர­சாங்க விடயம் உள்­ளது

(ஆர்.யசி)

ஸ்ரீலங்கா சுதந்­திரக் கட்­சியின் தனி அர­சாங்கம் ஒன்றை அமைப்­பது குறித்து பேச்­சு­வார்த்தை மட்­டத்தில் நகர்­வுகள் முன்­னெ­டுக்­கப்­ப­டு­கின்­றன. உறு­தி­யான  தீர்­மானம் ஒன்றை இன்னும் எட்­ட­வில்லை என ஸ்ரீலங்கா சுதந்­திர கட்­சியின் அமைச்சர் தயா­சிறி ஜெய­சே­கர தெரி­வித்தார்.  

தேசிய அர­சாங்­கதின் புரிந்­து­ணர்வு ஒப்­பந்தம் ஒன்றை நீடிப்­பது குறித்தும் தீர்­மானம் எடுக்­க­வில்லை எனவும் அவர் அவர் குறிப்­பிட்டார். ஸ்ரீலங்கா சுதந்­திர கட்­சியின் தனி அர­சாங்கம் ஒன்றை அமைப்­பது குறித்து கட்­சிக்குள் பேச்­சு­வார்த்­தைகள் முன்­னெ­டுக்­கப்­பட்டு வரும் நிலையில் கட்­சி­யாக முன்­னெ­டுக்­கப்­பட்­டுள்ள தீர்­மா­னங்கள் மற்றும் தேசிய அர­சாங்­கத்தில் இரண்டு கட்­சி­களும் செய்­துள்ள புரிந்­து­ணர்வு உடன்­ப­டிக்கை தொடர்­வது குறித்தும் வின­விய போதே அவர் இதனைக் குறிப்­பிட்டார். 

அவர் மேலும் கூறு­கையில்,

ஸ்ரீலங்கா சுதந்­திர கட்­சியின் தனி அர­சாங்கம் அமைக்­கப்­ப­டு­வது குறித்து தொடர்ந்தும் பேச்­சு­வார்த்தை மட்­டத்­தி­லேயே நகர்­வுகள் முன்­னெ­டுக்­கப்­ப­டு­கின்­றன. அடுத்த இரண்டு ஆண்­டு­களில் எவ்­வா­றான பய­ணத்தை நாம் முன்­னெ­டுப்­பது என்­பது குறித்து உறு­தி­யான தீர்­மா­னங்கள் எதையும் தனிப்­பட்ட ரீதியில் நாம் முன்­னெ­டுக்­க­வில்லை. தேசிய அர­சாங்கம் ஒன்றை முன்­னெ­டுக்க வேண்டும் என்ற மக்கள் ஆணை மீறப்­படக் கூடாது, கடந்த ஜனா­தி­பதி தேர்­தலில் 62 இலட்சம் மக்கள் தேசிய அர­சாங்­கத்தை ஆத­ரித்­துள்ள நிலையில் மக்கள் கட்­ட­ளை­யினை மீறிய வகையில் செயற்­படக் கூடாது.

எனினும் தேசிய அர­சாங்­கத்தில் ஏற்­படும் குழப்­ப­கர செயற்­பா­டுகள் குறித்து நாம் வேடிக்கை பார்க்­கவும் முடி­யாது. கடந்த மூன்று ஆண்­டு­களில் ஏற்­பட்­டுள்ள குள­று­ப­டிகள், நெருக்­க­டிகள் என்­ப­வற்றை நாம் கருத்தில் கொண்டு அவற்­றினை நிவர்த்தி செய்யும் செயற்­பா­டு­களை கையாள வேண்டும். கடந்த மூன்று ஆண்­டு­களில் அர­சாங்­க­மாக முக்­கிய நகர்­வு­களை சரி­யாக முன்­னெ­டுக்க முடி­யாத கார­ணத்­தி­னா­லேயே கடந்த உள்­ளூ­ராட்சி மன்றத் தேர்­தலில் மக்கள் தீர்ப்பு எமக்கு எதி­ராக அமைந்­தது. எனவே அவற்­றினை கருத்தில் கொண்டு நாம் எமது வேலைத்­திட்­டங்­களை சரி­யாக முன்­னெ­டுக்க வேண்டும்.

ஜனா­தி­பதி மைத்­தி­ரி­பால சிறி­சேன தலை­மையில் ஸ்ரீலங்கா சுதந்­திர கட்­சியின் உறுப்­பி­னர்­க­ளா­கிய நாம் தொடர்ச்­சி­யாக பேச்­சு­வார்த்­தை­களை முன்­னெ­டுத்து வரு­கின்றோம். சுமூ­க­மான நிலைப்­பா­டு­களை எட்டி நாட்டின் ஆட்­சி­யினை அமை­தி­யான முறையில் கொண்டு நடத்தும் செயற்­பா­டுகள் அவ­சி­ய­மா­கின்­றது. ஆகவே அவற்­றையும் கருத்தில் கொண்டே நாம் செயற்­பட்டு வரு­கின்றோம். இதில் அனைத்து தரப்­பி­னதும் ஆத­ரவை பெற்­றுக்­கொண்டு பய­ணிக்க நாம் தயா­ராக உள்ளோம். குற்­ற­வா­ளி­களை ஊழல் வாதி­களை நிரா­க­ரித்து தூய்­மை­யான அர­சாங்­கத்தை முன்­னெ­டுத்து செல்ல சகல தரப்­பையும் நாம் இணைத்­துக்­கொள்ள தயார். அதற்­கான நட­வ­டிக்­கைகள் முன்­னெ­டுக்­கப்­பட்டு வரு­கின்­றது.

மேலும் தேசிய அர­சாங்­கதின் புரிந்­து­ணர்வு உடன்­ப­டிக்கை நீட்­டிக்­கப்­ப­டு­வது குறித்து பிர­தான கட்­சிகள் இன்னும் தீர்­மானம் ஒன்­றினை எட்­ட­வில்லை. இப்போதுள்ள அரசியல் குழப்ப நிலைமைகளில் நாம் புரிந்துணர்வு ஒப்பந்தம் ஒன்றை முன்னெடுப்பது குறித்து ஆராய முடியாதுள்ளது. தொடர்ச்சியாக ஜனாதிபதியுடன் சந்திப்புகள் முன்னெடுக்கப்பட்டு வருகின்ற நிலையில் நம் விரைவில் இவற்றை தீர்க்கும் நடவடிக்கைகளை கையாள்வோம் எனவும் அவர் குறிப்பிட்டார். 

சபையில் பெரும்­பான்­மையை நிரூ­பிக்க ஐ.தே.க. தயார்

எந்த சவாலையும் எதிர்கொள்வோம்

(எம்.எம்.மின்ஹாஜ்)

இன்­றைய பாரா­ளு­மன்­றத்தில் புதிய பிர­தமர் ஒருவர் தோற்றம் பெற முடி­யாது. எவ­ரா­வது பிர­த­ம­ராக வர  நினைப்­பவர் பாரா­ளு­மன்­றத்தில் பெரும்­பான்­மையை நிரூ­பித்து காட்ட வேண்டும். ஆகவே இன்­றைய பாரா­ளு­மன்­றத்தில் ஏதா­வது நெருக்­க­டிகள், சர்ச்­சைகள் ஏற்­பட்டால் அங்கு அதனை தீர்த்து பெரும்­பான்­மையை காண்­பித்து தொடர்ந்து ஆட்­சியை கொண்டு செல்வோம் என ஐக்­கிய தேசியக் கட்­சியின் பொதுச்­செ­ய­லா­ளரும் அமைச்­ச­ரு­மான கபீர் ஹாஷிம் தெரி­வித்தார். 

அத்­துடன் ஐக்­கிய தேசியக் கட்­சிக்கு எதி­ராக வேறு எவ­ரா­வ­தற்கு ஆட்சி அமைக்க முடி­யு­மாயின் ஆட்சி அமைத்து காட்­டட்டும். என்றும் அவர் குறிப்­பிட்டார்.  பிட்ட கோட்­டேயில் அமைந்­துள்ள ஐக்­கிய தேசியக் கட்­சியின் தலை­மை­ய­கத்தில் நேற்று நடை­பெற்ற விசேட கூட்­டத்தின் பின்னர் ஊட­கங்­க­ளுக்கு கருத்து வெளி­யி­டு­கை­யி­லேயே அவர் மேற்­கண்­ட­வாறு தெரி­வித்தார். 

அவர் மேலும் கருத்து வெளி­யி­டு­கையில்,

ஐக்­கிய தேசியக் கட்­சிக்கு எதி­ராக வேறு எவ­ரா­வ­தற்கு ஆட்சி அமைக்க முடி­யு­மாயின் ஆட்சி அமைத்து காட்ட வேண்டும். ஆகவே தற்­போது எம்­மிடம் ஆட்சி உள்­ளது. ஆகவே நாம் ஆட்­சியை தொடர்ந்து கொண்டு செல்­வதில் எந்­த­வொரு பிரச்­சி­னையும் இல்லை.

பிர­த­மரை நீக்­கு­வ­தற்கு ஜனா­தி­பதி சட்ட ஆலோ­சனை பெற்­றாரா? இல்­லையா? என்­பது தொடர்பில் எமக்கு எதுவும் தெரி­யாது. அவ்­வாறு ஜனா­தி­பதி கூறி­ய­தாக எமக்கு தக­வல்கள் இல்லை. ஊட­கங்­களின் ஊடாக அதனை நாம் அறிந்­து­கொண்டோம். சட்­டத்தின் பிர­கா­ரமும் மக்கள் ஆணை பிர­கா­ரமும் நல்­லாட்சி தொடர்ந்து பய­ணிக்கும்.

புதிய பிர­தமர் இன்­றைய பாரா­ளு­மன்­றத்தில் உரு­வாக முடி­யாது. தற்­போது பிர­த­ம­ராக ரணில் விக்­கி­ர­ம­சிங்க இருக்கும் போது எதற்கு புதிய பிர­தமர்? எவ­ரா­வது பிர­த­ம­ராக வருகை தர இருந்தால் பிர­த­ம­ராக வர நினைப்­பவர் தனது பாரா­ளு­மன்­றத்தில் பெரும்­பான்­மையை காண்­பிக்க வேண்டும்.

ஐக்­கிய தேசியக் கட்­சியில் எந்­த­வொரு கருத்து வேறு­பா­டு­களும் இல்லை. நாம் ஒற்­று­மை­யாக உள்ளோம். ஏனை­யோ­ருக்கு பிரச்­சினை இருப்­ப­தா­கவே தெரி­கின்­றது. அவர்கள் தமது நெருக்­க­டியை கூறி ஜன­நா­யக முறையில் ஆட்சி அமைக்க முடியும். எனினும் எம்­மிடம் பெரும்­பான்மை பலம் உள்­ளது.

இதன்­படி இன்­றைய தினம் பாரா­ளு­மன்றம் கூடு­கின்­றது. பாரா­ளு­மன்­றத்தில் ஏதா­வது நெருக்­க­டிகள், சர்ச்­சைகள் ஏற்பட்டால் அங்கு அதனை தீர்க்க நடவடிக்கை எடுப்போம். பெரும்பான்மையை நாம் காண்பித்து தொடர்ந்து ஆட்சியை கொண்டு செல்வோம்.

ஆகவே நல்லாட்சி அரசாங்கம் ஸ்திரமானது. அதுவே தொடர்ந்தும் பயணிக்கும்.

ஜனா­தி­ப­தியின் பதி­லுக்­காக காத்­தி­ருக்­கின்றோம்

(ரொபட் அன்­டனி)

ஸ்ரீ­லங்கா சுதந்­திரக் கட்சி தனித்து ஆட்­சி­ய­மைப்­ப­தற்கு எந்­த­வி­த­மான பத­வி­க­ளையும் பெறாமல் ஆத­ரவு வழங்­கு­வ­தற்கு கூட்டு எதி­ரணி தயா­ராக உள்­ளது. இது  தொடர்­பான எமது நிலைப்­பாட்டை ஜனா­தி­ப­திக்கு அறி­வித்­துள்ளோம். தற்­போது ஜனா­தி­ப­தியின் பதி­லுக்­காக காத்­தி­ருக்­கின்றோம் என்று கூட்டு எதி­ர­ணியின் முக்­கி­யஸ்­தரும் சிறி­லங்கா பொது­ஜன பெர­முவின் பிர­தி­நி­தி­யு­மான பஷில் ராஜ­பக்ஷ தெரி­வித்தார்.  

சுதந்­திரக் கட்­சி­யுடன் இணைந்து கூட்டு எதி­ரணி ஆட்­சி­ய­மைக்­குமா என்று வின­வி­ய­போதே மேற்­கண்­ட­வாறு குறிப்­பிட்டார். அவர் இது தொடர்பில் மேலும் குறிப்­பி­டு­கையில் தற்­போ­தைய ஜனா­தி­பதி மற்றும் பிர­தமர் தலை­மை­யி­லான அர­சாங்கம் பத­வியில் இருக்க முடி­யாது என்ற செய்­தி­யையே மக்கள் நடந்து முடிந்த உள்­ளூ­ராட்­சி­மன்றத் தேர்­தலில் வழங்­கி­யுள்­ளனர். அந்த முடிவை அனை­வரும் ஏற்­க­வேண்டும்.  

குறிப்பா ஐக்­கிய தேசிய கட்சி இந்த நாட்டை ஆட்சி செய்­யக்­கூ­டாது என்­பதில் மக்கள் உறு­தி­யாக உள்­ளனர். இந்­நி­லையில் ஐக்­கிய தேசிய கட்சி இல்­லாத அர­சாங்கம் ஒன்றை சுதந்­திரக் கட்சி அமைக்­கு­மாயின் அதற்கு முழு­மை­யான ஆத­ரவை வழங்க கூட்டு எதி­ரணி தயா­ராக இருக்­கின்­றது.

அதா­வது சிறி­லங்கா சுதந்­திரக் கட்சி தனித்து ஆட்­சி­ய­மைப்­ப­தற்கு எந்­த­வி­த­மான பத­வி­க­ளையும் பெறாமல் ஆத­ரவு வழங்­கு­வ­தற்கு கூட்டு எதி­ரணி தயா­ராக உள்­ளது. இது தொடர்­பான எமது நிலைப்­பாட்டை ஜனா­தி­ப­திக்கு அறி­வித்­துள்ளோம். தற்­போது ஜனா­தி­ப­தியின் பக்கம் இருந்து எவ்­வா­றான பதில் வரும் என்­ப­தற்­காக காத்­தி­ருக்­கின்றோம்.

 தற்­போது சுதந்­திரக் கட்சி தலை­மை­யி­லான அர­சாங்­கத்­துக்கும் நாங்கள் ஆத­ரவு வழங்க முடி­யாது. ஆனால் இரண்டு பேய்­களில் எது நல்ல பேய் என்­ப­தனை கண்டு அதில் ஒரு பேய் ஆட்­சி­ய­மைக்க உத­வு­கின்றோம். ஆனால் பல நிபந்­த­னைகள் உள்­ளன. குறிப்­பாக நாட்டின் வளங்­களை வெ ளிநா­டு­க­ளுக்கு விற்க முடி­யாது. இது­போன்ற நாட்டின் நலன்களை கருத்திற்கொண்டே சதந்திரக் கட்சி அரசாங்கத்துக்கு ஆதரவு வழங்க தீர்மானித்துள்ளோம். ஆனால் பதவிகளை பெறாமல் வெ ளியில் இருந்து ஆதரவு வழங்கவே தீர்மானித்துள்ளோம் என்றார்.