லெஸ்டரில் வெடிகுண்டு விபத்து: 6 பேர் காயம்

 

• இதை பகிர ஃபேஸ்புக்கில்
•  
• இதை பகிர டுவிட்டரில்
•  
• இதை பகிர Messenger
•  
• இதை பகிர மின்னஞ்சல்
•  
• பகிர்க

லெஸ்டரில் கடை ஒன்றில் வெடிகுண்டு வெடித்ததில் ஆறு பேர் காயமடைந்தனர். லண்டன் நேரப்படி ஞாயிறன்று இரவு ஏழு மணியளவில் இந்த வெடிகுண்டு சம்பவம் நடைபெற்றுள்ளது.

காயமடைந்தவர்களை மருத்துமனைக்கு அழைத்துச் சென்றுள்ளனர்.

"இந்த சம்பவம் பயங்கரவாத தாக்குதலுடன் தொடர்புடையதாக தற்போது எந்த அறிகுறியும் இல்லை" என போலிஸாரின் செய்தி தொடர்பாளர் தெரிவித்துள்ளார்.

மருத்துவமனையில் உள்ள காயமடைந்தவர்களில் இரண்டு பேர் ஆபத்தான நிலையில் உள்ளனர்.

பொதுமக்கள் அந்த பகுதிக்கு வருவதை தவிர்க்குமாறு அறிவுறுத்தப்பட்டுள்ளது. சில இடங்களில் மின்சாரம் துண்டிக்கப்பட்டுள்ளது.

நிலநடுக்கம் ஏற்பட்டதை போன்ற பெரிய சத்தம் கேட்டதாக சம்பவத்தை நேரில் பார்த்தவர் ஒருவர் பிபிசியிடம் தெரிவித்தார்.

சிலர் அங்கு உதவி செய்து கொண்டிருந்தனர் பின்பு தீ பெரிதானவுடன் அனைவரும் அங்கிருந்து செல்ல வேண்டும் என வலியுறுத்தப்பட்டனர் என அவர் மேலும் தெரிவித்தார்.

சம்பவத்திற்கான காரணம், லெஸ்டர் போலிஸ் மற்றும் தீயனைப்பு மற்றும் மீட்பு சேவையினாரால் சேர்ந்து விசாரிக்கப்படும் என போலிஸார் தெரிவித்துள்ளனர்.

சம்பவ இடத்திற்கு ஆறு தீயனைப்பு வாகனங்கள் அனுப்பப்பட்டுள்ளதாகவும், தீயனைப்பு குழுவினர் மீட்பு மற்றும் தேடுதல் பணியில் ஈடுபட்டு வருவதாகவும் தீயனைப்பு சேவையின் செய்தி தொடர்பாளர் தெரிவித்தார்.

http://www.bbc.com/tamil/global-43193756

Edited February 26, 20187 yr by நவீனன்

பிரித்தானிய குண்டுவெடிப்பில் சிசிச்சை பலனின்றி நால்வர் உயிரிழப்பு

 

பிரித்தானியாவின லெஸ்டர் பகுதியில் நேற்றிரவு கடை ஒன்றில் குண்டு ஒன்று வெடித்ததில் காயமடைந்த ஆறு பேரில் நால்வர் உயிரிழந்துள்ளதாக தெரிவிக்கப்பட்டுள்ளது வெடிவிபத்து ஏற்பட்டு தீப்பிடித்ததால் அந்த கட்டிடத்தின் தரைத்தளத்தில் உள்ள கடை மற்றும் அதற்கு மேற்பகுதியில் உள்ள ஒரு வீடு கடுமையாக சேதமடைந்ததாகவும் தெரிவிக்கப்பட்டுள்ளது.

 

இதில், பலத்த காயமடைந்தவர்கள் மருத்துவமனையில் சேர்க்கப்பட்டு தீவிர சிகிச்சை அளிக்கப்பட்டு வந்த நிலையில் சிகிச்சை பலனின்றி நால்வர் உயிரிழந்துள்ளதாக தெரிவிக்கப்பட்டுள்ளது. இந்த தாக்குதலுக்கு பயங்கரவாதத்துடன் தொடர்பு எதுவும் இருப்பதாக தெரியவில்லை என தெரிவித்துள்ள பிரித்தானிய காவல்துறையினர் மேலதிக விசாரணைகளை மேற்கொண்டு வருகின்றனர் என்பது குறிப்பிடத்தக்கது.

http://globaltamilnews.net/2018/68435/

பிரித்தானியவின் லெஸ்டர் குண்டு வெடிப்பு – மூவர் கைது…..

பிரித்தானியாவின லெஸ்டர் பகுதியில் இடம்பெற்ற குண்டுவெடிப்பு தொடர்பில், மூவர் சந்தேகத்தின் பேரில் கைது செய்யப்பட்டுள்ளனர். கைதுசெய்யப்பட்ட மூவரும் 30 வயது மதிக்கத்தக்கவர்கள் எனவும் நேற்று புதன்கிழமை மாலை இவர்கள் கைது செய்யப்பட்டு உள்ளார்கள் எனவும் காவற்துறையினர் உறுதிப்படுத்தி உள்ளனர்.  ஒருவர் East Anglia யாவில் இருந்தும் மற்றயவர் வடமேற்கு பகுதியில் இருந்தும், மூன்றாமவர் East Midlands இருந்தும் வந்தவர்கள். வெடிப்பு சம்பவத்தின்போது காணப்பட்ட அடையாளங்களின் ஊகங்களின் அடிப்படையில் இவர்களை கைது செய்யப்பட்டு உள்ளார்கள். எனினும் தற்போதைக்கு இது குறித்து விபரங்கள் எதனையும் வெளியிட விரும்பவில்லை என தெரிவித்த காவற்துறையினர் இந்த தாக்குதல் பயங்கரவாதத்துடன் தொடர்பு பட்டது அல்ல என்பதனை கூறமுடியும் என தெரிவித்துள்ளனர்.

http://globaltamilnews.net/2018/68435/