கூட்டு எதிரணியின் மே தினக் கூட்டத்தில் ஆயிரக்கணக்கானோர் பங்கேற்பு

கூட்டு எதிரணியின் மே தினக் கூட்டத்தில் ஆயிரக்கணக்கானோர் பங்கேற்பு

(காலி­யி­லி­ருந்து எம்.சி.நஜி­முதீன்)

கூட்டு எதிர்க்­கட்சி ஏற்­பா­டு­செய்த தொழி­லாளர் தின ஊர்­வ­லமும் கூட்­டமும் நேற்று காலியில் நடை­பெற்­றன. வரிச்­சுமை, காட்­டிக்­கொ­டுப்பு, மத்­திய வங்கி பிணை­முறி மோசடி, தேசிய சொத்து விற்­பனை, அடக்­கு­முறை என்­ப­வற்­றுக்கு எதிர்ப்­பினை வெளிப்­ப­டுத்தல் எனும் தொனிப்­பொ­ரு­ளி­லேயே கூட்டு எதிர்க்­கட்­சியின் மேதினக் கூட்டம் நடை­பெற்­றது.

நேற்று பி.ப. 1 மணிக்கு காலி நகரின் இரு இடங்­க­ளி­லி­ருந்து பேரணி ஆரம்­பா­ம­னது.கொழும்பு திசை­யி­லி­ருந்து காலி நோக்­கிய பேரணி மகா மோதர பாலத்­திற்கு அரு­கிலும், மாத்­தறை திசை­யி­லி­ருந்து காலி நோக்­கிய பேரணி காலி கடற்­படை முகா­முக்கு அரு­கி­லி­ருந்தும் ஆரம்­ப­மா­தற்கு ஏற்­பாடு செய்­யப்­பட்­டி­ருந்­தது.  

எனவே நாட்டின் பல்­வேறு பிர­தே­சங்­க­ளி­லி­ருந்து வருகை தந்­தி­ருந்­த­வர்கள் நண்­பகல் வேளை­யி­லி­ருந்து குறித்த இடங்­களில் கூடினர். அத்­துடன் பேர­ணியில் கலந்­து­கொள்ள வருகை தந்­த­வர்கள் நேற்று காலை வேளை­யி­லேயே காலி நகரில் ஆங்­காங்கே கூடி நின்­றி­ருந்­த­தையும் அவ­தா­னிக்க முடிந்­தது. குறித்த நேரத்தில் அந்த இரு இடங்­க­ளி­லி­ருந்தும் ஆரம்­ப­மான பேரணி சம­னல விளை­யாட்­ட­ரங்கை நோக்கி நகர்ந்­தது. பேர­ணியில் ஆயி­ரக்­க­ணக்­கானோர் கலந்­து­கொண்­டி­ருந்­தனர்.

“நல்­லாட்சி அரசே தொழி­லா­ளி­களின் வயிற்றில் கை வைக்­காதே”, “தொழி­லாளர் வர்க்கம் உயிர் வாழ்­வ­தற்கு இட­மளி”, “நல்­லாட்சி அர­சாங்­கத்­திற்கு குறு­கிய ஆயுளே” உள்­ளிட்ட வச­கங்­க­ளு­ட­னான பதா­கை­களை ஏந்­தி­யி­ருந்­த­துடன் அர­சாங்­கத்­திற்கு எதி­ரான கோஷங்­க­ளையும் எழுப்­பினர்.

கூட்டு எதிர்க்­கட்­சியில் அங்கம் வகிக்கும் பாரா­ளு­மன்ற உறப்­பி­னர்கள், மாகாண சபை உறுப்­பி­னர்கள் மற்றும் உள்­ளூ­ராட்சி மன்ற உறுப்­பி­னர்கள் பேர­ணியின் முன்­வ­ரி­சையில் சென்­றனர். அத்­துடன் பார­ளு­மன்ற உறுப்­பி­னர்கள் தமது மாவட்­டங்­க­ளையும் தம்­மையும் அடை­யா­ளப்­ப­டுத்தும் வகையில் டீ சேட், தொப்பி, குடை­க­ளையும் தமது ஆத­ர­வா­ளர்­க­ளுக்கு வழங்கி பேர­ணியில் தம்மை இனங்­காட்­டிக்­கொண்­டனர்.

பேர­ணியின் பின்னர் மேதினக் கூட்டம் பி.ப.2.45 மணிக்கு ஆரம்­ப­மா­னது. பாரா­ளு­மன்ற உறுப்­பி­னர்­க­ளான சிசிர ஜய­கொடி, எஸ்.எம்.சந்­தி­ர­சேன, ஷெஹான் சேம­சிங்க உட்­பட மாகாண சபை உறுப்­பி­னர்கள் மற்றும் தொழிற்­சங்க பிர­தி­நி­திகள் சிலர் உரை­யாற்­றிய பின்னர் மாலை 5 மணி­ய­ளவில் முன்னாள் ஜனா­தி­பதி மஹிந்த ராஜ­பக்ஷ மைதா­னத்­திற்குள் பிர­வே­சித்தார்.

அவரின் வரு­கைக்கு பெரு வர­வேற்­ப­ளிக்­கப்­பட்­டது. ஆத­ர­வா­ளர்கள் அவ­ருடன் கைலாகு செய்­வ­தற்கு முண்­டி­யத்­தனர். எனினும் பாது­காப்பு தரப்­பினர், ஆத­ர­வா­ளர்கள் அவரை நெருங்­க­வி­டாது பாது­காப்­பான முறையில் மேடைக்கு அழைத்துச் சென்­றனர். அவர் மேடையில் ஏறி­ய­வுடன் பிர­தான மேடையில் அமர்ந்­தி­ருந்­த­வர்கள் உட்­பட சக­லரும் எழுந்து அவ­ருக்கு மரி­யாதை செலுத்­தி­ய­மையும் குறிப்­பி­டத்­தக்­கது.

இதே­வேளை அர­சாங்­கத்­தி­லி­ருந்து வெளி­யே­றிய ஸ்ரீலங்கா சுதந்­திரக் கட்­சியின் பதி­னாறு உறுப்­பி­னர்­களில் சிலர் கூட்டு எதிர்க்­கட்­சியின் நேற்­றைய தொழி­லாளர் தினக் கூட்­டத்தில் இணைந்­து­கொள்வர் என எதிர்­பார்க்­கப்­பட்­டது. அவர்கள் எவரும் இணைந்­து­கொள்­ளாத நிலையில் ஸ்ரீலங்கா சுதந்­திரக் கட்­சியின் கம்­பஹா மாவட்ட முன்னாள் பாரா­ளு­மன்ற உறுப்­பினர் பண்டு பண்­டா­ர­நா­யக்க தமது ஆத­ர­வா­ளர்­க­ளுடன் கூட்டு எதிர்க்­கட்­சியின் தொழி­லாளர் தினக்­கூட்­டத்தில் நேற்று கலந்­து­கொண்டார்.

முன்னாள் பாரா­ளு­மன்ற உறுப்­பினர் பண்டு பண்­டா­ர­நா­யக்க கூட்­டத்தில் உரை­யாற்­றும்­போது

எஸ்.டபிள்யூ.ஆர்.டி.பண்­டா­ர­நா­யக்க ஸ்தாபித்த ஸ்ரீலங்கா சுதந்­திரக் கட்­சியை ஜனா­தி­பதி மைத்­தி­ரி­பால சிறி­சே­னவால் பாது­காக்க முடி­யாது. அதனால் தற்­போது கட்­சி­யி­லுள்ள அதி­க­ள­வானோர் அதி­ருப்­தியில் உள்­ளனர். ஆகவே ஸ்ரீலங்கா சுதந்­திரக் கட்­சியின் ஆத­ர­வா­ளர்­களும் கட்­சியை விட்டுச் செல்­கின்­றனர். கட்­சி­யையும் நாட்­டையும் பாது­காக்கும் திறன் முன்னாள் ஜனா­தி­பதி மஹிந்த ராஜ­ப­க்ஷ­விற்கே உள்­ளது.

மேலும் நாட்டில் தற்­போது உரிய ஆட்­சி­யை­யும காண­மு­டி­யா­துள்­ளது. சகல துறை­க­ளிலும் வீழ்ச்சி ஏற்­பட்­டுள்­ளது. மக்கள் வாழ முடி­யாத நிலை ஏற்­பட்­டுள்­ளது. தொழி­லா­ளர்கள் பல்­வேறு நெருக்­க­டி­களைச் சந்­திக்­கின்­றனர். நாளுக்கு நாள் உணவுப் பொருட்களின் விலை அதிகரிக்கிறது. அது குறித்து அரசாங்கம் கவனம் செலுத்துவதாக இல்லை.

ஆகவே ஸ்ரீலங்கா சுதந்திரக் கட்சியையும் நாட்டையும் பாதுகாக்கும் தலைமை கலந்துகொள்ளும் கூட்டு எதிர்க்கட்சியின் தொழிலாளர் தினக்கூட்டத்தில் நான் இன்று (நேற்று) கலந்துகொண்டுள்ளேன். அத்துடன் என்னுடன் ஐநூறிற்கும் அதிகமான ஆதரவாளர்களும் இன்று (நேற்று) பேரணியில் இணைந்துகொண்டுள்ளனர் என்றார்.