இந்தியாவினால் வழங்கப்படட் ரேடார்கள் செயல்படாமல் போவதற்கான வாய்ப்பே இல்லை : இந்தியா

- பண்டார வன்னியன் Thursday, 29 March 2007 11:06

சிறிலங்காத் தலைநகர் கொழும்பில் கட்டுநாயக்க விமானப்படைத் தளத்தின் மீது விடுதலைப் புலிகள் விமானத் தாக்குதல் நடத்தியிருப்பது குறித்து இந்தியா முதல் முறையாகக் கருத்துத் தெரிவித்துள்ளது.

நேற்று புதுடில்லியில் நடைபெற்ற செய்தியாளர்கள் சந்திப்பின்போது, இந்திய வெளியுறவுத்துறைச் செயலர் சிவசங்கர் மேனனிடம் இது குறித்து செய்தியாளர்கள் கேள்வி எழுப்பினர். அந்தச் சம்பவம் குறித்து நேரடியாகக் கருத்துத் தெரிவிப்பதைத் தவிர்த்த அவர், இதுபோன்ற தனிப்பட்ட சம்பவங்களை எடுத்துக் கொண்டு ஆய்வு செய்வது, மூலப் பிரச்சினைக்குத் தீர்வு காண்பதற்கு எந்த வகையிலும் உதவாது என்று பதிலளித்தார்.

இலங்கையில் கடந்த சில வாரங்களாக மோதல்கள் அதிகரித்து வருவது குறித்து இந்தியா கவலையடைந்திருப்பதாகத் தெரிவித்த மேனன், வன்முறைகள் காரணமாக ஒரு லட்சத்திற்கும் மேற்பட்ட மக்கள் தங்கள் இடங்களை விட்டு வெளியேற வேண்டிய நிலை ஏற்பட்டிருப்பது குறித்தும், அவர்களுக்கு ஏற்பட்டுள்ள பாதிப்புக்கள் குறித்தும் இந்தியா கவலையடைந்திருப்பதாக அவர் சுட்டிக்காட்டினார்.

இலங்கை தனக்குத்தானே இந்தப் பிரச்சினைக்குத் தீர்வு காண்பதற்கு இந்தியா ஊக்கமளிக்கும் என்றும் அவர் தெரிவித்தார்..

சிறிலங்கா விமானப்படைக்கு இந்தியா வழங்கிய ரேடார்கள், புலிகளின் விமானங்களைக் கண்டுபிடிக்காமல் செயலிழந்துவிட்டதாகக் கூறப்படுவது குறித்து செய்தியாளர்கள் கேட்டபோது, இந்தியாவைப் பொறுத்தவரை அந்த ரேடார்கள் செயல்படாமல் போவதற்கான வாய்ப்பே இல்லை என்றார் சிவசங்கர் மேனன்.

சங்கதி

எமது ராடார்கள் தரமானவை: இந்தியா

சிறிலங்காப் படையினரின் கட்டுநாயக்க வான்படைத் தளத்தின் மீது கடந்த திங்கட்கிழமை தமிழீழ வான்படை நடத்திய தாக்குதலைத் தொடர்ந்து கட்டுநாயக்கவில் உள்ள ராடார் நிலையங்களின் செயற்திறன் தொடர்பாக கேள்வி எழுந்துள்ள நிலையில் தம்மால் சிறிலங்காவிற்கு வழங்கப்பட்ட ராடார் தொகுதிகள் தரமானவை என்று இந்தியா தெரிவித்துள்ளது.

எமது ராடார் தொகுதிகள் மிகவும் தரம்வாய்ந்தவை, நன்றாக தொழிற்படக்கூடியவை, அது முறையாக உபயோகப்படுத்தப்பட வேண்டும் என்று கொழும்பில் உள்ள இந்தியத் தூதரக அதிகாரி ஒருவர் தெரிவித்துள்ளார்.

2005 ஆம் ஆண்டு ஜுன் மாதம் முன்னாள் காலம் சென்ற வெளிவிவகார அமைச்சர் லக்ஸ்மன், கதிர்காமர் விடுதலைப் புலிகளின் வான்படையினர் தொடர்பாக அமெரிக்காவின் வெளிவிவகாரத்துறை அமைச்சர் கொண்டோலீசா றைசுடனான சந்திப்பின் போது எச்சரிக்கையை விடுத்திருந்தார்.

அதே மாதம் இந்தியாவிடம் இருந்து ரடார் கருவிகளை வாங்குவதற்கு சிறிலங்கா ஒப்புக்கொண்டிருந்தது. இந்தியா - 11 என்னும் தலைப்பில் வழங்கப்பட்ட இந்த ரடார்களை பாரத் எலெக்ரோனிக் லிமிற்றட் நிறுவனம் வடிவமைத்திருந்தது. கடந்த ஆண்டு அவை சிறிலங்காவிடம் ஒப்படைக்கப்பட்டிருந்தன.

http://www.tamilwin.com/

புலிகள் வான் தாக்குதல் நடத்தமாட்டார்கள் என்ற அதீத நம்பிக்கையால், பேரீச்சம் பழத்துக்காக் வைத்திருந்த இரும்புகளை இலங்கைக்குக் கொடுத்துவிட்டது. இதை ரடார் என்று நம்பிய இலங்கை ராணுவம் இவ்வளவு நாளாக இதை உற்றுப் பார்த்தபடி இருந்துள்ளனர். மோட்டுச் சிங்களவர்.