தமிழ் அரசியல் தலைமைகள் அரசாங்கத்தின் தனிப்பட்ட சலுகைகளைப் பெற்றுக்ெகாண்டிருப்பதாலேயே வடக்கு, கிழக்கில் மேற்கொள்ளப்படும் அத்துமீறல்களையும் அடக்குமுறைகளையும் தடுக்க முடியாதிருப்பதாக வட மாகாண முதலமைச்சர் சி.வி.விக்கினேஸ்வரன் தெரிவித்தார்.

இராணுவத்திடமோ அரசாங்கத்திடமோ நன்மைகளைப் பெறும்போது தூரச் சிந்தனையுடன் நடந்துகொள்ள வேண்டும் என்றும் இல்லையேல், அவர்களின் அன்பின் அடிமைகளாக ஆண்டாண்டு தோறும் அவதியுற நேரிடும் என்றும் முதலமைச்சர் சுட்டிக்காட்டியுள்ளார்.

தினகரன் வாரமஞ்சரிக்கு வழங்கிய விசேட பேட்டியில் அவர் இதனைத் தெரிவித்தார். மக்களுக்கு வீடுகளைக் கட்டிக் ெகாடுத்தோ அல்லது சலுகைகளை வழங்கியோ என்றென்றும் மத்திக்கு அடிமைகளாக இருக்க வேண்டும் என்பதை அரசாங்கம் விரும்புவதாகவும் இதனை புரிந்துகொள்ளத் தயங்கும் ஒரு மனப்போக்கு காணப்படுவதாகவும் அவர் தெரிவித்தார்.

 

"நாங்கள் நீதிமன்றங்களை நாடாவிட்டாலும் மற்றவர்கள் எம்மை நீதிமன்றங்களுக்கு அழைத்துச் சென்றிருக்கிறார்கள். நான் நீதியரசராக இருந்த காலகட்டத்தில் சுமார் இரண்டாயிரத்திற்கும் அதிகமான வழக்குகள் இழுத்தடிக்கப்பட்டன" என்று தெரிவித்த முதலமைச்சர், நீதிமன்றங்களை நாடுவதன் மூலம் என்ன பயனைப் பெற்றுக்ெகாள்ளப்போகிறோம் என்ற கேள்வி தன்னுள் இருப்பதாகவும் குறிப்பிட்டார்.

கட்சித் தலைமைத்துவத்தை விடவும் கொள்கையே முக்கியம் என்று தெரிவித்த அவர், இதனை உணர்ந்து செயப்பட்டால், நல்ல தலைமைத்துவம் மக்களுக்குக் கிடைக்கும் என்றும் தெரிவித்தார்.

 

 

http://www.vaaramanjari.lk/2018/07/01/செய்திகள்/அரசாங்கத்திடம்-தனிப்பட்ட-சலுகைகளை-பெற்றதால்