அடுத்த அரச தலை­வ­ருக்­கான தேர்­த­லில் போட்­டி­யி­டும் நோக்­கத்­தோடு கோத்­த­பாய ராஜ­பக்ச தனது காய் நகர்த்­தல்­க­ளைத் தீவி­ர­மாக முன்­னெ­டுத்து வரு­கின்­றார். வேட்­பா­ளர் யார் என்­பதை மகிந்த ராஜ­பக்ச இன்­ன­மும் தீர்­மா­னிக்­க ­வில்லை என்று தெரி­விக்­கப்­பட்­டா­லும் தன்னை வேட்­பா­ளர் தெரி­வில் இருந்து தள்­ளி­வைக்க முடி­யாது என்­கிற நிலையை நோக்கி கோத்­த­பாய ராஜ­பக்ச அடி­மேல் அடி வைத்து முன்­னே­றி­வ­ரு­கின்­றார்.

என்­ன­தான் சிங்­கள பௌத்த தேசி­ய­வா­தத்­தின் குர­லா­கத் தன்னை அவர் நிலை­நி­றுத்­திக்­கொண்­டா­லும் சிறு­பான்மை மக்­கள் அனை­வ­ரும் ஒன்­றி­ணை­யும்­போது கடந்த தேர்­த­லில் தனது தமை­ய­னுக்கு நடந்­த­தைப் போன்றே தனது வெற்றி வாய்ப்­பும் கேள்­விக்­கு­றி­யா­கி­வி­டும் என்­ப­தை­யும் புரிந்து வைத்­தி­ருக்­கும் கோத்­த­பாய, அதி­லி­ருந்து விடு­ப­டு­வ­தற்­காக சிறு­பான்­மை­யி­ன­ரை­யும் சமா­ளித்து வைக்­க­வும் முற்­ப­டு­கின்­றார். அத­னா­லேயே, ஒரு காலத்­தில் தமிழ்ப் பத்­தி­ரி­கை­யா­ளர்­கள் என்­றாலே சீறிச் சினந்து எரிந்து விழுந்­த­வர், தமிழ்ப் பத்­தி­ரி­கை­யா­ளர்­க­ளைப் பயங்­க­ர­வா­தி­கள் என்­ற­வர் இப்­போது தமிழ்ப் பத்­தி­ரி­கை­க­ளின் ஆசி­ரி­யர்­களை அழைத்­துப் பேசு­கின்­றார்.

அத்­த­கைய ஒரு சந்­திப்பு நேற்­று­முன்­தி­னம் கொழும்பு புறக்­கோட்­டை­யில் உள்ள அவ­ரது அலு­வ­ல­கத்­தில் இடம்­பெற்­றது. அழைக்­கப்­பட்ட பத்­தி­ரி­கை­க­ளின் ஆசி­ரி­யர்­கள் மத்­தி­யில் அவர் பேசி­னார். சிறு­பான்­மை­யி­ன­ரைச் சமா­ளித்து வைக்­க­வேண்­டும் என்­கிற நோக்­கம் அவ­ருக்கு இருந்­தா­லும் சிங்­கள, பௌத்த தேசிய வாதத்தை அதி­ருப்­தி­ய­டை­யக் கூ­டிய எந்­த­வொரு விட­யத்­தை­யும் அவர் அங்கு மறந்­தும் உச்­ச­ரிக்­க­வில்லை. அவ­ரது கருத்­துக்­க­ளின்­படி மகிந்த ராஜ­பக்­ச­வின் ஆட்­சி­யில் பின்­பற்­றப்­பட்ட கொள்­கையே அவர் அரச தலை­வ­ரா­னா­லும் பின்­பற்­றப்­ப­டும்.

இலங்­கை­யில் இருப்­பது பொரு­ளா­தா­ரப் பிரச்­சி­னையே தவிர இனப் பிரச்­சினை இல்லை என்­பது மகிந்த ஆட்­சி­யி­லேயே பின்­பற்­றப்­பட்ட கொள்கை. பொரு­ளா­தார அபி­வி­ருத்­தியை வேக­மாக ஏற்­ப­டுத்­தி­விட்­டால் இனப் பிரச்­சினை, உரி­மைப் போராட்­டம் எல்­லாம் அதற்­குள் கரைந்து காணா­மற்­போய்­வி­டும், சிறந்த வாழ்க்­கைத் தரம் கிடைக்­கு­மா­னால் உல­க­ம­ய­மாக்­க­லுக்­குள் சிக்­குண்டு இன, மத அடை­யா­ளங்­க­ளைச் சிறு­பான்மை இனங்­கள் கைவிட்­டுப் பெரும்­பான்­மை­யோடு கலந்­து­வி­டும் என்­பதே இந்­தக் கொள்­கை­யின் அடிப்­படை.

இத­னா­லேயே எவ்­வ­ளவு கொடூ­ர­மாக என்­றா­லும் போரை முடித்­து­விட்டு பொரு­ளா­தார அபி­வி­ருத்­தியை வேக­மாக முன்­னெ­டுக்க மகிந்த முற்­பட்­டார்.

இதன் தொடர்ச்­சி­யா­கவே தனது ஆட்­சி­யும் இருக்­கும் என்­ப­தைக் கோத்­த­பாய விளக்­கி­னார். தான் அரச தலை­வ­ரா­னால் பொரு­ளா­தார அபி­வி­ருத்தி குறித்தே முத­லில் கவ­னம் செலுத்­து­வேன் என்­றார் அவர். பொரு­ளா­தார அபி­வி­ருத்தி இருந்­து­விட்­டால் ஏனைய அபி­வி­ருத்­தி­கள் எல்­லாம் தானா­கவே வசப்­ப­டும் என்­றும் அத்­த­கைய பொரு­ளா­தார அபி­வி­ருத்தி இல்­லா­தி­ருப்­ப­தா­லேயே மக்­கள் விரக்­தி­ய­டைந்­தி­ருக்­கி­றார் கள் என்­றும் அவர் தெரி­வித்­தார்.

நாட்­டின் ஒட்­டு­மொத்­தப் பிரச்­சி­னைக்­கும் பொரு­ளா­தார அபி­வி­ருத்­தியே தீர்வு என்­று­அ­வர் கரு­து­வ­தன் கார­ணத்­தால் இனப்­பி­ரச்­சி­னைக்­கான தீர்வு, புதிய அர­ச­மைப்பு போன்ற விட­யங்­க­ளில் அவ­ரது நிலைப்­பாடு தமி­ழர்­க­ளுக்கு எதிர் மாறா­ன­தாக, பாத­க­மா­ன­தாக அமைந்­தி­ருந்­தமை ஆச்­ச­ரி­யத்­துக்­கு­ரிய ஒன்­றல்ல. அத­னால், மாகா­ணங்­க­ளுக்கு காணி, பொலிஸ் அதி­கா­ரங்­கள் வழங்­கப்­ப­டு­வ­தற்கு அவர் கடும் எதிர்ப்­புத் தெரி­வித்­தார். அதற்­கும் மேலா­கப் புதிய அர­ச­மைப்பை அடி­யோடு நிரா­க­ரித்­தார். அது ராஜ­பக்­சக்­களை இலக்கு வைத்­துக் கொண்டு வரப்­ப­டு­கின்­றதே தவிர பன்­ முகப்­ப­டுத்­தப்­பட்ட அள­வில் அனைத்து மக்­க­ளுக்­கும் எல்லா உரி­மை­க­ளும் கிடைக்­கும் வகை­யில் அமை­ய­வில்லை என்­றார். இவை­யெல்­லாம் ஒரு விட­யத்­தைத் திட்­ட­வட்­ட­மா­கக் கூறு­கின்­றன.

அது, கோத்­த­பாய என்­ன­தான் சிறு­பான்மை மக்­களை சமா­ளிக்க முயன்­றா­லும் அவ­ரது அடிப்­ப­டைக் கொள்­கை­யில் இருந்து அவர் வில­கப்­போ­வ­தில்லை. சிங்­கள, பௌத்த தேசி­யத்­தின் வெளிப்­ப­டை­யான சாட்­சி­யா­கவே அவர் இயங்­கப்­போ­கி­றார். அவர் ஆட்­சிக்கு வந்­தால், முன்­னர் பொது­பல சேனா கூறி­ய­தைப் போன்று தமி­ழர்­க­ளும் முஸ்­லிம்­க­ளும் விரும்­பி­னால் இங்கே வாழ்ந்­து­விட்­டுப் போக­லாம் தென்­னந்­தோட்­டத்­துக்கு நடுவே இருக்­கும் ஊடு­ப­யிர் மாதிரி. கோத்­த­பாய தமி­ழர்­க­ளின் தெரி­வாக இருப்­பாரா என்­ப­தைத் தீர்­மா­னிப்­ப­தற்கு இந்த மாதிரி ஒன்றே போது­மா­னது.