மட்டக்களப்பு அகதிகளின் நிலை குறித்து பாப்பரசரின் பிரதிநிதி நேரில் ஆராய்வு

மட்டக்களப்பு, ஏப்.22

மட்டக்களப்பில் தங்கியுள்ள அகதிகளின் நிலை குறித்து பாப்பரசரின் இலங்கைக்கான பிரதிநிதி மரியோ சொனாரி நேற்று நேரில் ஆராய்ந்தார்.

மட்டக்களப்புக்கு நான்கு நாள் விஜயம் மேற்கொண் டுள்ள அவர் நகரில் உள்ள அகதி முகாம்களுக்கு நேற்றுச் சென்று அவர் களின் பிரச்சினைகள் குறித்து கேட்டறிந்தார்.

அகதிகள் எதிர்நோக்கும் பிரச்சினை களைக் கேட்ட றிந்த அவர், தான் கொழும்பு திரும்பியதும் இது விடயமாக உயர் அதிகாரிகளுடன் கலந்துரையாடுவதாகத் தெரிவித் தார்.

பாப்பரசரின் பிரதிநிதி இன்று வாக ரைக்குச் சென்று அங்குள்ள மக்களை நேரில் சந்தித்துப் பேசவுள்ளார். (அ1)

உதயன்

மட்டு. அகதிகளை பார்வையிட பாப்பரசரின் பிரதிநிதி விஜயம் -அவலத்தை கண்டறிந்து வத்திக்கானுக்கு அறிக்கை சமர்ப்பிப்பார்

[22 - April - 2007] [Font Size - A - A - A]

-ஏ.ஏ. மொஹமட் அன்ஸிர் -

மட்டக்களப்பில் இடம்பெயர்ந்துள்ள மக்கள் எதிர்கொள்ளும் சிரமங்கள் குறித்து ஆராய்வதற்காக பரிசுத்த பாப்பரசர் 16 ஆவது ஆசீர்வாதப்பரின் இலங்கைக்கான பிரதிநிதி மரியஸ் செனாரியோ அங்கு விஜயமொன்றை மேற்கொண்டுள்ளார்.

இடம்பெயர்ந்து அகதி முகாம்களில் தங்கியுள்ள மக்கள் எதிர்கொள்ளும் சிரமங்கள் குறித்து பாப்பர சருக்கு அவரின் பிரதிநிதி ஆராய்ந்து அறிக்கை சமர்பிப்பாரெனவும் தெரிவிக்கப்படுகிறது.

நேற்று மட்டக்களப்பைச் சென்றடைந்துள்ள பாப்பரசரின் பிரதிநிதி அங்கு மறை மாவட்ட ஆயர் கிங்ஸ்லி சுவாம்பிள்ளையையும் சந்தித்து கலந்துரையாடியுள்ளார்.

இன்று ஞாயிற்றுக்கிழமை வாகரையில் மீள்குடியேறியுள்ள மக்களையும் அம்மக்களுக்கு செய்து கொடுக்கப்பட்டுள்ள அடிப்படை தேவைகள் குறித்தும் பாப்பரசரின் பிரதிநிதி கவனம் செலுத்தவுள்ளார்.

இதன்போது அவர் மாவட்ட அரச உயர் அதிகாரிகள் மற்றும் இராணுவ உயர் அதிகாரிகள், அரசு சார்பற்ற நிறுவனங்களின் பிரதிநிதிகளையும் சந்தித்து இடம்பெயர்ந்துள்ளவர்களின் நலன்கள் குறித்து ஆராயவிருப்பதாகவும் தெரிவிக்கப்படுகிறது.

தினக்குரல்