உரியவர்கள் என்னை அறிவுருத்தியிருந்தால் உயிர்த்த ஞாயிறு தாக்குதலை தடுத்திருக்கலாம் - இறுதியில் என்னையும் குற்றவாளியாக்கினர் ; ஜனாதிபதி

உயிர்த்த ஞாயிறு தாக்குதல் தொடர்பில் உரிய அதிகாரிகள் தங்கள் பொறுப்பை நிறைவேற்றியிருந்தால், அதுதொடர்பில் எனக்கு அறுவுறுத்தியிருந்தால் இதனை தடுத்திருக்கலாம். ஆனால் இறுதியில் என்னையும் குற்றவாளியாக்கினார்கள். 

தாக்குதல் இடம்பெறுவதற்கு முன்பே எனக்கு இதுதொடர்பில் தெரியும் என்மீது குற்றம்சுமத்த ஆரம்பித்தனர். அந்தளவு தங்களை பாதுகாத்துக்கொள்ளும் அதிகாரிகளே எமது நாட்டில் இருந்தனர் என ஜனாதிபதி மைத்திரிபால சிறிசேன தெரிவித்தார். 

அத்துடன் பயங்கரவாத்தை ஒழிக்க அனைத்து அரச பலத்தையும் பாவிப்பதாகவும் அவர் தெரிவித்தார்.

அமைதி, சமாதானம் மற்றும் சகவாழ்வுக்கான தேசிய மாநாடு நேற்று  கொழும்பு தாமரை தடாக அரங்கில் இடம்பெற்றது. 

மேல் மாகாண ஆளுநர் அலுவலகத்தின் ஏற்பாட்டில் இடம்பெற்ற இந்நிகழ்வில் பிரதம அதிதியாக கலந்துகொண்டு உரையாற்றுகையிலேயே இவ்வாறு குறிப்பிட்டார்.

அவர் அங்கு தொடர்ந்து தெரிவிக்கையில்,

பயங்கரவாத தாக்குதலுடன் நாட்டில் ஏற்பட்டுள்ள இந்தக் குழப்பமான சூழ்நிலையை தமது குறுகிய அரசியல் நிகழ்ச்சிநிரலுக்காகப் பிழையாகப் பயன்படுத்த சிலர் முயற்சிக்கின்றனர். ஏப்ரல் 21 தாக்குதல்கள் குறித்து முற்கூட்டியே கிடைத்த தகவல்களை பாதுகாப்புக்குப் பொறுப்பாக இருந்த  அதிகாரிகள் பொறுப்புடன் நடவடிக்கை எடுக்கவில்லை. என்னை சரியான முறையில் அறிவுத்தவில்லை அவர்கள் பொறுப்புடன் நடந்துகொள்ளாமல் இருந்துவிட்டு தற்பொழுது நிரபராதிகளாவதற்கு  முயற்சிக்கின்றனர்.

உயிர்த்த ஞாயிறு தாக்குதல்கள் நடைபெற்ற மூன்று மாதங்களுக்குள் சம்பந்தப்பட்ட பயங்கரவாத குழுவை முற்றாக ஒழிக்க முடிந்தது. எந்தவொரு நாடு இந்தளவு விரைவாக பயங்கரவாத தாக்குதலை தடுத்திருக்கவில்லை. எனது ஆலோசனையின் பிரகாரம் முப்படைகள் பொலிஸாருடன் நாள்தோரும் செயற்பட்டு இதனை மேற்கொண்டோம்.  என்றார்.

https://www.virakesari.lk/article/61651

‘ஆளுங்கட்சி, எதிர்க்கட்சி பொறுப்பை நிறைவேற்றவில்லை’ - பேராயர் மெல்கம் ரஞ்சித் ஆண்டகை

ஆளுந்தரப்பில் மட்டுமல்லாது  எதிர்க்கட்சி, ஏனைய கட்சிகிளலுள்ளவர்களும் உயிர்த்த ஞாயிறு தாக்குதலுக்கான பொறுப்பை நிறைவேற்றவில்லை என, பேராயர் மெல்கம் ரஞ்சித் ஆண்டகை தெரிவித்துள்ளார்.

இன்று இடம்பெற்ற ஊடகவியலாளர் சந்திப்பின் போதே, அவர் மேற்கண்டவாறு தெரிவித்துள்ளார்.

அத்துடன் உயிர்த்த ஞாயிறு தாக்குதல் தொடர்பில், நியமிக்கப்பட்ட விசாரணை ஆணைக்குழுவானது பக்கச்சார்பற்ற, வெளிப்படையான, சுயாதீனமாகதhfj; தெரியவில்லை என்றும் அவர் தெரிவித்துள்ளார்.

எனவே, தேர்தலை நடத்துவதற்கு முன்னர், ஏப்ரல் 21ஆம் திகதி இடம்பெற்ற தாக்குதல் தொடர்பில், உண்மையான விசாரணை செய்யப்பட வேண்டும் என்றும், இதற்காக சகல அதிகாரங்களுடனான சுயாதீன ஆணைக்குழுவை நியமிக்க வேண்டும் என்றும் அவர் தெரிவித்துள்ளார்.

தனது கோரிக்கையை நிறைவேற்றாத ஜனாதிபதி வேட்பாளர்கள், எதிர்க்கட்சிகள், வேறு எந்த கட்சி உறுப்பினர்களையோ சந்திக்க தான் தயாராகவில்லை என்றும்  பேராயர் மெல்கம் ரஞ்சித் ஆண்டகை தெரிவித்துள்ளார்.

http://www.tamilmirror.lk/செய்திகள்/ஆளுங்கட்சி-எதிர்க்கட்சி-பொறுப்பை-நிறைவேற்றவில்லை/175-236103