மேற்கிந்தியத்தீவுகளை 'வைட் வோஷ்' செய்த இந்தியா!

இந்தியா மற்றும் மேற்கிந்தியத்தீவுகள் அணிகளுக்கிடையேயான மூன்றாவதும் இறுதியுமான இருபதுக்கு - 20 போட்டி நேற்றைய தினம் கயானவில் இடம்பெற்றது.

தொடரில் ஏற்கனேவ கைப்பற்றிய நிலையில் இப் போட்டியில் இந்திய அணியில் ரோகித் சர்மா, ரவீந்திர ஜடேஜாவுக்கு ஓய்வு அளிக்கப்பட்டதுடன், கலீல் அகமதுவும் நீக்கப்பட்டார். அவர்களுக்கு பதிலாக லோகேஷ் ராகுல், சகோதரர்கள் தீபக் சாஹர், ராகுல் சாஹர் சேர்க்கப்பட்டனர். இதில் சுழற்பந்து வீச்சாளரான 20 வயதான ராஜஸ்தானைச் சேர்ந்த ராகுல் சாஹருக்கு இதுவே முதல் சர்வதேச போட்டியாகும்.

மழை மற்றும் ஆடுகளம் ஈரப்பதம் காரணமாக ஆட்டம் தொடங்குவதில் 1 மணி 10 நிமிடங்கள் தாமதம் ஏற்பட்டது. இதன் பின்னர் போட்டியில் நாணய சுழற்சியில் வெற்றிபெற்ற இந்திய அணி களத்தடுப்பை தேர்வு செய்தது.

அதனால் முதலில் துடுப்பெடுத்தாடிய மேற்கிந்தியத்தீவுகள் அணி நிர்ணயிக்கப்பட்ட 20 ஓவர்கள் முடிவில் 6 விக்கெட்டுக்ளை இழந்து 146 ஓட்டங்களை பெற்றது.

அந்த அணி சார்பில் இவன் லிவிஸ் 10 ஓட்டத்துடனும், சுனில் நரேன் 2 ஓட்டத்துடனும், சிம்ரன் ஹெட்மெயர் ஒரு ஓட்டத்துடனும், கிரேன் பொல்லர்ட் 58 ஓட்டத்துடனும், நிக்கோலஷ் பூரண் 17 ஓட்டத்துடனும், பிரித்வெய்ட் 10 ஓட்டத்துடனும் ஆட்டமிழந்ததுடன், ஆடுகளத்தில் ரோவ்மன் பவுல் 32 ஓட்டத்துடனும், பேபியன் அலன் 8 ஓட்டத்துடனும் ஆட்டமிழக்காதிருந்தனர்.

பந்து வீச்சில் இந்திய அணி சார்பில் தீபக் சஹார் 3 விக்கெட்டுக்களையும், நவ்டீப் சைனி 2 விக்கெட்டுக்களையும், ராகுல் சாஹர் ஒரு விக்கெட்டினையும் வீழ்த்தினர். 

இதன் பின்னர் 147 என்ற வெற்றியிலக்கை நோக்கி பதிலுக்குத் துடுப்பெடுத்தாட ஆரம்பித்த இந்திய அணி 19.1 ஓவரில் 3 விக்கெட்டுக்களை மாத்திரம் இழந்து மேற்கிந்தியத்தீவுகள் அணி நிர்ணயித்த வெற்றியிலக்கை அடைந்தது.

இந்திய அணி சார்பில் ராகுல் 20 ஓட்டத்துடனும், தவான் 3 ஓட்டத்துடனும், விராட் கோலி 59 ஓட்டத்துடனும் ஆட்டமிந்ததுடன், ரிஷாத் பந்த் 65 ஓட்டத்துடனும், மணீஷ் பாண்டே 2 ஓட்டத்துடனும் ஆட்டமிக்காதிருந்தார்.

பந்து வீச்சில் மேற்கிந்தியத்தீவுகள் அணி சார்பில் உஷேன் தோமஸ் 2 விக்கெட்டுக்களையும், பேபியன் அலன் ஒரு விக்கெட்டினையும் கைப்பற்றினர். 

இந்த வெற்றியின் மூலம் இந்திய அணி 20 ஓவர் தொடரை 3-0 என்ற கணக்கில் முழுமையாக சொந்தமாக்கி மேற்கிந்தியத்தீவுகள் அணியை வைட் வோஷ் செய்தது. 

அடுத்து இவ்விரு அணிகள் இடையே 3 போட்டிகள் கொண்ட ஒரு நாள் தொடரின் முதல் ஆட்டம் இதே மைதானத்தில் நாளை ஆரம்பமாகிறது.

https://www.virakesari.lk/article/62139