மூழ்கும் நகரங்கள் - சிஎன்என் பட்டியல்

இந்தோனேசியா தனது தலைநகர் ஜகார்த்தா கடலில் மூழ்கிக்கொண்டிருப்பதால் தலைநகரை வேறு பகுதிக்கு மாற்றப்போவதாக அறிவித்துள்ளதை தொடர்ந்து சிஎன்என்  மூழ்கிக்கொண்டிருக்கும் முக்கிய நகரங்களின் பட்டியலொன்றை வெளியிட்டுள்ளது.

உலகில் மிக வேகமாக கடலில் மூழ்கிக்கொண்டிருக்கும் நகரம் ஜகார்த்தா என உலக பொருளாதார மன்றம் தனது அறிவிக்கையில் தெரிவித்துள்ளதாக சிஎன்என் தெரிவித்துள்ளது.

கடல்மட்டம் அதிகரிப்பதாலும் நிலத்தடி நீர் அதிகளவிற்கு பயன்படுத்தப்படுவதாலும் இந்த நிலையேற்பட்டுள்ளது என சிஎன்என் குறிப்பிட்டுள்ளது.

அமெரிக்காவின்  ஹூஸ்டன் Houstonநகரமும்  கடலில் மூழ்கின்றது என சிஎன் என் குறிப்பிட்டுள்ளது.

நிலத்தடி நீர் அதிகமாக பயன்படுத்தப்படுகின்றமை உட்பட பல பிரச்சினைகளால் ஜகார்த்தா போல இந்த நகரமும் கடந்த பல தசாப்தங்களாக   கடலில்  மூழ்கிவருகின்றது என சிஎன்என் தெரிவித்துள்ளது.

இதேபோன்று நைஜீரீயாவின் கரையோர நகரமான லாகோசும் நீரில் மூழ்கி வருகின்றது.

நைஜீரியாவின் அதிக சனத்தொகையை கொண்டுள்ள லாகோஸ் வெள்ளத்தினால் தொடர்ச்சியாக பாதிக்கப்படுவது வழமை.இதேவேளை இந்த நகரின் கரையோர பகுதிகள் ஏற்கனவே கடலில் மூழ்க தொடங்கியுள்ளன.

புவிவெப்பமடைதல் காரணமாக கடல் மட்டம் அதிகரிப்பதனால் இந்த நகரம் மேலும் ஆபத்துக்களை எதிர்கொள்கின்றது.

இதேபோன்று அமெரிக்காவின் நியு ஓர்லியன்சும் கடலில் மூழ்கும் ஆபத்தை எதிர்கொள்கின்றது.

சீனா தலைநகரும் இதே அபாயத்தை எதிர்கொள்கின்றது என தெரிவித்துள்ளது சிஎன்என். 

2016 இல் மேற்கொள்ளப்பட்ட ஆய்வொன்றின் மூலம் சில இடங்களில் சீனா தலைநகரம் வருடத்திற்கு நான்கு அங்குலம் என்ற அடிப்படையில் கடலில் மூழ்குவது தெரியவந்துள்ளது.

இங்கும் நிலத்தடிநீர் அதிகளவில் பயன்படுத்தப்படுவதே இந்த ஆபத்திற்கான காரணமாக காணப்படுகின்றது.

வோசிங்டனிற்கும் இந்த ஆபத்துள்ளதாக குறிப்பிட்டுள்ளது.

எனினும் வோசிங்டன் மூழ்குவதற்கு கடல் காரணமில்லை என சிஎன்என் குறிப்பிட்டுள்ளது.

பனியுகத்தின் எஞ்சியுள்ள பனிப்படிவமொன்றே இதற்கு காரணம் என சிஎன்என் குறிப்பிட்டுள்ளது.

அடுத்த நூறு வருடங்களில் வோசிங்டன் ஆறு அங்குலம் வரை மூழ்கலாம் என சிஎன்என் தெரிவித்துள்ளது

https://www.virakesari.lk/article/63498