(நா.தனுஜா)

நாட்டின் பாடசாலைக் கட்டமைப்பிற்குள் அனைத்து வசதிகளும் கொண்ட தேசிய பாடசாலைகளின் எண்ணிக்கையை ஆயிரம் வரையில் அதிகரிப்பதற்கும், அனைத்து மாவட்டங்களிலும் மும்மொழிப் பாடசாலைகளை ஸ்தாபிப்பதற்கும் கல்வி அமைச்சு தீர்மானித்துள்ளது.

நாட்டிலுள்ள அனைத்து மாணவர்களுக்கும் இலவசமானதும், நியாயமானதும், தரமானதுமான கல்வி கிடைக்கப்பெறுவதை உறுதிசெய்வதை நோக்காகக் கொண்டு அனைத்துப் பிரதேச செயலாளர் பிரிவுகளிலும் தெரிவு செய்யப்பட்ட மூன்று பாடசாலைகளை சகல வசதிகளையும் உள்ளடக்கியதாக அபிவிருத்தி செய்து தேசிய பாடசாலைகளாக மேம்படுத்துவதற்கு அரசாங்கம் திட்டமிட்டிருக்கிறது. 

அவ்வாறு ஆயிரம் பாடசாலைகளை அபிவிருத்தி செய்து தேசிய பாடசாலைகளின் எண்ணிக்கையை அதிகரிப்பதன் ஊடாக அனைத்து சிறார்களுக்குமான கல்வியை உறுதி செய்வதே இதன் பிரதான நோக்கமாகும்.

அதேபோன்று அனைத்து மாவட்டங்களிலும் மாணவர்களுக்கு மும்மொழிகளும் கற்பிக்கப்படுவதை உறுதிசெய்யும் வகையில் அதற்கேற்ற அனைத்து வசதிகளையும் கொண்ட தேசிய பாடசாலைகளை ஆரம்பிப்பதற்கும், எதிர்வரும் இருவருட காலப்பகுதிக்குள் இத்தகைய 20 பாடசாலைகளை ஸ்தாபிப்பதற்கும் கல்வி அமைச்சு திட்டமிட்டுள்ளது.

இதுகுறித்த உத்தேச வேலைத்திட்டத்தை நடைமுறைப்படுத்துவதற்கு அரசாங்கம் அனுமதி வழங்கியுள்ள நிலையில், அதனை விரைந்து செய்றபடுத்த எதிர்பார்த்துள்ளதாக கல்வியமைச்சர் டலஸ் அழகப்பெரும தெரிவித்தார்.

https://www.virakesari.lk/article/70943

Z-Score முறையில் விரைவில் மாற்றம்

Z-Score அடிப்படையில் பல்கலைகழகத்துக்கு மாணவர்களை தெரிவு செய்வதற்காக  பாடசாலை ரீதியில் புதிய முறை ஒன்றினை அறிமுகப்படுத்த அமைச்சரவை அனுமதி வழங்கியுள்ளது.

தற்போது, மாவட்ட ரீதியிலான முறை பயன்படுத்தப்படுகின்றது.

புதிய முறையினை அறிமுகப்படுத்துவதற்காக கல்விமான்கள் உள்ளடங்கிய குழு ஒன்றினை நியமிப்பதற்கு கல்வி அமைச்சர் டலஸ் அழகப்பெரும முன்வைத்த பிரேரணைக்கும் அமைச்சரவை அனுமதி வழங்கியுள்ளது.

http://www.tamilmirror.lk/பிரசித்த-செய்தி/Z-Score-மறயல-வரவல-மறறம/150-242382

2020ஆம் கல்வியாண்டில் 83 ஆயிரம் மாணவர்கள் பல்கலையில் உள்ளீர்ப்பு உயர் கல்வி அமைச்சர் பந்துல குணவர்தன

 

2020ஆம் ஆண்டு தொடக்கம் பல்கலைக்கழகங்களுக்கு உள்வாங்கப்படும் மாணவர்களின் எண்ணிக்கையை 33 ஆயிரத்தில் இருந்து 83 ஆயிரம் வரையில் அதிகரிப்பதற்கு அரசு தீர்மானித்துள்ளது.

இதன் மூலம் ஆகக்கூடுதலாக 50 ஆயிரம் மாணவர்களுக்கு பல்கலைக்கழகங்களுக்கான சந்தர்ப்பம் கிடைக்கும் என்று தகவல் தொடர்பாடல் மற்றும் உயர் கல்வி அமைச்சர் பந்துல குணவர்தன தெரிவித்தார்.

இது தொடர்பாக அரச தகவல் திணைக்களம் வெளியிட்டுள்ள செய்தியில் தெரிவிக்கப்பட்டுள்ளதாவது,

பல்கலைக்கழகங்களுக்கு உள்ளீர்க்கும் மாணவர்களின் எண்ணிக்கையை 50 ஆயிரம் பேரால் அதிகரிப்பது தொடர்பில் உயர் கல்வி அமைச்சு, அமைச்சரவையில் விரிவாக பேச்சு நடத்திவருவதாகத் தெரிவித்த அமைச்சர் பந்துல குணவர்த்தன, பல்கலைக்கழகங்களின் வசதிகள் தொடர்பில் பல்வேறு நடவடிக்கைகள் முன்னெடுக்கப்பட விருப்பதாகவும் கூறினார்.

ஜனாதிபதி கோட்டாபய ராஜபக்ஷவின் கொள்கை பிரகடனத்திற்கு அமைவாக இளையோருக்கு இடம் கிடைப்பதாகவும் இதன் கீழ் பல் வேறு நிறுவனங்கள் உருவாகும் என்றும் அமைச்சர் கூறினார். 

http://valampurii.lk/valampurii/content.php?id=20140&ctype=news

"பல்கலைக்கழகங்களுக்கு உள்ளீர்க்கும் மாணவர்களின் எண்ணிக்கையை 50 ஆயிரம் பேரால் அதிகரிப்பது தொடர்பில் உயர் கல்வி அமைச்சு, அமைச்சரவையில் விரிவாக பேச்சு நடத்திவருவதாகத் தெரிவித்த அமைச்சர் பந்துல குணவர்த்தன, பல்கலைக்கழகங்களின் வசதிகள் தொடர்பில் பல்வேறு நடவடிக்கைகள் முன்னெடுக்கப்பட விருப்பதாகவும் கூறினார்."

நல்ல விடயம். ஆனால், ஏற்கனவே பல பட்டதாரிகள் வேலையற்று இருப்பதால், தொழில்முறை கல்விவாய்ப்புக்கள் வேலைவாய்ப்புக்களை அதிகரிக்கும். வேலை வாய்ப்புக்கள் அதிகரிக்கும்பொழுது, அவை சம்பந்தப்பட்ட கல்விவாய்ப்புக்களும் தாமாகேவே அதிகரிக்கும்.