கழுகினால் பெண்ணுக்கு நேர்ந்த பயங்கரம்! டிக்கோயாவில் சம்பவம்

ஹட்டன் பொலிஸ்பிரிவிற்குட்பட்ட டிக்கோயா வனராஜா மேற்பிரிவு தோட்டப் பகுதியில் தேயிலை மலையில் கொழுந்து பறித்து கொண்டிருந்த பெண் தொழிலாளர் ஒருவர் மீது குளவி கூடு உடைந்து விழுந்ததில் குறித்த பெண் படுகாயமடைந்துள்ளதாக ஹட்டன் பொலிஸார் தெரிவித்தனர்.

இந்த சம்பவம் இன்று (22) முற்பகல் 11 மணியளவில் இடம்பெற்றுள்ளதாக பொலிஸார் தெரிவித்தனர்.

படுகாயமடைந்த குறித்த பெண் தொழிலாளர் டிக்கோயா கிளங்கன் வைத்தியசாலையில் அனுமதிக்கபட்டுள்ளார்.

மரம் ஒன்றில் இருந்த குளவி கூட்டினை கழுகு ஒன்று கலைத்து விட்டமையினால் குளவி கூடு தேயிலை கொழுந்து பறித்த கொண்டிருந்த பெண்ணின் தலையில் விழுந்துள்ளதாக தெரிவிக்கப்படுகிறது.

சம்பவத்தில் படுகாயமடைந்த பெண் 1990 அவசர நோயாளர் காவு வண்டியின் ஊடாக டிக்கோயா கிழங்கன் வைத்தியசாலையின் அவசர சிகிச்சை பிரிவில் அனுமதிக்கபட்டு சிகிச்சை பெற்று வருவதாக வைத்தியசாலையின் பேச்சாளர் ஒருவர் தெரிவித்தார்.
 

-மலையக நிருபர் சதீஸ்குமார்-

http://tamil.adaderana.lk/news.php?nid=124838