கல்கிஸ்ஸை கடற்கரை மணல் மற்றும் நீரின் மாதிரிகள் தொடர்பில் மேலதிக ஆய்வு

 

கல்கிசை கடற்கரையில் கழிவுகள் ஒதுங்கியுள்ளமை மற்றும் கடற்கரையில் முன்னெடுக்கப்பட்டிருந்த மணல் நிரப்பும் வேலைத் திட்டத்திற்கும் இடையில் தொடர்பு காணப்படுவதாக சமுத்திர பல்கலைக்கழக துணைவேந்தர் பேராசிரியர் நலின் ரத்நாயக்க தெரிவித்துள்ளார்.

காவல்துறை சுற்றுச்சுழல் பிரிவால் முன்வைத்த கோரிக்கைக்கு அமைய துணைவேந்தர் உள்ளிட்ட அந்த பல்கலைக்கழகத்தின் விசேட குழுவினர் இன்று (09) கல்கிஸ்ஸை கடற்கரையில் கண்காணிப்பு விஜயம் ஒன்றை மேற்கொண்டிருந்தனர்.

அதன் பின்னர் ஊடகங்களுக்கு கருத்து தெரிவிக்கும் போதே துணைவேந்தர் இதனைக் குறிப்பிட்டுள்ளார்.

அண்மையில் குறித்த கடற்கரையில் பிளாஸ்டிக், பொலித்தின் உள்ளிட்ட கழிவுகள் கரையொதுங்கிய நிலையில் 15 முதல் 20 டொன்னுக்கும் இடையில் அவற்றின் நிறை காணப்படுவதாக கடலோர பாதுகாப்பு அதிகாரசபை குறிப்பிட்டுள்ளது.

குறித்த கழிவுகள் மீள் சுழற்சிக்காக மேல் மாகாணம் திண்மக்கழிவு அதிகார சபையிடம் ஒப்படைக்கப்பட்டுள்ளது.

இதேவேளை, மணல் நிரப்பும் திட்டத்தினால் கரையோர சரிவுகள் உரிய முறையில் சீர்செய்யப்படவில்லை என இன்றைய கண்காணிப்பு நடவடிக்கையின் பின்னர் சமுத்திர பல்கலைக்கழக துணைவேந்தர் பேராசிரியர் நலின் ரத்நாயக்க தெரிவித்துள்ளார்.

எனினும் கல்கிஸ்ஸை கடற்கரையின் மணல் மற்றும் நீரின் மாதிரிகள் மேலதிக ஆய்வுகளுக்காக சமுத்திர பல்கலைக்கழக விசேட குழுவால் எடுத்துச் செல்லப்பட்டது.

 

https://newuthayan.com/கல்கிஸ்ஸை-கடற்கரை-மணல்-ம/

 

 

இந்த கடற்கரைக்கு பக்கத்தில் தான் தங்கியிருந்தேன், காலை மாலை நேரம் கிடைக்கும் போது இந்த Hotel மூலையில் உள்ள பெரிய மாறையில் அமர்ந்து சூரிய உதயம் & அஸ்தமனங்களை பார்ப்பது வழக்கம், இருந்தால் நேரம் போவதே தெரியா, மனது அமைதியாக இருக்கும்.

ஆனால் மாலை நேரங்களில் திரும்பி வரும்போது மனம் கெட்ட வழியில் அலை பாயும் இளம் காதல் ஜோடிகள் செய்யும் சாகசங்களை கண்டும் காணாத மாதிரி வரும் போது 😁

இப்ப கடற்கரை இப்படி குப்பையா இருக்கு

 

Edited June 10, 20205 yr by உடையார்

நானும் கல்கிசை தெகிவளை ஊட்டகவும்நடந்து புதினம் பார்த்தனான்....வெள்ளவத்தை கடற்கரையில் தினமும் டாப்பு பதிவன்....அதுதான் இப்ப இங்கை...

நாமலின் நிலைப்பாடு மகிழ்ச்சியளிக்கின்றது! ஹிருனிகா பிரேமசந்திர

கல்கிஸ்சை கடற்கரை திட்டம் குறித்து முன்னாள் நாடாளுமன்ற உறுப்பினர் நாமல் ராஜபக்சவின் நிலைப்பாடு தொடர்பில் மகிழ்ச்சி அடைவதாக ஐக்கிய மக்கள் சக்தியின் கொழும்பு மாவட்ட வேட்பாளர் ஹிருனிகா பிரேமசந்திர தெரிவித்துள்ளார்.

செய்தியாளர் சந்திப்பு ஒன்றில் கலந்துகொண்டு பேசிய அவர் இதனை கூறியுள்ளார். நாமல் ராஜபக்ச இது குறித்து சரியான நிலைப்பாட்டை எடுத்தது மகிழச்சியளிப்பதாகவும் அவர் கூறியுள்ளார்.

கல்கிஸ்ஸை கடற்கரையில் கொட்டப்பட்ட மணல் முழுமையாக அடித்துச்செல்லப்பட்ட சம்பவத்தை நாமல் ராஜபக்ச நிதிக்குற்றச்சாட்டு எனவும், அது தொடர்பில் விசாரணைக்கும் அழைப்பு விடுத்துள்ளார்.

இந்நிலையில், நாமல் ராஜபக்சவின் செயற்பாடு குறித்து எதிர்க்கட்சி என்ற வகையில் மகிழ்ச்சியடைவதாக ஹிருனிகா பிரேமசந்திர தெரிவித்துள்ளார்.

எவ்வாறாயினும், இந்த விடயம் தொடர்பில் நாமல் ராஜபக்ச ஜனாதிபதியை சந்திருக்க வேண்டும் எனவும், இது குறித்து விசாரணை நடத்துமாறு அவரிடம் கோரியிருக்க வேண்டும் எனவும் ஹிருனிகா கூறியுள்ளார்.

இந்நிலையில், தான் கூறியிருக்கும் கருத்து தொடர்பில் நாமல் ராஜபக்சவிடம் இருந்து பதிலை எதிர்பார்ப்பதாக அவர் மேலும் தெரிவித்துள்ளார்.

https://www.vanakkamlondon.com/namal-hirunika-12-06-2020/