விடுதைலப்புலிகள் மீதான பிரித்தானியாவின் தடை சரியா? பிழையா?

விடுதைலப்புலிகள் மீதான பிரித்தானியாவின் தடை சரியா? பிழையா?

- சோ. ஜெயமுரளி -

பிரித்தானிய பாராளுமன்றத்தில் கடந்த மே மாதம் 02 ஆம் திகதி நடைபெற்ற இலங்கை குறித்த விவாதத்தை `ஞாயிறு தினக்குரல்' தொடர்ச்சியாக தந்து வருகின்றது. அந்தவகையில் கடந்த வாரம் தொழிற்கட்சிப் பாராளுமன்ற உறுப்பினரும் முன்னதாக இலங்கைக்கு விஜயம் செய்தவருமான போல் மேர்பி கருத்து தெரிவித்துக் கொண்டிருந்தார்.

இலங்கைக்கு விஜயம் செய்து பல்வேறு தரப்பினரையும் சந்தித்தவர் என்கின்ற வகையில் இவ் விவாதத்தின்போது போல் மேர்பி இலங்கையில் நிலவும் சூழ்நிலைகளையும் கள யதார்த்தங்களையும் சுட்டிக்காட்டி அடிக்கடி தனது கருத்துகளை வெளியிட்டுக் கொண்டிருந்தார்.

பழைமை பேண் கட்சிப் பாராளுமன்ற உறுப்பினர் ஜெஃபறி கிளிவ்ரன்- பிறவுண்க்கும் தொழிற்கட்சி பாராளுமன்ற உறுப்பினர் ஜிம்டுவ்ட்டுக்கும் இடையில் நடைபெற்ற கடும் வாக்குவாதத்தை தொடர்ந்து போல் மேர்பி பேசத் தொடங்கியிருந்தார்.

அவர் மன்றில் மேலும் கருத்துத் தெரிவிக்கையில்;

"கடந்த நவம்பர் மாதத்தில் நான் அத்தீவுக்கு விஜயம் செய்தபொழுது அதன் அழகைக் கண்டு- அதன் திறமை வாய்ந்த, நற்பண்புடைய மக்களைக் கண்டு ஆச்சரியமடைந்து போனேன். மதங்களுக்கிடையிலான சகிப்புத்தன்மையற்ற நிலை அங்கிருப்பதற்கான உதாரணங்கள் எவற்றையும் நான் காணவில்லை.

பின்னிரவு வேளையில் விமான நிலையத்திலிருந்து கொழும்பு நோக்கி சென்று கொண்டிருந்தேன். ஒரு முடக்கில் திரும்பியபோது அங்கேயொரு அந்தோனியார் சிலை. இன்னொரு முடக்கில் திரும்பினேன், அங்கொரு புத்தரின் சிலை. நான் வடக்கிற்குச் சென்றபொழுது வீதியொன்றின் முடிவில் தேவாலயமொன்றைக் கண்டேன். அதேவீதியிலேயே இந்துக்கள் புனிதமாக வளர்க்கும் பசுக்களும் நடந்து சென்றன. உண்மையில் முஸ்லிம்களும் இலங்கையில் வினைத்திறன் மிக்க பங்களிப்பைச் செய்து வருகின்றனர். இந்த நிலைமையை கண்டு நான் ஆச்சரியமடைந்தேன்.

கடந்த நவம்பரில் நான் அங்கு மேற்கொண்ட சிறிய நடவடிக்கை பற்றி இங்கு கூற விரும்புகின்றேன். அத்துடன், அது குறித்து உங்களுடன் பகிர்ந்து கொள்ள விரும்புகின்றேன்.

`வட அயர்லாந்தில் நீங்கள் மேற்கொண்ட சமாதானத்தை உருவாக்க நடவடிக்கை பற்றி எம்முடன் கருத்துகளை பகிர்ந்துகொள்ள யாரையாவது அனுப்புவீர்களா' என இலங்கை ஜனாதிபதி எமது பிரதமரை கேட்டதற்கிணங்க பிரதமர் என்னை இலங்கைக்கு செல்லச் சொன்னார். வட அயர்லாந்துக்கான முன்னாள் உள்துறை அமைச்சர் என்கின்ற வகையிலேயே அவர் என்னை அங்கு செல்லச் சொன்னார்.

எனது விஜயத்தின்பொழுது ஜனாதிபதி, பல அமைச்சர்கள், பொதுச்சேவை அதிகாரிகள், சமாதான செயலகத்தினர், அரச சார்பற்ற நிறுவனங்கள், ஆயுதப்படைகள், வேறுபட்ட அரசியல் கட்சிகள், இலங்கை அரசால் நாட்டின் அரசியலமைப்பின் எதிர்காலம் குறித்து கவனிக்கவென அமைக்கப்பட்டுள்ள கட்டமைப்புகள், நிபுணர் குழுவின் அங்கத்தவர்கள் போன்றவர்களை சந்தித்தேன். அத்துடன், வடக்குக்கு சென்று தமிழீழ விடுதலைப் புலிகளைச் சந்தித்துப் பேசினேன்.

நான் அங்கு பெற முயன்றிருந்த செய்தியை எவருக்கும் போதிக்கவோ அல்லது இலங்கை மக்கள் எதைச் செய்ய வேண்டுமென்பது குறித்து கூறுவதிலோ சம்பந்தப்படுத்தியிருக்கவில