நாங்கள் அரசியல் கட்சியொன்றின் அடிமை என எவரும் கருதக்கூடாது – அரசாங்கத்தில் அங்கம் வகிக்கும் பத்து கட்சிகள் தெரிவிப்பு- வலுக்கிறதா ஆளும் கட்சிக்குள் கருத்துவேறுபாடு?

நாங்கள் எவருக்கும் அடிமையில்லை என அரசாங்கத்தில் அங்கம் வகிக்கும் 10 கட்சிகள் தெரிவித்துள்ளன.
கிழக்கு கொள்கலன் முனைய விவகாரத்தில் அமைச்சர் விமல்வீரவன்ச தலைமையில் ஒன்றிணைந்துள்ள பத்து கட்சிகள்  பத்தரமுல்லையில் இடம்பெற்ற செய்தியாளர்கள் மாநாட்டில் இதனை தெரிவித்துள்ளன.
நாங்கள் ஆளும்கட்சியிலிருந்தாலும் சுதந்திரமானவர்கள் தனியான அடையாயளங்களை கொண்டவர்கள் என பத்து கட்சிகளும் குறிப்பிட்டுள்ளன.
மக்கள் வழங்கிய ஆணையை எவராவது மீறுகின்றார்களாக என நாங்கள் தொடர்ந்து கண்காணிப்போம் என பத்து கட்சிகளும் தெரிவித்துள்ளன.

பூகோள் அரசியலை நாங்கள் புரிந்துகொண்டால் கிழக்கு கொள்கலன் முனையத்தை இந்தியாவிடம் கையளிக்கவேண்டும் என சிலர் தெரிவிக்கின்றனர் என தெரிவித்துள்ள அரசாங்கத்தில் அங்கம் வகிக்கும் கட்சிகளின் பிரதிநிதிகள் புவிசார் அரசியல் உள்ளதை நாங்கள் ஏற்றுக்கொள்கின்றோம்,இந்தியா சீனாவிற்கு எதிரான அதிகாரப்பபோட்டியில் அமெரிக்காவுடன் இணைந்து செயற்படுவதை நாங்கள் அறிவோம் எனவும் குறிப்பிட்டுள்ளனர்.
அதேவேளை சீனா தனியாக நின்று தனது அதிகாரத்தை உறுதி செய்வதற்கான முயற்சிகளில் ஈடுபட்டுள்ளது இதனை நாங்கள் அறிவோம் எனவும் அரசாங்கத்தில் அங்கம் வகிக்கும் கட்சிகள் தெரிவித்துள்ளன.
நாங்கள் இரு நாடுகளினதும் தூண்டிலில் விழுவதை தவிர்க்கவேண்டும் என தெரிவித்துள்ள அரசியல்கட்சிகளின் தலைவர்கள் எங்களால் தனித்துவமான கொள்கையை கொண்ட நாடாக பபயணிக்க முடியும் நாங்கள் அதிகாரத்தில் கவனம் செலுத்தும் இரு தரப்பினரினதும் முயற்சிகளின் சகாக்களாக மாறவிரும்பிவில்லை எனவும் குறிப்பிட்டுள்ளனர்.
நாங்கள் அரசாங்கத்தில் இருப்பதால் நாங்கள் ஆற்றவேண்டிய பணி உள்ளது நாங்கள் அரசியல் கட்சியொன்றின் அடிமை என எவரும் கருதக்கூடாது எங்கள் கட்சிகள் ஒவ்வொன்றும் தனியான அடையாளங்களை கொண்டவை சுதந்திரமானவை எனவும் அவர்கள் தெரிவித்துள்ளனர்.
நாங்கள் 69 இலட்சம் மக்களின் ஆணையை பாதுகாப்பதற்கு எங்களை அர்ப்பணித்துள்ளோம்,இதுவே எங்கள் கட்சிகளின் முன்னுரிமைக்குரிய விடயம் வேறு விடயங்கள் முன்னுரிமைக்குரியவையில்லை எனவும் அவர்கள் தெரிவித்துள்ளனர்.

Thinakkural.lk

 

நான் ஆபாச நடிகை என்று யாரும் கருத கூடாது 
எல்லோரும் நடிக்கும் கமரா முன்னாடியே நானும் நடிக்கிறேன் 
                                                                              ஷகீலா