.சென்னையில் நடந்த "குறள்' வழி திருமணம் அமைச்சர்கள், அறிஞர்கள் வாழ்த்து

சென்னை :சென்னைப் பல்கலைக்கழக பேராசிரியர் தனது மகன் திருமணத்தை திருக்குறள் வழியில் நடத்தினார். அறிஞர் பெருமக்கள் கூடி திருக்குறள் வாசிக்க, மணமக்களும் திருக்குறள் வாசித்து இல்லற வாழ்வைத் துவக்கினர்.சென்னைப் பல்கலைக்கழகத்தின் திருக்குறள் ஆராய்ச்சித் துறைப் பேராசிரியராக இருப்பவர் மோகனராசு. இவரது மகன் இளங்கோ. டாக்டராகப் பணிபுரிந்து வருகிறார். இவருக்கும் டாக்டர் அனிதாவுக்கும் சென்னையில் நேற்று திருமணம் நடந்தது.காலை 6.30 மணி முதல் 8.30 மணி வரை ஆறு அறிஞர்கள், எந்தவித நுõலும் குறிப்பும் கையில் இன்றி ஆயிரத்து 330 குறள்களையும் ஒப்புவித்து அதற்கு விளக்கமும் அளித்தனர். வரவேற்புரை ஆற்றியவர் முதல் நன்றியுரை தெரிவித்தவர் வரை "மைக்' பிடித்த அனைவரும் திருக்குறள் ஒன்றைச் சொல்லி பின்னர் பேசினர்.முதலில் மணமகன் திருமண ஒப்பந்த உறுதிமொழி எடுத்தார். மறக்காமல் முதலில் திருக்குறளை வாசித்தார். அதேபோல் மணமகளும் திருமண ஒப்பந்த உறுதிமொழிக்கு முன்னால் திறக்குறளை வாசித்தார்.மேடையில் நிதித்துறை அமைச்சர் அன்பழகன் திருக்குறள் வாசித்து இந்த திருமணத்திற்கு தலைமை தாங்கினார். முன்னாள் அமைச்சர் ராம.வீரப்பன் மணமக்களுக்கு மாலைகளை எடுத்து தந்தார்.வாழ்த்துரை வழங்க மேடையேறிய சென்னைப் பல்கலைக்கழக பேராசிரியர்கள், அறிஞர்கள், சான்றோர் பெருமக்கள் திருக்குறள் சொல்ல மறக்கவில்லை. இந்த விழாவில் முன்னாள் துணைவேந்தர் க.ப.அறவாணன், பேராசிரியர்கள் வளன் அரசு, ஜே.ஜி.கண்ணப்பன் மற்றும் வே.ப.நாராயணன், ஞானசேகரன் உள்ளிட்ட பலரும் பங்கேற்றனர்.இதுகுறித்து பேராசிரியர் மோகனராசு கூறுகையில், ""உலக நாடுகளில் வாழும் தமிழர்களுக்கு அடையாளமாக இருப்பது திருக்குறள் தான். எனக்கு மூன்று பிள்ளைகள். இருவரின் திருமணமும் திருக்குறள் வழி தான் நடந்துள்ளது. இந்த திருமணத்தின் நிகழ்வுகளைப் படம் பிடித்து டி.வி.டி., வழியாக பல வெளிநாடுகளுக்கு அனுப்ப உள்ளேன். திருக்குறள் வழி திருமணங்கள் பெருக வேண்டும்,'' என்றார்.

தினமலர்

வாழ்த்துக்கள். இது இந்துக்களுக்குள் மட்டும் மட்டுப்படாமல், அனைத்து மதம் சார்ந்தவர்களையும் தமிழ் திருமண விழாவிற்குள் கொண்டு வரச் செய்ய வேண்டும்.

ஒருவரில் ஒருவர் அன்பு கொண்டு

வரும் சுகத்திலும் துயரிலும் பங்கு கொண்டு

இருவரில் ஒருவர் பாதியென

இங்கு இன்புற வாழ்க பல்லாண்டு.

இது இந்துக்களுக்குள் மட்டும் மட்டுப்படாமல், அனைத்து மதம் சார்ந்தவர்களையும் தமிழ் திருமண விழாவிற்குள் கொண்டு வரச் செய்ய வேண்டும்.

தூயவன் நன்றாகத்தான் செக்(check)வைக்கிறீர்கள்.

Edited June 19, 200718 yr by vettri-vel