ஜூலை 1 ஆம் நாள் கட்டுநாயக்க வானூர்தி நிலையத்தில் 24 மணி மணி நேர சேவை: அனுரா பிரியதர்சன யாப்பா

[புதன்கிழமை, 27 யூன் 2007, 17:18 ஈழம்] [செ.விசுவநாதன்]

கட்டுநாயக்க பண்டாரநாயக்க அனைத்துலக வானூர்தி நிலையம் எதிர்வரும் ஜூலை 1 ஆம் நாள் முதல் 24 மணி நேரமும் இயங்கும் என்று அமைச்சர் அனுரா பிரியதர்சன யாப்பா அறிவித்துள்ளார்.

கொழும்பில் இன்று புதன்கிழமை நடைபெற்ற ஊடகவியலாளர்கள் மாநாட்டில் அவர் கூறியதாவது:

கட்டுநாயக்க பண்டாரநாயக்க அனைத்துலக வானூர்தி நிலையம் எதிர்வரும் 1 ஆம் நாள் முதல் 24 மணி நேர சேவையை தொடங்க உள்ளது.

கட்டுநாயக்க வானூர்தி நிலையத்தின் நடவடிக்கைகள் பாதுகாப்புக் காரணங்களுக்காக இரவு நேரத்தில் இடைநிறுத்த வேண்டி ஏற்பட்டது. இது போன்ற நிலைமைகள் பெரிய வல்லரசு நாடுகளுக்குக் கூட ஏற்பட்டுள்ளது. செப்டம்பர் 11 இல் அமெரிக்காவின் இரட்டைக் கோபுரம் பயங்கரவாதிகளால் தாக்கப்பட்டபோது அங்குள்ள ரொனல்ட் ரேகன் வானூர்தி நிலையத்தின் வானூர்தி சேவைகள் பல தடவைகள் நேரமாற்றம் செய்யப்பட்டன. இது பற்றி எவரும் கவனத்தில் கொள்ளவில்லை.

எமது நாட்டின் பாதுகாப்புக் கருதி வானூர்தி நிலையச் செயற்பாடுகள் இடைநிறுத்தப்பட்ட போது நாடாளுமன்றத்தில் பலர் கூக்குரலிட்டனர். சுற்றுலாப் பயணிகளின் வருகை பாதிப்படையப் போகிறது. அன்னியச் செலவாணி தடைப்படப் போகிறது எனக் கருத்துத் தெரிவித்தனர்.

கடந்த ஆட்சிக் காலங்களிலும் இது போன்று சுற்றுலாப் பயணிகளின் நடவடிக்கைகள் அரசு முன்னெடுத்த சில நடவடிக்கைகளினால் குறைவடைந்துள்ளன. இந்த வரலாற்றை யாரும் மறந்திருக்க மாட்டார்கள்.

அண்மையில் ஜெனீவாவில் நடைபெற்ற அனைத்துலக தொழிலாளர்களின் 96 ஆவது மாநாட்டில் மகிந்த ராஜபக்ச கலந்து கொள்வதற்காகச் செல்ல முற்பட்ட போது அரச தலைவரின் வருகையை ஜெனீவாவில் உள்ள மக்கள் புறக்கணிப்பர் என செய்தி பரப்பினர். ஆனால், அவர்களின் கனவு பலிக்கவில்லை. மகிந்தவுக்கு அங்கு நல்ல வரவேற்பு வழங்கப்பட்டதுடன் அமைச்சர் டிலான் பெரேராவும் ஏற்பாட்டாளர் சங்கத்தில் உப தலைவராக நியமிக்கப்பட்டார் என்றார் அவர்.

புதினம்

Edited July 2, 200718 yr by கறுப்பி

Posted on : Mon Jul 2 6:50:45 EEST 2007

கட்டுநாயக்க விமான நிலையத்தில் இரவுச் சேவைகள் மீண்டும் ஆரம்பம்

கட்டுநாயக்க சர்வதேச விமான நிலையத்தில் இருந்து இரவு நேர விமான சேவைகள் நேற்று மீண்டும் ஆரம்பமாகின.

கடந்த ஏழு வாரங்களுக்கு முன்னர் விடுதலைப் புலிகளின் வான்படை விமானங்கள் சர்வதேச விமான நிலையத்துக்கு அரு கில் அமைந்துள்ள விமானப்படைத் தளம் மீது தாக்குதல் நடத்தி யிருந்தன.

அந்தத் தாக்குதலை அடுத்து விமான நிலையத்தில் இருந்து இரவு நேர விமானச் சேவைகள் யாவும் இரத்துச் செய்யப்பட் டிருந்தன.

விமான நிலையத்தின் காதுகாப்பு இப்போது மிகவும் திருப்திகரமாக இருக்கின்றது. இதன் காரணமாக இரவு சேவைகள் ஆரம்பிக்கப்பட்டுள்ளன. விமானப் படையினர் போதிய வசதிகளை செய்துள்ளனர் என்று விமான நிலைய முகாமையாளர் நேற்றுத் தெரிவித்தார். (அ1)

உதயன்