சமீபத்தில் தாயகத்தில் நவயுகா யுவராஜாவின் இயக்கத்தில் வெளிவந்த “பொட்டு” குறும் படம் பலராலும் பாராட்டப்பட்டு வருகிறது. இந்த திரைப்படம் தொடர்பாக கடந்த ஜூன் மாதம புலம் பெயர் தமிழ் சமூகத்தில் உள்ள கலை ஆர்வலர்கள்  இந்த திரைப்படத்தின் இயக்குனரும் நடிகையுமான நவயுகா யுவராஜாவுடன் ஒரு சந்திப்பை ஏற்படுத்தியிருந்தனர். இந்த சந்திப்பின் இந்த திரைப்படத்தின் சமூகபார்வை இதன் முக்கியத்துவம் போன்ற விடயங்கள் பேசப்பட்டன.

கணவனை இழந்த பெண்களுக்கு இன்றும்  பழமை பேசும் தமிழ் மக்கள் தரப்பின் இருந்து இழைக்கபடும் உள தாக்குதல், அதன் காரணமாக அவர்கள் அனுபவிக்கும் வேதனை இத்திரைப்படத்தில் காட்சிப்படுத்தப்பட்டுள்ளது. 

தாயகத்தில் நடந்த யுத்தம்  பல ஆயிரக்கணக்கான கணவனை இழந்த கைம்பெண்களை உருவாக்கிவிட்டு சென்ற நிலையில், அவர்களுக்கு தாம் வாழும் சமுதாயத்தாலேயே நடக்கும் அடக்குமுறைகளின் சிறிய வடிவத்தை பற்றி இத்திரைப்படம் பேசுகிறது. 

இத்திரைப்படத்தின் உருவாக்கம் பற்றியும் அதன் உருவாக்கத்தில் தனது அனுபவங்களை பற்றியும்  திரைப்படத்தின் இயக்குனரும் நடிகையுமான நவயுகா விளக்குகிறார்.

 

 

Edited October 15, 20214 yr by tulpen

நன்றி துல்பன் அண்ணா!

பழைய காலத்தில் கணவனை இழந்துவிட்டால் குங்கும பொட்டு வைக்க கூடாது என்றார்கள்.. பின்பு கறுப்பு பொட்டு வைக்கலாம் என்றார்கள்.. ஆனால் “பொட்டு” பெண்களாகிய எங்களுடன் சிறுவயதில் இருந்து வரும் ஒரு விடயம்.. கணவன் இழந்துவிட்டால் அதை வைக்ககூடாது என்பது என் உரிமையை மறுக்கும் விடயம் .. இதை ஒவ்வொரு பெண்ணும் உணரவேண்டும்.. அப்பொழுதுதான் மாற்றம் நிகழும்.. 

கணவனை மனைவியை இழந்துவிட்டால் முன்பு போல நடத்தப்படுவதில்லை என்றாலும் கூட எங்கோ ஒரு இடத்தில் இந்த மாதிரி விடயங்கள் நடந்துகொண்டுதான் உள்ளது என்பதுடன் எங்களுக்கு என வரும்பொழுது மட்டுமே அதைப்பற்றி பெரும்பாலானவர்கள் நினைப்பார்கள் என்பதுதான் நடைமுறையில் உள்ளது..