4 நாள்கள் தொடர்ந்து மழைநீர் சென்றும் நிரம்பாத அதிசய கிணறு;

தண்ணீர் இல்லாமல் காய்ந்து கிடக்கும் மணல் பகுதிகளுக்கு நிலத்தின் அடிப்பகுதி வழியாக நீர் கடத்தப்படுவதால் கிணற்றில் தண்ணீர் தேங்குவதில்லை. தற்போது மழைக் காலத்தில் மேலிருந்து இறங்கும் மழைநீர் அடிப்பகுதிக்குச் செல்வதில்லை. ஆனால், கிணற்று நீர் அடிப்பகுதிக்குச் செல்கிறது. அனைத்துப் பகுதியும் நீர் சென்ற பிறகே கிணறு நிரம்பும் வாய்ப்பு இருக்கும்.

பொதுவாக, கோயில்களில் தெப்பக்குளம் இருப்பதே இதுபோன்ற நீர் நிலைகளைப் பாதுகாக்கும் அமைப்புதான். தெப்பக்குளத்தில் நீர் தேங்கினால் சுற்றுப்புறப் பகுதிகளில் இருக்கும் குடியிருப்புகளின் கிணறு மற்றும் விவசாய கிணறுகள் நிரம்பும். அதற்காகவே ஊருணிகளையும் கோயில் தெப்பக்குளங்களையும் அந்தக் காலத்தில் வெட்டி வைத்திருக்கிறார்கள்.

இந்த அதிசய கிணறு கூட ஒரு காலத்தில் நிலத்தடி நீர் கேகரிப்புக்கான ஏற்பாடாக இருந்திருக்கலாம். பாறைகள் இல்லாத மணல் பாங்கான பகுதியில் நூறு அடிக்கும் மேல் தோண்டி இந்தக் கிணற்றை உருவாக்கி இருக்கவும் வாய்ப்பு உண்டு. கிணறு தூர்ந்துபோகாமல் தண்ணீர் மட்டும் செல்லும் வகையில் இந்த நீர் சேகரிப்பு உத்தியைச் செய்திருக்கக் கூடும்.

அதனால் இந்த இடத்தில் உடனடியாக ஆய்வு செய்து பார்க்க வேண்டும். ஒருவேளை இது நீர் சேகரிப்புக்கான சிறந்த இடமாக இருந்தால் இது போல பல இடங்களில் சேகரிப்புத் தொட்டிகளை அமைத்தால் சுற்றுவட்டாரப் பகுதிகள் அனைத்தும் வளம் மிகுந்த பகுதியாக மாறும். அதற்கான நடவடிக்கையை அரசு மேற்கொள்ள வேண்டும்” என்று அக்கறையுடன் பேசினார்.

அதிசய கிணறு: தொடரும் ஐ.ஐ.டி குழுவினரின் ஆய்வு; கிணறுகள் நிறைவதால் மகிழ்ச்சியில் விவசாயிகள்! | iit madras members sent the samples taken from mysterious well in tirunelveli - Vikatan