இன்றைய மது

- ஜெயபாலன்

*

 

 

உலகம்

விதியின் கள்ளு மொந்தை.

நிறைந்து வழிகிறது அது

மதுக் கிண்ணம் தாங்கியவர்களால்

எப்போதும் நுரைத்தபடி.

நேற்றிருந்தது வேறு.

இங்கே நுரை பொங்குவது

புதிய மது.

.

அது இன்றைய நாயகனுக்கானது.

நாளை கிண்ணம் நிறைகிறபோது

வேறு ஒருவன் காத்திருப்பான்.

நிச்சயம் இல்லை நமக்கு

நாளைய மது அல்லது நாளை.

.

எனக்காக இன்று சூரியனை

ஏற்றி வைத்தவனுக்கு நன்றி.

அது என் கண் அசையும் திசைகளில்

சுவர்க்கத்தின்கதவுகளைத்திறக்கிறது.

மயக்கும் இரவுகளில்

நிலாவுக்காக

ஓரம்போகிற சூரியனே

உன்னையும் வணங்கத் தோன்றுகிறதடா.

.

கள்ளு நிலா வெறிக்கின்ற

இரவுகள் தோறும்

ஏவாளும் நானும் கலகம் செய்தோம்.

ஏடன் தோப்பினால் விரட்டி அடித்தோமே

கடவுளையும் பாம்பையும்.

இதைத் தின்னாதே என்னவும்

இதைத் தின் என்னவும் இவர்கள் யார்.

காதலே எமது அறமாகவும்

பசிகளே எமது வரங்களாகவும்

குதூகலித்தோம்.

.

எப்பவுமே வரப்பிரசாதங்கள்

வசந்தம் முதலாம் பருவங்கள் போலவும்

உறவுகள் போலவும்

நிகழ் தருணங்களின் சத்தியம்.

.

நிலம் காய்ந்த பின்

விதைப் பெட்டி தூக்கியவனுக்கு ஐயோ

பட்டமரம் துளிர்க்கிறமண்ணில்கூட

அவனது வியர்வை முளைப்பதில்லை.

போன மழையை அவன் எங்கே பிடிப்பான்.

அது ஈரமாய் காத்திருந்திருந்த சத்தியம்.

நனைந்த நிலத்தில்

உழுகிறவனின்கவிதையை எழுதுகிறது

ஏர்முனை.

.

காலியான விதைப் பெட்டியில்

காட்டுமலர்களோடுநிறைகிறது கனவுகள்

-2004

photo - My Bro Vanithasan Rasamma Shanmugampillai

 

 

 

 

 

 

 

Edited December 27, 20213 yr by poet

நன்றி. கவிஞர்கள் வல்வை சகாறாவுக்கும் நிழலிக்கும் என் நன்றிகள். 

On 27/12/2021 at 12:55, poet said:

எனக்காக இன்று சூரியனை

ஏற்றி வைத்தவனுக்கு நன்றி.