யுத்தமா இராஜதந்திர நகர்வா-War or Diplomacy-பா.உதயன் 

யுத்தமா இராஜதந்திர நகர்வா-War or Diplomacy-பா.உதயன் 

‘’ ராஜதந்திரமே சிறந்த கொள்கை”

உலக யுத்த வரலாறுகள் பல பாடத்தை எமக்கு கற்றுத் தந்துள்ளது. இராணுவ ரீதிதியிலான பல யுத்தத்தீர்வுகள் அநேகமாக மனித அழிவுகளோடு தோல்வியில் தான் முடிவடைந்துள்ளது. கிட்லரின் நாசிப் படைகளின் ஆக்கிரமிப்பு விஸ்தரிப்பு வரலாற்றில் தொடங்கி வியட்நாம், இராக், ஆப்கானித்தான், சிரியா, யூகோசிலவாக்கியா இப்படி எல்லா யுத்ததங்களுமே இராணுவ ரீதியான வெற்றியை பெற்றுத் தரவில்லை. மாறாக மனித அழிவுகளும் பொருளாதார சிதைவுகளும் மிஞ்சி இருந்தன.

மென்வலு ரீதியான (Soft power) அணுகுமுறையை தவிர்த்து கடின வலுவாகிய (Hard power) இராணுவ ரீதியிலான தீர்வு என்பது அதன் இலக்கை அடைவது மிகவும் கடினமானதும் மனித அழிவினாலதும் ஆகவே ரஷ்யா உக்ரேன் யுத்தங்களுக்கும் இராணுவ ரீதியிலானா தீர்வு என்பது மிகக் கடினமானதொரு பாதையாக எல்லா நலன்சார் நாடுகளுக்கும் ஏற்படலாம். இறுதியில் இது இழப்பும் துயரமும் பொருளாதார மனித இழப்புக்களே மிச்சக் கூடியவையாக இருக்கும். ஈழத் தமிழர் விடுதலைப் போராட்டம் கூட ஆதிக்க சக்திகளின் உதவியோடு பெரும் போர் மூலம் துடைத்தெறியப்பட்டது. துன்பமும் வலியும் சுமந்த இந்தப் போரினால் பல ஆயிரம் மக்கள் இறந்தும் காணாமலும் ஆக்கப்பட்டனர். இன்னும் இந்த மக்களின் வலி கடந்து போகவில்லை. 

இன்று ரஷ்யா உக்ரேன் யுத்தத்தை தொடர்ந்து அமெரிக்க ஐரோப்பிய நாடுகள் ரஷ்யா மீதான பொருளாதார தடையை கொண்டு வந்திருக்கிறார்கள். பொருளாதார ரீதியாக கொண்டு வரப்படும் பொருளாதார தடைகள் கூட பல பாதிப்புகளை ஏற்படுத்தினாலும் சில நாடுகள் இதை ஏதோ ஒரு வழியில் இதையும் தாண்டக் கூடியதாக இருந்ததையும் பார்த்திருக் கின்றோம். ஈரான், குயூபா, மியன்மார், வட கொரிய போன்ற நாடுகள் ஏதோ ஒரு வழியில் தங்கள் எண்ணெய் வளங்களை கொண்டோ அல்லது வேறு வளங்களை கொண்டோ நகர்த்திருப்பதை பார்த்திருக்கிறோம். 

எனவே எந்த நீண்டகால மோதல்களுக்கு பேச்சுவார்த்தையும் இராஜதந்திர ரீதியிலான நகர்வுகளுமே மோதலை தவிர்த்து ஒரு நிரந்தரமான தீர்வுக்கு போகும் ஒரு நம்பிக்கையான சமாதான வழியாகும். ஆயத்தங்களை வழங்குவது என்பது மேலும் பல கொந்தளிப்புகளையும் குழப்பங்களையும் உண்டாக்குவதாக அமையலாம். கொரோனாவுக் பின் இந்த உலகம் பெரும் பொருளாதார வீழ்ச்சியை சந்தித்து வருகிறது. உலகின் வறிய நாடுகளை இது பெரும் பொருளாதார பின்னடைவை ஏற்படுத்தியது. இது இப்படி இருக்கும் போது இதை தொடர்ந்து ஒரு யுத்தத்தை உலகால் தாக்கு பிடிக்க முடியுமா ஆகவே இந்த யுத்தம் தவிர்க்கப்பட்டு இராஜதந்திர ரீதியான தீர்வை நோக்கி நகர வேண்டும். 

யுத்தத்தை தொடங்குவதும் இதை தொடர்ந்து கொண்டு நடத்துவதும் இதன் பின் இதை முடிவுக்கு கொண்டு வருவதும் மிகவும் இலகுவான காரியம் இல்லை. மோதல்களில் ஈடுபடும் இரு தரப்பினரையும் இராஜதந்திரரீதியாக இணைப்ப தென்பதும் ஒரு யுத்தம் போன்றது தான். எல்லா ஆதிக்க அதிகாரம் மிக்க நாடுகள் அனைத்தும் தங்கள் சொந்த நலன் சார்ந்தே காய்களை நகர்த்துவார்கள். இலகுவாக தங்கள் தங்கள் நலன் சார்ந்த காய்களை நகத்துவதென்பது ஒரு செஸ் ஆட்டம் போன்றதாகும். அதிகார இராணுவ சமநிலையை எப்படி தீர்க்கலாம் என்று இரு தரப்பும் பேசி முடிவெடுக்க வேண்டும். தனி ஒரு தரப்பு தனது நலனை மட்டும் கொண்டு இராணுவ விஸ்தரிப்பை மேலும் ஊக்கப் படுத்தினால் இந்த கொந்தளிப்பு நிலைமையை கட்டுப்படுத்துவது கடினமே.

எது எப்படி இருப்பினும் ரஷ்யா உக்ரேன் யுத்த தீர்வுக்கு நாட்டோவும் அமெரிக்காவும் மேற்கத்தேய நாடுகளும் யுத்தங்களை தவிர்த்து இராஜதந்திர நகர்வை நோக்கி நகரவேண்டும். இதுவே உலக சமாதானத்தை விரும்பும் மக்களின் விருப்பமுமாகும். இதுவே இறுதியில் சாத்தியமாகும் என்ற நம்பிக்கையோடு உலகம் அமைதி திரும்ப வழி பிறக்கட்டும்.

பா.உதயன் ✍️