தமிழீழப் படைத்துறையின் கல்லூரிகள் மற்றும் நிறுவனங்களின் சீருடைகள் - ஆவணம்

"தோற்றிடேல், மீறித் 

தோற்றிடினும் வரலாறின்றி மரியேல்!"

-நன்னிச் சோழன்

 

• எழுதருகை(warning): இங்குள்ள செய்திகள் யார் மனதையும் புண்படுத்துவதற்காக எழுதப்படவில்லை. இவை தமிழினத்தின் வரலாற்றை ஆவணப்படுத்தும் முகமாகவே எழுதப்பட்டுள்ளன என்பதை தாழ்மையுடன் தெரிவித்துக்கொள்கிறேன்…!

 

---

எல்லா(hello)...

வணக்கம் நண்பர்களே!

இன்று நாம் பார்க்கப்போவது தமிழீழ விடுதலைப்புலிகளால் நடாத்தப்பட்ட படைத்துறை சார்ந்த கல்லூரிகள், அறிவுக்கூடங்கள் மற்றும் ஆய்வு நிறுவனங்களில் வேலை செய்தோர் அணிந்த சீருடைகள் பற்றியே. பல பத்து கல்லூரிகள் அவர்களிடம் இருந்தாலும் என்க்கு தகவல் கிடைக்கப்பெற்றது இரண்டு கல்லூரிகள் பற்றியே. கிடைத்த இரண்டையும் கீழே விரித்திருக்கிறேன்.

வாருங்கள் அவை பற்றிக் காண்போம்…

 

---

 

• படைய தொழினுட்பவியல் கல்லூரி

இது கணினிப் பிரிவு என்று அழைக்கப்படும் 'கேணல் ராயு படைய அறிவியல் தொழினுட்பவியல் கல்லூரி'இன் கீழ் செயற்பட்டதாக கீழுள்ள பெயர்ப் பலகையினை வைத்து அறிய முடிகிறது.

இக்கல்லூரியில் பணியாற்றியோர் தனியான ஒரு வேறுபட்ட சீருடையினை அணிந்திருந்தனர். இச் சீருடையானது வரிப்புலி தைக்கப்பட்ட படங்குபோன்ற துணியில் தைக்கப்படவில்லை. மாறாக சாதாரண சட்டை தைக்கும் துணியில்தான் தைக்கப்பட்டுள்ளது. 

இச்சீருடையின் மேற்சட்டையானது இள நீல நிறத்தில் இருந்தது. இதன் நீளக் காற்சட்டை ஒரு விதமான கபில நிறத்தில் இருந்தது. 

இதன் மேற்சட்டையின் இரு மாரிலும் இரு பக்குகள் இருந்தன. அவை சதுர வடிவில் இருந்தது. தோளில் தோள்மணை வைப்பதற்கான துண்டங்கள் இருந்தன. சட்டையின் கை முடிவு சாதாரண சட்டையின் கை முடிவு போலவேதான் இருந்தது. நீளக்காற்சட்டையும் அஃதே. சாதாரண நீளக்காற்சட்டையின் முடிவு போலவே இதன் காலகளும் இருந்தது. நீளக் காற்சட்டையின் இடுப்பிற்குக் கீழே சாதாரண நீளக்காற்சட்டைக்கு இருப்பது போலவே பக்குகள் இருபுறமும் இருந்தன. தொடையின் அடிப்பகுதியில் இரு பக்கவாட்டாக இரு பக்குகள் இருந்தன, படைத்துறை நீளக்காற்சட்டையில் இருப்பது போலவே. இவர்கள் அணிந்திருந்த இடுப்புப்பட்டியின் நிறமும் அதே கபில நிறம்தான்.

இவர்கள் படைத்துறையில் அணியும் நெடுஞ்சப்பாத்திற்குப் பகரமாக சாதாரண சப்பாத்தே அணிந்திருந்தனர்.

 

தலையில் இவர்கள் அணிந்திருந்த தொப்பியானது முற்றிலும் வேறுபட்ட தோற்றமுடையதாக இருந்தது. அது உச்சிமுடி தொப்பி (எண்:16) ஆகும். அதுபற்றிக் காண கீழுள்ள கொழுவியை சொடுக்கவும்.

---

 

• நவம் அறிவுக்கூடம்

இக்கல்லூரியில் பணியாற்றியோரின் சீருடையானது வரிப்புலி தைக்கப்பட்ட படங்குபோன்ற துணியில் தைக்கப்படவில்லை. மாறாக சாதாரண சட்டை தைக்கும் துணியில்தான் தைக்கப்பட்டுள்ளது. 

இச்சீருடையின் மேற்சட்டை & நீளக் காற்சட்டை ஒரு விதமான கடும்பச்சை நிறத்தில் இருந்தது. 

இதன் மேற்சட்டையின் இரு மாரிலும் இரு பக்குகள் இருந்தன. அவை சதுர வடிவில் இருந்தது. தோளில் தோள்மணை வைப்பதற்கான துண்டங்கள் இருந்தன. சட்டையின் கை முடிவு சாதாரண சட்டையின் கை முடிவு போலவேதான் இருந்தது. நீளக்காற்சட்டையும் அஃதே. சாதாரண நீளக்காற்சட்டையின் முடிவு போலவே இதன் காலகளும் இருந்தது. நீளக் காற்சட்டையின் இடுப்பிற்குக் கீழே சாதாரண நீளக்காற்சட்டைக்கு இருப்பது போலவே பக்குகள் இருபுறமும் இருந்தன. தொடையின் அடிப்பகுதியில் இரு பக்கவாட்டாக இரு பக்குகள் இருந்தன, படைத்துறை நீளக்காற்சட்டையில் இருப்பது போலவே. இவர்கள் அணிந்திருந்த இடுப்புப்பட்டியின் நிறம் கறுப்பு நிறம் ஆகும். அது படைத்துறையினர் அணியும் அதே இடுப்புப் பட்டிதான்.

இவர்கள் படைத்துறையில் அணியும் நெடுஞ்சப்பாத்திற்குப் பகரமாக சாதாரண சப்பாத்தே அணிந்திருந்தனர்.

தலையில் பச்சை நிறத்திலான சுற்றுக்காவல் தொப்பி அணிந்திருந்தனர்.

 

---

 

உசாத்துணை:

• தகவல் வழங்குநர்: முன்னால் தமிழீழ விடுதலைப்போராட்டப் போராளி

படிமப்புரவு:

• அருச்சுனா

ஆக்கம் & வெளியீடு
நன்னிச் சோழன்

 

Edited November 9, 20223 yr by நன்னிச் சோழன்