மத்திய கனடாவில்... 13 இடங்களில், கத்திக் குத்து: 10பேர் உயிரிழப்பு- 15பேர் படுகாயம்!

மத்திய கனடாவில் உள்ள சஸ்காட்செவனில் நடந்த பாரிய கத்திக்குத்து சம்பவத்தில் குறைந்தது 10பேர் உயிரிழந்துள்ளனர் மற்றும் 15பேர் படுகாயமடைந்தனர்.

பாதிக்கப்பட்டவர்கள் நேற்று (ஞாயிற்றுக்கிழமை) ஜேம்ஸ் ஸ்மித் க்ரீ நேஷன் மற்றும் அருகிலுள்ள வெல்டன் கிராமத்தில் 13 இடங்களில் கண்டுபிடிக்கப்பட்டனர்.

டேமியன் சாண்டர்சன் மற்றும் மைல்ஸ் சாண்டர்சன் என பெயரிடப்பட்ட இரண்டு சந்தேக நபர்கள் ஆயுதம் ஏந்தியவர்களாகவும் ஆபத்தானவர்களாகவும் கருதப்படுகின்றனர்.

ஜேம்ஸ் ஸ்மித் க்ரீ நேஷன் – வெல்டனின் வடகிழக்கில் சுமார் 200 பேர் வசிக்கும் சுமார் 2,000 குடியிருப்பாளர்களைக் கொண்ட ஒரு பழங்குடி சமூகத்தில் அவசரகால நிலை அறிவிக்கப்பட்டுள்ளது.

கனடா இதுவரை கண்டிராத பாரிய வன்முறைச் செயல்களில் இதுவும் ஒன்றாகும். இந்த தாக்குதலுக்கு பிரதமர் ஜஸ்டின் ட்ரூடோ கடும் கண்டனம் வெளியிட்டுள்ளார்.

அவர் வெளியிட்டுள்ள டுவிட்டர் செய்தியில், ‘கொடூரமான மற்றும் இதயத்தை உடைக்கும். இன்று நடந்த கொடூரமான தாக்குதல்களால் நான் அதிர்ச்சி அடைந்துள்ளேன். இன்றைய கொடூரமான தாக்குதல்களுக்கு காரணமானவர்கள் முழுமையாக சட்டத்தின் முன் நிறுத்தப்பட வேண்டும்’ என பதிவிட்டுள்ளார்.

31 வயதான டேமியன் சாண்டர்சன் மற்றும் 30 வயதான மைல்ஸ் சாண்டர்சன் ஆகியோருக்கிடையிலான உறவு முறை குறித்து தெளிவான தகவல்கள் இல்லை. மேலும் அதிகாரிகள் இதுவரை கூடுதல் விபரங்களை வழங்கவில்லை.

https://athavannews.com/2022/1297557

கனடாவில் தொடர் கத்திக்குத்து சம்பவம் பத்துபேர் பலி பலர் படுகாயம்

By RAJEEBAN

05 SEP, 2022 | 08:11 AM

கனடாவின் சஸ்கட்செவன்  Saskatchewan: மாகாணத்தில் இடம்பெற்ற தொடர்கத்திகுத்து சம்பவங்களில் 10 பேர் கொல்லப்பட்டுள்ளதுடன் 15 பேர் படுகாயமடைந்துள்ளனர்.

கத்திக்குத்து தாக்குதலில் ஈடுபட்டவர்களின் விபரங்களை  வெளியிட்டுள்ள பொலிஸார் அவர்கள் தப்பியோடிக்கொண்டிருக்கின்றனர்.

சந்தேகநபர்களிற்கு அருகில் செல்லவேண்டாம்,அவர்களிற்கு அடைக்கலம் கொடுக்கவேண்டாம் என பொலிஸார் கேட்டுக்கொண்டுள்ளனர். https://www.virakesari.lk/article/135038

கனடாவில் தொடர் தாக்குதல்கள் : 10 பேர் பலி

கனடாவின் சஸ்கட்சாவான் மாகாணத்தில் பல்வேறு பகுதிகளில் நேற்றைய தினம் தொடர்ச்சியாக நடத்தப்பட்ட ஆயுத தாக்குதல்களில் 10 பேர் உயிரிழந்தனர். அத்துடன், 15 இற்கும் அதிமானோர் காயமடைந்துள்ளதாக சர்வதேச ஊடகங்கள் தெரிவித்துள்ளன. இந்த தாக்குதல் கனடாவின், ரஜினா நகரில் உள்ள ஜேம்ஸ் ஸ்மித் சீர் நேஷன், வெல்டன், சஸ்கடன் ஆகிய பகுதிகளில் தொடர்ச்சியாக ஆயுத தாக்குதல்கள் நடத்தப்பட்டுள்ளன. கனேடியன் விளையாட்டு போட்டிகள் ரஜினா நகரில் நடைபெற்று வரும் நிலையில், இந்த தாக்குதல் நடத்தியவர் மற்றும் தாக்குதலுக்கான பின்னணி குறித்து பொலிஸார் விசாரணைகளை முன்னெடுத்து வருகின்றனர். இந்த தாக்குதகளை தொடர்ந்து கனடா முழுவதும் பாதுகாப்பு தீவிரப்படுத்தப்ட்டுள்ளது. நடத்தப்பட்ட தாக்குதல்களை பயங்கரமான மற்றும் கவலையளிக்கும் செயலாகும் கனேடிய பிரதமர் ஜஸ்டின் ட்ரூடோ குறிப்பிட்டுள்ளார்.

https://thinakkural.lk/article/205288

கனடாவை உலுக்கிய கத்திக்குத்து சம்பவம்: சந்தேக நபர்களில் ஒருவர் சடலமாக கண்டெடுப்பு!

கனடாவை உலுக்கிய கத்திக்குத்து சம்பவம் தொடர்பில், சந்தேக நபர்கள் இருவரில் ஒருவர் சடலமாக கண்டெடுக்கப்பட்டுள்ளதாக கனேடிய பொலிஸார் தெரிவித்துள்ளனர்.

31 வயதான டேமியன் சாண்டர்சனின் உடல் ஜேம்ஸ் ஸ்மித் க்ரீ நேஷனில் கண்டுபிடிக்கப்பட்டதாக அதிகாரிகள் தெரிவித்தனர்.

இரண்டு சந்தேக நபர்களும் சகோதரர்கள் மற்றும் மைல்ஸ் சாண்டர்சன் இன்னும் தலைமறைவாக உள்ளதாகவும், ரெஜினா நகரில் இருப்பதாக நம்பப்படுவதாகவும் பொலிஸார் மேலும் தெரிவித்தனர்.

சஸ்காட்சுவான், மனிடோபா மற்றும் ஆல்பர்ட்டா ஆகிய மூன்று மாகாணங்களைச் சேர்ந்த அதிகாரிகள் தலைமறைவாக உள்ள மைல்ஸ் சாண்டர்சனை கைது செய்யும் முயற்சியில் களமிறங்கியுள்ளனர். கத்திக்குத்து இடம்பெற்ற 13 வௌ;வேறு இடங்களில் பொலிஸார் விசாரணை செய்து வருகின்றனர்.

கத்திக்குத்தை மேற்கொண்டவர்கள் கைது செய்யப்படாத போதிலும், டேமியன் மற்றும் மைல்ஸ் இருவர் மீதும் கொலைக் குற்றம் சாட்டப்பட்டப்பட்டுள்ளது.

கடந்த ஞாயிற்றுக்கிழமை, கனடாவின் சமீபத்திய வரலாற்றில் மிக மோசமான வன்முறைச் செயல்களில் ஒன்றாக பார்க்கப்படும் கத்திக்குத்து சம்பவத்தில், 10பேர் உயிரிழந்ததோடு 18 பேர் காயமடைந்தனர்.

https://athavannews.com/2022/1297800

கனடா தொடர் கத்திக்குத்து தாக்குதல்- சகோதரர்களான சந்தேகநபர்களில் ஒருவர் சடலமாக மீட்பு

By RAJEEBAN

06 SEP, 2022 | 11:50 AM

கனடாவில் சஸ்கட்செவனில் தொடர் கத்திக்குத்து தாக்குதலில் ஈடுபட்டு பலரை கொலை செய்த சந்தேகநபர்களில் ஒருவர் சடலமாக மீட்கப்பட்டுள்ளார்.

கத்திக்குத்து தாக்குதலில் உயிரிழந்த பலரின் பகுதியான ஜேம்ஸ் ஸ்மித் கிறீ நேசன் பகுதியில் 31 வயது டேமியன் சான் டெர்சனின் உடல் கண்டுபிடிக்கப்பட்டுள்ளது.

கத்திக்குத்து தாக்குதல் சந்தேகநபர்கள் இருவரும் சகோதரர்கள் என தெரிவித்துள்ள  பொலிஸார் மைலெஸ்சான்டெர்சன் என்ற சகோதரர் தலைமறைவாகியுள்ளார் என  தெரிவித்துள்ளனர்.

உயிரிழந்த நிலையில் ஆண் ஒருவரின் உடல் ஜேம்ஸ் ஸ்மித் கிறீ நேசனில் கண்டுபிடிக்கப்பட்டுள்ளது. பின்னர் அது டேமியனின் உடல் என உறுதியாகியுள்ளது என காவல்துறை அதிகாரியொருவர் தெரிவித்துள்ளார்.

சோதனையிட்டுக்கொண்டிருந்த வீட்டிற்கு வெளியே புல்தரையில் உடல் காணப்பட்டது. உடலில் காயங்கள் காணப்பட்டன. அது அவர் தானாக ஏற்படுத்திக்கொண்ட காயம் என நாங்கள் கருதவில்லை என பொலிஸ் அதிகாரியொருவர் தெரிவித்துள்ளார்.

டேமியனின் சகோதரர் மைல்ஸ் இன்னமும் தலைமறைவாக உள்ளார் என தெரிவித்துள்ள காவல்துறையினர் பொதுமக்களை எச்சரிக்கையுடன் இருக்கும்படி கேட்டுள்ளனர்.

தலைமறைவாகியுள்ள நபர் காயங்களிற்குள்ளாகியிருக்கலாம் அவர் மருத்துவ உதவியை நாடலாம் என காவல்துறையினர் தெரிவித்துள்ளனர்.

மைல்ஸ் குறித்து காவல்துறையினர் முன்னரே அறிந்திருந்தனர் அவர் தனிநபர்கள் மற்றும் பொதுச்சொத்துக்களிற்கு எதிரான குற்றங்களில் பல வருடங்களிற்கு முன்னரே ஈடுபட்டவர் என தகவல்கள் வெளியாகியுள்ளன. https://www.virakesari.lk/article/135131

கொல்லப்பட்டவர்களும், காயமடைந்தவர்களும் நாட்டின் பூர்வ குடியினரா?
இறந்தவர்களின் பெயர்கள் இதுவரை வெளியிடப்படவில்லை.
கிரிமினல் குற்றவாளிகளை  சிறையில் இருந்து வெளியில் விட்டு விட்டு  கொலை செய்து விட்டார்கள் என அரசு புலம்புவது ஏன்?

கனடாவை உலுக்கிய... கத்திக்குத்து: இரண்டாவது சந்தேக நபரும், உயிரிழப்பு!

கனடாவை உலுக்கிய கத்திக்குத்து சம்பவம் தொடர்பில், தேடப்பட்டுவந்த இரண்டாவது சந்தேக நபரும் பொலிஸாரால் பிடிக்கப்பட்ட பின்னர் உயிரிழந்துள்ளதாக அதிகாரிகள் தெரிவித்துள்ளனர்.

32 வயதான மைல்ஸ் சாண்டர்சன், நேற்று (புதன்கிழமை) பிற்பகல் சஸ்காட்சுவான் மாகாணத்தில் ஒரு நெடுஞ்சாலையில் அதிவேக துரத்தலுக்குப் பிறகு உயிரிழந்தாக பொலிஸார் தெரிவித்தனர்.

சாண்டர்சன் ஒரு வாகனத்தைத் திருடியது குறித்து பொலிஸ்துறைக்கு முந்தைய நாள் புகார் கிடைத்ததாகவும், இதன்பின்னர் தீவிரமாக தேடிவந்த பொலிஸார், அவரை ரோஸ்டெர்ன் நகருக்கு அருகே ஒரு வெள்ளை நிற எஸ்.யு.வி.இல் வைத்து கைது செய்ததாகவும் உதவி ஆணையர் ரோண்டா பிளாக்மோர் தெரிவித்தார்.

அவரை கைது செய்ய முயற்சி செய்த போது, குறித்த வாகனம் பள்ளத்தில் குடைசாய்ந்;தாகவும் அதிலிருந்து அவரை மீட்ட பொலிஸார், அவரை கைது செய்ததாகவும் அவர் மேலும் தெரிவித்தார்

ஆனால், கைது செய்யப்பட்ட சிறிது நேரத்திலேயே, சாண்டர்சன் சாஸ்கடூனில் உள்ள மருத்துவமனைக்கு கொண்டு செல்லப்பட்டபோதும் அவர் அங்கு உயிரிழந்துவிட்டதாக அறிவிக்கப்பட்டது.

அவர் மேலும் விபரங்களை வழங்கவில்லை, அவரது மரணத்திற்கான காரணம் பிரேத பரிசோதனை மூலம் தீர்மானிக்கப்படும் என்று கூறினார்.

முன்னதாக, பெயரிடப்படாத அதிகாரி ஒருவர் உள்ளூர் ஊடகத்திடம், சாண்டர்சன் சுயமாக ஏற்படுத்திய காயங்களால் இறந்ததாக தெரிவித்தார்.

முன்னதாக 31 வயதான டேமியன் சாண்டர்சனின் உடல் ஜேம்ஸ் ஸ்மித் க்ரீ நேஷனில் கண்டுபிடிக்கப்பட்டதாக அதிகாரிகள் தெரிவித்திருந்தமை குறிப்பிடத்தக்கது.

கடந்த ஞாயிற்றுக்கிழமை, கனடாவின் சமீபத்திய வரலாற்றில் மிக மோசமான வன்முறைச் செயல்களில் ஒன்றாக பார்க்கப்படும் கத்திக்குத்து சம்பவத்தில், 10பேர் உயிரிழந்ததோடு 18 பேர் காயமடைந்தனர். பாதிக்கப்பட்டவர்களில் மூன்று பேர் ஆபத்தான நிலையில் உள்ளனர்.

https://athavannews.com/2022/1298153

 

Top row, left to right: Christian Head, Thomas Burns, Lana Head. Bottom row, left to right: Gregory Burns, Robert Sanderson, Wesley Petterson

https://www.bbc.com/news/world-us-canada-62804826