இலங்கை விவகாரங்களில் பிரிட்டனின் மாற்றம்

இலங்கை விவகாரம் தொடர்பாக அண்மைக்காலமாக பிரிட்டனில் ஏற்பட்டுவரும் மாற்றங்கள் புலம் பெயர்ந்து பிரிட்டனில் தஞ்சம் புகுந்துள்ள தமிழ் அகதிகளுக்கு உற்சாகத்தைக் கொடுப்பதாக அங்கிருந்து வரும் தகவல்கள் தெரிவிக்கின்றன.

பிரிட்டன் நீதிமன்றமொன்று அண்மையில் வழங்கிய தீர்ப்பில் பிரிட்டனில் தஞ்சம் புகுந்துள்ள தமிழ் அகதிகள் திருப்பியனுப்பப்பட்டால் அவர்களுக்கு அங்கு பாதுகாப்பில்லை.சிறிலங்கா அரசால் சித்திர வதை செய்யப்படலாம் எனத் தெரிவித்து வழக்குத் தொடுத்த நபரை சிறிலங்காவிற்குத் திருப்பியனுப்பக் கூடாதென்றும் அவருக்குப் பிரிட்டனில் அகதிவாழ்விற்கு அனுமதித்து; தீர்ப்பு வழங்கியது.

இப்போது வேறொரு நீதிமன்றம் இதே மாதிரியானதும் மேலும் ஒருபடிமேலே சென்று யதார்த்த பூர்வமான தீர்ப்பை வழங்கியிருக்கிறது. இது பலரது கவனத்தை ஈர்த்திருக்கிறது.

இதன்படி விடுதலைப்புலி உறுப்பினரோ அல்லது அவர்களுடன் தொடர்புடையவரோ பிரிட்டனில் தஞ்சம் புகுந்து வாழ எந்தத் தடையும் இனி இருக்காது.

விடுதலைப்புலி உறுப்பினரோ அல்லது அவர்களுடன் தொடர்புடையவர்களோ பிரிட்டனில் தங்கி வாழ்வதற்கு சட்ட ரீதியாக பிரச்சனை எழாதெனத் தெரிவிக்கப்படுகிறது.

பிரிட்டனில் விடுதலைப்புலிகள் இயக்கம் சட்ட பூர்வமாகத் தடைசெய்யப்பட்டுள்ள நிலையி;ல் அதே காரணத்தைக் காட்டி பிரிட்டனில் அகதி அந்தஸ்து வழங்கப்படுவது முற்றிலும் முறன்பாடான அம்சங்களாகவே தென்படுகின்ற போதும் இவ்வாறான முடிவை பிரிட்டன் மேற்கொள்வதற்கு அடிப்படை சிறிலஙக்கா தமிழர் விவகாரங்களில் கடைப்பிடிக்கும் அணுகு முறையே எனச் சுட்டிக்காட்டப்படுகிறது.

இனப்பிரச்சனைக்கு அமைதிவழியில் அதிகாரப்பகிர்வுடன் கூடிய தீர்வை முன்வைக்குமாறு அமெரிக்கா பிரிட்டம் உட்பட மேற்குலக நாடுகள் அரசாங்கத்தை வற்புறுத்தி வந்திருக்கிறன. ஆனால் மகிந்த ராஜபக்ச இராணுவ நடவடிக்கை மூலம் தமிழ் மக்கள் மீது அதிகாரப்பரவலாக்கல் அற்ற தீர்வை திணிக்க முற்பட்டுள்ளது கண்டு இந்நாடுகள் அண்மைக்காலமாகச் சீற்றமடைந்திருகின்றன.

அத்தோடு பலவந்த ஆட்கடத்தல் கைது, படுகொலைகள், சித்திரவதைகள் , போன்ற மனித உரிமை மீறல்களிலும்; சிறிலங்கா இராணுவம் மற்றும் அதனுடன் சேர்ந்தியங்கும் ஒட்டுக்குழு என்பன ஈடுபடுவதையும் அதற்கு அரசாங்கமே உடந்கையாக இருப்பதும் பிரிட்டனை ஆத்திரமூட்ட வைத்துள்ளது.

இந்நிலையில் சிறிலங்கா தொடர்பாக இறுக்கமான முடிவை கடைப்பிடிக்க பிரிட்டன் ஆர்வமாக இருப்பது போல் பிரிட்டன்வெளியுறவுக் கொள்கையில் மாற்றம் நிகழக் கூடுமென எதிர்வு கூறப்படுகிறது.

பிரிட்டனில் புதிய பிரதமர் பிறவுன் இலங்ககைத் தமிழர் தொடர்பில் அக்கறையுள்ளவர் போல் செயல்படுவதாக அண்மைக்காலச் செயல்பாடுகளும் அமைந்துள்ளதைப் பலர் சுட்டிக்காட்டியுள்ளனர்.

பிரிட்டனின் நடவடிக்கையில் மாற்றம் நிகழுமாயின் அதன் பிரதிபலிப்பு மேற்குலக நாடுகளிலும் எதிரொலிக்கும். குறி;ப்பாக பிரிட்டன் விடுதலைப்புலிகள் மீதான தடையை நீக்கி இலங்கை இனப்பிரச்சனைக்கு தீர்வுகான உதவுமாயின் அது வரவேற்கக் கூடியதாக அமையுமென பல தமிழர் நலன் சார்ந்த அமைப்புக்கள் தெரிவித்துள்ளன.

- சங்கதி

ஏதோ சொல்லுறாங்கள்... பெரிசா பிரிட்டனிடம் இருந்து தமிழருக்கு ஆதரவாக அனுதாபம் கிடைப்பதாக தெரியவில்லை... எதிர்காலத்தில் பிரிட்டனின் போக்கில் தமிழருக்கு சார்பாக நல்ல மாற்றங்கள் வரும் என்ற நம்பிக்கையுடன் இருப்போம்...

இப்படித்தான் பிளேயரையும் தலைகால் புரியாமல் நம்பினோம். என்ன நடந்தது? நல்லது நடப்பின் மகிழ்ச்சியே.

ஜானா