இலங்கை மீது கடும் அழுத்தங்களை முன்வைத்துள்ள ஐ.நா மனித உரிமைகள் ஆணைக்குழுவின் அறிக்கை

September 7, 2023

 

இலங்கைக்கு உதவி வழங்கும் ஐக்கிநாடுகள் சபை அமைப்புக்கள் மற்றும் ஏனைய நிறுவனங்கள் இலங்கை அரசின் மனித உரிமை செயற்பாடுகள் மற்றும் இனநல்லிணக்கப்பாடுகள் குறித்து கவனம் செலுத்த வெண்டும் என ஐக்கிய நாடுகள் சபையின் மனித உரிமைகள் ஆணைக்குழுவின் தலைவர் சமர்ப்பிக்கவுள்ள இலங்கை தொடர்பான அறிக்கையில் தெரிவிக்கப்பட்டுள்ளது.

எதிர்வரும் 11 ஆம் நாள் ஜெனீவாவில் கூடவுள்ள 54 ஆவது மனித உரிமைகள் சபையின் சமர்ப்பிக்கவுள்ள இந்த அறிக்கையில் மேலும் தெரிவிக்கப்பட்டுள்ளதாவது:

இலங்கை அரசு இனநல்லிணக்கப்பாடுகள் மற்றும்உண்மைகளை கண்டறிதல் செயற்பாடுகளை பலப்படுத்த வேண்டும். மாகாணசபைகளை வலுப்படுத்தி 13 ஆவது திருத்தச்சட்டத்தை நடைமுறைப்படுத்த வேண்டும். 2017 ஆம் ஆண்டுக்கு பின்னர் மாகாணசபைகள் இயங்கவில்லை.

ஊழல்களை தடுப்பதற்கான நடவடிக்கைகள் காணி அதிகார மறுசீரமைப்பு, பயங்கரவாத தடுப்புச்சட்ட மறுசீரமைப்பு, அரசியல் கைதிகளின் விடுதலை தொடாபில் இலங்கை அரசு காத்திரமான நடவடிக்கைகள் எடுக்க வேண்டும்.

இந்த அறிக்கையானது 51/1 ஆவது தீர்மானத்திற்கு பின்னரான கடந்த கால நடவடிக்கைகளை ஆய்வு செய்வதாகும். நீதி நிலைநாட்டப்படுவதில் இலங்கை எந்த முன்னேற்றத்தையும் காணவில்லை அதுவே அங்கு மனித உரிமைகள் நிலைநாட்டப்படுவதற்கு தடையாக உள்ளது. இலங்கையில் நீதி நிலைநாட்டுவதில் பாரிய குறைபாடுகள் உள்ளன. அரசும், அரசியல் கட்சிகளும் அதனை நிலைநாட்டுவதற்கு தீவிரமாக செயற்பட வேண்டும்.

போர் குற்றங்கள், துன்புறுத்தல்கள், அதிகாரத்தை தவறாக பயன்படுத்துதல், மக்கள் கூட்டங்களை கட்டுப்படுத்துவதில் வன்முறைகளை பயன்படுத்துதல் என இலங்கையின் மனித உரிமை மீறல்கள் அதிகம். கறுப்பு யூலை வன்முறைகளில் பல நுறுபேர் இறந்திருந்தனர். அதுவே அங்கு ஆனமோதலை அதிகரித்திருந்தது. கடந்த யூலை அதன் 40 ஆவது நினைவு மாதம்.

இலங்கை அதிபர் தமிழர் தரப்பினருடன் பேச்சுக்களை நடத்துவது வரவேற்றக்கத்தது. அவர் 13 ஆவது திருத்தச்சட்டத்தின் ஊடாக அரசியல் அதிகார பலவலாக்கம் தொடர்பில் பேசுகிறார். ஆனால் அதற்கு முன்னர் அங்கு பாதிக்கப்பட்ட மக்களுக்கான நீதி வழங்கப்படவேண்டும். அது தான் அதிகாரபரவலை வலுவாக்கும். நீதிவழங்கல் பொறிமுறை அனைத்துலக தரத்திற்கு அமைவாக இருத்தல் வேண்டும்.

இலங்கை அரசின் விசாரணைகளுக்கு அனைத்துலக சமூகம் தனது உதவிகளை வழங்கும். விசாரணைக்கு உதவுதல், தண்டனைகளை பெற்றுக்கொடுத்தல், குற்றவாளிகளுக்கு எதிராக தடைகளை கொண்டுவருதல் போன்ற விடையங்களில் அனைத்துலக சமூகம் காத்திரமான பங்கு வகிக்கும்.

இலங்கை அரசு மக்களின் பொருளாதார மற்றும் சமூக நலன்களை பாதிக்காதவாறு பொருளாதார சிக்கல்களை தீர்க்க வேண்டும். பாதிக்கப்பட்டவர்கள் சுயாதீனமாக சாட்சியளிப்பதை உறுதி செய்ய வேண்டும். பாதிக்கப்பட்டவர்கள் மீதான துன்புறுத்தல்கள் நிறுத்தப்பட வேண்டும். மக்களை சந்திப்பது பாதிக்கப்பட்டவர்களை சந்திப்பதில் அதிகாரிகளுக்கு முழுமையான சுதந்திரம் வழங்கப்படவேண்டும். சுயாதீனமாகவும், அனைத்துலக தரத்திற்கும் அமைவாக இருத்தல் வேண்டும்.

காணாமல்போனோர் அலுவலகத்தின் நடவடிக்கைகள் பலப்படுத்த வேண்டும். இராணுவ பிரசன்னம் குறைக்கப்படுவதுடன், பாதுகாப்பு செலவீனமும் குறைக்கப்பட வேண்டும். போரினால் பாதிக்கப்பட்ட பகுதிகளில் படைத்துறை பிரசன்னம் குறைக்கப்பட வேண்டும்.

ஐ.நா மனித உரிமைகள் ஆணைக்குழுவுடன் இலங்கை அரசு தொடர்புகளை பேணவேண்டும். தீர்மானம் 51/1 பிரகாரம் இலங்கைக்கு பயணம் மேற்கொண்டு நிலமைகளை கண்காணிக்க ஐ.நாவுக்கு அனுமதி வழக்கப்படவேண்டும்.

பல்லின மற்றும் பல மதங்களை கொண்ட சமூகங்களுடன் பணியாற்றும்போது தொல்லியல் திணைக்களம், வன பாதுகாப்பு பிரிவு, நீர்ப்பாசண பிரிவு போன்ற திணைக்களங்கள் இனப்பாகுபாடு மற்றும் நேர்மையற்ற முறையில் செயற்படுவது மீளாய்வு செய்யப்பட வேண்டும்.

உயிர்த்த ஞாயிறு தாக்குதல் தொடர்பான விசாரணைகள் அனைத்துலக தரத்திற்கு மேற்கொள்ளப்பட வேண்டும். தேர்தல் நேர்மையாக நடைபெறவேண்டும். இலங்கைக்கு தொழில்நுட்ப உதவிகளை வழங்க ஐ.நா மனித உரிமைகள் ஆணைக்குழுவினை இலங்கை அரசு அழைக்க வேண்டும்.

இலங்கை அரசு நீதியை நிலைநாட்டுவதற்கும், அனைத்துலக விதிகளின் அடிப்படையில் அனைத்துலக மட்டத்தில் நடவடிக்கைகளை மேற்கொள்ளவும், தேவையேற்பட்டால் தடைகளை கொண்டுவரவும், குற்றவாளிகளின் சொத்துக்களை முடக்கவும் ஐ.நா மனித உரிமைகள் அமைப்பின் உறுப்பு நாடுகள் ஒத்துழைப்பு வழங்க வேண்டும்.

ஐ.நா அமைப்புக்கள், அனைத்துலக நிதி அமைப்புக்கள் இலங்கைக்கு உதவிகளை வழங்கும்போது இலங்கையின் மனி உரிமை செயற்பாடுகள் மற்றும் ஆட்சி முறைகள் தொடர்பில் கவனத்தில் கொள்ளப்பட வேண்டும். ஐஃநா மனித உரிமைகள் ஆணைக்குழுவின் நடவடிக்கைகளுக்கு அவர்கள் ஆதரவுகளை வழங்க வேண்டும் என அதில் தெரிவிக்கப்பட்டுள்ளது.

முழு அறிக்கையை வாசிக்க இங்கு அழுத்தவும்.

https://reliefweb.int/attachments/7dfa88d4-25bf-421a-aa1e-9cc104c6c9df/A_HRC_54_20_AdvanceUneditedVersion.pdf

 

https://www.ilakku.org/இலங்கை-மீது-கடும்-அழுத்த/

வருடா வருடம் அறிக்கையும் அழுத்தமும் கொடுக்கப்பட்டு வருகின்றது. ஆனால் எந்த பிரயோசனமும் இல்லை. எனவே இந்த முறை அழுத்தத்துக்கு பலன் கிடைக்காவிடடாள் என்ன பதில் நடவடிக்கை எடுக்கப்படுமென்பதையும் தெரிவித்தால் நல்லது.

என் என்றால் இலங்கை என்னதான் அடாவடி செய்தாலும் உலக நாடுகளின் ஆதரவு தொடர்ந்து கொண்டே இருக்கின்றது. அப்படி என்றால் இலங்கை எப்படி உங்கள் அழுத்தத்திட்கு அடி பணியும்?

இலங்கையின் எதிர்காலத்திற்கு பொறுப்புக்கூறல் முக்கியம் ஐநா மனித உரிமைகள் அறிக்கை வலியுறுத்துகிறது

* ”ஒரு வரலாற்றுரீதியான  மாற்றத்திற்கான சாத்தியக்கூறுகள் உணரப்படவில்லை”

*மனித உரிமை மீறல்கள் மற்றும் 2019 ஈஸ்டர் உயிர்த்தஞாயிறு   குண்டுவெடிப்பு  வழக்குகள் மீதான விசாரணைககளை விரைவுபடுத்த அதிகாரிகளுக்கு அழைப்பு

*புதிய பயங்கரவாத எதிர்ப்புசட்டமூலம்  மற்றும் ஒலி பரப்பை ஒழுங்குபடுத்தும் சட்டமூலம்  உட்பட, முன்மொழியப்பட்ட புதிய சட்டங்கள் தொடர்பான கவலைகளின் விவரங்களைஅறிவிக்குமாறு  தெரிவிப்பு

*14 ஆண்டுகளுக்கு முன்னர் மோதல் முடிவுக்கு வந்ததில் இருந்து எந்தவொரு நிலைமாறு நீதிச் செயற்பாடுகளும் வெற்றியடைவதற்கான சூழலை உருவாக்குவதற்கான உண்மையான முயற்சிகளுக்கான  அடித்தளம் அமைக்கப்பட வேண்டும் என்பதை வலியுறுத்தல்

*உண்மையைத் தேடுவது மட்டும் போதாதென்றும் , ஆனால் பொறுப்புக்கூறலுக்கான தெளிவான அர்ப்பணிப்பு ம் தொலைநோக்குடனான  மாற்றத்தைநடைமு றைப்படுத்தக்கூடிய  அரசியல் விருப்பமும்  இருக்க வேண்டும் என்றும்  வலியுறுத்துகிறது.

*இலங்கையின் பொருளாதார மீட்சிக்கும் சர்வதேசக் கடப் பாடுகளை நிறைவேற்றுவதற்கும் சர்வதேச சமூகம் மற்றும் நிதி நிறுவனங்கள் ஆதரவளிக்க்கவேண்டுமென  கூறுகிறது

 *ஆட்சி, வெளிப்படைத்தன்மை மற்றும் பொறுப்புக்கூறல் ஆகியவற்றில் உண்மையான முன்னேற்றத்திற்கு அழுத்தம் கொடுக்கிறது

 

போர்க்குற்ற அட்டூழியங்கள், மிக சமீபத்திய மனித உரிமை மீறல்கள், ஊழல் அல்லது அதிகார துஷ்பிரயோகம்போன்றவிடயங்களில் பொறுப்புக்கூறல் குறைபாட் டால்  இலங்கை தொடர்ச்சியாகப் பாதிக்கப்பட்டுள்ளது. நாடு முன்னேற் றமடைவதற்கு  இதற்கு தீர்வு காணப்பட பட வேண்டும் என்று ஐ.நா மனித உரிமைகள் அலுவலகம்புதன்கிழமைவிடுத்த   அறிக்கை யில் தெரிவித்துள்ளது

“ஒரு வருடத்திற்கு முன்னர்  பொது ஜன ஆர்ப்பாட் ட ங்களில்   இலங்கைக்கான சிறந்த நிர்வாகத்தையும் சகலரையும் உள்ளடக்கியதொலைநோக்கும்  கோரப்பட்டிருந்தது  – சுருக்கமாக, கூறின் சமூக ஒப்பந்தத்தை புதுப்பித்தலாகும் . ஆனால் நீண்டகால சவால்களை எதிர்கொள்ளும் ஒரு வரலாற்று மாற்றத்திற்கான சாத்தியபாடு  குறித்து உணரப்படும்  தன்மை வெகு தொலைவில் உள்ளது,” என்று ஐ.நா மனித உரிமைகள்பேரவையின்  உயர் ஸ்தானிகர்  வோல்கர் டர்க் கூறியுள்ளார் .

யுத்தம் முடிவடைந்து பதினான்கு வருடங்களாகியும், பல்லாயிரக்கணக்கில்  பாதிக்கப்பட்டவர்களும் அவர்களது குடும்பங்களும் உண்மை, நீதி மற்றும் பரிகாரம் தேடுவதில் வலி மற்றும் வேதனையை அனுபவித்து வருகின்றனர். அரசாங்கம் ஒரு புதிய உண்மையைக் கண்டறியும் பொறிமுறையை முன்மொழிந்துள்ள நிலையில், எந்தவொரு நிலைமாறுகால நீதிச் செயல்முறையும் வெற்றியடைவதற்கு ஏற்ற சூழலை உருவாக்குவதற்கான உண்மையான முயற்சிகளால் அடித்தளம் அமைக்கப்பட வேண்டும் என்று அறிக்கை வலியுறுத்துகிறது.

இது தற்போதைய உண்மையைத் தேடும் திட்டத்தில் பாதிக்கப்பட்டவர்கள் மற்றும் சிவில் சமூகத்துடன் அர்த்தமுள்ள மற்றும் வெளிப்படையான ஆலோசனைகள் மூலம் தொடங்குகிறது  மனித உரிமைகள் பாதுகாவலர்கள் மற்றும் பாதிக்கப்பட்டவர்களின் குழுக்களுக்கு எதிரான அனைத்து வகையான துன்புறுத்தல் மற்றும் சட்டவிரோத மற்றும் தன்னிச்சையான கண்காணிப்பு, அத்துடன் ஒப்புக்கொள்வதற்கான முயற்சிகளுக்கு ஆதரவு ஆகியவற்றை உள்ளடக்கியது. மற்றும் பாதிக்கப்பட்டவர்களின் அனுபவத்தை நினைவுகூர வேண்டும்.

“உண்மையைத் தேடுவது மட்டும் போதாது. இது பொறுப்புக்கூறலுக்கான தெளிவான அர்ப்பணிப்பு மற்றும் தொலைநோக்கு மாற்றத்தை செயல்படுத்துவதற்கான அரசியல் விருப்பத்துடன் இருக்க வேண்டும்” என்று டர்க் கூறியுள்ளார்

ஏனைய  பரிந்துரைகளுக்கு மத்தியில், மனித உரிமை மீறல்கள் மற்றும் 2019 உயிர்த்த  ஞாயிறு குண்டுவெடிப்புகளின்  வழக்குகள் மீதான விசாரணைகளை துரிதப்படுத்துமாறு அதிகாரிகளுக்கு அறிக்கை அழைப்பு விடுக்கிறது. அத்துடன்

2019 உயிர்த்த  ஞாயிறு தாக்குதல்களின் சூழ்நிலைகள் குறித்து மேலும் விசாரணையை தொடர சர்வதேச உதவியுடன் ஒரு சுயாதீன விசாரணையை உயர் ஸ்தானிகர் முன்னர் வலியுறுத்தியிருந்தார்

46/1 மற்றும் 51/1 தீர்மானங்களுக்கு இணங்க, ஐ.நா மனித உரிமைகள் அலுவலகத்தால் நிறுவப்பட்ட பொறுப்புக்கூறல் திட்டத்தின் பணிகள் குறித்த புதுப்பிப்பை அறிக்கை வழங்குகிறது.  பொறுப்புக்கூறல் முன்முயற்சிகளை ஆதரிக்குமாறு  குறிப்பாக விசாரணைகள் மற்றும் வழக்குகள் மூலம் உலகளாவிய அல்லது எல்லைக்கு அப்பாற்பட்ட அதிகார வரம்பைப் பயன்படுத்தி, பிற நிரப்பு நடவடிக்கைகளுடன்சர்வதேச சமூகத்திற்கான தனது அழைப்பைஉயர் ஸ்தானிகர் மீண்டும் மீண்டும் வலியுறுத்தியுள்ளார்.

புதிய பயங்கரவாத எதிர்ப்புசட்டமூலம்  மற்றும் ஒலி பரப்பை ஒழுங்குபடுத்தும் சட்டம் உட்பட முன்மொழியப்பட்ட புதிய சட்டமூலங்கள்  தொடர்பான பல கவலைகளையும் அறிக்கை விவரிக்கிறது.

நல்லிணக்க முன்முயற்சிகளை முன்னெடுப்பதில் ஜனாதிபதி வித்தியாசமான தொனியை ஏற்படுத்தியுள்ளதாகவும் உள்நாட்டு மோதல்கள் மற்றும் பதட்டங்களுக்கு காரணமாக இருக்கும் தொல்பொருள் அல்லது பாதுகாப்பு நோக்கங்களுக்காக நிலம் கையகப்படுத்துவதை நிறுத்துவதாக உறுதியளித்துள்ளதாகவும் அறிக்கை குறிப்பிடுகிறது. அதே நேரத்தில், ஐ.நா மனித உரிமைகள் அலுவலகம், குறிப்பாக நாட்டின் வடக்கு மற்றும் கிழக்கில் நிலம் தொடர்பான சர்ச்சைகள் பற்றிய அறிக்கைகளை தொடர்ந்து பெற்று வந்துள்ளது.

2022 ஆம் ஆண்டின் பொருளாதார நெருக்கடியின் தொடர்ச்சியான தாக்கம் மற்றும் மக்களின் மனித உரிமைகள் மற்றும் நல்வாழ்வு மீதான உலகளாவிய பின்னடைவு ஆகியவை அறிக்கையில் முன்னிலைப்படுத்தப்பட்டுள்ளன, இதில் இலங்கையின் வறுமை வீ தம் 2021 இல் 13% இலிருந்து 2022 இல் 25% ஆக இரு மடங்காக அதிகரித்துள்ளது. பாதுகாப்பின்மை மக்கள்தொகையில் கணிசமான வீ தத்தை பாதிக்கிறது, இதையொட்டி சுகாதார உரிமையை பாதிக்கிறது மற்றும் பாடசாலை இடைநிற்றல் அபாயத்தை அதிகரிக்கிறது.

சர்வதேச நிதி நிறுவனங்கள் உட்பட சர்வதேச சமூகம் இலங்கையின் பொருளாதார மீட்சிக்கும் அதன் சர்வதேச கடப்பாடுகளை நிறைவேற்றுவதற்கும் ஆதரவளிக்க வேண்டும் என்றும் அதேவேளை நிர்வாகம், வெளிப்படைத்தன்மை மற்றும் பொறுப்புக்கூறல் ஆகியவற்றில் உண்மையான முன்னேற்றத்திற்கு அவசரத்தை  காண்பிக்க  வேண்டும் என்றும் உயர்ஸ்தானிகர் கூறியுள்ளார் .

“புதுப்பித்தல், விரிவான  நிறுவன சீர்திருத்தங்கள் ,பொறுப்புக்கூறல், நல்லிணக்கம் மற்றும் மனித உரிமைகள் ஆகியவற்றில் உறுதியான முன்னேற்றத்திற்கான அவசரத் தேவைக்காக பாடுபடவும், வழங்கவும் நான் இலங்கை அரசாங்கத்தையும்  அரசியல் கட்சிகளையும் கேட்டுக்கொள்கிறேன்” என்றும்  டர்க் கூறியுள்ளார் “இலங்கையின் சுதந்திரத்தின் 75 வது ஆண்டு மற்றும் மனித உரிமைகள் பற்றிய உலகளாவிய பிரகடனத்தின் 75 வது ஆண்டு நிறைவைக் குறிக்கும் இந்த ஆண்டில் இது மிகவும் பொருத்தமானதாக இருக்கும்.”எனவும் அவர் குறிப்பிட்டுள்ளார்.

அறிக்கையின்  முடிவுரையில்  தெரிவிக்கப்பட்டிருப்பதாவது ;

இலங்கை இன்னமும் கடினமான பொருளாதார, சமூக மற்றும் அரசியல் நிலைமையை எதிர்கொண்டுள்ளது. பல இலங்கையர்களின் உரிமைகள் மற்றும் நல்வாழ்வில் பொருளாதார நெருக்கடி தொடர்ந்தும் கடுமையான தாக்கத்தை ஏற்படுத்தி வருகிறது. சர்வதேச நிதி நிறுவனங்களின் நிதி ஆதரவும் கட்டமைப்பு சீர்திருத்தங்களும் பொருளாதார நெருக்கடியை கட்டுப்பாட்டுக்குள்  கொண்டு வரு வதற்கான  முக்கியமான படிகளாகும் , ஆனால் சமூகத்தின் சில பிரிவுகளின் மீது சீர்திருத்தங்களின் சுமை சமமாக விழாமல் இருப்பது அவசியம். பொருளாதார மறுசீரமைப்பின்பாதகமானதன்மை களில் இருந்து மிகவும் பாதிக்கப்படக்கூடியவர்களை பாதுகாக்க வலுவான பாதுகாப்பு வலைகள் மற்றும் சமூக பாதுகாப்பு தேவை. ஊழல், அதிகாரத்தை மையப்படுத்துதல், இல்லாமை

வெளிப்படைத்தன்மை மற்றும் நிறுவனபரிசீலனைகள் , சமப்படுத்தல் , மற்றும் பொறுப்புக்கூறல் உட்பட மோதலின் தீர்க்கப்படாத மரபுஉள்ளிட்ட நெருக்கடியின் அடிப்படைக் காரணிகளை நிவர்த்தி செய்வது இன்றியமையாதது. நிர்வாகம், வெளிப்படைத்தன்மை மற்றும் பொறுப்புக்கூறல் ஆகியவற்றில் உண்மையான முன்னேற்றத்திற்கு அழுத்தம் கொடுக்கும் அதே வேளையில், சர்வதேச ஒத்துழைப்பு மற்றும் உதவி தொடர்பான கடப்பாடுகளுக்கு இணங்க, இலங்கையை மீட்டெடுப்பதில் சர்வதேச சமூகத்தை ஆதரிக்குமாறு உயர்ஸ்தானிகர் கேட்டுக்கொள்கிறார். ஒட்டுமொத்த சமூகமும் ஆதரவளித்தால் மட்டுமே தீர்வுகள் நீண்ட காலம் நீடிக்கும். இலங்கையைப் பாதிக்கும் தேவையான பொருளாதார சீர்திருத்தங்கள் மற்றும் வரலாற்று நிறுவன சவால்கள் ஆகிய இரண்டிற்கும் மிகப்பெரிய அரசியல் மூலதனம், பரந்த ஒருமித்த கருத்து மற்றும் சமூகத்தின் நம்பிக்கை தேவை.

அனைத்து மட்டங்களிலும் பொறுப்புக்கூறல் இல்லாமை அடிப்படை மனித உரிமைகள் பிரச்சனையாக உள்ளது. இது போர்க்குற்ற அட்டூழியங்கள், போருக்குப் பிபின்னரான  அடையாளரீதியான  வழக்குகள், சித்திரவதைகள் மற்றும் பொலிஸ் காவலில் மரணங்கள், கூட்டத்தை  கட்டுப்படுத்துவதில்  மிகையாகசெயற்படுதல்  , ஊழல் மற்றும் அதிகார துஷ்பிரயோகம் போன்றவற்றைக் குறிக்கும், இலங்கை அசாதாரணமானமுறையில்  பொறுப்புக்கூறல்குறைபாடால்  பாதிக்கப்படுகிறது. . பொறுப்புக்கூறல், நல்லிணக்கம் மற்றும் மனித உரிமைகள் தொடர்பான நீண்டகால ஜனநாயகப் புதுப்பித்தல், விரிவான  நிறுவன சீர்திருத்தங்கள் மற்றும் உறுதியான முன்னேற்றம் ஆகியவற்றிற்காக பாடுபடவும், வழங்கவும் அரசு மற்றும் இலங்கை அரசியல் கட்சிகளை உயர்ஸ்தானிகர் கேட்டுக்கொள்கிறார். இலங்கையின் சுதந்திரத்தின் 75வது ஆண்டு நிறைவையும், மனித உரிமைகள் தொடர்பான உலகளாவிய பிரகடனத்தின் 75வது ஆண்டு நிறைவையும் குறிக்கும் ஒரு வருடத்தில் இது மிகவும் பொருத்தமானதாக இருக்கும்.

கடந்த ஜூலை மாதம் “கறுப்பு ஜூலை” யின் 40 வது ஆண்டு நிறைவைக் குறிக்கும், 1983 இல் கொழும்பில் நடந்த தமிழர்-விரோத படுகொலைகள் பல நூற்றுக்கணக்கானவர்களைக் கொன்றது மற்றும் ஆயிரக்கணக்கானவர்களை வீடற்றவர்களாக ஆக்கியது, இனப் பிளவை வேகமாக பெரிதாக்கியதுடன்அடுத்த மூன்று தசாப்தங்களில் இலங்கையில்  ஆயுத மோதலுக்கான  களத்தை  அமைத்தது. . தமிழ் அரசியல் கட்சிகள் மற்றும் புலம்பெயர் குழுக்களுடன் உரையாடல் மற்றும் 13 ஆவது திருத்தத்தில் முன்வைக்கப்பட்ட அதிகாரப் பகிர்வுக்கான ஏனைய அரசியல் தீர்வுகளின் ஊடாக நல்லிணக்க விருப்பங்களை முன்னெடுக்கும் ஜனாதிபதியின் நோக்கத்தைஉயர் ஸ்தானிகர் அலுவலகம் வரவேற்கிறது. எவ்வாறாயினும், எந்தவொரு உண்மையான நல்லிணக்க நிகழ்ச்சி நிரலிலும் பொறுப்புக்கூறல் ஒரு முக்கிய அங்கமாக உள்ளது மற்றும் உண்மை ஆணைக்குழு உட்பட எந்தவொரு புதிய இடைக்கால நீதி நடவடிக்கைகளும் சர்வதேச தரங்களையும் பாதிக்கப்பட்டவர்கள் மற்றும் அவர்களது உறவினர்களின் எதிர்பார்ப்புகளையும் பூர்த்தி செய்ய வேண்டும்.

கடந்த கால மீறல்களை அங்கீகரிப்பது, நம்பகமான விசாரணைகள் மற்றும் வழக்குகளை மேற்கொள்வது இலங்கை அதிகாரிகளின் பொறுப்பாக இருக்கும் அதே வேளையில், சர்வதேச சமூகம் தொடர்புடைய குற்றவியல் நீதி விசாரணைகள் மற்றும் வழக்குகளை ஆதரிப்பதன் மூலம், உலகளாவிய அதிகார வரம்பைப் பயன்படுத்துதல், மற்றும் தீவிர மனித உரிமை மீறல்களில் நம்பத்தகுந்த வகையில் சம்பந்தப்பட்ட நபர்களுக்கு எதிராக தகுந்த தடைகளை பரிசீலித்தல்.

 பரிந்துரைகள் வருமாறு ;

. உயர் ஸ்தானிகரின்  முன்னைய  அறிக்கைகள்54 மற்றும் ஐக்கிய நாடுகளின் மனித உரிமை பொறிமுறைகளால் செய்யப்பட்ட பரிந்துரைகளை மீண்டும் வலியுறுத்துவதாக இருந்தன  இந்த இக்கட்டான நேரத்தில் இலங்கை அரசாங்கத்திற்கும் மக்களுக்கும் ஆதரவளிப்பதற்காக தனது நாட்டின் பிரசன்னத்தை வலுப்படுத்துவது உட்பட, அந்த பரிந்துரைகளை நடைமுறைப்படுத்துவதற்கு தேவையான தொழில்நுட்ப உதவிகளை வழங்குவதற்கு உயர் ஸ்தானிகர்அலு வலகம்  தயாராக உள்ளது.

இலங்கை அரசாங்கத்திற்கு  மனிதஉரிமைகள் பேரவைஉயர் ஸ்தானிகர்  அலுவலகத்தின்  பரிந்துரைப்பு

(அ) பொருளாதார நெருக்கடியின் போது மக்களின் பொருளாதார மற்றும் சமூக உரிமைகளுக்கு உத்தரவாதம் அளிக்க தேவையான அனைத்து நடவடிக்கைகளையும், அதன் கிடைக்கும் வளங்களுக்குள், பாராபட்சமி ன்றி மற்றும் மனித உரிமைகளைப் பாதுகாப்பதன்மூலமும்  வளர்ந்து வரும் தேவைகள்ளின் அடிப்படையில், நிதியுதவியை அதிகரிப்பதன் மூலம் சமூகப் பாதுகாப்பை வலுப்படுத்தவும்.

(ஆ) ஊழலைஉறுதியான  முறையில் சமாளித்தல், சுகாதாரம், சமூகப் பாதுகாப்பு மற்றும் கல்வியில் முதலீடுகளை அதிகரித்தல், சர்வதேச ஒத்துழைப்பு உட்பட, சர்வதேச நிதி உதவித் திட்டங்களின் சாத்தியமான மனித உரிமைகள் தாக்கத்தை மதிப்பிடுதல் மற்றும் அதை குறைந்தபட்சமாகக் குறைக்க தடுப்பு நடவடிக்கைகளை மேற்கொள்ளுதல்

(இ) முழுமையான, இலவசம் மற்றும் பாதுகாப்பானது உட்பட, வெற்றிகரமான மற்றும் நிலையான நிலைமாறுகால நீதிச் செயல்முறைக்கு உதவும் சூழலை முன்னுரிமையின் அடிப்படையில் உருவாக்குதல்

பாதிக்கப்பட்டவர்கள், சாட்சிகள் மற்றும் சிவில் சமூகத்தின் பங்கேற்பு, அவர்களுக்கு எதிரான அனைத்து வகையான துன்புறுத்தல்கள் மற்றும் சட்டவிரோதமான மற்றும் தன்னிச்சையான கண்காணிப்புகளை முடிவுக்குக் கொண்டுவருதல் மற்றும் பாதிக்கப்பட்டவர்களின் அனுபவத்தை அங்கீகரித்து நினைவுகூருவதற்கான முயற்சிகளை ஆதரித்தல்;

(ஈ) பாதிக்கப்பட்டவர்கள் மற்றும் சிவில் சமூகத்துடன் முழுமையான கலந்தாலோசனையுடன், உண்மை, பொறுப்புக்கூறல், பரிகாரம் மற்றும் மீண்டும் நிகழாததன் கூறுகளை இணைக்கும் ஒரு ஒத்திசைவான காலவரையறையுடனான  திட்டத்தை உருவாக்கி செயல்படுத்தவும். பொறிமுறைகள், மற்றும் எந்தவொரு உண்மையைத் தேடும் செயல்முறையும் பரந்த அடிப்படையிலான ஆலோசனைகள் மூலம் உருவாக்கப்படுவதை உறுதிசெய்து, சர்வதேச விதிமுறைகள், தரநிலைகள் மற்றும் சிறந்த நடைமுறைகளுக்கு இணங்குகிறது, மேலும் இது ஒரு சுயாதீனமான தற்காலிக சிறப்பு நீதிமன்றத்தால் நிரப்பப்படுகிறது;

(இ) காணாமல் போனவர்கள் தொடர்பான அலுவலகம் மற்றும் இழப்பீடுகளுக்கான அலுவலகத்தை அவர்களின் முழுத் திறனுக்கும் வலுப்படுத்துவது உட்பட ஏனைய நிலைமாறுகால நீதி நடவடிக்கைகளைத் தொடரவும், எதிர்காலத்தில் மீறல்களைத் தடுக்கும் நிறுவன மற்றும் ஏனைய  நடவடிக்கைகளை மேற்கொள்ளவும்;

(உ ) இராணுவச் செலவினங்களைக் கணிசமாகக் குறைத்தல், ஆய்வு செய்தல் மற்றும் ஆயுத மோதலால் பாதிக்கப்பட்ட பகுதிகளில் இராணுவப் பிரசன்னத்தைக் குறைத்தல் உட்பட விரிவான பாதுகாப்புத் துறை சீர்திருத்தத்தை மேற்கொள்ளுதல்;

(ஊ ) உள்ளூராட்சிசபைகளில்  பெண்களின் பிரதிநிதித்துவத்திற்கான 25 சதவீத ஒதுக்கீட்டை உறுதிப்படுத்துவது உட்படதேசிய, மாகாண மற்றும் உள்ளூர் மட்டங்களில் பொருளாதார நெருக்கடி தொடர்பாக முடிவெடுப்பது அரசியல் வாழ்வில் பெண்களின் பங்களிப்பை அதிகரிக்க தேவையான அனைத்து நடவடிக்கைகளையும் எடுக்கமேற்கொள்ளவேண்டும்    தேசிய, மாகாண மற்றும் உள்ளூர் மட்டங்களில் பொருளாதார நெருக்கடி தொடர்பாக முடிவெடுப்பது உட்பட,, தீங்கு விளைவிக்கும் ஸ்டீரியோடைப்களை எதிர்த்துப் போராடுதல் மற்றும் அரசியல் ரீதியாக செயற் படும் பெண்களை துன்புறுத்தல் மற்றும் வன்முறையிலிருந்து பாதுகாத்தல்;

(எச்) விசாரணைஆணைக்குழுக்களின்  அறிக்கைகள் உட்பட, கடந்த கால மீறல்கள் தொடர்பான பொதுவான  தகுந்த ஆவணங்கள் மற்றும் அரசின் காவலில் வைக்கப்பட்டவர்கள்  பற்றிய ஆவணங்கள்;

(எ ) 51/1 தீர்மானத்தின் கீழ் உள்ள ஆணைக்கு இணங்க, தொடர்புடைய தகவல்கள் மற்றும் ஆதாரங்களைப் பகிர்ந்துகொள்வது மற்றும்உயர் ஸ்தானிகர்அலுவகத்தை   இலங்கைக்கு வர அனுமதிப்பது உட்பட, பொறுப்புக்கூறல் தொடர்பான பணிகளை முன்னெடுப்பது தொடர்பாக உயர் ஸ்தானிகர்  உடன் ஈடுபட்டு ஒத்துழைக்கவும்;

(ஏ ) தொல்லியல், வனவியல், நீர்ப்பாசனம் மற்றும் நிலத் தகராறுகளில் தொடர்ந்து தொடர்புடைய ஏனைய  சேவைகளைக் கையாளும்திணைக்களங்களின்  நடைமுறைகளை மதிப்பாய்வு செய்யவும். பாரபட்சமற்ற மற்றும் வெளிப்படையானமுறையில்  நில தகராறுகளை தீர்ப்பது, குறிப்பாக சமூகங்களுக்கு இடையேயான / மதங்களுக்கு இடையேயான அம்சம் கொண்டவை;

(ஐ ) பயங்கரவாதத் தடைச் சட்டத்தை மாற்றியமைக்கும் புதிய சட்டம் மற்றும்உத்தேச  ஒலி ரப்புசட்டம்  ஊடகங்களை ஒழுங்குபடுத்துவது இலங்கையின் சர்வதேச சட்டக் கடமைகளுக்கு முழுமையாக இணங்குவதை உறுதி செய்தல்; பயங்கரவாதத் தடைச் சட்டத்தைப் பயன்படுத்துவதற்கு கடுமையான தடையை கடைபிடிப்பதுடன், சட்டத்தின் கீழ் நீண்ட காலமாக தடுத்து வைக்கப்பட்டு சிறையில் உள்ளவர்களின் விடுதலையைத் தொடர்ந்து துரிதப்படுத்துதல்;

(ஒ ) மனித உரிமை மீறல்கள் மற்றும் உயிர்த்த  ஞாயிறு குண்டுவெடிப்புகளின் அடையாள வழக்குகளில் விசாரணைகள் மற்றும் வழக்குகளை விரைவுபடுத்துதல், சர்வதேச மனித உரிமைகள் தரநிலைகளுக்கு இணங்க, சர்வதேச உதவியுடன், பாதிக்கப்பட்டவர்கள் மற்றும் அவர்களின் பிரதிநிதிகளின் முழு பங்களிப்பை உறுதி செய்தல்;

(ஓ ) அரசாங்கத்தின் அனைத்து மட்டங்களிலும் சுதந்திரமான மற்றும் நியாயமான தேர்தல்கள் மூலம் அரசியல் பங்கேற்பு மற்றும் வாக்காளர்களின் சுதந்திரமான கருத்துக்கான உரிமையை உறுதி செய்தல்;

(க ) கருத்துச் சுதந்திரம், அமைதியான ஒன்றுகூடல் சுதந்திரம் ஆகியவற்றைத் தேவையற்ற வகையில் கட்டுப்படுத்தும் சட்டப்பூர்வத்தன்மை, அசாதாரணமான  மற்றும் பாரபட்சம்    இல்லாத சட்டங்களை  சர்வதேச மனித உரிமைகள் தேவைகளுக்கு ஏற்ப மதிப்பாய்வு செய்து திருத்தம்செய்தல்

(ஞ ) உயரிஸ்தானிகர் அலுவலக த்தை  அதன் நாட்டில்    அதன்பிரசன்னத்தை  வலுப்படுத்தவும், இலங்கையில் உள்ள அதிகாரிகள் மற்றும் சிவில் சமூகத்திற்கு தொழில்நுட்ப உதவிகளை வழங்கவும் அழைக்கவும்.

. உயர் ஸ்தானிகர் 202155 மற்றும் 202256 இல் மனித உரிமைகள் பேரவை  மற்றும் உறுப்பு நாடுகளுக்கான அறிக்கைகளில் செய்யப்பட்ட பரிந்துரைகளை மீண்டும் வலியுறுத்துகிறார், மேலும் அவை பின்வருமாறு பரிந்துரைக்கின்றன:

(அ) அனைத்து சம்பந் தப் ப்பட்டவர்களின் , குறிப்பாக பாதிக்கப்பட்டவர்களின் கருத்துக்களை கணக்கில் எடுத்துக்கொண்டு, பயனுள்ள மற்றும் அர்த்தமுள்ள நிலைமாறுகால நீதி செயல்முறைகளுக்கு அடித்தளத்தை அமைப்பதற்கு உதவும் சூழலை உருவாக்க உதவும் நடவடிக்கைகளுக்கு முன்னுரிமை அளிப்பது;

(ஆ) சர்வதேச நெறிமுறைகள் மற்றும் தரநிலைகளுக்கு இணங்குவதற்கும் பாதிக்கப்பட்டவர்கள் மற்றும் பாதிக்கப்பட்ட சமூகங்களின் தேவைகள், முன்னுரிமைகள் மற்றும் எதிர்பார்ப்புகளை கணக்கில் எடுத்துக்கொள்வதற்கும் இடைக்கால நீதி நடவடிக்கைகளை ஆதரித்தல்;

இ) இலங்கையில் அனைத்துத் தரப்பினராலும் இழைக்கப்பட்ட சர்வதேச குற்றங்களைச் செய்ததாகக் கூறப்படும் குற்றவாளிகளை விசாரிப்பதற்கும் விசாரணை செய்வதற்கும், தேசிய அதிகார வரம்புகளில் நீதித்துறை நடவடிக்கைகள் மூலம், தொடர்புடைய சர்வதேச வலைப்பின்னல்கள் மூலமாகவும் பாதிக்கப்பட்டவர்கள் மற்றும் அவர்களது பிரதிநிதிகளுடன் ஒத்துழைப்பதில் ஒத்துழைக்கவும்;

(ஈ)  சர்வதேச மனித உரிமை மீறல்கள் அல்லது கடுமையான மனிதாபிமான சட்ட மீறல்களைச் செய்ததாக நம்பத்தகுந்த வகையில் குற்றம் சாட்டப்பட்டவர்களுக்கு எதிராக சொத்து முடக்கம் மற்றும் பயணத் தடைகள் போன்ற மேலும் இலக்கு விதிக்கப்பட்ட தடைகளை ஆராயவும்;

(இ) மனித உரிமைகள் மீது தாக்கத்தை ஏற்படுத்தும் பொருளாதாரக் குற்றங்களை விசாரிப்பதிலும், திருடப்பட்ட சொத்துக்களைக் கண்டறிதல், மீட்பது மற்றும் திரும்பப் பெறுதல் மற்றும் திரும்பிய சொத்துக்கள் பொறுப்புக்கூறல், வெளிப்படையான மற்றும் பங்கேற்பு முறையில் பங்களிக்கப்படுவதை உறுதி செய்வதில் இலங்கைக்கு ஆதரவு மனித உரிமைகளை உணர்தல்.

67. உயர் ஸ்தானிகர் இலங்கையில் செயற்படும் அனைத்து ஐ. நா. முகவர் நிலையங்களுக்கும், நிதி மற்றும் திட்டங்களுக்கும் மற்றும் சர்வதேச நிதி நிறுவனங்களுக்கு அவர்கள் பரிந்துரை செய்கிறார்:

.(அ) பொருளாதார, சமூக மற்றும் கலாசார உரிமைகள் தொடர்பான இலங்கையின் சர்வதேச மனித உரிமைக் கடமைகளை கணக்கில் எடுத்துக்கொண்டு, ஆதரவுத் திட்டங்களை பேச்சுவார்த்தை நடத்தும் போது அல்லது செயல்படுத்தும் போது பொறுப்புக்கூறல், ஆளுகை மற்றும் பன்முகத்தன்மை ஆகிய பிரச்சினைகளுக்கு விசேட   கவனம் செலுத்துங்கள்;

(ஆ) சர்வதேச தரநிலைகள் மற்றும் மனித உரிமைகள் பேரவையின் தீர்மானங்களுக்கு இணங்க நிலைமாறுகால நீதி மற்றும் நல்லிணக்க நடவடிக்கைகளை வடிவமைத்து செயல்படுத்துவதற்கு ஆதரவு;

(இ) இலங்கையில் நடந்துள்ள மீறல்கள் மற்றும் தொடர்புடைய குற்றங்கள் தொடர்பாக ஐ.நா. அமைப்பில் உள்ள பொருட்களுக்கு உயர் ஸ்தானி கர்  அலுவலகம் முழு அணுகலை வழங்குவது உட்பட, இலங்கையில் பொறுப்புக்கூறல் தொடர்பானஉயர் ஸ்தானிகர்அலுவலக  பணிகளுடன் பரந்த ஒத்துழைப்பையும் ஈடுபாட்டையும் உறுதி செய்தல்.

மனித உரிமைகள் பேரவை தொடர்ந்து முன்னேற்றங்களை உன்னிப்பாகக் கண்காணிக்க வேண்டும் என்றும்  உயர்ஸ்தானிகர் பரிந்துரைக்கிறார்.

https://thinakkural.lk/article/272364

2009 ம் ஆண்டு நடந்த போர்க்குற்றங்களுக்கு நடவடிக்கை எடுத்து சம்பந்தப்பட்டவர்கள் தண்டிக்கப்பட்டிருந்தால் 2019 ம் ஆண்டு  உயிர்த்த ஞாயிறு குண்டுத்தாக்குதலை  தவிர்த்திருக்கலாம். இவர்களின் அறிக்கைகளும் அழுத்தங்களும் பாராட்டுகளும் உதவிகளும் இன்னும் வன்முறைகளும் அழிவுகளும் ஏற்பட காரணமாகுமேயொழிய பாதிக்கப்பட்ட மக்களுக்கு எதையும் பெற்றுத்தரப்போவதில்லை. அவர்களும் கூடிக் கதைக்க ஏதாவதுவிஷயம் இருக்க வேண்டுமே.